ಪುತ್ತೂರ್: ಪುರುಷರಕಟ್ಟೆ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿದ 23 ನೇ ವರ್ಷೊದ ಸಾರ್ವಜನಿಕ ಚೌತಿ ಸೆ.19-21 ಮುಟ್ಟ ಪುರುಷರಕಟ್ಟೆದ ಶ್ರೀ ಮಹಾಲಿಂಗೇಶ್ವರ ದೇವೆರೆನ ಕಟ್ಟೆದ ಎದುರುಡು ನಡಪರೆ ಉಂಡು.
ಸೆ.19 ಅಂಗಾರೆ ಬೊಲ್ಪುಗು ಗಣಪತಿ ವಿಗ್ರಹ ಪ್ರತಿಷ್ಠೆ, ಪ್ರಾರ್ತನೆ, ಗಣಹೋಮ, ಮಧ್ಯಾಹ್ನ ಮಹಾಪೂಜೆ ಆದ್ ನುಪ್ಪು ಪ್ರಸಾದ ಸೇವೆ ಅವೆರ್ದ್ ಬೊಕ್ಕ ಬೇತೆ ಬೇತೆ ಗೊಬ್ಬುಲು ನಡಪರೆ ಉಂಡು. ಬಯ್ಯಗ್ ಭಜನೆ, ರಾತ್ರೆ ಸಾಂಸ್ಕೃತಿಕ ಲೇಸ್, ರಂಗಪೂಜೆ, ಮಹಾಪೂಜೆ, ನುಪ್ಪು ಪ್ರಸಾದ ಸೇವೆ ನಡಪರೆ ಉಂಡು. ಬೊಕ್ಕ ತುಳು ಅಪ್ಪೆ ಕಲಾವಿದೆರ್ ಕುಡ್ಲ ಮೊಕ್ಲೆರ್ದ್ ಅಮೋಘ ಕುಸಲ್ದ ಎಸಲ್ ಭರತನಾಟ್ಯ ಡ್ಯಾನ್ಸ್, ಯಕ್ಷನೃತ್ಯ, ಮಿಮಿಕ್ರಿ ಕಾರ್ಯಕ್ರಮ ನಡಪರೆ ಉಂಡು.
ಸೆ.20 ಬುಧಾರ ಬೊಲ್ಪುಗು ಗಣಹೋಮ, ಮಧ್ಯಾಹ್ನ ಮಹಾಪೂಜೆ, ನುಪ್ಪುಪ್ರಸಾದ ಸೇವೆ, ಬಯ್ಯಗ್ ಭಜನೆ, ರಾತ್ರೆ ರಂಗಪೂಜೆ, ಮಹಾಪೂಜೆ, ಬೊಕ್ಕ ಧಾರ್ಮಿಕ ಸಭಾ ಲೇಸ್ ಆದ್ ಮುರಳಿ ಈ ಪಿರ ಬರೊಲಿ ತುಳು ನಾಟಕ ನಡಪರೆ ಉಂಡು.
ಸೆ.21 ಗುರುವಾರ ಬೊಲ್ಪುಗು ಗಣಹೋಮ, ಮಧ್ಯಾಹ್ನ ಮಹಾಪೂಜೆ, ನುಪ್ಪುಪ್ರಸಾದ ಆದ್ ಭಜನೆ ಸೇವೆ ನಡಪರೆ ಉಂಡು. ಬಯ್ಯಗ್ ಶೋಭಾಯಾತ್ರೆ ನಡಪರೆ ಉಂಡು.
ಅಂಚೆನೆ ಈ ಮೂಜಿ ದಿನತ್ತ ಲೇಸ್ ಗ್ ಮಾತೆರ್ಲಾ ಬತ್ತ್ ದ್, ಶ್ರೀ ಮಹಾಗಣಪತಿ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಪುರುಷರಕಟ್ಟೆ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿದ ಗುರ್ಕಾರ್ಲು ವಿಶ್ವನಾಥ ಪುರುಷ ಎಂ. ಪುರುಷರಕಟ್ಟೆ, ಖಜಾಂಚಿ ಕೃಷ್ಣಪ್ಪ ಶೆಟ್ಟಿಮಜಲ್, ಕಾರ್ಯದರ್ಶಿ ಹರೀಶ್ ದೇವಾಡಿಗ ಮುಕ್ವೆ ಬೊಕ್ಕ ಸರ್ವಸದಸ್ಯೆರ್ ತೆರಿಪಾದೆರ್.
pallavi shetty