ಬಂದಾರು : ಮೈಸೂರುಡ್ ನಡತ್ತಿನ ಪ್ರಾಥಮಿಕ ಶಾಲಾ ಬಾಲಕಿಯರ ವಿಭಾಗದ ರಾಜ್ಯಮಟ್ಟದ ಹೊನಲು ಬೆಳಕಿನ ವಾಲಿಬಾಲ್ ಪಂದ್ಯಾಟಡ್ ಮೈಸೂರು ವಿಭಾಗ, ದಕ್ಷಿಣ ಕನ್ನಡ ಜಿಲ್ಲೆನ್ ಪ್ರತಿನಿಧಿಸಾದ್ 9ನೇ ಸರ್ತಿ ಸರಕಾರಿ ಉನ್ನತಿಕರಿಸಿದ ಹಿರಿಯ ಪ್ರಾಥಮಿಕ ಬಂದಾರು ಶಾಲಾ ತಂಡ ಫೈನಲ್ಡ್ ಅದ್ಭುತ ಪ್ರದರ್ಶನ ಕೊರ್ದು ಬೆಳಗಾಂ ತಂಡನ್ ಸೋಪಾದ್ ಸುರುತ ಇನಾಮು ಪಡೆದ್ ರಾಷ್ಟ್ರಮಟ್ಟಗ್ ಆಯ್ಕೆಯಾತೆರ್.
ಮೊಕ್ಲೆನ್ ಉಜಿರೆ – ಬೆಳ್ತಂಗಡಿ- ಗುರುವಾಯನಕೆರೆ- ಕುಪ್ಪೆಟ್ಟಿ – ಪದ್ಮುಂಜ – ಮೈರೋಳ್ತಡ್ಕ – ಬಂದಾರು ಮಾರ್ಗ ಆದ್ ನಾಸಿಕ್ ಬ್ಯಾಂಡ್ ಮುಖೇನ ಮೆರವಣಿಗೆದ ಒಟ್ಟಿಗೆ ಎದ್ಕೊಂಡೆರ್.
ಈ ಪೊರ್ತುಡು ಬೋಲ್ತೆರ್ ಬಿಜೆಪಿ ಮಂಡಲದ ಗುರ್ಕಾರ್ಲು ಜಯಂತ ಕೋಟ್ಯಾನ್, ಪದ್ಮುಂಜ ಸಿ.ಎ. ಬ್ಯಾಂಕ್ ಗುರ್ಕಾರ್ಲು ರಕ್ಷಿತ್ ಪಣೆಕ್ಕರ, ಬಂದಾರು ಗ್ರಾಮ ಪಂಚಾಯತ್ ಗುರ್ಕಾರ್ಲು ದಿನೇಶ್ ಗೌಡ ಖಂಡಿಗ, ಗ್ರಾಮ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಮೋಹನ್ ಬಂಗೇರ, ಬಂದಾರು ಶಾಲೆ ಹಳೆ ವಿದ್ಯಾರ್ಥಿ ಸಂಘದ ಗುರ್ಕಾರ್ಲು ಸುಂದರ ಗೌಡ ನಿನ್ನಿಕಲ್ಲು, ಬೆಳ್ತಂಗಡಿ ಮಂಡಲ ಬಿಜೆಪಿ ಯುವಮೋರ್ಚಾ ಪ್ರಧಾನ ಕಾರ್ಯದರ್ಶಿ ವಿನೀತ್ ಕೋಟ್ಯಾನ್ ಸಾವ್ಯ ಮಂಡಲ ಯುವ ಮೋರ್ಚಾ ಸದಸ್ಯರಾಯಿನ ಗಿರೀಶ್ ಗೌಡ ಬಿ.ಕೆ ಬಂದಾರು, ಬಂದಾರು ಶಾಲೆದ ಎಸ್.ಡಿ,ಎಮ್.ಸಿ ಗುರ್ಕಾರ್ಲು ಉಮೇಶ್ ಗೌಡ ಪೊಯ್ಯೋಳ, ಜಗದೀಶ ಗೌಡ ಕೊಂಬೇಡಿ ಇತ್ತೆರ್.
pallavi shetty