ಮುಲ್ಕಿ ತಾಲೂಕ್ ವ್ಯಾಪ್ತಿದ ಪುಗರ್ತೆದ ಅತಿಕಾರಿಬೆಟ್ಟು ಗ್ರಾಮ ಪಂಚಾಯತ್ ದ ರಡ್ಡನೇ ಅವಧಿಗ್ ಪೊಸ ಅಧ್ಯಕ್ಷೆರಾದ್ ಬಿಜೆಪಿ ಅಭ್ಯರ್ಥಿ ಶಶಿಕಲಾ ಬೊಕ್ಕ ಉಪಾಧ್ಯಕ್ಷೆರಾದ್ ಮನೋಹರ ಕೋಟ್ಯಾನ್ ಅವಿರೋಧವಾದ್ ಆಯ್ಕೆ ಆತೆರ್.
ಅತಿಕಾರಿಬೆಟ್ಟು ಗ್ರಾಮ ಪಂಚಾಯತ್ ಡ್ ಒಟ್ಟು 10 ವಾರ್ಡ್ ಉಂಡು. ಕರಿನ ವೋಟುಡು 9 ವಾರ್ಡ್ ಡ್ ಬಿಜೆಪಿ ಸದಸ್ಯೆರ್ ಬೊಕ್ಕ 1 ವಾರ್ಡ್ ಡ್ ಕಾಂಗ್ರೆಸ್ ಅಭ್ಯರ್ಥಿಲು ಗೆಂದ್ ದೆರ್.
ಈ ಸರ್ತಿದ ರಡ್ಡನೇ ಅವಧಿದ ವೋಟುಡು ಸರ್ಕಾರದ ನಿಯಮದಂಚೆನೆ ಅಧ್ಯಕ್ಷೆರೆ ಪಟ್ಟ ಪರಿಶಿಷ್ಟ ಜಾತಿ ಬೊಕ್ಕ ಉಪಾಧ್ಯಕ್ಷೆರೆನ ಹಿಂದುಳಿದ ವರ್ಗ ಎ ಗ್ ಮೀಸಲಾತ್ಂಡ್. ಅಧ್ಯಕ್ಷೆರ್, ಉಪಾಧ್ಯಕ್ಷೆರ್ ಬೇಲೆಗ್ ಒವ್ವೇ ಗೊಂದಲ ಇಜ್ಜಂದೆ ಅವಿರೋಧವಾದ್ ಆಯ್ಕೆ ಆತೆರ್. ಆಯ್ಕೆ ಪ್ರಕ್ರಿಯೆ ವೋಟುಡು ಕಾಂಗ್ರೆಸ್ ದ ಒಂಜೇ ಒಂಜಿ ಸದಸ್ಯೆರ್ ಗೈರ್ ಹಾಜರಾತೆರ್. ವೋಟುದ ಅಧಿಕಾರಿಯಾದ್ ಕೃಷಿ ಇಲಾಖೆ ಅಧಿಕಾರಿ ವೀಣಾ ರೈ ಕರ್ತವ್ಯ ನಿರ್ವಹಿಸಾದೆರ್.
pallavi shetty