ಜ.23-25: ಸೌತಡ್ಕ ಶ್ರೀ ಮಹಾಗಣಪತಿ ಕ್ಷೇತ್ರಡ್ 108 ಕಾಯಿ ಗಣಹೋಮ ಬೊಕ್ಕ ಮೂಡಪ್ಪ ಸೇವೆ

ಬೊಲ್ತೇರ್: ಸೌತಡ್ಕ ಶ್ರೀ ಮಹಾಗಣಪತಿ ಕ್ಷೇತ್ರಡ್ ಕೆಮ್ಮಿಂಜೆ ನಾಗೇಶ ತಂತ್ರಿಲೆನ ಮುತಾಲಿಕೆಡ್ 108 ಕಾಯಿ ಗಣಹೋಮ ಬೊಕ್ಕ ಮೂಡಪ್ಪ ಸೇವೆ ಜ.23 ರ್ದ್ 25 ಮುಟ್ಟ ನಡಪರೆ ಉಂಡು.

ಈ ಲೇಸ್ ದೊಟ್ಟಿಗೆ ವೈದಿಕ, ಧಾರ್ಮಿಕ, ಸಾಂಸ್ಕೃತಿಕ ಲೇಸ್ ಲು ನಡಪರೆ ಉಂಡು. ಈ ಮಾತ ಲೇಸ್ ಡ್ ಪಾಲ್ ಪಡೆದ್, ದೇವೆರೆನ ಕೃಪೆಗ್ ಪಾತ್ರರಾವೊಡು ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಯಂ.ಹರೀಶ್ ರಾವ್, ಕಾರ್ಯನಿರ್ವಾಹಣಾಧಿಕಾರಿ ದಯಾನಂದ ಹೆಗ್ಡೆ, ಸದಸ್ಯೆರ್, ಅರ್ಚಕೆರ್, ಸಿಬ್ಬಂದಿ ವರ್ಗ ಬೊಕ್ಕ ಭಕ್ತಾದಿಲು ಲೆಪ್ಪೋಲೆಡ್ ತೆರಿಪಾದೆರ್.