ರಾಷ್ಟ್ರ ಪ್ರಶಸ್ತಿ ಗೆಂದಿನ ಚಿತ್ರ ನಿರ್ಮಾಪಕೆರ್ ಆರ್. ಧನರಾಜ್ ಓಬಿಸಿ ಮಹಾಸಭಾದ ರಾಜ್ಯ ಉಪಾಧ್ಯಕ್ಷೆರ್

ಕುಡ್ಲ: ಅಖಿಲ ಭಾರತೀಯ ಓಬಿಸಿ ಮಹಾಸಭಾದ ರಾಜ್ಯ ಉಪಾಧ್ಯಕ್ಷೆರಾದ್ ಚಿತ್ರ ನಿರ್ಮಾಪಕೆರ್ ಆರ್. ಧನರಾಜ್ ಮೇರ್ ಆಯ್ಕೆ ಆತೆರ್.

ಅಖಿಲ ಭಾರತೀಯ ಓಬಿಸಿ ಮಹಾಸಭಾದ ತತ್ವ ಸಿದ್ಧಾಂತಗಲೆಗ್ ಬದ್ಧರಾದ್ ರಾಜ್ಯಡ್ ಈ ಕೂಟನ್ ಪರಿಣಾಮಕಾರಿಯಾದ್ ಸಂಘಟನೆ ಮಲ್ಪುನ ನಿಲೆಟ್ಟ್ ರಾಜ್ಯಾಧ್ಯಕ್ಷೆರ್ ದೀಪಕ್ ಶೆಟ್ಟಿ ಎಂ. ಮೇರ್ ಆರ್ ಧನರಾಜ್ ಮೆರೆನ್ ನೇಮಕ ಮಲ್ದಿನ ಆದೇಶಡ್ ತೆರಿಪಾದೆರ್.

ಆರ್ ಧನರಾಜ್ ಚಲನ ಚಿತ್ರ ನಿರ್ಮಾಪಕೆರಾದ್ ಕೋಟಿ ಚೆನ್ನಯ ಸಿನಿಮೊಗು ರಾಷ್ಟ್ರ ಪ್ರಶಸ್ತಿ ಪಡೆತೆರ್. ಆರ್ ಕ್ಯಾಟ್ಕ ಸಂಸ್ಥೆ ದ ಗೌರವ ಸಲಹೆಗಾರೆರಾದುಲ್ಲೆರ್. ರಾಜ್ಯ ಚಲನ ಚಿತ್ರ ಮಂಡಳಿದ ನಿರ್ಮಾಪಕ ವಲಯ ಸಮಿತಿ ಸದಸ್ಯೆರಾದ್ ಲ ಸೇವೆ ಮಲ್ದೆರ್. ಆರ್ ಧನರಾಜ್ ಇಂಚೊಗು ಕರ್ನಾಟಕ ಹ್ಯಾಂಡ್ ಬಾಲ್ ಅಸೋಸಿಯೇಶನ್ ದ ರಾಜ್ಯ ಉಪಾಧ್ಯಕ್ಷೆರಾದ್ ಲ ಆಯ್ಕೆ ಆತೆರ್. ಆರ್ ಧಾರ್ಮಿಕ, ಸಾಮಾಜಿಕ, ಸಾಂಸ್ಕೃತಿಕ ಕಜ್ಜೊಲೆಡ್ ಸಕ್ರಿಯವಾದುಲ್ಲೆರ್.