ದಕ್ಷಿಣ ಕನ್ನಡ ಜಿಲ್ಲೆದ ಜನಕುಲ್ನ ಭಾವನೆಡ್ ಬಂಧಿಯಾಯಿನ, ಜಿಲ್ಲೆದ ಅಧಿದೇವತೆ ಕಟೀಲು ಶ್ರೀದುರ್ಗಾಪರಮೇಶ್ವರಿ ದೇವಲ್ಯದ ಆಜಿ ಯಕ್ಷಗಾನದ ಮೇಳಲು ತಿರುಗಾಟ ಮಲ್ಪರೆ ಸುರು ಮಲ್ತ್ ದೆರ್. ದೇವಲ್ಯದ ಆಜಿ ಮೇಳಲು ಸೋಮಾರದಾನಿ ಯಾತ್ರೆ ಸುರು ಮಲ್ತ್ ದ್, ನನ 167 ದಿನತ್ತ ಕಾಲ ಕಟೀಲು ಮೇಳಲು ಯಕ್ಷಗಾನ ಪ್ರದರ್ಶನ ಕೊರಿಯೆರೆ ಉಂಡು.
ಮೇಳಲು ತಿರುಗಾಟ ಮಲ್ಪಿನ ನಿಲೆಟ್ಟ್ ಕಟೀಲು ದುರ್ಗಾಪರಮೇಶ್ವರಿ ದೇವಲ್ಯಡ್ ಸಂಪ್ರದಾಯದಂಚನೆ ಗೆಜ್ಜೆಪೂಜೆ ನಡತ್ಂಡ್. ದೇವಲ್ಯದ ವಠಾರೊಡು ಆಜಿ ರಂಗಸ್ಥಳಡ್ ಆಜಿ ಮೇಳದ ಕಲಾವಿದೆರ್ ಒಂಜೇ ಪೊರ್ತುಡು ರಂಗಪ್ರವೇಶ ಮಲ್ತ್ ದ್ ಬೊಕ್ಕ “ಪಾಂಡೇಶ್ವಮೇಧ’ ಪ್ರಸಂಗನ್ ಪ್ರದರ್ಶನ ಮಲ್ತ್ ದೆರ್. ತಿರ್ ಗಾಟದ ಸುರುಟ್ ಶ್ರೀದೇವಿ ಸಮ್ಮುಖಡ್ ಕಲಾವಿದೆರ್ ಗೆಜ್ಜೆ ಕಟ್ಟ್ ದ್ ನಲ್ತ್ ದೆರ್. ಆಯಿಬೊಕ್ಕ ಕಲಾವಿದೆರ್ ದೇವಲ್ಯದ ಜಾಗೆಡ್ ಉಪ್ಪುನ ಆಜಿ ರಂಗಸ್ಥಳಡ್ ಆಟ ನಲ್ತ್ ದೆರ್.
ನವೆಂಬರ್ 29 ಗ್ ಸುರು ಆಯಿನ ಕಟೀಲು ಯಕ್ಷಗಾನ ಮೇಳದ ಪ್ರದರ್ಶನ ಮೇ 25 ಮುಟ್ಟ ಪಂಡ 167 ದಿನತ್ತ ಕಾಲ ಪ್ರದರ್ಶನ ಮಲ್ತ್ ದ್ ವರ್ಷದ ತಿರುಗಾಟ ಮುಗಿಪುಂಡ್.
pallavi shetty