ಒಡಿಪು: ತುಳುನಾಡ್ ದ ಗರೊಡಿ ವಿಸ್ತರಿತ ಅಧ್ಯಯನ, ದಾಖಲಾತಿ ಮುಖೇನ ಸಮಾಜ ಸಂಘಟನೆ ಬೊಕ್ಕ ಪಾರಂಪರಿಕ ಸಂಸ್ಕೃತಿ ರಕ್ಷಣೆಡ್ ಶ್ರೀ ಬ್ರಹ್ಮ ಬೈದರ್ಕಳ ಸಾಂಸ್ಕೃತಿಕ ಅಧ್ಯಯನ ಕೇಂದ್ರ ಗಣನೀಯ ಪಾತ್ರ ಒಯಿಸೊಂದು ಬೈದ್ಂಡ್. ಅವ್ವತ್ತಂದೆ ಗೆಜ್ಜೆಗಿರಿ ಕ್ಷೇತ್ರಗ್ ಒಡಿಪು ಭಾಗದ ಭಕ್ತಾದಿಲೆನ, ವಿದ್ವಾಂಸೆರೆನ ಕೊಡುಗೆ ಇಸೇಸವಾಯಿನವು ಪಂದ್ ಮಾಜಿ ಸಚಿವೆರ್ ಶ್ರೀ ವಿನಯಕುಮಾರ ಸೊರಕೆ ಪಂಡೆರ್.
ಮೇರ್ ಆದಿ ಒಡಿಪುದ ಬೈದಶ್ರೀಡ್ ಇಂಚಿಪ್ಪ ನಡತಿನ ಪ್ರಶಸ್ತಿ ಪ್ರದಾನ ಲೇಸ್ ನ್ ಉದಿಪನ ಮಲ್ತ್ ದ್ ಪಾತೆರಿಯೆರ್. “ಬೈದಶ್ರೀ ಸಾಹಿತ್ಯ ಪ್ರಶಸ್ತಿ ” ಸ್ವೀಕಾರ ಮಲ್ತಿನ ಸಾಹಿತಿ, ಸಂಶೋಧಕೆರ್ ಮುದ್ದು ಮೂಡುಬೆಳ್ಳೆ ಬೊಕ್ಕ ಬೈದಶ್ರೀ ಜೀವಮಾನ ಸಾಧನೆ ಪ್ರಶಸ್ತಿ ಸ್ವೀಕಾರ ಮಲ್ತಿನ ಬಂಟ್ವಾಳದ ರಾಣಿ ಅಬ್ಬಕ್ಕ ತುಳು ಅಧ್ಯಯನ ಕೇಂದ್ರದ ಪ್ರೊ.ತುಕಾರಾಮ್ ಪೂಜಾರಿ ಮೇರ್ ‘ ಜಾನಪದೀಯ ನೆಲೆತ ತುಳು ಬದುಕು ಬಗೆಟ್ ಉಪನ್ಯಾಸ ಕೊರಿಯೆರ್. ಬೊಕ್ಕ ಗರೋಡಿ ಪೂಪೂಜನೆ ಕ್ಷೇತ್ರದ ಹಿರಿಯೆರ್ ತೊಟ್ಟo ಪಿಲ್ಕಲ್, ಗರೋಡಿದ ಕಾಡ್ಯ ಪೂಜಾರಿ, ಏಣ ಗುಡ್ಡೆ, ಇಂಪು ಪೂಜಾರಿ ಮೆರೆಗ್ ಮಾನಾದಿಗೆ ಮಲ್ತೆರ್. ಗುರ್ಕಾರ್ಮೆನ್ ದಾಮೋದರ ಕಲ್ಮಾಡಿ ಒಯಿಸೊನ್ವೆರ್. ಈ ಪೊರ್ತುಡು ಶೇಖರ್ ಮಾಸ್ತರ್, ಮಹೇಶ್ ಕುಮಾರ್, ಹರೀಶ್ ಕಲ್ಮಾಡಿ, ಚೆಲುವರಾಜ್ ಪೆರಂಪಳ್ಳಿ, ಸುಲೋಚನಾ ತಿಲಕ್, ಸೂರ್ಯೋದಯ
ಪೆರಂಪಳ್ಳಿ ಇತ್ತೆರ್.
pallavi shetty