ಆ.2 ಬೊಕ್ಕ 3 ಕ್ಕ್ ಫಾದರ್ ಮುಲ್ಲರ್ ವೈದ್ಯಕೀಯ ಕಾಲೇಜ್ಡ್ ಫಿಸಿಯೋಸಿಮ್ ಕಾನ್ 2022

ಆ.2 ಬೊಕ್ಕ 3 ಕ್ಕ್ ಫಾದರ್ ಮುಲ್ಲರ್ ವೈದ್ಯಕೀಯ ಕಾಲೇಜ್ಡ್ ಫಿಸಿಯೋಸಿಮ್ ಕಾನ್ 2022

ಕುಡ್ಲ : ಫಾದರ್ ಮುಲ್ಲರ್ ಚಾರಿಟೇಬಲ್ ಇನ್‌ಸ್ಟಿಟ್ಯೂಶನ್ಸ್ ಮುತಾಲಿಕೆಡ್ ಬೇತೆ ಬೇತೆ ಸಹ ಸಂಸ್ಥೆದ ಒಟ್ಟು ಸೇರಿಗೆಡ್ ಫಿಸಿಯೋಥೆರಪಿ ವಿಭಾಗದ ಮುಖೇನ ಆಗಸ್ಟ್ 2 ಬೊಕ್ಕ 3 ತಾರಿಕ್ ಗ್ ದೇಶಡೇ ಸುರುತ ಸಲ ಫಿಸಿಯೋಥೆರಪಿದ ಅಂತರ್‌ ರಾಷ್ಟ್ರೀಯ ಸಮ್ಮೇಳನ ‘ಪಿಸಿಯೋಸಿಮ್‌ಕಾನ್-2022’ ಅಟ್ಟನೆ ಮಲ್ದೆರ್ ಪಂದ್ ಫಾದರ್ ಮುಲ್ಲರ್ ಸೇವಾ ಸಂಸ್ಥೆ ದ ನಿರ್ದೇಶಕ ವಂ.ರಿಚರ್ಡ್ ಅಲೋಶಿಯಸ್ ಕುಯೆಲ್ಲೊ ಪಂಡೆರ್ .
ಯು.ಕೆ. ಸೌತಾಂಪ್ಟನ್ ಯುನಿರ್ವಸಿಟಿದ ಸಂಪನ್ಮೂಲ ವ್ಯಕ್ತಿ ಡಾ.ಡೆಬ್ಬಿಥ್ಯಾಕ್ ರೆ ದಿಕ್ಸೂಚಿ ಭಾಷಣ ಮಲ್ಪರೆ ಉಲ್ಲೆರ್ . ಐರ್ದ್ ಬೊಕ್ಕ ಬೇತೆ ಬೇತೆ ವಿಷಯದ ಬಗ್ಗೆ ಗೋಷ್ಠಿ ನಡಪೆರೆ ಉಂಡು , ರಾಷ್ಟ್ರೀಯ, ಅಂತರಾಷ್ಟ್ರೀಯ ಸಂಪನ್ಮೂಲ ವ್ಯಕ್ತಿಲು ಪಾಲ್ ಪಡೆಯೆರೆ ಉಲ್ಲೆರ್ . ಮಲ್ಲ ಬಿನ್ನೆರ್ ಆದ್ ಇಂಡಿಯನ್ ಅಸೋಸಿಯೇಶನ್ ಆಫ್ ಫಿಸಿಯೋಥೆರಪಿದ ರಾಜ್ಯಾಧ್ಯಕ್ಷ ಡಾ.ಯು.ಟಿ.ಇಫ್ತಿಕಾರ್ ಅಲಿ, ಕಾರ್ಯ ನಿರ್ವಾಹಕ ಗುರ್ಕಾರ್ಲಾಯಿನ ಡಾ.ಸಂಜೀವ್ ಝಾ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಆರ್ ಪಂಡೆರ್.

ಸಮ್ಮೇಳನನ್ ಫಾದರ್ ಮುಲ್ಲರ್ ಸೇವಾ ಸಂಸ್ಥೆದ ನಿರ್ದೇಶಕೆರ್ , ಫಾ.ಮುಲ್ಲರ್ ಮೆಡಿಕಲ್ ಕಾಲೇಜ್ ದ ಆಡಳಿತಾಧಿಕಾರಿ ವಂ.ಅಜಿತ್ ಬಿ. ಮಿನೇಜಸ್, ಡೀನ್ ಡಾ.ಆಯಂಟನಿ ಸೆಲ್ವನ್ ಡಿಸೋಜ ಬೊಕ್ಕ ಫಾ.ಮುಲ್ಲರ್ ಹೆಲ್ತ್ ಕೇರ್ ಸೆಂಟರ್ ಮುಖ್ಯಸ್ಥ ಪ್ರೊ. ಲುಲು ಶರೀಫ್ ಮುಹಮ್ಮದ್‌ರ ಮೆಕ್ಲೆನ ಒಟ್ಟು ಸೇರಿಗೆಡ್ ಸಂಘಟನೆ ಮಲ್ದೆರ್ ಪಂದ್ ಫಾದರ್ ಮುಲ್ಲರ್ ಫಿಸಿಯೋಥೆರಪಿ ವಿಭಾಗದ ಮುಖ್ಯಸ್ಥರಾಯಿನ ಪ್ರೊ.ಚೆರಿಶ್ಮಾ ಡಿಸಿ ಪಂಡೆರ್.