ಇನಿ ಸೌಜನ್ಯಗ್ ನ್ಯಾಯ ಕೊರ್ಪಾವರೆ ಬಪ್ಪನಾಡ್ ಡ್ ಪ್ರಾರ್ಥನೆ, ಮುಲ್ಕಿಡ್ ಮಲ್ಲ ಪ್ರತಿಭಟನೆ

ಮುಲ್ಕಿ: ಮುಲ್ಕಿ ತಾಲ್ಲೂಕು ಸೌಜನ್ಯ ಹೋರಾಟ ಸಮಿತಿದ ನಿರೆಲ್ ಡ್ ಆ. 24 ಗುರುವಾರ ಮಧ್ಯಾಹ್ನ 3.30 ಗಂಟೆಗ್ ಸೌಜನ್ಯ ಪ್ರಕರಣದ ತನಿಖೆಗಾದ್ ಮುಲ್ಕಿಡ್ ಮಲ್ಲ ಮಟ್ಟ್ ದ ಪ್ರತಿಭಟನೆ ನಡಪರೆ ಉಂಡು.

ಸೌಜನ್ಯ ಪರ ಹೋರಾಟ ಸಂಘಟನೆ ಮಲ್ತಿನ ಮಹೇಶ್ ಶೆಟ್ಟಿ ತಿಮರೋಡಿ ಬೊಕ್ಕ ಪ್ರಮೋದ್ ಮುತಾಲಿಕ್ ಪಾಲ್ ಪಡೆವೆರ್.

ಮುಲ್ಕಿ ಸೀಮೆದ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಡ್ ಮಧ್ಯಾಹ್ನ 3.30 ಗು ಸೌಜನ್ಯ ಕೇಸ್ ದ ಆರೋಪಿಲೆಗ್ ಸೂಕ್ತ ಶಿಕ್ಷೆ ಕೊರ್ಪುನಂಚ ವಿಶೇಷ ಪ್ರಾರ್ಥನೆ ಮಲ್ಪರೆ ಉಂಡು ಪಂದ್ ಸಾಮಾಜಿಕ ಕಾರ್ಯಕರ್ತೆರ್ ನವೀನ್ ಪುತ್ರನ್ ತೆರಿಪಾದೆರ್.

ಸೌಜನ್ಯ ನ ಇಲ್ಲದಕ್ಲೆಗ್ ನ್ಯಾಯ ತಿಕ್ಕೊಡಾಂಡ ಸಂಘಟನಾತ್ಮಕ ಹೋರಾಟ ಅಗತ್ಯ ಪಂದ್ ಪಂಡಿನ
ಮುಲ್ಕಿ ನಗರ ಪಂಚಾಯತ್ ಸದಸ್ಯೆರ್ ಹರ್ಷರಾಜ ಶೆಟ್ಟಿ, ಪ್ರತಿಭಟನೆ ಡ್ ಒವ್ವೆ ಸಂಘ-ಸಂಸ್ಥೆ, ದೇವಸ್ಥಾನದ ಬೊಕ್ಕ ವೈಯಕ್ತಿಕ ತೇಜೋವಧೆಗೆ ಅವಕಾಶ ಇಜ್ಜಿ. ಬಾಲೆ ಸೌಜನ್ಯಗ್ ನ್ಯಾಯ ತಿಕ್ಕರೆ ಒಗ್ಗಟ್ಟಾದ್ ಸಮಿತಿ ಮಲ್ಪುಗ ಪಂಡೆರ್.
ಈ ಹೋರಾಟಗ್ ಮಸ್ತ್ ಸಂಘಟನೆದಕುಲು ಬೆರಿಬಲ ಕೊರ್ತೆರ್. ಭಾರಿ ಸಂಖ್ಯೆಡ್ ಜನ ಸೇರುನ ನಿರೀಕ್ಷೆ ಉಂಡು ಪಂದ್ ತೆರಿದ್ ಬೈದ್ಂಡ್.