ಪತ್ತೂರುದ ದೇವೆರ್ ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವೆರೆಗ್ ಬಂಗಾರ್ದ ಅಭಿಷೇಕ

ಪುತ್ತೂರ್: ಪುಗರ್ತೆದ ಮಹತೋಭಾರ ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ಧನುರ್ಮಾಸ ಮುಗಿದ್ ಉತ್ತರಾಯಣ ಪ್ರವೇಶದ ಪುಣ್ಯಕಾಲ ಮಕರ ಸಂಕ್ರಮಣದ ಇನಿ ಬೊಲ್ಪುಗು ಅಯ್ಯಪ್ಪ ದೇವೆರೆನ ಸನ್ನಿಧಿಡ್ ಪೂಜೆ, ಅಭಿಷೇಕಲು, ಮಹಾಲಿಂಗೇಶ್ವರ ದೇವೆರೆಗ್ ರಾತ್ರೆ ಪೂಜೆದ ಬೊಕ್ಕ ಬಲಿ ಉಚ್ಚಯದ ಅಕೇರಿದ ಸುತ್ತುಡು ಪೂರ್ವಶಿಷ್ಟ ಪದ್ಧತಿದಂಚನೆ ಶ್ರೀ ದೇವೆರೆಗ್ ಬಂಗಾರ್ದ್ (ಕನಕ)ಅಭಿಷೇಕ ನಡತ್ಂಡ್.

ಶ್ರೀ ಅಯ್ಯಪ್ಪ ದೇವೆರೆನ ಸನ್ನಿಧಿಡ್ ಬೊಲ್ಪುಗು ಗಂಟೆ 7-30ರ್ದ್ ಗಣಪತಿ ಹವನ, ಮಧ್ಯಾಹ್ನ ಗಂಟೆ 10-30ರ್ದ್ ಅಭಿಷೇಕಲು ಬೊಕ್ಕ 11-30 ಗಂಟೆಗ್ ಮಹಾಪೂಜೆ ನಡತ್ಂಡ್. ನನ ರಾತ್ರೆ ಮಹಾಲಿಂಗೇಶ್ವರ ದೇವೆರೆಗ್ ಪೂಜೆರ್ದ್ ಬೊಕ್ಕ ಬಲಿ ಉಚ್ಚಯದ ಅಕೇರಿದ ಸುತ್ತುಡು ಕನಕಾಭಿಷೇಕ ನಡಪರೆ ಉಂಡು. ಅರಸೊತ್ತಿಗೆದ ಪೊರ್ತುಡು ಅರಸರೇ ಈ ಕಾರ್ಯ ಮಲ್ಪುವೆರ್. ಇತ್ತೆದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಕೇಶವಪ್ರಸಾದ್ ಮುಳಿಯ ಮೇರ್ ಕನಕಾಭಿಷೇಕ ನಡಪಾದ್ ಕೊರಿಯೆರೆ ಉಲ್ಲೆರ್.