ಸುರತ್ಕಲ್ : ರಾಜ್ಯದ ಸುರುತ್ತ ಹೈಟೆಕ್ ಬಸ್ ನಿಲ್ದಾಣನ್ ಗೋವಿಂದ ದಾಸ್ ಕಾಲೇಜಿದ ಎದುರು ಕುಡ್ಲ ಉತ್ತರ ಕ್ಷೇತ್ರದ ಶಾಸಕೆರ್ ಡಾ. ವೈ. ಭರತ್ ಶೆಟ್ಟಿ ಜ.2 ಕ್ಕ್ ಉದಿಪನ ಮಲ್ತೆರ್.
ಅಯಿರ್ದ್ ಬೊಕ್ಕ ಪಾತೆರಿನ ಆರ್, “ಸ್ಮಾರ್ಟ್ & ಡಿಜಿಟಲ್ ಸುರತ್ಕಲ್” ಯೋಜನೆದಂಚ ಈ ಬಸ್ ನಿಲ್ದಾಣ ಲೋಕಾರ್ಪಣೆ ಆತ್ಂಡ್. ನೆತ್ತ ಉಲಯಿ ಪರ್ಪಿನ ನೀರ್, ಸಿಸಿ ಕ್ಯಾಮರಾ ವ್ಯವಸ್ಥೆ ಸೇರಿನಂಚನೆ ಬೇತೆ ಬೇತೆ ರೀತಿದ ವ್ಯವಸ್ಥೆನ್ ಮಲ್ತ್‌ದ ಪಂದ್ ಆರ್ ಪಂಡೆರ್.
ಈ ಪೊರ್ತುಡು ಕುಡ್ಲದ ಮೇಯರ್ ಜಯಾನಂದ ಅಂಚನ್, ಮೂಡಾ ಅಧ್ಯಕ್ಷೆರ್ ರವಿಶಂಕರ್ ಮಿಜಾರ್, ಅಗರಿ ಎಂಟರ್ ಪ್ರೈಸಸ್ ದ ಧಣಿ ಅಗರಿ ರಾಘವೇಂದ್ರ ರಾವ್ ಸೇರಿನಂಚನೆ ಮಸ್ತ್ ಜನ ಬಿನ್ನೆರ್ ಇತ್ತೆರ್.
Editorial