ಮುಲ್ಕಿ : ಎಕ್ಕಾರ್ ಶ್ರೀ ಕೊಡಮಂದಾಯ ದೈವಸ್ಥಾನದ ವರ್ಸಾದಿದ ಉಚ್ಚಯ ಐತಾರ ಬಾರಿ ಗೌಜಿಡ್ ನಡತ್ಂಡ್.ಶನಿವಾರ ರಾತ್ರೆ ದೈವಸ್ಥಾನದ ಆಡಳ್ತೆ ಮೊಕ್ತೇಸರೆರ್, ಗಡಿಕಾರೆರ್ ತಿಮ್ಮ ಕಾವ(ನಿತಿನ್ ಹೆಗ್ಡೆ ಕಾವರಮನೆ) ಮೆರೆನ ಇಲ್ಲರ್ದ್ ಭಂಡಾರ ಜತ್ತ್ ದ್ ದೇರಿಂಜಗಿರಿಕ್ಕ್ ಬತ್ತ್ ದ್ ಕೊಡಿ ಏರ್ಂಡ್.
ಐತಾರ ಕಾಂಡೆ ಎಕ್ಕಾರು ಕೃಷ್ಣ ಮಠದ ವೇದಮೂರ್ತಿ ಹರಿದಾಸ ಉಡುಪೆರ್ನ ಮುತಾಲಿಕ್ ಡ್ ಶ್ರೀ ಉಳ್ಳಾಯ ದೈವದ ನೇಮ, ಪಲ್ಲಕ್ಕಿ ಉಚ್ಚಯ, ಕಂಚಿಲ್ ಪರಕೆ , ಬಂಡಿ ಉಚ್ಚಯ ಮಧ್ಯಾಹ್ನ ಅನ್ನಸಂತರ್ಪಣೆ, ರಾತ್ರೆ ಶ್ರೀ ಕೊಡಮಂದಾಯ ದೈವದ ನೇಮ ನಡತ್ಂಡ್.
ಜಾತ್ರೆದ ಪೊರ್ತುಡು ಶಾಸಕೆರ್ ಉಮಾನಾಥ ಕೋಟ್ಯಾನ್, ಮಾಜಿ ಮಂತ್ರಿಲು ಅಭಯಚಂದ್ರ ಜೈನ್, ಯುವ ಕಾಂಗ್ರೆಸ್ ಗುರ್ಕಾರ್ಲು ಮಿಥುನ್ ರೈ ಮೊಕುಲು ಮಾತ ಬತ್ತ್ ದ್ ದೈವೊಲೆನ ಗಂಧ ಪುರ್ಸಾದ ದೆತೊಂಡೆರ್.ಡಿ.28 ಗ್ ರಾತ್ರೆ ಕಾಂತೇರಿ ಜುಮಾದಿ ನೇಮ, ಡಿ.29ಗು ಜಾರಂದಾಯ ನೇಮ, ಡಿ.30 ಗು ಸರಳ ಜುಮಾದಿ ನೇಮ,ಡಿ.31 ಕ್ಕ್ ಪಿಲಿಚಂಡಿ ನೇಮ ನಡತ್ ದ್ ಮನದಾನಿ ಕಾಂಡೆ ಕೊಡಿ ಜಾವರೆ ಉಂಡು.
pallavi shetty