ಚಂದ್ರಯಾನ-3 ಯಶಸ್ವಿ ಆಯಿನೆಕ್ಕ್ ಬಾರಿ ಖುಷಿ ಆತ್ಂಡ್ ಪಂದ್ ಮೋದಿ ಪಂಡೆರ್. ಇಸ್ರೋದ ಆಫೀಸ್ ಡ್ ಉದ್ದೇಶಿಸಾದ್ ಪಾತೆರ್ನ ಮೋದಿ ವಿಜ್ಞಾನಿಲೆನ ಸಾಧನೆಗ್ ಸೆಲ್ಯೂಟ್, ನಿಕ್ಲೆನ ಕೆಲಸಗ್ ಸೆಲ್ಯೂಟ್, ನಮ್ಮ ವ್ಯಜ್ಞಾನಿಕ ಸಾಧನೆ, ದೇಶದ ಘನತೆನ್ ಎತ್ತರೊಗು ರಾಪಾಯಿನೆಕ್ಕ್ ಸೊಲ್ಮೆಲು. ಇತ್ತೆ ಭಾರತ ಚಂದ್ರನ ಮಿತ್ತ್ ಉಂಡು ಪಂಡೆರ್.
ಚಂದ್ರನ ಮಿತ್ತ್ ವಿಕ್ರಮ್ ಲ್ಯಾಂಡರ್ ಜತ್ತಿನ ಜಾಗೆನ್ ‘ ಶಿವಶಕ್ತಿ’ ಪಾಯಿಂಟ್ ಪಂದ್ ಆರ್ ಘೋಷಣೆ ಮಲ್ತೆರ್. ಶಿವಶಕ್ತಿ ಪಂಡ ಅಭಿವೃದ್ಧಿದ ಸಂಕೇತ. ಚಂದ್ರಯಾನ -2 ಜತ್ತಿನ ಜಾಗೆನ್ ‘ತಿರಂಗಾ’ ಪಾಯಿಂಟ್ ಪಂದ್ ಪ್ರಕಟ ಮಲ್ತೆರ್. ತಿರಂಗಾ ಪಾಯಿಂಟ್ ಭಾರತದ ಸಾಧನೆದ ಪ್ರತೀಕ ಆಂತ್ ಡ್ ಪಂದ್ ಪ್ರಧಾನಿ ಮೋದಿ ಪಂಡೆರ್.
pallavi shetty