ಜೈ ತುಲುನಾಡ್ ದ ತುಲು ಸಾಹಿತ್ಯ ಕೂಟದ ಬರವುದ ಬಿತ್ತ್ ಲ್ ಉದಿಪನ ಲೇಸ್ ಜ.18 ಐತಾರ ಬಟ್ಟಕೋಡಿ ಪೆಟ್ರೋಲ್ ಪಂಪ್ ದ ಕೈತಲ್ ಕಿನ್ನಿಗೋಳಿ ರೋಟರಿ ಭವನಡ್ ನಡಪರೆ ಉಂಡು.
ಈ ಲೇಸ್ ದ ಗುರ್ಕಾರ್ಮೆನ್ ಜೈ ತುಲುನಾಡ್ ದ ಗುರ್ಕಾರ್ಲು ಉದಯ ಪೂಂಜ ತಾರಿಪಾಡಿಗುತ್ತು ಒಯಿಸೊನುವೆರ್. ಲೇಸ್ ದ ಉದಿಪನನ್ ಕಿನ್ನಿಗೋಳಿ ರೋಟರಿ ಕ್ಲಬ್ ದ ಗುರ್ಕಾರ್ಲು ರೋ. ಸಾಯಿನಾಥ್ ಶೆಟ್ಟಿ ಮುಂಡೇರ್ ಮಲ್ಪುವೆರ್.
ಮಲ್ಲಬಿನ್ನೆರಾದ್ ತಾಲೂಕ್ ಪಂಚಾಯಿತಿದ ಮಾಜಿ ಪದುಕೆರ್ ದಿವಾಕರ ಕರ್ಕೇರ, ಕಾಸ್ರೋಡು ಎಗ್ಗೆದ ಜೈ ತುಲುನಾಡ್ ದ ಮಾಜಿ ಗುರ್ಕಾರ್ದಿ, ಪೆರಿಯ ಸಾಹಿತಿ ಕುಶಲಾಕ್ಷಿ ವಿ ಕಣ್ವತೀರ್ಥ, ಮುಲ್ಕಿ ತಾಲೂಕ್ ಕ ಸಾ ಪ ದ ಗುರ್ಕಾರ್ಲು ಮಿಥುನ್ ಉಡುಪ, ತಾಳಿಪಾಡಿ ಗುತ್ತುದ ಸುಕುಮಾರ್ ಎನ್ ಶೆಟ್ಟಿ, ಕಟೀಲ್ ಕನ್ಸ್ಟ್ರಕ್ಷನ್ ದ ಮಾಲಕೆರ್ ಅಭಿಲಾಷ್ ಶೆಟ್ಟಿ ಕಟೀಲ್ ಪಾಲ್ ಪಡೆಯೆರೆ ಉಲ್ಲೆರ್. ಬೊಕ್ಕ ಜೈ ತುಲುನಾಡ್ ತುಲು ಸಾಹಿತ್ಯ ಕೂಟದ ಬರವುದ ಬಿತ್ತ್ ಲ್ ದ ನಿಯೋಜಿತ ಗುರ್ಕಾರ್ದಿ ಸವಿತಾ ಕರ್ಕೇರಾ ಒತ್ತುಪಾಲ್ ಪಡೆಯೆರೆ ಉಲ್ಲೆರ್.
ಈ ಲೇಸ್ ನ್ ರೇಣುಕಾ ಕಾಣಿಯೂರು ಸುಧಾರಿಕೆ ಮಲ್ಪೆರೆ ಉಲ್ಲೆರ್.