ಕೆಂಪುಕೋಟೆಡ್ 10 ನೇ ಸರ್ತಿಗ್ ರಾಷ್ಟ್ರ ಕೊಡಿನ್ ರಾಪಾಯಿನ ಪ್ರಧಾನಿ ಮೋದಿ

ಡೆಲ್ಲಿ: 77ನೇ ವರ್ಷದ ಸ್ವಾತಂತ್ರ್ಯೋತ್ಸವದ ಅಂಗವಾದ್ ಪ್ರಧಾನಿ ನರೇಂದ್ರ ಮೋದಿ ಮೇರ್ ಇನಿ ಡೆಲ್ಲಿದ ಕೆಂಪುಕೋಟೆಡ್ ರಾಷ್ಟ್ರ ಕೊಡಿನ್ ರಾಪಾಯೆರ್.

ಪ್ರಧಾನ ಮಂತ್ರಿಯಾದ್ ನರೇಂದ್ರ ಮೋದಿ 10 ನೇ ಸರ್ತಿ ಕೆಂಪುಕೋಟೆಡ್ ಕೊಡಿನ್ ರಾಪಾದೆರ್.

ಕೆಂಪು ಕೋಟೆಗ್ ಬತ್ತಿನ ಪ್ರಧಾನಿ ಮೋದಿನ್ ರಕ್ಷಣಾ ಸಚಿವೆರ್ ರಾಜನಾಥ್ ಸಿಂಗ್, ರಕ್ಷಣಾ ರಾಜ್ಯ ಮಂತ್ರಿ ಅಜಯ್ ಭಟ್ ಬೊಕ್ಕ ರಕ್ಷಣಾ ಕಾರ್ಯದರ್ಶಿ ಗಿರಿಧರ್ ಅರಮನೆ ಮೊಕುಲು ಎದ್ಕೊನಿಯೆರ್.

ಪ್ರಧಾನಿ ಮೋದಿ ಟ್ವೀಟ್:

“ಸ್ವಾತಂತ್ರ್ಯ ದಿನತ್ತ ಎಡ್ಡೆಪ್ಪುಲು. ನಮ್ಮ ಮಹಾನ್ ಸ್ವಾತಂತ್ರ್ಯ ಹೋರಾಟಗಾರೆರೆಗ್ ನಮ ಗೌರವ ಸಂದಾವ. ಬೊಕ್ಕ ಅಕ್ಲೆನ ಆಸೆನ್ ಮಲ್ಪಾದ್ ಕೊರ್ಪಿನ ನಮ್ಮ ಬದ್ಧತೆನ್ ನೆಂಪು ಮಲ್ತೊನುವ. ಜೈ ಹಿಂದ್!” ಪಂದ್ ಪ್ರಧಾನಿ ಮೋದಿ ಟ್ವೀಟ್‌ ಮಲ್ದೆರ್.