“ತುಳುವ ಮಹಾಸಭೆ ಇಂಟರ್‌ನ್ಯಾಷನಲ್‌ದ ರಾಜ್ಯ ಗುರ್ಕಾರೆ ಆದ್ ದೇವೇಂದ್ರ ಹೆಗ್ಡೆ ಕೊಕ್ರಾಡಿ ನೇಮಕ”

ಕುಡ್ಲ : ತುಳುವ ಮಹಾಸಭೆ ಇಂಟರ್‌ನ್ಯಾಷನಲ್ ಕೂಟದ ಕರ್ನಾಟಕ ರಾಜ್ಯ ಗುರ್ಕಾರೆ ಆದ್
ದೇವೇಂದ್ರ ಹೆಗ್ಡೆ ಕೊಕ್ರಾಡಿ ಬೆಂಗಳೂರು ಮೇರ್ ನೇಮಕ ಆತೆರ್.
1928 ನೇ ಇಸ್ವಿಡ್ ಸ್ಥಾಪನೆ ಆದ್ 2028ನೇ ಇಸ್ವಿಡ್ ನೂದು ವರ್ಷದ ಸಂಬ್ರುಮೊ ಆಚರಿಪುನ ಐತಿಹಾಸಿಕ “ತುಳುವ ಮಹಾಸಭೆ”ತ್ತ ಜಾಗತಿಕ ಸಂಘಟನೆ ಆದುಪ್ಪುನ ತುಳುವ ಮಹಾಸಭೆ ಇಂಟರ್‌ನ್ಯಾಷನಲ್ ‌ದ ಕರ್ನಾಟಕ ರಾಜ್ಯ ಮಟ್ಟದ ಸಂಘಟನೆನ್ ನನಾತ್ ಗಟ್ಟಿ ಮಲ್ಪುನ ಉದ್ದೇಶಡ್ ದೇವೇಂದ್ರ ಹೆಗ್ಡೆರೆನ್ ಕೇಂದ್ರೀಯ ಸಮಿತಿ ತಾತ್ವಿಕವಾದ್ ನೇಮಕ ಮಲ್ದ್ಂಡ್.
ತುಳು ಭಾಷೆ, ಸಂಸ್ಕೃತಿ, ಪರಂಪರೆ ಬೊಕ್ಕ ಸಮಾಜಸೇವಾ ಕ್ಷೇತ್ರಡ್ ಸಕ್ರಿಯವಾದುಪ್ಪುನ ಹೆಗ್ಡೆರ್‌ನ ಅಮೂಲ್ಯ ಸೇವೆ, ನಾಯಕತ್ವ ಗುಣ ಬೊಕ್ಕ ಸಂಘಟನೆದ ಚಾತುರ್ಪುನು ತೂದು ಕರ್ನಾಟಕ ರಾಜ್ಯದ ಗುರ್ಕಾರೆ ಆದ್ ನೇಮಕ ಮಲ್ತ್‌ದ ಪಂದ್
ತುಳುವ ಮಹಾಸಭೆ ಇಂಟರ್ನ್ಯಾಷನಲ್ ಅಂತರರಾಷ್ಟ್ರೀಯ ಗುರ್ಕಾರೆ ಸರ್ವೋತ್ತಮ ಶೆಟ್ಟಿ, ಕೇಂದ್ರೀಯ ಸಮಿತಿದ ಗುರ್ಕಾರೆ ಡಾ. ಅವಿನ್ ಬಿ. ಆರ್. ಆಳ್ವ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.