ಸುರತ್ಕಲ್ : ಕ್ರೀಡೆ, ಸಾಂಸ್ಕೃತಿಕ, ಸಾಮಾಜಿಕ ಸೇವೆಡ್ ನಿರಂತರವಾದ್ ಬೆನ್ನಿ ಬೆನ್ಪಿನ ಮುಖೇನ ಸಾರ್ವಜನಿಕೆರೆರ್ದ್ ಪುಗಾರ್ತೆ ಪಡೆಯಿನ ತಡಂಬೈಲ್ ನದ ವೀರ ಕೇಸರಿ ಸೇವಾಸಂಸ್ಥೆನ್ ದಕ್ಷಿಣ ಕನ್ನಡ ಜಿಲ್ಲಾಡಳಿತ ಗುರ್ತಿಸಾದ್ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಕೊರ್ದು ಮಾನದಿಗೆ ಮಲ್ಪುಲಕ ಆವಡ್ ಪಂದ್ ಕರ್ನಾಟಕ ಮಾಧ್ಯಮ ಅಕಾಡೆಮಿದ ಸದಸ್ಯ, ಪೆರಿಯಾ ಪತ್ರಕರ್ತೇರಾಯಿನ ಬಾಳ ಜಗನ್ನಾಥ ಶೆಟ್ಟಿ ಪಂಡೆರ್ . ಮಾರಿಗುಡಿ ಶ್ರೀ ಮಹಮ್ಮಾಯಿ ದೇವಸ್ಥಾನದ ವರ್ಷಾದಿದ ಉಚ್ಚಯದ ನೆಲೆಟ್ಟ್ ಮಾರಿಗುಡಿದ ಕೈತಲ್ ವೀರ ಕೇಸರಿ ಅಟ್ಟನೆ ಮಲ್ತಿನ ಸಾಂಸ್ಕೃತಿಕ ಲೇಸ್ ದ ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆದ್ ಆರ್ ಪಾತೆರಿಯೆರ್.
ವೀರ ಕೇಸರಿ ಸೇವಾ ಸಂಸ್ಥೆ ಸಮಾಜ ಸೇವೆಡ್ ದುಂಬು ಉಂಡು . ಕ್ರೀಡೆ, ಶೈಕ್ಷಣಿಕ ಸಾಂಸ್ಕೃತಿಕ ಚಟುವಟಿಕೆಗ್ ಎಚ್ಚದ ಪ್ರೋತ್ಸಾಹ ಕೊರೊಂದು ಉಂಡು , ಪ್ರತಿಭಾವಂತೆರೆನ್ ಗುರ್ತಿಸಾದ್ ಮಾನದಿಗೆ ಮಲ್ತೊಂದು ಉಂಡು . ಈ ಸಂಸ್ಥೆಗ್ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ತಿಕ್ಕೆರೆ ಕೈತಲ್ ದ ಮಹಾನಗರ ಪಾಲಿಕೆ ಸದಸ್ಯೆರ್ ಪ್ರಾಮಾಣಿಕ ಪ್ರಯತ್ನ ಮಲ್ಪಡ್ ಪಂದ್
ಪಂಡೆರ್ .
ಮನಪಾ ಸದಸ್ಯೆ ಶ್ವೇತಾ ಪೂಜಾರಿ ಪಾತೆರ್ದ್ ವೀರಕೇಸರಿ ಸಂಸ್ಥೆ ಕೋರೊನಾ ಪೊರ್ತುಡು ಅವ್ವೆತೋ ಕುಟುಂಬಲೆಗ್ ಮಾನವೀಯತೆದ ನೆಲೆಟ್ಟ್ ಸ್ಪಂದನೆ ಕೊರ್ತುಂಡು. ಈ ಸಂಸ್ಥೆಗ್ ನ್ಯಾಯಯುತವಾದ್ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಲಭಿಸ ತಿಕ್ಕೊಡು . ಆ ನೆಲೆಟ್ಟ್ ಶಾಸಕೆರ್ನ ಒಟ್ಟುಗು , ಜಿಲ್ಲಾಡಳಿತದೊಟ್ಟುಗು ಪಾತೆರ ನಡಪಾವ ಪಂದ್ ಪಂಡೆರ್.
ಲೇಸ್ ದ ಗುರ್ಕಾರ್ಮೆನ್ ವೀರ ಕೇಸರಿ ಸಂಸ್ಥೆದ ಸಂಚಾಲಕೆರಾಯಿನ ಮಹಾಬಲ ಪೂಜಾರಿ ಕಡಂಬೋಡಿ ವಹಿಸ್ ದಿತ್ತೆರ್ . ಮಲ್ಲ ಬಿನ್ನೆರ್ ಆದ್ ದೀಪಾ ಟ್ರೇಡರ್ಸ್ದ ಗುರ್ಕಾರ್ಲಾಯಿನ ರಮೇಶ್ ರಾವ್, ಕಾರ್ಪೋರೇಟರ್ ಶೋಭಾ ರಾಜೇಶ್, ಕೃಷ್ಣಾಪುರ ಕೋರ್ದಬ್ಬು ದೈವಸ್ಥಾನ ಸಮಿತಿದ ಉಪಾಧ್ಯಕ್ಷ ಶಿವಪ್ರಸಾದ್ ಶೆಟ್ಟಿ, ರಾಷ್ಟ್ರ ಪ್ರಶಸ್ತಿ ಪುರಸ್ಕೃತ ವಿಜಯಕಾಂಚನ್ , ಟಿ ಎನ್ ರಮೇಶ್ ರಾವ್, ನ್ಯಾಯವಾದಿ ಗಿರೀಶ ಶೆಟ್ಟಿ, ವೀರ ಕೇಸರಿ ಸಂಸ್ಥೆದ ಗುರ್ಕಾರ್ಲಾಯಿನ ಕೈಲಾಸ್ ಟಿ ತಡಂಬೈಲ್ ಪಾಲ್ ಪಡೆದಿತ್ತೆರ್.
ಲೇಸ್ ಡ್ ವಿಜಯಕಾಂಚನ್ ಬೊಕ್ಕ ಮಾಸ್ಟರ್ ಅಕ್ಷಜ್ ಮೆಕ್ಲೆಗ್ ಮಾನದಿಗೆ ಮಲ್ತೆರ್ .
ಅನೂಪ್ ಶೆಟ್ಟಿ ಪ್ರಾರ್ಥನೆ ಮಲ್ತೆರ್ . ರಾಮಚಂದ್ರ ಶೆಟ್ಟಿ ಎದುಕೊಂಡೆರ್ . ಪದ್ಮನಾಭ ಕರ್ಕೇರ ಸೊಲ್ಮೆ ಸಂದೈತ ಮಲ್ತೆರ್ . ರೂಪೇಶ್ ರೈ ಲೇಸ್ ನಡಪಾದ್ ಕೊರಿಯೆರ್ .
ಐರ್ದ್ ಬೊಕ್ಕ ಕಾಪು ರಂಗತರಂಗ ಕಲಾವಿದೆರೆರ್ದ್ ಅಧ್ಯೆಕ್ಷೆರ್ ನಾಟಕ ಪ್ರದರ್ಶನ ಆಂಡ್ .
Editorial