ಶ್ರೀ ಕ್ಷೇತ್ರ ನಂದಿಕೇಶ್ವರ ದೇವಸ್ಥಾನಡ್ ಶ್ರೀ ವರಮಹಾಲಕ್ಷ್ಮೀ ವೃತ ಪೂಜೆ

ಬೊಳ್ತೆರ್: ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಎ ಬೊಕ್ಕ ಬಿ ಒಕ್ಕೂಟದ ನಿರೆಲ್ಡ್ 19 ನೇ ವರ್ಸದ ಶ್ರೀ ವರಮಹಾಲಕ್ಷ್ಮೀ ವೃತ ಪೂಜೆ ಆ.25 ಸುಕ್ರವಾರ ದಾನಿ ದೇವಸ್ಥಾನದ ವಠಾರಡ್ ನಡಪೆರೆ ಉಂಡು.

ಬ್ರಹ್ಮಶ್ರೀ ಕೊಯ್ಯೂರು ನಂದಕುಮಾರ ತಂತ್ರಿ ಲೆನ ಮುತಾಲಿಕೆಡ್ ಬೊಲ್ಪುಗ್ 9 ಗಂಟೆರ್ದ್ ಮದ್ಯಾಹ್ನ 1 ಗಂಟೆ ಮುಟ ಶ್ರೀ ವರಮಹಾಲಕ್ಷ್ಮೀ ವೃತ ನಡಪೆರೆ ಉಂಡು.

ಪೂಜೆಗ್ ಬರ್ಪಿನಕುಲ್ 1 ಸೇರ್ ಬೊಳಂತರಿ, 2 ತಾರಾಯಿ, ಬಚ್ಚಿರೆ 1 ಕವಲೆ, ಬಜೈ 2, ಬಾರೆದ ಇರೆ 10 ತುಂಡ್, ತುಳಸಿ, ಪೂ ಪಿಂಗಾರ, ಜಲಪಾತ್ರೆ, ಚಮಚ ಅಂಚನೆ 200ರೂ ಕೊರ್ದ್ ರಸೀದಿ ಮಲ್ತ್ ದ್ 9 ಗಂಟೆದ ಉಲಾಯಿ ಕ್ಷೇತ್ರಡ್ ಇಪ್ಪೊಡು ಪಂದ್ ಆಡಳಿತ ಮಂಡಳಿ ದಕುಲ್ ತೆರಿಪಾದೆರ್.