ಕೋಟ: ಕುಡ್ಲ ವಿಶ್ವವಿದ್ಯಾನಿಲಯ ನಡಪಾಯಿನ ಅಂತಿಮ ಸ್ನಾತಕೋತ್ತರ ಪರೀಕ್ಷೆಡ್ ಕಲ್ಯಾಣಪುರ ಮಿಲಾಗ್ರಿಸ್ ಕಾಲೇಜ್ ಡ್ ಎಂ ಕಾಂಡ್ ಮೂಜನೆ ರಾಂಕ್ ಪಡೆಯಿನ ಸಮಾಜ ಕಲ್ಯಾಣ ಬೊಕ್ಕ ಹಿಂದುಳಿದ ವರ್ಗದ ಕಲ್ಯಾಣ ಸಚಿವ ಕೋಟ ಶ್ರೀನಿವಾಸ ಪೂಜಾರಿಲೆನ ಪುತ್ರಿ ಕಾಲೇಜ್ ಗ್ ಕೀರ್ತಿ ಕಂತಿನ ಸ್ವಾತಿ ಪೂಜಾರಿ ಮೆರೆನ್ ಕಾಲೇಜ್ ದ ಆಡಳಿತ ಮಂಡಳಿ, ಪ್ರಾಂಶುಪಾಲೆರ್ , ಉಪನ್ಯಾಸಕ ವೃಂದದಕುಲು ಪೊಣ್ಣನ ಇಲ್ಲಗ್ ಪೋದು ಮಾನಾದಿಗೆ ಮಲ್ತೆರ್.
ಮಾನದಿಗೆ ಮಲ್ತಿನ ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಡಾ. ವಿನ್ಸಂಟ್ ಆಳ್ವ ಪಾತೆರ್ದ್ , ಅಪ್ಪೆ ಅಮ್ಮೆರ್ನ ಸರಳ ಸಜ್ಜನಿಕೆ ಆಚಾರ-ವಿಚಾರಡ್ ಪ್ರಭಾವಿತೇರಾದ್ , ಏಪಲಾ ಸಚಿವೆರ್ನ ಮಗಲ್ ಪಂದ್ ಪನಂದೆ ಕಾಲೇಜ್ ಗ್ ಮಾಮಲ್ಲ ಕೀರ್ತಿ ಕಂತ್ ಕೊರ್ದು ನಮ್ಮ ಮಾತಾ ಜೋಕ್ಲೆಗ್ ಮಾದರಿ ಆದ್ ಉಲ್ಲೆರ್ ಪಂದ್ ಪಂಡೆರ್.
ಕಾಲೇಜ್ ದ ಐಕ್ಯೂಎಸಿ ಸಂಚಾಲಕೆರಾಯಿನ ಡಾ.ಸಿ. ಜಯರಾಮ್ ಶೆಟ್ಟಿಗಾರ್ ಲೇಸ್ ಉದಿಪನ ಮಲ್ತೆರ್ . ಊಔಆ ಪ್ರೊ. ಸೋಫಿಯಾ ಡಯಾಸ್. ಮಹಿಳಾ ಪ್ರಕೋಷ್ಠದ ಸಂಚಾಲಕಿ ಪ್ರೊ. ರೇಷ್ಮಾ, ಸಾರ್ವಜನಿಕ ಸಂಪರ್ಕಾಧಿಕಾರಿ ಪ್ರೊ. ರವಿನಂದನ್, ಶಾಂತಾ ಶ್ರೀನಿವಾಸ ಪೂಜಾರಿ ಪಾಲ್ ಪಡೆದಿತ್ತೆರ್ .
Editorial