ಕುಕ್ಕೆ : ಪುಣ್ಯಕ್ಷೇತ್ರ ಶ್ರೀ ಕುಕ್ಕೆ ಸುಬ್ರಹ್ಮಣ್ಯದ ಗರ್ಭಗುಡಿ ಇತ್ತಿನ ಜಾಗೆ ಸೇರ್ದ್ 1.33 ಎಕ್ರೆ ಜಾಗೆ ಕೆಲವು ವರ್ಷೊರ್ದಿಂಚಿ ಸರಕಾರದ ಪುದರ್ ಡ್ ಇತ್ತ್ ದ್ ಇಂಚೊಗು ದೇವಲ್ಯದ ಪುದರ್ ಗ್ ಆತ್ಂಡ್.
ನೆರ್ದ್ ದುಂಬು ಆ ಜಾಗೆಡ್ ಬೇತೆ ಬೇತೆ ಪುದರ್ ಬತ್ತ್ ದ್ ಸಮಸ್ಯೆ ಆದಿತ್ತ್ಂಡ್.
ದಕ ಜಿಲ್ಲೆದ ಉಸ್ತುವಾರಿ ಸಚಿವೆರ್ ಎಸ್.ಅಂಗಾರೆರ್, ದೇವಲ್ಯದ ಆಡಳ್ತೆ ಮಂಡಳಿ ಅಂಚೆನೆ ಅಧಿಕಾರಿಲೆನ ಪ್ರಯತ್ನದ ಫಲವಾದ್ ಆ ಜಾಗೆ ದೇವಲ್ಯದ ಪುದರ್ ಡ್ ದಾಖಲಾತ್ಂಡ್.
ದೇವಲ್ಯದ ವ್ಯವಸ್ಥಾಪನಾ ಸಮಿತಿ ಜಿಲ್ಲಾಧಿಕಾರಿಲು,ಪುತ್ತೂರು ಸಹಾಯಕ ಆಯುಕ್ತೆರ್, ಕಡಬ ಕಂದಾಯ ಇಲಾಖೆದ ಅಧಿಕಾರಿಲೆನ ನಿರಂತರ ಪ್ರಯತ್ನದ ಫಲವಾದ್ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಲ್ಯದ ಪುದರ್ ಆರ್ ಟಿಸಿಡ್ ನಮೂದಾತ್ಂಡ್.
Editorial