ನ್ಯಾಯಬದ್ಧವಾದ್ ಓಟು ನಡಪುಲೆಕ ಕರ್ತವ್ಯ ಮಲ್ಪುಲೆ: ಡಾ. ಚೂಂತಾರು

ಗೃಹರಕ್ಷಕ ದಳತ್ತ ಸಮಾದೇಷ್ಟೆರ್ ಸುಬ್ರಮಣ್ಯ ಘಟಕಗ್ ಭೇಟಿ

ಜಿಲ್ಲಾ ಗೃಹರಕ್ಷಕ ದಳತ್ತ ಸಮಾದೇಷ್ಟರಾಯಿನ ಡಾ| ಮುರಲೀ ಮೋಹನ್ ಚೂಂತಾರು ಮೇರ್ ಸುಬ್ರಮಣ್ಯ ಘಟಕಗ್ ಮಾ.31 ಐತಾರ ಭೇಟಿ ಕೊರ್ದು ಗ್ರಹ ರಕ್ಷಕೆರೆನ ಕಷ್ಟಸುಖನ್ ವಿಚಾರಣೆ ಮಲ್ತೊಂಡೆರ್.

2024ತ್ತ ಲೋಕಸಭೆ ವೋಟುದ ಕರ್ತವ್ಯಗ್ ಗೃಹರಕ್ಷಕೆರೆನ್ ನಿಯೋಜನೆ ಮಲ್ಪುನ ಬಗೆಟ್ಟ್ ಬೊಕ್ಕ ನಿಷ್ಕ್ರಿಯ ಆಯಿನ ಗೃಹರಕ್ಷಕೆರೆನ್ ಮನವೊಲಿಸಾದ್ ವೋಟುಗು ನಿಯೋಜನೆ ಮಲ್ಪುನ ಬಗೆಟ್ಟ್ ಚರ್ಚೆ ಮಲ್ತೆರ್.

ಈ ಪೊರ್ತುಡು ಪ್ರತಿಯೊರಿ ಗೃಹರಕ್ಷಕೆರ್ ವೋಟುದ ಕರ್ತವ್ಯನ್ ನಿರ್ವಹಿಸಾವೊಡು ಬೊಕ್ಕ ವೋಟುದ ಕರ್ತವ್ಯ ನಿರ್ವಹಿಸಾವುನ ಗೃಹರಕ್ಷಕೆರ್ ಅಂಚೆ ಮುಕೇನ ವೋಟು ಮಲ್ಪೆರೆ ವೋಟುದ ಐಡಿನ್ ಬೊಕ್ಕ ಭಾಗ ಸಂಖ್ಯೆನ್ ಘಟಕಾಧಿಕಾರಿಲೆಡ ಕೊರ್ಪುಲೆಕ್ಕ ಆದೇಶ ಮಲ್ತೆರ್.

ಈ ಪೊರ್ತುಡು ಸುಬ್ರಮಣ್ಯ ಘಟಕದ ಪ್ರಭಾರ ಘಟಕಾಧಿಕಾರಿ ಹರಿಶ್ಟಂದ್ರ ಬೊಕ್ಕ ಸುಬ್ರಮಣ್ಯ ಘಟಕದ 30 ಗೃಹರಕ್ಷಕೆರ್ ಪಾಲ್ ಪಡೆದಿತ್ತೆರ್.