ಎಂ.ಸಿ.ಎಫ್ ರಸಗೊಬ್ಬರ ಘಟಕ ಬಂದ್: ಕಚ್ಚಾ ಮಾಲ್ ತಿಕ್ಕಂದಿನ ಕಾರಣ

ಕುಡ್ಲ: ಜುವಾರಿ ಅಗೋ ಕೆಮಿಕಲ್ಸ್ ಲಿಮಿಟೆಡ್‌ದ ಅಂಗಸಂಸ್ಥೆ ಆಯಿನ ಮಂಗಳೂರು ಕೆಮಿಕಲ್ಸ್ ಅಂಡ್ ಫರ್ಟಿಲೈಸರ್ಸ್ (ಎಂಸಿಎಫ್)ಆಯಿತ ಕುಡ್ಲದ ರಸಗೊಬ್ಬರ ಘಟಕನ್ ಬಂದ್ ಮಲ್ದ್ಂಡ್.

ಗೊಬ್ಬರ ಉತ್ಪತ್ತಿ ಮಲ್ಪುನ ಕಚ್ಚಾ ಮಾಲ್ ತಿಕ್ಕಂದಿನ ಕಾರಣಡ್ ಫಾಸ್ಪೇಟಿಕ್ ರಸಗೊಬ್ಬರ ಘಟಕನ್ ಉಂತಾವೆರ್ ಪಂದ್ ಘೋಷಣೆ ಮಲ್ತ್‌ದೆರ್ ಪಂದ್ ಕಂಪನಿದ ಪ್ರಕಟಣೆ ಅಂಗಾರೆ ತೆರಿಪಾದ್ಂಡ್. ಫಾಸ್ಪರಿಕ್ ಆಮ್ಲೊದ ಕಚ್ಚಾ ವಸ್ತುಲು ತಿಕ್ಕಂದಿನನೆ ಮುಖ್ಯ ಕಾರಣ ಪಂದ್ ರಸಗೊಬ್ಬರ ಘಟಕ ಮುಚ್ಚೊಂದು ಇಪ್ಪುನ ಬಗೆಟ್ ಕಂಪನಿ ಷೇರು ವಿನಿಮಯ ಕೇಂದ್ರಗ್ ತೆರಿಪಾದೆರ್. ಬಾಂಬೆ ಷೇರು ವಿನಿಮಯ ಕೇಂದ್ರ (ಬಿಎಸ್‌ಇ)ಗ್ ಅಧಿಕೃತವಾದ್ ಈ ಬಗೆಟ್ ಪಂಡೆರ್.

“ಎಂಕುಲು ಸ್ಥಾವರೊದ ಕಾರ್ಯಾಚರಣೆನ್ ಕುಡೊರ ಸುರು ಮಲ್ತಿ ಬೊಕ್ಕ ನಿಕ್ಲೆಗ್ ತೆರಿಪಾವ” ಪಂದ್ ಸಂಸ್ಥೆದ ಅಧಿಕಾರಿ ನಕುಲು ಪಂಡೆರ್. ಕುಡ್ಲಡ್ ಉಪ್ಪುನ ಕಂಪನಿದ ರಸಗೊಬ್ಬರ ಘಟಕ ವರ್ಸೊಡು 2,17,800 ಟನ್ ಅಮೋನಿಯಾ, 3,79,500 ಟನ್ ಯೂರಿಯಾ, 2,80,000 ಟನ್ ಫಾಸ್ಪೇಟಿಕ್ ರಸಗೊಬ್ಬರನ್ (ಡಿಎಪಿ/ಎನ್‌ಪಿ 20:20:00:13), 24,750 ಟನ್ ಅಮೋನಿಯಂ ಟನ್ ಮಲ್ಪುನ ಸಾಮರ್ಥ್ಯ ಉಂಡು. -ಕಾರ್ಬೊನೇಟ್ (ABC), 33,000 ಟನ್ ಸಲ್ಯೂರಿಕ್ ಆಮ್ಲ (SAP), 21,450 ಟನ್ ಸಲ್ಲೋನೇಟೆಡ್ ನಾಫಲೆನ್‌ಫಾರ್ಮಾಲ್ಡಿಹೈಡ್‌ (SNF), ಬೊಕ್ಕ 22,000 ಟನ್ ವಿಶೇಷ ರಸಗೊಬ್ಬರಲು ಸೇರ್ದ್ಂಡ್.

ಉದ್ಯಮಿ ವಿಜಯ್ ಮಲ್ಯ ಒಡೆತನೊಡು ಪಣಂಬೂರು ಕೈತಲ್ ಮಂಗಳೂರು ಕೆಮಿಕಲ್ಸ್ ಬೊಕ್ಕ ಫರ್ಟಿಲೈಸರ್ಸ್ (ಎಂಸಿಎಫ್) ಯೂರಿಯಾ ಉತ್ಪಾದನೆ ಉಂತಾದ್ ಇತ್ತೆರ್. MCFದ ಅಮೋನಿಯಾ ಬೊಕ್ಕ ಯೂರಿಯಾ ಸ್ಥಾವರಲೆನ್ 1976ಟ್ ಸುರು ಮಲ್ತ್‌ದ್ ಇತ್ತೆರ್. ನೀರ್‌ದ ಸಮಸ್ಯೆರ್ದ್ ಎಂಸಿಎಫ್‌ಗ್ ನೀರ್ ಕೊರ್ಪುನ ಉಂತಾದ್ ಇತ್ತೆರ್. ನೀರ್ ಇಜ್ಜಾಂದಿನ ಕಾರಣೊಡ್ ಉತ್ಪಾದನೆ ಉಂತುದುಂಡ್. ಪ್ರತಿದಿನ ಎಂಸಿಎಫ್‌ಡ್ 1200 ಟನ್ ಯೂರಿಯಾ ಉತ್ಪಾದನೆ ಮಲ್ತೊಂದಿತ್ತೆರ್. ಪ್ರತಿ ತಿಂಗಲು 10.80 ಕೋಟಿ ಟನ್ ಉತ್ಪಾದನೆ ಆವೊಂದು ಇತ್ತ್ಂಡ್.