ಆ.6: ಬಂಟರ ಸಂಘ ಬಜಪೆ ವಲಯ (ರಿ.) ದ ಮುತಾಲಿಕೆಡ್ ಆಟಿದ ನೆಂಪು

ಕುಡ್ಲ: ಬಂಟರ ಸಂಘ ಬಜಪೆ ವಲಯ (ರಿ.) ದ ಮುತಾಲಿಕೆಡ್ ಆಟಿದ ನೆಂಪು “ತರವಾಡ್ ದ ತಮ್ಮನ” ಲೇಸ್ ಆ.6 ಐತಾರ ಬಜಪೆ ಸಂಜೀವ ಶೆಟ್ಟಿ ಸಭಾಗೃಹಡ್ ನಡಪರೆ ಉಂಡು.

ಬೊಲ್ಪುಗು ಪ್ರಾರ್ತನೆ, ಉದಿಪನ, ಜೋಕುಲೆಗ್, ಪೊಂಜೋವ್, ಆಂಜೋವ್ ನಕ್ಲೆಗ್ ಬೇತೆ ಬೇತೆ ಪಂತೊಲು, ಮಧ್ಯಾಹ್ನ ತರವಾಡ್ ತಮ್ಮನ ಉಪ್ಪಡ್, ತಿಮರೆ ಚಟ್ನಿ, ಎಟ್ಟಿ ಚಟ್ನಿ, ಪತ್ರೊಡೆ, ಸೇಮಿಗೆ, ಸೇಮಿಗೆಗ್ ಪೇರ್, ಪದೆಂಗಿ ಸಲಾಯಿ ಗಸಿ, ಪೆಲಕಾಯಿದ ಗಟ್ಟಿ, ನುಪ್ಪು, ಕುಡು ಸಾರ್, ಚಿಕನ್ ಸುಕ್ಕ, ಸಾರ್ ನಡ್ಯೆ, ಪರ್ಂದ್ ಉಂಡು.‌

ಈ ಲೇಸ್ ಡ್ ಸಂಘದ ವ್ಯಾಪ್ತಿಗ್ ಸೇರುನ ಗ್ರಾಮದ ಬಂಟ ಬಾಂಧವೆರ್ ಕುಟುಂಬ ಸಮೇತರಾದ್ ಬತ್ತ್ ದ್ ಲೇಸ್ ನ್ ಪೊರ್ಲು ಮಲ್ತ್ ದ್ ಕೊರೊಡು ಪಂದ್ ಬಂಟ ಸಂಘ ಬಜಪೆ ವಲಯ (ರಿ.) ದ ಅಧ್ಯಕ್ಷೆರ್, ಪದಾಧಿಕಾರಿಲು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್. ‌