ಬೊಲ್ತೆರ್‌ದ ಡಾ. ಸದಾನಂದ ಪೂಜಾರಿ ಮೇರೆಗ್ ಜಿಲ್ಲಾಡಳಿತದ ಮಾನಾದಿಗೆ

ದ.ಕ.ಜಿಲ್ಲಾಡಳಿತದ ಮುತಾಲಿಕೆಡ್ ಉಸ್ತುವಾರಿ ಸಚಿವೆರಾಯಿನ ದಿನೇಶ್ ಗುಂಡೂರಾವ್ 77 ನೇ ಸ್ವಾತಂತ್ರೋತ್ಸವದ ಧ್ವಜಾರೋಹಣ ಮಲ್ತ್ ದ್ ಸಂದೇಶದ ಭಾಷಣನ್ ಮಲ್ತೆರ್.

ಈ ಪೊರ್ತುಡು ರಾಷ್ಟ್ರೀಯ ವೈದ್ಯಕೀಯ ದಿನಾಚರಣೆದ ದಿನತಾನಿ ವೈದ್ಯಕೀಯ ಕ್ಷೇತ್ರಡ್ ಅತ್ಯುತ್ತಮ ಸಾದನೆ ಮಲ್ತಿನ ವೆನ್ಲಾಕ್ ಆಸ್ಪತ್ರೆದ ಖ್ಯಾತ ಮೂತ್ರ ರೋಗ ತಜ್ಞೆರ್ ಬೊಲ್ತೆರ್‌ದ ಡಾ.ಸದಾನಂದ ಪೂಜಾರಿ ಬೊಕ್ಕ ಪುತ್ತೂರು ಸರಕಾರಿ ಆಸ್ಪತ್ರೆದ ಮೂಳೆ ತಜ್ಞೆರಾಯಿನ, ಇಂಚೊಗು ಬಿ.ಸಿ.ರಾಯ್ ಪ್ರಶಸ್ತಿ ಪಡೆದಿನ ಅಜಯ್ ಎಮ್.ಬಿ. ಮೇರೆಗ್ ಸ್ವಾತಂತ್ರ‍್ಯ ದಿನತಾನಿ ಕುಡ್ಲಡ್ ಉಸ್ತುವಾರಿ ಸಚಿವೆರ್ ಗೌರವಿಸಾದ್ ಅಭಿನಂದನೆ ಸಲ್ಲಿಸಾಯೆರ್.

ಈ ಪೊರ್ತುಡು ವಿಧಾನ ಪರಿಷತ್ ಶಾಸಕೆರ್ ಕೆ.ಹರೀಶ್ ಕುಮಾರ್, ಜಿಲ್ಲಾಧಿಕಾರಿಲು, ಉಸ್ತುವಾರಿ ಸಚಿವರ ಆಪ್ತ ಕಾರ್ಯದರ್ಶಿ.ಕೆ.ಎ. ಹಿದಾಯಿತುಲ್ಲ ,ಅಪರ ಜಿಲ್ಲಾಧಿಕಾರಿಲು, ಕುಡ್ಲದ ಪೋಲಿಸ್ ಕಮಿಷನರ್, ಜಿಲ್ಲಾ ಪೋಲಿಸ್ ವರಿಷ್ಠಾಧಿಕಾರಿಲು ,ಜಿಲ್ಲಾ ಆರೋಗ್ಯಾಧಿಕಾರಿಲು, ಸಹಾಯಕ ಕಮಿಷನರ್, ಬೊಕ್ಕ ಇಲಾಖಾಧಿಕಾರಿಲು ಪಾಲ್ ಪಡೆದಿತ್ತೆರ್.