Mumbai

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ಬೊಂಬಾಯಿದ ಸುದ್ದಿ | Mumbai News

ಜ.24: ಬಂಟ್ಸ್ ಫೋರಮ್ ಮೀರಾ ಭಾಯಂದರ್ ದ ಬಂಟ ಕೂಟ – 2026 ಲೇಸ್

Jan 23, 2026

ಬಂಟ್ಸ್ ಫೋರಮ್ ಮೀರಾ ಭಾಯಂದರ್ ದ ಮುತಾಲಿಕೆಡ್ ಜ.24 ಕ್ಕ್ ಉದಯ್ ಎಂ ಶೆಟ್ಟಿ ಮಲಾರಬೀಡ್ ಮೆರೆನ ಅಧ್ಯಕ್ಷತೆಡ್ ಬಂಟ ಕೂಟ – 2026 ಲೇಸ್ ಮೀರಾ ರೋಡ್ ಪೂರ್ವದ ಎಸ್ ಕೆ ಸ್ಟೋನ್ ಸಮೀಪ ಸೆಂಟ್ರಲ್ ಪಾರ್ಕ್ ಎಸಿ ಲಾನ್ ಡ್ ಬೇತೆ ಬೇತೆ ಲೇಸ್ ದೊಟ್ಟಿಗೆ ಡಾ| ಆರ್ ಕೆ ಶೆಟ್ಟಿ ವೇದಿಕೆಡ್ ನಡಪರೆ ಉಂಡು.

ಮೀರಾಗಾಂವ್ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಪ್ರಧಾನ ಅರ್ಚಕೆರ್ ಸಾಣೂರು ಸಾಂತಿಂಜ ಜನಾರ್ಧನ ಭಟ್ ಮೇರ್ ತುಡರ್ ಅರ್ಲಾದ್ ಲೇಸ್ ಗ್ ಚಾಲನೆ ಕೊರ್ಪೆರ್.

ಮಲ್ಲ ಬಿನ್ನೆರಾದ್ ಬಂಟರ ಸಂಘ ಬೊಂಬೈದ ಮೀರಾ ಭಾಯಂದರ್ ಪ್ರಾದೇಶಿಕ ಸಮಿತಿದ ಕಾರ್ಯಾಧ್ಯಕ್ಷೆರ್ ಗುತ್ತಿನಾರ್ ರವೀಂದ್ರ ಶೆಟ್ಟಿ ಬಳ್ಕುಂಜೆ ಗುತ್ತು, ಸಾಯಿಬಾಬಾ ಆಸ್ಪತ್ರೆದ ಸಿಎಂಡಿ ನಿಂಜೂರು ಅಂಬರೀಶ್ ಹೆಗ್ಡೆ, ಮೀರಾ ಭಾಯಂದರ್ ಹೋಟೆಲ್ಸ್ ಅಸೋಸಿಯೇಷನ್ ದ ಅಧ್ಯಕ್ಷೆರ್ ರಂಜನ್ ಶೆಟ್ಟಿ ಬರಿಯೆರೆ ಉಲ್ಲೆರ್.

ಬಿನ್ನೆರಾದ್ ಹೋಟೆಲ್ ಉದ್ಯಮಿ ಮುಂಡಪ್ಪ ಎಸ್ ಪಯ್ಯಡೆ, ಮೀರಾ ಭಾಯಂದರ್ ದ ಬಿಜೆಪಿ ಉಪಾಧ್ಯಕ್ಷೆರ್ ಉದಯ ಶೆಟ್ಟಿ ಪೆಳತ್ತೂರ್, ಮೀರಾಗಾಂವ್ ಮಹಾಲಿಂಗೇಶ್ವರ ಮಂದಿರದ ಟ್ರಸ್ಟಿಲು ಬಾಬಾ ರಂಜನ್ ಶೆಟ್ಟಿ, ಉದ್ಯಮಿ ಐಕಳ ಆನಂದ ಶೆಟ್ಟಿ, ಅಂತರಾಷ್ಟ್ರೀಯ ತುಳುವ ಮಹಾಸಭೆತ್ತ ಸಂಚಾಲಕೆರ್ ನ್ಯಾಯವಾದಿ ಮೋರ್ಲ ರತ್ನಾಕರ ಶೆಟ್ಟಿ, ಬಂಟರ ಸಂಘ ಬೊಂಬೈದ ಮೀರಾ ಭಾಯಂದರ್ ಪ್ರಾದೇಶಿಕ ಸಮಿತಿದ ಜತೆ ಕಾರ್ಯದರ್ಶಿ ರಮೇಶ್ ಶೆಟ್ಟಿ ಸಿದ್ದಕಟ್ಟೆ, ಹೋಟೆಲ್ ಉದ್ಯಮಿ ಸಾಯಿ ಪ್ರಸಾದ್ ಪೂಂಜ, ತೆರಿಗೆ ಸಲಹೆಗಾರೆರ್ ಪ್ರಕಾಶ್ ಶೆಟ್ಟಿ, ಉದ್ಯಮಿ ದಯಾನಂದ ಶೆಟ್ಟಿ, ಮಾಜಿ ಅಧ್ಯಕ್ಷೆರ್ ಉಮೇಶ್ ಎಸ್ ಶೆಟ್ಟಿ ಬೊಕ್ಕ ಶಿವರಾಂ ಶೆಟ್ಟಿ, ಮೀರಾ ಭಾಯಂದರ್ ಹೋಟೆಲ್ಸ್ ಅಸೋಸಿಯೇಷನ್ ದ ಮಾಜಿ ಅಧ್ಯಕ್ಷೆರ್ ಮಧುಕರ್ ಕೆ ಶೆಟ್ಟಿ, ಬಂಟರ ಸಂಘ ಬೊಂಬೈದ ಮೀರಾ ಭಾಯಂದರ್ ಪ್ರಾದೇಶಿಕ ಸಮಿತಿದ ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆರ್ ವಸಂತಿ ಶೆಟ್ಟಿ ಬೊಕ್ಕ ನಗರ ಸೇವಕಿ ಆಕಾಂಕ್ಷ ಶೆಟ್ಟಿ ಪಾಲ್ ಪಡೆಯೆರೆ ಉಲ್ಲೆರ್.

ಸಾಂಸ್ಕೃತಿಕ ಲೇಸ್ ಡ್ ಸದಸ್ಯೆರೆನ ಬೊಕ್ಕ ಜೋಕುಲೆರ್ದ್ ನೃತ್ಯ ವೈವಿಧ್ಯ, ಜಗದೀಶ್ ಶೆಟ್ಟಿ ಕೆಂಚನಕೆರೆ ನಿರ್ದೇಶನಡ್ ಸದಸ್ಯೆರ್ದ್ ತುಳು ನಾಟಕ ಪನರೆ ಪೋವೊಡ್ಚಿ ಬೊಕ್ಕ ಮಹಿಳಾ ವಿಭಾಗದ ಸದಸ್ಯೆರ್ದ್ ಕಿರು ನಾಟಕ ಸಂಸಾರದ ಸಾರ ಪ್ರದರ್ಶ ಆಯೆರೆ ಉಂಡು. ಬಿನ್ನೆರೆನ ಉಪಸ್ಥಿತಿಡ್ ಸಮಾರೋಪ ಸಮಾರಂಭ ಲೇಸ್ ಆದ್ ವನಸ್ ದ ವ್ಯವಸ್ಥೆ ಉಂಡು.

ಈ ಮಾತ ಲೇಸ್ ಲೆಡ್ ಬಂಟ ಬಾಂಧವೆರ್, ತುಳು ಕನ್ನಡ ಸಂಘ ಸಂಸ್ಥೆದ ಪದುಕೆರ್, ಸದಸ್ಯೆರ್ ಪಾಲ್ ಪಡೆಯೆರೆ ಉಲ್ಲೆರ್.

ಅಂಚೆನೆ ಲೇಸ್ ದ ಯಶಸ್ ಗ್ ಸಹಕಾರ ಮಲ್ಪೊಡು ಪಂದ್ ಬಂಟ್ಸ್ ಫೋರಮ್ ದ ಅಧ್ಯಕ್ಷೆರ್ ಉದಯ ಎಂ ಶೆಟ್ಟಿ ಮಲಾರಬೀಡ್, ಸಂಚಾಲಕೆರ್ ಅನೀಲ್ ಶೆಟ್ಟಿ ಎಲ್ಲೂರು ಒಡಿಪರ ಗುತ್ತು, ಉಪಾಧ್ಯಕ್ಷೆರ್ ದಿವಾಕರ ಎಂ ಶೆಟ್ಟಿ ಶಿರ್ಲಾಲ್ ಬೊಕ್ಕ ಹರ್ಷಕುಮಾರ್ ಡಿ ಶೆಟ್ಟಿ, ಕಾರ್ಯದರ್ಶಿ ಸತೀಶ್ ಶೆಟ್ಟಿ ಮುಂಡ್ಕೂರು, ಕೋಶಾಧಿಕಾರಿ ಹರೀಶ್ ಶೆಟ್ಟಿ ಕಾಪು, ಜತೆ ಕಾರ್ಯದರ್ಶಿ ಶರ್ಮಿಳಾ ಕೆ ಶೆಟ್ಟಿ, ಜತೆ ಕೋಶಾಧಿಕಾರಿ ಮಧುಕರ್ ಎಸ್ ಶೆಟ್ಟಿ ಅಜೆಕಾರ್, ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆರ್ ಸುಖವಾಣಿ ಡಿ ಶೆಟ್ಟಿ, ಯುವ ವಿಭಾಗದ ಕಾರ್ಯಾಧ್ಯಕ್ಷೆರ್ ನಟರಾಜ ಡಿ ಶೆಟ್ಟಿ, ಭಜನಾ ಸಮಿತಿದ ಕಾರ್ಯಾಧ್ಯಕ್ಷೆರ್ ನವೀನಾ ಜೆ ಭಂಡಾರಿ, ಸಾಂಸ್ಕೃತಿಕ ವಿಭಾಗದ ಕಾರ್ಯಾಧ್ಯಕ್ಷೆರ್ ಪ್ರತಿಭಾ ಆರ್ ಶೆಟ್ಟಿ ಬೊಕ್ಕ ಉಪಕಾರ್ಯಾಧ್ಯಕ್ಷೆರ್ ಚೈತ್ರ ಆರ್ ಹೆಗ್ಡೆ ಪ್ರಕಟಣೆಡ್ ಬಿನ್ನಾಪು ಮಲ್ದೆರ್.

Religious & Cultural News ಮಾತ ಧರ್ಮದ ಸುದ್ದಿ ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Bombay News

ಬೊಂಬೈದ ಕಾರ್ಪೊರೇಷನ್ ಓಟುಡು ತುಳು ಕನ್ನಡಿಗ ಅಭ್ಯರ್ಥಿ

Jan 12, 2026

ಭಾಂಡುಪ್ 110ನೇ ವಾರ್ಡ್‌ಡ್ ಹರಿಣಾಕ್ಷಿ ಮೋಹನ್ ಚಿರತ್ ಪೂಜಾರಿ ಸ್ಪರ್ಧೆ

ಈ ಸರ್ತಿದ ಬೊಂಬೈದ ಮಹಾನಗರಪಾಲಿಕೆದ ಓಟುಡು ಭಾಂಡುಪ್ 110 ನೇ ವಾರ್ಡ್‌ಡ್ ಮಹಾರಾಷ್ಟ್ರ ನವನಿರ್ಮಾಣ ಸೇನೆ, ಶಿವಸೇನೆ ಬೊಕ್ಕ ರಾಷ್ಟ್ರೀಯವಾದಿ ಕಾಂಗ್ರೆಸ್ ಪಕ್ಷದ ಮೈತ್ರಿ ಅಭ್ಯರ್ಥಿಯಾದ್ ತುಳು ಕನ್ನಡತಿ ಹರಿಣಾಕ್ಷಿ ಮೋಹನ್ ಚಿರತ್ (ಪೂಜಾರಿ) ಮೇರ್ ಓಟುದ ಕಲಕ್ಕ್ ಜೈದೆರ್.
ಮೂಲತಃ ಉಡುಪಿ ಜಿಲ್ಲೆದ ಕಟಪಾಡಿ ಕುರ್ಕಾಲು ಗ್ರಾಮದ ವಿಜಯ್ ಬಿ ಸುವರ್ಣ ಬೊಕ್ಕ ರತ್ನ ವಿ ಸುವರ್ಣ ಮೊಕ್ಲೆನ ಮಗಲ್ ಆಯಿನ
ಹರಿಣಾಕ್ಷಿ ಮೋಹನ್ ಚಿರತ್ ಬೊಂಬೈಡ್ ಪುಟುದು ಬಲದಿನಾರ್ ಆಂಡಲ ಸರ್ವ ತುಳು ಕನ್ನಡಿಗೆರೆನ ಸಂಘ ಸಂಸ್ಥೆಲೆಡ್ ಅತ್ಯಂತ ನಿಕಟ ಸಂಬಂಧ, ಎಡ್ಡೆ ಬಾಂಧವ್ಯ ದೀವೊಂದಿನಾರ್.
ಹರಿಣಾಕ್ಷಿ ಮೋಹನ್ ಚಿರತ್ ಮೇರ್ ಒರ್ತಿ ಯಶಸ್ವಿ ಉದ್ಯಮಿಯಾದ್ ಮೊವಿ ಫುಡ್ ಅಂಡ್ ಬೆವರೇಜಸ್ ಪ್ರೈ.ಲಿ.ದ ನಿರ್ದೇಶಕೆರಾದ್
ಸಕ್ರಿಯ ಸಾಮಾಜಿಕ ಕಾರ್ಯಕರ್ತೆರ್ ಬೊಕ್ಕ ರಾಜಕಾರಣಿಯಾದ್ ಎಡ್ಡೆ ಬೇಲೆ ಮಲ್ತೊಂದುಲ್ಲೆರ್.
ಹರಿಣಾಕ್ಷಿ ಮೋಹನ್ ಚಿರತ್ ಮೇರ್ ಕಾಮರ್ಸ್ ಪದವೀಧರೆಯಾದ್ ಮನಃಶಾಸ್ತ್ರಡ್ ಡಿಪ್ಲೊಮಾ ಮಲ್ದೆರ್.
ಬ್ಯಾಂಕಿಂಗ್ ಕ್ಷೇತ್ರಡ್ 11 ವರ್ಷರ್ದ‌ಲ ಹೆಚ್ಚ ಅನುಭವ ಉಂಡು.
ಎನ್ ಜಿಒ ಜತೆಟ್ಟ್‌ಲ ಎಡ್ಡೆ ಸಂಬಂಧ ದೀವೊಂದು, ಮಹಿಳಾ ಉನ್ನತಿರ್ದ್ ಪತಿನ ಜೋಕ್ಲೆನ ಶಿಕ್ಷಣ ಮುಟ್ಟ ವಿವಿಧ ಕ್ಷೇತ್ರಡ್ ಕೆಲಸ ಮಲ್ತೊಂದುಲ್ಲೆರ್.

ಸಮಾಜಸೇವೆ :
ಮೇರ್ ರಾಜಕೀಯವಾದ್ ಸಮಾಜ ಸೇವೆದ ಮುಕೇನ ಮಸ್ತ್ ಜನಕ್ಲೆನ ಸಂಪರ್ಕ ಮಲ್ದೆರ್.
ಕರಿನ 19 ವರ್ಷರ್ದ್, ಸಾಮಾನ್ಯ ಜನಕ್ಲೆನ ನಡುಟ್ಟು ವಾಸ ಮಲ್ತೊಂದುಲ್ಲೆರ್. ಈ ವಾರ್ಡ್ ದ ಸ್ಥಳೀಯ ನಿವಾಸಿ, ಸುಶಿಕ್ಷಿತ ಬೊಕ್ಕ ತಳಮಟ್ಟದ ಕಾರ್ಯಕರ್ತೆರಾದುಪ್ಪೆನೆರ್ದಾವರ ಜನಕ್ಲೆನ ಕಷ್ಟ ಸುಖೊಟ್ಟು ಭಾಗಿಯಾದುಲ್ಲೆರ್. ಮರಿಯಲೊಡು ಬೊಲ್ಲದ ನೀರ್ ದಿಂಜಿನಗ ಜನಕ್ಲೆನ ಪರವಾದ್ ಉಂತುದು ಹೋರಾಟ ಮಲ್ತ್‌ದೆ. ಬೊಂಬೈದ ಮಾಮಲ್ಲ ದಹಿ ಹಂಡಿ ಉತ್ಸವದ ಸಂಘಟಕೆರಾದ್ ಪ್ರತಿ ಕುಟುಂಬಲ ದೀಪಾವಳಿನ್ ಕುಷಿಟ್ಟ್ ಆಚರಣೆ ಮಲ್ಪರೆ ಬೋಡಾದ್ ಪ್ರತಿ ವರ್ಷ ಸುಮಾರ್ 5,000 ನಾಗರಿಕೆರೆಗ್ ಉಚಿತ ಸಕ್ಕರೆ ಬೊಕ್ಕ ಆಹಾರ ಧಾನ್ಯಲೆನ್ ವಿತರಣೆ ಮಲ್ದೆರ್. ಕೋವಿಡ್-19 ಸೀಕ್‌ದ ಪೊರ್ತುಡು ಜನಕ್ಲೆಗ್ ಆಹಾರ ಬೊಕ್ಕ ಪರ್ಪಿನ ನೀರ್ ಪೂರೈಕೆ ಮಲ್ಪುನ ಮುಕೇನ ಜನ ಸೇವೆ ಮಲ್ದೆರ್. 3,500 ನಾಗರಿಕೆರೆಗ್ ಉಚಿತ ಕೋವಿಡ್ ಲಸಿಕೆ ಕೊರ್ಪಾದೆರ್. ಪ್ರತಿ ವರ್ಷ ಗುಡಿ ಪಡ್ವಾ ಸಂದರ್ಭಡ್ ಉಚಿತ ಶ್ರೀಖಂಡ ಪಟ್ಟುವೆರ್. ಕೆಲವು ಸಂದರ್ಭಡ್ ವಾರ್ಡ್ ನಿವಾಸಿಲೆಗ್ ಉಚಿತ ಶಿರಡಿ ತೀರ್ಥಯಾತ್ರೆ ಆಯೋಜನೆ ಮಲ್ದೆರ್.

ಸಮಸ್ಯೆಲೆನ ಸವಾಲ್ :
ವಾರ್ಡ್ ಡ್ ಮೆರೆನ ಎದುರು ಮಸ್ತ್ ಸವಾಲ್‌ಲು ಉಂಡು. ಮಾರ್ಗದ ಬೇಲೆ, ನೀರ್ ಸರಬರಾಜು, ಸ್ವಚ್ಛತೆ, ಶಿಕ್ಷಣ ಬೊಕ್ಕ ಸುರಕ್ಷತೆ ಇಂಚಿನ ಮೂಲಸೌಕರ್ಯದ ಅಗತ್ಯ ಉಂಡು. ಉಂದೆಕ್ಕ್ ಬೋಡಾದ್ ಹೋರಾಟ ಮಲ್ಪರೆ ನಿಕ್ಲೆನ ಪ್ರತಿನಿಧಿಯಾದ್ ಓಟುಗು ಉಂತುನ ಸಂಪೂರ್ಣ ಜವಾಬ್ದಾರಿನ್ ದೆತೊಂದೆರ್. ಪ್ರೀತಿದ ಮತದಾರ ಸಹೋದರ ಸಹೋದರಿಯೆರ್ನ ಜೊತೆಯಾದುಲ್ಲೆರ್. ಮಹಾರಾಷ್ಟ್ರ ನವನಿರ್ಮಾಣ ಸೇನೆ, ಶಿವಸೇನೆ (ಉದ್ಧವ್ ಬಾಳಾಸಾಹೇಬ್ ಠಾಕ್ರೆ) ಬೊಕ್ಕ ರಾಷ್ಟ್ರೀಯವಾದಿ ಕಾಂಗ್ರೆಸ್ ಪಕ್ಷದ (ಶರದ್ ಪವಾರ್) ಅಧಿಕೃತ ಮೈತ್ರಿ ಅಭ್ಯರ್ಥಿಯಾದ್ ಹರಿಣಾಕ್ಷಿ ಮೋಹನ್ ಚಿರತ್ ಮೇರ್ ವಾರ್ಡ್ ಸಂಖ್ಯೆ 110 ರ್ದ್ ಅಭ್ಯರ್ಥಿಯಾದ್ ಪ್ರತಿಯೊಂಜಿ ಮತದಾರೆರೆನ್ ಗೌರವ ಬೊಕ್ಕ ಪ್ರಾಮಾಣಿಕತೆ ಸಂಪರ್ಕ ಮಲ್ಪುವೆ” ಪಂದ್ ಪನ್ತೆರ್.
“ಕರಿನ 19 ವರ್ಷರ್ದ್, ಯಾನ್ ನಿಕ್ಲೆನ ನಡುಟ್ಟು ವಾಸ ಮಲ್ತೊಂದುಲ್ಲೆ. ಸಾಮಾಜಿಕ ಬೊಕ್ಕ ರಾಜಕೀಯ ಜೀವನಡ್ ಸಕ್ರಿಯವಾದ್ ಪಾಲ್ ಪಡೆದ್ ನಿಕ್ಲೆನ ಸುಖ ಬೊಕ್ಕ ಹೋರಾಟಡ್ ಪಾಲ್ ಪಡೆಪೆ.ಯಾನ್ ಈ ವಾರ್ಡ್ ದ ಸ್ಥಳೀಯ ನಿವಾಸಿ, ಸುಶಿಕ್ಷಿತ ಬೊಕ್ಕ ತಳಮಟ್ಟದ ಕಾರ್ಯಕರ್ತೆದಿ. ನಿಕ್ಲೆನ ಸ್ವಂತ ಮಗಳ್, ಸಹೋದರಿ ಪನ್ಪಿನ ಭಾವನೆಡ್ ಓಟು ಕೊರ್ಲೆ 2012ನೇ ಇಸ್ವಿಡ್ ಯಾನ್ ಎನ್ನ ಖಾಸಗಿ ವಲಯದ ಕೆಲಸ ಬುಡ್ದು ಒಂಜಿ ಸ್ಪಷ್ಟ ಉದ್ದೇಶ ದೀದ್ ಸಾರ್ವಜನಿಕ ಜೀವನಗ್ ಕಾರ್ ದೀತೆ. ಸಮಾಜ ಸೇವೆ ಮಲ್ಪುನು ಬೊಕ್ಕ ಅರ್ಥಪೂರ್ಣ ಸಾರ್ವಜನಿಕ ಸೇವೆದ ವ್ಯಾಪ್ತಿನ್ ವಿಸ್ತಾರ ಮಲ್ಪುನ ಎಡ್ಡೆ ಉದ್ದೇಶ ಉಂಡು” ಪಂದ್ ಹರಿಣಾಕ್ಷಿ ಪನೊಂದುಲ್ಲೆರ್.
ಹರಿಣಾಕ್ಷಿ ಮೋಹನ್ ಚಿರತ್ ಮೇರ್ ಸಾಮಾಜಿಕ, ಶೈಕ್ಷಣಿಕ ಧಾರ್ಮಿಕ, ಕೆಲಸ ಕಾರ್ಯಲೆಡ್ ತುಳು ಕನ್ನಡಿಗರೆರ್ನ ಒಟ್ಟುಗು ಏಪಲ ಕೈಜೋಡಿಸಾವೊಂದುಲ್ಲೆರ್. ರಾಜಕೀಯ ಕ್ಷೇತ್ರ ಮಾತ್ರ ಅತ್ತಾಂದೆ ತನ್ನ ಸ್ವಂತ ಉದ್ಯಮ ರಾಯಲ್ ಬ್ಯಾಂಕ್ಟ್ ಸಭಾಗೃಹಡ್ ಯಕ್ಷಗಾನ, ನಾಟಕ,ಪೂಜೆ ಲೆಗ್ ಅತಿ ಕಡಿಮೆ ರೇಟ್‌ಡ್ ಸಭಾಗ್ರಹನ್ ಕೊರ್ದು ಸಹಾಯ ಮಲ್ತೊಂದುಲ್ಲೆರ್.
ಹರಿಣಾಕ್ಷಿ ಮೋಹನ್ ಚಿರತ್ ಮೇರೆಗ್ ನನಲ ಮಸ್ತ್ ಸಮಾಜ ಕಾರ್ಯ ಮಲ್ಪೊಡು ಪನ್ಪಿನ ಉದ್ದೇಶಡ್
ರಸ್ತೆ, ನೀರ್ ಸರಬರಾಜು, ಸ್ವಚ್ಛತೆ, ಶಿಕ್ಷಣ ಬೊಕ್ಕ ಸುರಕ್ಷತೆಗ್ ಆದ್ಯತೆ ಕೊರೊಂದುಲ್ಲೆರ್. ಅವು ಪೂರ ರಾಜಕೀಯ ವಿಷಯ ಅತ್ತ್. ದಿಙಿತ್ಯದ ಅವು ನಮ್ಮ ದೈನಂದಿನ ಜೀವನದ ಭಾಗವಾದುಂಡು. ನಿಕ್ಲೆನ ಧ್ವನಿಯಾದ್ ಬೊಕ್ಕ ನಿಕ್ಲೆನ ಹಕ್ಕ್ ಗ್ ಬೋಡಾದ್ ಗಟ್ಟಿಯಾದ್ ಉಂತುನ ಸಂಪೂರ್ಣ ಜವಾಬ್ದಾರಿನ್ ಯಾನ್ ದೆತೊನುವರ ಪಂದ್ ಪನೊಂದುಲ್ಲೆರ್.
ನಿಕ್ಲೆನ ನಂಬಿಕೆ, ಪ್ರೀತಿ ಬೊಕ್ಕ ನಿಕ್ಲೆನ ಅಮೂಲ್ಯ ಮತ ಮಲ್ಲ ಶಕ್ತಿ ಪಂದ್ ಆರ್ ಪನೊಂದುಲ್ಲೆರ್. ಎಂಕ್ ಸೇವೆ ಮಲ್ಪರೆ, ವಾರ್ಡ್‌ದ ಅಭಿವೃದ್ಧಿ ಮಲ್ಪರೆ ಅಂಚೆನೆ ನಿಕ್ಲೆಗಾದ್ ಹೋರಾಟ ಮಲ್ಪರೆ ಅವಕಾಶ ಕೊರ್ಲೆ.
ನಿಕ್ಲೆನ ಇಲ್ಲ್, ನಿಕ್ಲೆನ ಭವಿಷ್ಯ ಬೊಕ್ಕ ನಿಕ್ಲೆನ ವಾರ್ಡ್ ಗಾಗದ್ ನಿಕ್ಲೆನ ಓಟು ಪಂದ್ ಆರ್ ನಂಬಿಕೆ ದೀದ್ ಓಟುಡು ವಿಜಯಶಾಲಿ ಆಪಿನ ವಿಶ್ವಾಸಡ್ ಉಲ್ಲೆರ್.

” ಖಾಲಿ ಭರವಸೆಲೆನ್ ಕೊರಂದೆ ಕಾರ್ಯಕ್ಷೇತ್ರೊಗು ಜತ್ತ್‌ದ್ ಕೆಲಸ ಮಲ್ಪುನೆಟ್ಟ್ ನಂಬಿಕೆ ದೀತೆ. 2012 ಟ್ಟ್ ಖಾಸಗಿ ವಲಯದ ಕೆಲಸ ಬುಡ್ದು ಒಂಜಿ ಸ್ಪಷ್ಟ ಉದ್ದೇಶದ ಒಟ್ಟುಗು ರಾಜಕೀಯ ಕ್ಷೇತ್ರ ಪ್ರವೇಶ ಮಲ್ತ್‌ದ್, ಸಮಾಜ ಸೇವೆ ಮಲ್ಪುನು ಬೊಕ್ಕ ಅರ್ಥಪೂರ್ಣ ಸಾರ್ವಜನಿಕ ಸೇವೆದ ವ್ಯಾಪ್ತಿನ್ ವಿಸ್ತಾರ ಮಲ್ಪುನ ಉದ್ದೇಶ ಉಂಡು.ಅಡೆತಡೆ ಇತ್ತ್ಂಡಲ ಏಪಲ ಬುಡ್ದು ಪಾಡ್ದಿಜಿ. ನಮ್ಮ ಪ್ರದೇಶದ ಸಮಸ್ಯೆಲೆನ್ ಪರಿಹರಿಸಲು ನಿರಂತರವಾದ್ ಕೆಲಸ ಮಲ್ತ್‌ದೆ. ಈ ಸರ್ತಿ ಎಂಕ್ ನಿಕುಲು ಮಾತೆರ್ಲ ನಿಕ್ಲೆನ ಅಮೂಲ್ಯ ಓಟುನು ಪಾಡ್ದ್ ಗೆಂದಾವೊಡು. ಸಮಾಜಸೇವೆ ಮಲ್ಪರೆ ಅವಕಾಶ ಕೊರ್ಲೆ ಪಂದ್ ಈ ಮೂಲಕ ಬಿನ್ನಾಪು ಮಲ್ಪುವೆ”
–ಹರಿಣಾಕ್ಷಿ ಮೋಹನ್ ಚರಿತ್ ಪೂಜಾರಿ,
110 ನೇ ವಾರ್ಡ್ ದ ಮನಸೇ ಅಭ್ಯರ್ಥಿ

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Mumbai News

ಮತ್ಸ್ಯಗಂಧ, ನೇತ್ರಾವತಿ ರೈಲ್ ಒಂಜಿ ತಿಂಗೊಲು ಪನ್ವೇಲ್ ಮುಟ್ಟ ಮಾತ್ರ!

Dec 31, 2025

ಬೊಂಬೈ : ಲೋಕಮಾನ್ಯ ತಿಲಕ್ ಟರ್ಮಿನಲ್ (ಎಲ್‌ಟಿಟಿ) ಡ್ ಲೈನ್ 3 ಟ್ಟ್ ರಿಪೇರಿದ ಬೇಲೆ ಇತ್ತಿನೆರ್ದಾವರ ಜನವರಿರ್ದ್ ಒಂಜಿ ತಿಂಗೊಲು ಮುಟ್ಟ ಮತ್ಸ್ಯಗಂಧ ಎಕ್ಸ್ ಪ್ರೆಸ್ ಬೊಕ್ಕ ನೇತ್ರಾವತಿ ಎಕ್ಸ್ ಪ್ರೆಸ್ ರೈಲ್ ಪನ್ವೇಲ್ ಮುಟ್ಟ ಮಾತ್ರ ಬತ್ತ್ ಪೋಪುಂಡು ಪಂದ್ ಸೆಂಟ್ರಲ್ ರೈಲ್ವೆ ಪ್ರಕಟಣೆಡ್ ತೆರಿಪಾದ್ಂಡ್.
ಈ ನಿಲೆಟ್ ಕೆಲವು ರೈಲ್‌ದ ಸಂಚಾರಡ್ ಬದಲಾವಣೆ ಆತ್ಂಡ್.
ಕೇರಳದ ತಿರುವನಂತಪುರ ಡ್ದ್ ಬರ್ಪಿನ ನೇತ್ರಾವತಿ ಎಕ್ಸ್ ಪ್ರೆಸ್ ಬೊಕ್ಕ ಕುಡ್ಲರ್ದ್ ಬರ್ಪಿನ ಮತ್ಸ್ಯಗಂಧ ಎಕ್ಸ್ ಪ್ರೆಸ್ ಡಿ.31 ತಾರೀಕ್‌ರ್ದ್ ಜನವರಿ 29 ಮುಟ್ಟ ಎಲ್‌ಟಿಟಿಗ್ ಪೋವಂದೆ ಪನ್ವೇಲ್ ಡ್ ಉಂತುಂಡು.ಅಲ್ತ್ ರ್ದೇ ಪಿರ ಪೋಪುಂಡು.
ಅಂಚೆನೆ ಎಲ್‌ಟಿಟಿರ್ದ್ ಪಿದಡುನ ಮತ್ಸ್ಯಗಂಧ ಎಕ್ಸ್ ಪ್ರೆಸ್ ಜ.1 ತಾರೀಕ್‍ರ್ದ್ ಜ.31 ಮುಟ್ಟ ಅಂಚೆನೆ ತಿರುವನಂತಪುರ ನೇತ್ರಾವತಿ ಎಕ್ಸ್ ಪ್ರೆಸ್ ಜ.2 ತಾರೀಕ್‍ರ್ದ್ ಜ.30 ಮುಟ್ಟ ಪನ್ವೇಲ್ ರ್ದ್ ಪಿದಾಡುಂಡು. ಪ್ರಯಾಣಿಕೆರ್ ಈ ಬದಲಾವಣೆನ್ ಗಮನೊಡು ದೀವೊನ್ಲೆ ಪಂದ್ ರೈಲ್ವೆ ಇಲಾಖೆ ಬಿನ್ನಾಪು ಮಲ್ದ್ಂಡ್.

Sports ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ಬೊಂಬಾಯಿದ ಸುದ್ದಿ | Mumbai News

ಕರಾಟೆ ಪಂತೊಡು ಯಶಸ್ಸ್ ಸಾಧಿಸಾಯಿನ ‘ಪ್ರಹಾರ್ ಮಾರ್ಷಲ್ ಆರ್ಟ್ಸ್’ ದ ವಿದ್ಯಾರ್ಥಿಲು

Dec 26, 2025

ಠಾಣೆ (ಮಹಾರಾಷ್ಟ್ರ): ಪಿಂಪರಿ-ಚಿಂಚವಾಡ್ ದ ಮೀನಾತಾಯಿ ಠಾಕ್ರೆ ಸಭಾಗೃಹಡ್ ಡಿ.14 ಕ್ಕ್ ಆಯೋಜನೆ ಮಲ್ತಿನ ರಾಜ್ಯಮಟ್ಟದ ಕರಾಟೆ ಪಂತೊಡು
ಪ್ರಹಾರ್ ಮಾರ್ಷಲ್ ಆರ್ಟ್ಸ್ ಸ್ಪೋರ್ಟ್ಸ್ ಅಸೋಸಿಯೇಷನ್‌ (ಜೆ.ಎಸ್.ಕೆ.ಎ. ಭಾರತ ಸಂಯೋಜಿತ) ವಿದ್ಯಾರ್ಥಿಲು ಕಾತಾ ಬೊಕ್ಕ ಕುಮಿತೆ ವಿಭಾಗಡ್ ಯಶಸ್ಸ್ ಸಾಧಿಸಾದೆರ್.

ಕಲ್ಯಾಣ ಪಶ್ಚಿಮ (ಬೊಂಬೈ), ಕಲ್ಯಾಣ ಪೂರ್ವ (ಬೊಂಬೈ), ಬೊಕ್ಕ ಠಾಕುರ್ಳಿ (ಬೊಂಬೈ) ಶಾಖೆದ ಒಟ್ಟು 29 ವಿದ್ಯಾರ್ಥಿಲು ಪಂತೊಡು ಪಾಲ್ ಪಡೆದ್ 33 ಪದಕನ್ ಗೆಂದ್ ದೆರ್.

ಬೊಂಬೈ ಕಲ್ಯಾಣ ಪೂರ್ವದ ಸಿದ್ಧಿ ಕೊಟಿಯನ್ ಮೇರ್ ಕುಮಿತೆ ವಿಭಾಗಡ್ ಕಂಚ್ ದ ಪದಕನ್ ಗೆಂದ್ ದೆರ್.

ಅಂಚೆನೆ ಅಪೂರ್ವ ಧನಶೆಟ್ಟಿ ಬಂಗಾರ್ ದ ಪದಕ (ಕುಮಿತೆ), ಬೊಳ್ಳಿದ ಪದಕ (ಕಾತಾ), ಅರ್ಣವ್ ಬೋನ್ಹಾಡೆ ಬಂಗಾರ್ ದ ಪದಕ (ಕುಮಿತೆ), ಆಯುಷ್ ಏಟಂ ಬಂಗಾರ್ ದ ಪದಕ (ಕುಮಿತೆ), ವಾರಾ ಭಂಡಾರಿ ಬಂಗಾರ್ ಪದಕ (ಕಾತಾ), ಕಂಚ್ ದ ಪದಕ (ಕುಮಿತೆ), ಆದಿತ್ಯ ಖಾಟಿಂಗ್ ಬಂಗಾರ್ ದ ಪದಕ (ಕಾತಾ), ಸಾಯಿ ಕೆನೆ ಬಂಗಾರ್ ದ ಪದಕ (ಕಾತಾ), ಮಹಕ್ ಮಲ್ಬಾರಿ ಬಂಗಾರ್ ದ ಪದಕ (ಕಾತಾ), ಕಂಚ್ ದ ಪದಕ (ಕುಮಿತೆ), ವಾರಾ ಅನಿಲ್ ಭಂಡಾರಿ ಬಂಗಾರ್ ದ ಪದಕ (ಕಾತಾ), ಕಂಚ್ ದ ಪದಕ (ಕುಮಿತೆ), ಸಮೃದ್ಧಿ ಶೆಲಾರ್ ಬೊಳ್ಳಿದ ಪದಕ (ಕುಮಿತೆ), ಕಂಚ್ ದ ಪದಕ (ಕಾತಾ), ಗೆಂದ್ ದೆರ್.

ನೀಲ ಪಾಂಡ್ಯ, ಆರ್ಯನ್ ಮಾಳಿ, ಮಿತಾಂಶ್ ಡೊಂಗ್ರೆ, ಸ್ವರಾ ಮಸ್ಕೆ, ರೋಷನ್ ಪಿಳ್ಳೈ, ರೋಹಿತ್ ಪಿಳ್ಳೈ ಬೊಳ್ಳಿದ ಪದಕ (ಕುಮಿತೆ) ಗೆಂದ್ ದೆರ್.

ಸೃಷ್ಟಿ ದಳವಿ, ಸೋಹಮ್ ಗಾಯಕವಾಡ, ಲಾವಣ್ಯ ಪಾಟೀಲ್, ಮೈರಾ ಮಿಶ್ರಾ, ಅನಯಾ ಕಾರ್ಕರ್, ಸೌಮ್ಯ ಹ್ಯಾಲಿಜ್, ವೈಷ್ಣವಿ ಶೆಲಾರ್, ದಿಶಾ ಶೆಲಾರ್, ಖುಷ್ ಪುಜಾರಾ, ದರ್ಶನ್ ಬಿರಾಜ್ದಾರ್, ಜ್ಞಾನೇಶ್ವರ ಸೊನಾವಣೆ, ರುಶ್ವಿ ಸೊನಾವಣೆ, ನಿತ್ಯಾ ಜೈಸ್ವಾಲ್, ಕಸ್ತೂರಿ ನಿಕಮ್ ಕಂಚ್ ದ ಪದಕ (ಕುಮಿತೆ) ಗೆಂದ್ ದೆರ್.

ಈ ಮಾತ ವಿದ್ಯಾರ್ಥಿಲೆಗ್
ಕೋಚ್ ಬೊಕ್ಕ ಅಧ್ಯಕ್ಷೆರಾಯಿನ ಶಿಹಾನ್ ಭಂಡಾರಿ, ಸೆನ್ಪೈ ಸವಿತಾ ಭಂಡಾರಿ, ಸೆನ್ಪೈ ಶ್ರೇಯಾ ವಾಘ್ ಬೊಕ್ಕ ಸೆನ್ಪೈ ಕಮಲ್ ವಿಶ್ವಕರ್ಮಾ ಮೊಕುಲು ಮಾರ್ಗದರ್ಶನ ಕೊರ್ತೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ಬೊಂಬಾಯಿದ ಸುದ್ದಿ | Mumbai News

Mumbai: Former Maharashtra minister Meenakshi Patil passed away

Mar 29, 2024

ಮಹಾರಾಷ್ಟ್ರದ ಮಾಜಿ ಸಚಿವೆ ಬೊಕ್ಕ ಪಿಡಬ್ಲ್ಯುಪಿ ಪಕ್ಷದ ನಾಯಕಿ ಮೀನಾಕ್ಷಿ ಪಾಟೀಲ್ ಮಾರ್ಚ್ 29ಗ್ ನಿಧನ ಆಯೆರ್.

Mumbai: Former Maharashtra minister and PWP leader Meenakshi Patil(77) passed away on March 29 in her native Alibag taluka of Raigad district due to a prolonged illness, party sources said.

She is survived by a son, daughter-in-law and grandchildren, the sources in the PWP said.

Patil represented the Alibag assembly constituency thrice – in 1995, 1999 and 2009. She was a minister of state in Maharashtra during the government led by Vilasrao Deshmukh in 1999.

Deputy Chief Minister Ajit Pawar condoled Patil’s death. He described her as a fearless leader whose life was devoted to welfare of the weak, deprived and marginalised sections of the society.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ಬೊಂಬಾಯಿದ ಸುದ್ದಿ | Mumbai News

Raid on Mumbai hookah bar: Bigg Boss winner Munawar Faruqui among 14 detained

Mar 27, 2024

ಹುಕ್ಕಾ ಬಾರ್ ದಾಳಿಡ್ ಹಾಸ್ಯ ಕಲಾವಿದೆ ಬೊಕ್ಕ ಬಿಗ್ ಬಾಸ್ ವಿಜೇತೆ ಮುನಾವರ್ ಫಾರೂಕಿ ಸೇರ್ದ್ 14 ಜನ ಬಂಧನ ಆತೆರ್ ಪಂದ್ ಪೊಲೀಸೆರ್ ತೆರಿಪಾದೆರ್.

Mumbai: The Mumbai police arrested and charged Bigg Boss 17 winner Munawar Faruqui, a stand-up comedian, along with 14 other people On March 26 for allegedly using tobacco-based hookah in a south Mumbai hookah club.

According to the details, Faruqui was booked under The Cigarettes and Other Tobacco Products Act, 2003 or COTPA, 2003. The raid on the hookah bar was conducted on March 26 evening.

Faruqui was there at the hookah bar at the time of the raid. Later, he was penalised after his medical tests came back positive. The raid was conducted after the police received information about nicotine being used with tobacco products at the hookah parlour.

The police seized a total of Rs 4,400 and nine hookah pots, worth Rs 13,500, in the raid. Further investigations into the case were underway.

32-year-old Faruqui is popular as a comedian and rapper on YouTube. He was imprisoned for 35 days in 2021 for hurting Hindu religious sentiments.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Mumbai News ರಪಕ್ಕ ಸುದ್ದಿ Flash News

ಜಯ ಶ್ರೀ ಕೃಷ್ಣ ಪರಿಸರ ಪ್ರೇಮಿ ಸಮಿತಿದ ವಾರ್ಷಿಕ ಮಹಾಸಭೆ, ಬಹಿರಂಗ ಅಧಿವೇಶನ, ಸಂಸ್ಥಾಪನ ದಿನಾಚರಣೆ

Sep 7, 2022

ಬೊಂಬಾಯಿ : ನಮ್ಮ ಸರಕಾರ ಮಾಮಲ್ಲ ಯೋಜನೆನ್ ತುಳುನಾಡ್ ಗ್ ಕೊರೊಂದಿತ್ತ್ ದ್, ಮಾಲಿನ್ಯ ಇಜ್ಜಂದಿನ ಒವ್ವೆ ಮಲ್ಲ ಪ್ಯಾಕೇಜ್ ಇತ್ತಿನ ಪೊಸ ಕೈಗಾರಿಕೋದ್ಯಮ ಸ್ಥಾಪನೆ ಮಲ್ಪರೆ ಜಯಶ್ರೀಕೃಷ್ಣ ಪರಿಸರ ಪ್ರೇಮಿ ಸಮಿತಿದ ಸಂಪೂರ್ಣ ಪ್ರೋತ್ಸಾಹ ಉಂಡು. ಉಂದೆರ್ದಾವರ ಜಿಲ್ಲೆದ ಅಭಿವೃದ್ಧಿ ಆಪುಂಡು ಅಂಚನೆ ನಮ್ಮ ಜಿಲ್ಲೆಡ್ ಇಪ್ಪುನ ಜವನೆರೆಗ್ಲಾ ಬೇಲೆ ತಿಕ್ಕುಂಡು. ಸಮಿತಿದ ಪೊರ್ಂಬಾಟರ್‍ದಾವರ ಜಿಲ್ಲೆ ಅಭಿವೃದ್ದಿ ಆತ್ಂಡ್ ಪಂದ್ ಜಯಶ್ರೀಕೃಷ್ಣ ಪರಿಸರ ಪ್ರೇಮಿ ಸಮಿತಿದ ಅಧ್ಯಕ್ಷೆರಾಯಿನ ಎಲ್. ವಿ. ಅಮೀನ್ ಪಂಡೆರ್.

ಸೆ. 5 ಕ್ಕ್ ಕುರ್ಲಾ ಪೂರ್ವದ ಬಂಟರ ಸಂಘದ ಅನೆಕ್ಸ್ ಚಾವಡಿಡ್ ತುಳುನಾಡ್‌ದ ಅಭಿವೃದ್ಧಿಗಾದ್ ಬೇಲೆ ಮಲ್ತೊಂದು ಇಪ್ಪುನ ಒಂಜೇ ಒಂಜಿ ಸರಕಾರಿ ಸಂಸ್ಥೆ ಜಯ ಶ್ರೀ ಕೃಷ್ಣ ಪರಿಸರ ಪ್ರೇಮಿ ಸಮಿತಿದ 23ನೇ ವಾರ್ಷಿಕ ಮಹಾಸಭೆ ಆಯಿಬೊಕ್ಕ ನಡತಿನ ಬಹಿರಂಗ ಅಧಿವೇಶನದ ಅಧ್ಯಕ್ಷತೆನ್ ವಹಿಸೊಂದು ಎಲ್. ವಿ. ಅಮೀನ್ ಮೇರ್ ಪಾತೆರಿಯೆರ್.

ಈ ಪೊರ್ತುಡು ಸಮಿತಿದ ಮಾಜಿ ಅಧ್ಯಕ್ಷೆರ್ ಆಯಿನ ಎಡ್ವಕೇಟ್ ಪ್ರಕಾಶ್ ಎಲ್. ಶೆಟ್ಟಿ, ಎಡ್ವಕೇಟ್ ಸುಭಾಷ್ ಶೆಟ್ಟಿ, , ಹರೀಶ್ ಕುಮಾರ್ ಶೆಟ್ಟಿ ಬೊಕ್ಕ ಧರ್ಮಪಾಲ ದೇವಾಡಿಗ ಮೊಕುಲೆನ್ ಮಾನಾದಿಗೆ ಮಲ್ತೆರ್.

ಸಮಿತಿದ ಸಂಸ್ಥಾಪಕೆರ್ ತೋನ್ಸೆ ಜಯಕೃಷ್ಣ ಎ ಶೆಟ್ಟಿ, ಜಿಲ್ಲೆದ ಉಪಾಧ್ಯಕ್ಷೆರಾಯಿನ ಜಗದೀಶ್ ಅಧಿಕಾರಿ, ಹೋಟೆಲ್ ಫೆಡರೇಶನ್ ಆಪ್ ಮಹಾರಾಷ್ಟ್ರದ ಅಧ್ಯಕ್ಷೆರ್ ಡಾ. ಶಂಕರ್ ಶೆಟ್ಟಿ ವಿರಾರ್, ಪತ್ರಕರ್ತೆರ್ ದಯಾಸಾಗರ ಚೌಟ, ಸಮಿತಿದ ಉಪಾಧ್ಯಕ್ಷೆರಾಯಿನ ಸಿಎ ಐ. ಆರ್. ಶೆಟ್ಟಿ, ಪೇಂಟೆದ ಬೇತೆ ಬೇತೆ ಜಾತಿದ ಸಂಘಟನೆಲಾಯಿನ ಬಾಂಬೆ ಬಂಟ್ಸ್ ಅಸೋಸಿಯೇಷನ್ ಮಾಜಿ ಅಧ್ಯಕ್ಷೆರ್ ಶ್ಯಾಮ್ ಎನ್. ಶೆಟ್ಟಿ, ಕರ್ನಾಟಕ ವಿಶ್ವಕರ್ಮ ಅಸೋಸಿಯೇಷನ್ ಅಧ್ಯಕ್ಷೆರ್ ಸದಾನಂದ ಆಚಾರ್ಯ, ಶ್ರೀ ರಜಕ ಸಂಘದ ಉಪಾಧ್ಯಕ್ಷೆರ್ ಹರೀಶ್ ಸಾಲಿಯನ್, ಕುಲಾಲ ಸಂಘ ಮುಂಬೈ ಅಧ್ಯಕ್ಷೆರ್ ದೇವದಾಸ್ ಎಲ್. ಕುಲಾಲ್, ಪದ್ಮಶಾಲಿ ಸೇವಾ ಸಂಘ ಬೊಂಬಾಯಿದ ಅಧ್ಯಕ್ಷೆರ್ ಉತ್ತಮ್ ಶೆಟ್ಟಿಗಾರ್, ದೇವಾಡಿಗ ಸಂಘ ಅಧ್ಯಕ್ಷೆರ್ ಪ್ರವೀಣ್ ಎನ್ ದೇವಾಡಿಗ, ಗಾಣಿಗ ಸಂಘ ಬೊಂಬಾಯಿದ ಗೌರವ ಅಧ್ಯಕ್ಷೆರ್ ರಾಮಚಂದ್ರ ಗಾಣಿಗ, ಬಂಡಾರಿ ಸೇವಾ ಸಂಘ ಬೊಂಬಾಯಿದ ಅಧ್ಯಕ್ಷೆರ್ ನ್ಯಾ. ಆರ್.ಎಂ. ಭಂಡಾರಿ, ಕನ್ನಡ ಕಲಾವಿದರ ಪರಿಷತ್ ಮಹಾರಾಷ್ಟ್ರ ಅಧ್ಯಕ್ಷೆರ್ ಡಾ. ಸುರೇಂದ್ರ ಕುಮಾರ್ ಹೆಗ್ಡೆ, ಸಾಪಲ್ಯ ಸೇವಾ ಸಂಘದ ಅಧ್ಯಕ್ಷೆರ್ ಶ್ರೀನಿವಾಸ್ ಸಾಪಲ್ಯ, ಚಂದ್ರಶೇಖರ್ ಬೆಳ್ಚಡ, ಜಿತೇಂದ್ರ ಜೆ ಗೌಡ, ಹ್ಯಾರಿ ಸಿಕ್ವೇರ, ಮೋಹನ್ ದಾಸ್, ಕೋಶಾಧಿಕಾರಿ ತುಳಸಿದಾಸ್ ಅಮೀನ್, ಜೊತೆ ಕಾರ್ಯದರ್ಶಿ ಸಂಜೀವ ಪೂಜಾರಿ ತೋನ್ಸೆ ಲೇಸ್ ಡ್ ಇತ್ತೆರ್.

ಸಮಿತಿದ ಉಪಾಧ್ಯಕ್ಷೆರ್ ನಿತ್ಯಾನಂದ ಡಿ.ಕೋಟ್ಯಾನ್ ಲೇಸ್ ಸುದಾರಿಕೆ ಮಲ್ತೆರ್. ಗೌರವ ಪ್ರಧಾನ ಕಾರ್ಯದರ್ಶಿ ಸುರೇಂದ್ರ ಸಾಲ್ಯಾನ್ ಮುಂಡ್ಕೂರು ಬತ್ತಿನ ಬಿನ್ನೆರೆನ್ ಎದ್ಕೊನಿಯೆರ್.

ವರದಿ : ಈಶ್ವರ ಎಂ. ಐಲ್
ಚಿತ್ರ : ದಿನೇಶ್ ಕುಲಾಲ್

Jai Sri Krishna environmentalists Samithi annual general body meeting, public session and founders day celebrations

Mumbai: ” We are ready to accept any big projects for Tulunadu as long as they are environment friendly.New industries will provide good employment opportunities to the local youth ” said L V Amin president of Jai Shri Krishna environmentalists Samithi.

Jai Sri Krishna environmentalists Samithi had organised it’s 23rd annual general body meeting and public session and founders day celebrations which was presided by L V Amin. Former president of the Samithi Advocate Prakash Shetty, Advocate Subhash Shetty Harish Shetty and Dharmapal Devadiga were honoured on the occasion. Many dignitaries and members of the Samithi participated in the program.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Mumbai News ರಪಕ್ಕ ಸುದ್ದಿ Flash News

ಮಿಸ್ ಇಂಡಿಯಾ 2022″ ಕಿರೀಟ ಗೆಂದಿನ ತುಳುನಾಡ ಪೆರ್ಮೆದ ಪೊಣ್ಣು ಸಿನಿ ಶೆಟ್ಟಿ

Jul 4, 2022

ಬೊಂಬಾಯಿ: 58ನೇ ಫೆಮಿನಾ ಮಿಸ್ ಇಂಡಿಯಾ ಪಂಥಡ್ ಒಡಿಪು ಜಿಲ್ಲೆ ಇನ್ನಾ ಮೂಲದ ಸಿನಿ ಶೆಟ್ಟಿ ಮೇರ್ ಮಿಸ್ ಇಂಡಿಯಾ 2022 ಕಿರೀಟ ಗೆಂದ್ ದೆರ್.

ಮುಂಬೈಡ್ ಇಪ್ಪುನ ಮೇರ್ ಮೂಲತಃ ತುಳುನಾಡ್ ದಾರ್ ಪನ್ಪಿನಾರ್ ಪರ್ಮೆದ ಇಚಾರ. 2020 ತ್ತ ಮಿಸ್ ಇಂಡಿಯಾ ಮಾನಸಾ ವಾರಣಾಸಿ ಮೇರ್ ಸಿನಿ ಶೆಟ್ಟಿ ಮೇರೆಗ್ ಕಿರೀಟನ್ ಪಾಡಿಯೆರ್. ಮಿಸ್ ವರ್ಲ್ಡ್ ಪಂಥದ ದುಂಬುದ ಪಂಥಡ್ ಸಿನಿ ಶೆಟ್ಟಿ ಮೇರ್ ಭಾರತದ ಪ್ರತಿನಿಧಿ ಆದ್ ಪಾಲ್ ಪಡೆಯರೆ ಉಲ್ಲೆರ್.

Sini Shetty a girl from our own Tulunadu wins the Miss India- 2022 crown

Mumbai: In the 58th Miss India-2022 pagent Sini Shetty from Karnataka has won the Miss India crown.

Though she lives in Mumbai she is originally from DK district.She was crowned by Manasa Varanasi who was Miss India 2020.She will represent India in the Miss World compitition.

ಉಡುಪಿದ ಸುದ್ದಿ | Udupi News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ರೇಡಿಯೋ ಮಣಿಪಾಲ್ 90.4 Mhz, ಎಂ.ಐ.ಸಿ ಕ್ಯಾಂಪಸ್, ಮಣಿಪಾಲ: ದೇಸಿ ಸೊಗಡು ಸಮುದಾಯ ಬಾನುಲಿ

Jan 24, 2022

ಮಣಿಪಾಲ : ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಳೂರು, ಕರ್ನಾಟಕ ಸರ್ಕಾರ ಅಟ್ಟನೆ ಮಲ್ಪುನ “ಶುದ್ಧ ಜಲ , ಸ್ವಚ್ಛ ನೆಲ , ಆರೋಗ್ಯವಾದ್ ಉಪ್ಪಡ್ ಜೀವಸಂಕುಲ”ಬಾನುಲಿ ಸರಣಿ ಲೇಸ್ ಡ್ ಜನವರಿ ತಿಂಗೊಲ್ ದ ತಾರೀಖ್ 24 ನೆ ಸೋಮಾರದಾನಿ ರಾಷ್ಟ್ರೀಯ ಹೆಣ್ಣುಮಗುವಿನ ದಿನ ಪ್ರಯುಕ್ತ ಬೈಯ್ಯಗ್ 6 ಗಂಟೆಗ್ ಪೊಂಜೊವ್ಲೆಗ್ ನೈರ್ಮಲ್ಯದ ಪ್ರಾಮುಖ್ಯತೆ ಬಗ್ಗೆ ಸಲಹಾ ಕಾರ್ಯಕ್ರಮ ಪ್ರಸಾರ ಆಯರೇ ಉಂಡು .ಒಡಿಪು ಜಿಲ್ಲಾ ಪಂಚಾಯತ್ದ ಸ್ವಚ್ಛಭಾರತ್ ಮಿಷನ್ದ ಸ್ವಚ್ಛತೆ ಬೊಕ್ಕ ನೈರ್ಮಲ್ಯ ವಿಭಾಗದ ಸಮಾಲೋಚಕೆರಾಯಿನ ಸಹನಾ ಹೆಗಡೆ ಪಾಲ್ ಪಡೆಯರೇ ಉಲ್ಲೆರ್..

ಜನವರಿ 25 ಕ್ಕ್ ಮಧ್ಯಾಹ್ನ 1ಗಂಟೆಗ್ ನೆತ್ತ ಮರುಪ್ರಸಾರ ಆಯರೇ ಉಂಡು.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಬಂಟರ ಸಂಘ ಬೊಂಬಾಯಿದ ಗೈಮೆದ ಕಾರ್ಯಂತೆರ್ನ ಅಪ್ಪೆ ನನ ನೆಂಪು ಮಾತ್ರ

Sep 7, 2021

ಚಿಕ್ಕಮಂಗಳೂರು : ಚಿಕ್ಕಮಂಗಳೂರು ಕಮ್ಮಹಳ್ಳಿ ದಿ. ಕೃಷ್ಣ ಕೆ.ಶೆಟ್ಟಿ ಮೆರೆನ ಬೊಡೆದಿ ಅಪ್ಪಿ. ಕೆ.ಶೆಟ್ಟಿ (81) ಮೇರ್ ಹುಷಾರ್ ದಾಂತೆ ಚಿಕ್ಕಮಂಗಳೂರುದ ಹೋಲಿ ಕ್ರಾಸ್ ಆಸ್ಪತ್ರೆಡ್ ಆಗಸ್ಟ್ 30 ತಾರಿಖ್ಗ್ ಕಡೆತ ಉಸುಲು ಬುಡ್ತೆರ್.

ಅಪ್ಪಿ ಕೆ. ಶೆಟ್ಟಿ ಮೇರ್ ಬೊoಬಾಯಿ ಬಂಟರ ಸಂಘದ ಗೈಮೆದ ಕಾರ್ಯಂತೆರ್, ಆರ್ಥಿಕ ತಜ್ಞೆ, ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತೆರ್, ಎಸ್. ಆರ್ ಫೈನಾನ್ಸಿಯಲ್ ಸರ್ವಿಸಸ್ ಪ್ರೈವೇಟ್ ಲಿಮಿಟೆಡ್ ದ ಆಡಳಿತ ನಿರ್ದೇಶಕೆರ್, ಕರ್ನಾಟಕ ಜಾನಪದ ಪರಿಷತ್ ಮಹಾರಾಷ್ಟ್ರ ಘಟಕ ಉಂದೆತ್ತ ಗುರ್ಕಾರ್ಲು ಡಾ. ಆರ್ ಕೆ ಶೆಟ್ಟಿ. ಸಮೇತ ಮೂಜಿ ಜನ ಆಣ್ ಜೋಕುಲು ಅಂಚನೇ ಮಲ್ಲ ಮಟ್ಟದ ಬಂದು ಇಷ್ಟೆರ್ನಕ್ಲೆನೆರ್ದ್ ದೂರ ಆತೆರ್.

ಆರ್. ಕೆ ಶೆಟ್ರೆನ ಅಪ್ಪೆ ತೀರಿನ ಇಚಾರ ತೆರಿದ್ ಜಾಗತಿಕ ಬಂಟರ ಸಂಘದ ಒಕ್ಕೂಟದ ಗುರ್ಕಾರ್ಲು ಐಕಳ ಹರೀಶ್ ಶೆಟ್ಟಿ, ಅಂಚನೇ ಪದಾಧಿಕಾರಿಲು, ಬಂಟರ ಸಂಘದ ಗುರ್ಕಾರೆ ಚಂದ್ರಹಾಸ್ ಕೆ. ಶೆಟ್ಟಿ, ಬೊಕ್ಕ ಮಾತಾ ಪದಾಧಿಕಾರಿಲು ಅಂಧೇರಿ ಬಾಂದ್ರ ಪ್ರಾದೇಶಿಕ ಸಮಿತಿದ ಗೈಮೆದ ಗುರ್ಕಾರ್ಲು ರವಿ ಶೆಟ್ಟಿ , ಬೊಕ್ಕ ಮಾತಾ ಪದಾಧಿಕಾರಿಲು ಅಂಚನೇ 9 ಪ್ರಾದೇಶಿಕ ಸಮಿತಿದ ಗುರ್ಕಾರ್ಲು, ಕಣನೀರ ಪನಿತರ್ಪಣ ಅರ್ಪಿಸಾದೆರ್.

Chikamagalur: Appi K Shetty (81), wife of the late Dr Krishna K Shetty, resident of Kambihalli, Chikkamagaluru, Karnataka, passed away at Holy Cross hospital, Chikkamagaluru on Monday, August 30.She had donated funds for educational and religious sectors and contributed for the growth of the society.

She has left behind three sons including Dr R K Shetty who is the economic scholar, Karnataka Rajyotsava awardee, managing director of Essar Financial services private limited, honorary chief secretary of Bunts Sangha Mumbai, president of Karnataka Janapada Maharashtra parishad, member of Kannadiga Patrakartara Sangha Maharashtra advisory committee, friends and relatives.

Aikala harish shetty president buntara sangha,K. Chandrahasa shetty and all the Members of andheri bandra ravi shetty and other leaders are likely to take part in the last rites.