ಕಲ್ಯಾಣ್ ( ಮಹಾರಾಷ್ಡ್ರ) : ಬಿಲ್ಲವರ ಅಸೋಸಿಯೇಷನ್ ಮುಂಬಯಿ ಕಲ್ಯಾಣ್ ಸ್ಥಳೀಯ ಕಚೇರಿದ ವತಿರ್ದ್ ಅಕ್ಟೋಬರ್ 2026 ರ ತಿಂಗೊಲುಡು ನವರಾತ್ರಿ ಉತ್ಸವದ ಅಂಗವಾದ್ ಸಾಂಸ್ಕೃತಿಕ, ಧಾರ್ಮಿಕ ಬೊಕ್ಕ ಸಮಾಜಪರ
ಚಟುವಟಿಕೆ ನಡತ್ಂಡ್ .
ಅ. 12 ತಾರೀಕ್‌ಗ್ ಕಲ್ಯಾಣ್ ಪಶ್ಚಿಮದ ದುರ್ಗಾಡಿ ಕಿಲ್ಲ, ದುರ್ಗಾದೇವಿ ಮಂದಿರಡ್ ಭಜನಾ ಕಾರ್ಯಕ್ರಮ, ಅ.14ಕ್ಕ್ ಕರ್ನಾಟಕ ಸೇವಾ ಸಂಘ ಮೋಹನೆ, ಅಂಬಿವಿಲಿ ಮೂಲು ನವರಾತ್ರಿ ಪ್ರಯುಕ್ತ ಭಜನೆ ಬೊಕ್ಕ ಅನ್ನ ಸಂತರ್ಪಣೆ ಸೇವೆ ನಡತ್ಂಡ್.
ಅ. 15 ಕ್ಕ್ ಕಲ್ಯಾಣ್ ಸ್ಥಳೀಯ ಕಚೇರಿಡ್ ಮಹಿಳಾ ವಿಭಾಗದಕ್ಲೆರ್ದ್ ಶಾರದ ಪೂಜೆ ಬೊಕ್ಕ ಲಲಿತ ಸಹಸ್ರನಾಮ ಪೂಜೆ
ಭಕ್ತಿಪೂರ್ವಕವಾದ್ ನಡತ್ಂಡ್.
ಅ. 16 ಕ್ಕ್ ಮೂಕಾಂಬಿಕಾ ದೇವಿ ದೇವಸ್ಥಾನ, ಬಿರ್ಲಾ ಗೇಟ್, ಶಹಾಡ್ ಪೂರ್ವ ಮೂಲು ಭಜನಾ ಕಾರ್ಯಕ್ರಮ, ಅನ್ನ ಸಂತರ್ಪಣೆ ನಡತ್ಂಡ್.
ಸ್ಥಳೀಯ ಕಚೇರಿದ ಕಾರ್ಯಧ್ಯಕ್ಷೆರ್ ನಂದೀಶ್ ಜೆ. ಪೂಜಾರಿ ಮೆರೆನ ನೇತೃತ್ವಡ್ ಯುವ ವಿಭಾಗದ ಸದಸ್ಯೆರ್ ಅ.18 ಗು ಟಿಟ್ವಾಲ ದ ಪಾರಸ್ ಬಾಲ ಭವನ ಆಶ್ರಮಗ್ ಬೇಟಿ ಕೊರ್ದು ದೈನಂದಿನ ದಿನಸಿ ಸಾಮಗ್ರಿಲೆನ್ ಪಟ್ಟಿಯೆರ್.