ತುಳುನಾಡ್ ದ ಜಿಲ್ಲೆ ಸೇರಿನಂಚ ಬೇತೆ ಬೇತೆ ಜಿಲ್ಲೆಡ್ ಚೌತಿ ಸೆ.19 ದಾನಿ ಆಚರಣೆ ಮಲ್ಪುನೆಟ್ ಅವ್ವೆ ದಿನ ಸರಕಾರಿ ರಜೆ ಘೋಷಣೆ ಮಲ್ಪೊಡು ಪಂದ್ ಸಚಿವೆರ್ ಮನವಿ ಕೊರ್ತೆರ್.
ಈ ಹಿನ್ನಲೆಡ್ ದ.ಕ. ಜಿಲ್ಲೆಡ್ ಸರಕಾರಿ ರಜೆನ್ ಸೆ.18 ದ ಬದಲ್ 19 ದಾನಿ ಕೊರಿಯೆರೆ ಅಗತ್ಯ ಕ್ರಮ ದೆತೊನೊಡು ಪಂದ್ ದ.ಕ. ಜಿಲ್ಲಾ ಉಸ್ತುವಾರಿ ಸಚಿವೆರ್ ದಿನೇಶ್ ಗುಂಡೂರಾವ್ ಮೆರ್ ಸರಕಾರದ ಮುಖ್ಯ ಕಾರ್ಯದರ್ಶಿ ಬೊಕ್ಕ ದ.ಕ. ಜಿಲ್ಲಾಧಿಕಾರಿಗ್ ಸೂಚಿನೆ ಕೊರ್ತೆರ್.
ಸ್ಪೀಕರ್ ಖಾದರ್ ಮನವಿ:
ದ.ಕ. ಬೊಕ್ಕ ಒಡಿಪು ಜಿಲ್ಲೆಡ್ ಚೌತಿ ನ್ ಸೆ.19 ದಾನಿ ಆಚರಣೆ ಮಲ್ಪುನ ಹಿನ್ನಲೆಡ್ ಸಾರ್ವತ್ರಿಕ ರಜೆನ್ ಸೆ.19 ದಾನಿ ಕೊರ್ಪುನಂಚ ಸ್ಪೀಕರ್ ಖಾದರ್ ಡ ಮನವಿ ಮಲ್ತಿನ ಹಿನ್ನಲೆ ಡ್ ಕೂಡ್ಲೆ ಸ್ಪಂದಿಸಾಯಿನ್ ಆರ್ ಸಿಎಂ ಸಿದ್ದರಾಮಯ್ಯಡ ಪಾತೆರ್ವೆ ಪಂದ್ ಪಂತೆರ್. ಸೆ.19 ದಾನಿ ರಜೆ ಕೊರ್ಪುನ ಭರವಸೆನ್ ಕೊರ್ತೆರ್ ಪಂದ್ ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಪದ್ಮರಾಜ್ ಆರ್ ತೆರಿಪಾದೆರ್.
ಒಡಿಪು ಜಿಲ್ಲೆ ಡ್ ರಜೆ ಬದಲಾವಣೆದ ಬಗೆಟ್ ನಿರ್ಧಾರ ನನಲ ಆತಿಜಿ.
pallavi shetty