ಸುಬ್ರಹ್ಮಣ್ಯ: ಕುಕ್ಕೆ ಸುಬ್ರಹ್ಮಣ್ಯದ ದೇವರಗದ್ದೆ ಅಗರಿಕಜೆ ಶ್ರೀ ನಾಗಬ್ರಹ್ಮ ಆದಿ ಮೊಗೇರ್ಕಳ ಬೊಕ್ಕ ಶ್ರೀ ಸ್ವಾಮಿ ಕೊರಗಜ್ಜ ದೈವಸ್ಥಾನದ ಪ್ರತಿಷ್ಠಾ ವಾರ್ಷಿಕೋತ್ಸವ ಬೊಕ್ಕ ದೈವದ ನೇಮೋತ್ಸವ ಇಂಚಿಪ್ಪಗ್ ನಡತ್ಂಡ್.
ಪ್ರತಿಷ್ಠಾ ವಾರ್ಷಿಕೋತ್ಸವದ ಮಹಾಗಣಪತಿ ಹೋಮ, ದೈವಲೆಗ್ ಕಲಶಾಭಿಷೇಕ, ತಂಬಿಲ, ಮಹಾಪೂಜೆ, ಪ್ರಸಾದ ವಿತರಣೆ ಬೊಕ್ಕ ಅನ್ನ ಸಂತರ್ಪಣೆ ನಡತ್ಂಡ್.
ರಾತ್ರಿ ಆದಿ ಮೊಗೇರ್ಕಳರು ಗರಡಿ ಜತ್ತ್ ದ್ ಬೊಕ್ಕ ಆದಿ ಮೊಗೇರ್ಕಳ ರಂಗಸ್ಥಳಟ್ಟ್ ನರ್ತನ ಸೇವೆ ನಡತ್ಂಡ್.
ಶುಕ್ರವಾರ ಕಾಂಡೆ ಕಾರಣಿಕ ಶ್ರೀ ಸ್ವಾಮಿ ಕೊರಗಜ್ಜ ದೈವದ ನೇಮೋತ್ಸವ ನಡತ್ಂಡ್. ಬೊಕ್ಕ ನರ್ತನ ಸೇವೆ ನಡತ್ಂಡ್. ಈ ಪೊರ್ತುಡು ಶ್ರೀ ದೈವಗ್ ಎಚ್ಚಿನ ಸಂಖ್ಯೆಡ್ ಭಕ್ತೆರ್ ಚಕ್ಕುಲಿ ಹಾರ, ಬಚ್ಚಿರೆದ ಮಾಲೆ, ಕೇಪುಲ ಪೂತ್ತ ಮಾಲೆ, ಕೊರಿಯೆರ್. ಬೇತೆ ಬೇತೆ ಕಡೆರ್ದ್ ಭಕ್ತೆರ್ ಮಸ್ತ್ ಸಂಖ್ಯೆಡ್ ಪಾಲ್ ಪಡೆದಿತ್ತೆರ್.
pallavi shetty