ಕುಡ್ಲ: ಹುಷಾರ್ದಾಂತೆ ತೀರ್ ಪೋಯಿನ ಪಿಲಿಕುಳ ಜೈವಿಕ ಉದ್ಯಾನವನದ ಓಲಿವರ್ ಪಿಲಿ

ಕುಡ್ಲ, ಜ.04: ಪಿಲಿಕುಳ ಜೈವಿಕ ಉದ್ಯಾನವನತ್ತ 9 ವರ್ಷ ಪ್ರಾಯದ ಓಲಿವರ್ ಪುದರ್ ದ ಪಿಲಿ ಇನಿ ತೀರ್ ಪೋತ್ಂಡ್. ಆರೋಗ್ಯಡ್ ಎಚ್ಚು ಕಮ್ಮಿ ಆದಿತ್ತ್ ದ್ ಕಾಂಡೆ ಮುಟ್ಟ ಪಿಲಿ ಹುಷಾರ್ ಇತ್ತ್ಂಡ್. ಆಂಡ ಒರನೇ ಬೂರ್ದ್ ತೀರ್ ಪೋತ್ಂಡ್.

ಓಲಿವರ್ , ಪಿಲಿಕುಳ ಮೃಗಾಲಯಡ್ ವಿಕ್ರಮ ಬೊಕ್ಕ ಶಾಂಭವಿ ಪುದರ್ ದ ಜೋಡಿ ಪಿಲಿಕುಲೆಗ್ ಪುಟ್ಟುದ್ಂಡ್. ತೀರ್ ಪೋಯಿನ ಪಿಲಿತ್ತ ಅಂಗಾಂಗದ ಮಾದರಿನ್ ಪರೀಕ್ಷೆಗಾದ್ ಬೆಂಗ್ಳೂರ್ ಬೊಕ್ಕ ಉತ್ತರ ಪ್ರದೇಶದ ಐವಿಆರ್ ಐ ಗ್ ಕಡಪುಡ್ದೆರ್. ಕೋವಿಡ್ ಪರೀಕ್ಷೆಗಾದ್ ಭೋಪಾಲದ ಎನ್ ಐ ಎಚ್ ಎಸ್ ಎಡಿ ಗ್ ಕಡಪುಡ್ದೆರ್. ಮೃಗಾಲಯಡ್ ಒವ್ವೆ ರೀತಿದ ರೋಗ ಪಗರಂದಿಲೆಕ್ಕ ರೋಗ ನಿರೋಧಕ ದ್ರಾವಣನ್ ಪ್ರಾಣಿಲು ಇಪ್ಪುನ ಜಾಗೆ ಅಂಚನೆ ಪೂರ ಜಾಗೆಡ್ ಪಾಡ್ದ ಪಂದ್ ಪಿಲಿಕುಳ ಜೈವಿಕ ಉದ್ಯಾನವನತ್ತ ನಿರ್ದೇಶಕೆರ್ ಎಚ್.ಜೆ.ಭಂಡಾರಿ ಪ್ರಕಟನೆಡ್ ತೆರಿಪಾದೆರ್.