ಪ್ಯಾಲೆಸ್ತೇನ್, ಮೇ 11: ಅಲ್ ಜಜೀರಾ ವಾಹಿನಿದ ಪೆರಿಯ ಪತ್ರಕರ್ತೆ ಶಿರೀನ್ ಅಬು ಅಕ್ ಲೇಹಾ ಮೆರೆನ್ ಇಸ್ರೇಲ್ ಪಡೆಕುಲು ಹತ್ಯೆ ಮಲ್ತ್ ದೆರ್.
ಪ್ಯಾಲೆಸ್ತೇನ್ ದ ನೆಸ್ಟ್ ಬ್ಯಾಂಕ್ ದ ಜೇನಿನ್ ಪಟ್ಟಣದ ಮಿತ್ತ್ ಇಸ್ರೇಲ್ ದಾಳಿದ ಬಗೆಟ್ಟ್ ವರದಿ ಮಲ್ಪರೆ ಪೋಯಿನ ಅಲ್ ಜಜೀರಾ ವಾಹಿನಿದ ಪೆರಿಯ ಪತ್ರಕರ್ತೆ ಶಿರೀನ್ ಅಬು ಅಕ್ ಲೇಹಾ ಮೆರೆನ್ ಇಸ್ರೇಲ್ ಸೇನೆದ ಸ್ನೈಪರ್ ಲು ಮೇ 11ಕ್ಕ್ ಬುಧಾರ ಕಾಂಡೆ ಗುಂಡ್ ಪಾಡ್ದ್ ಹತ್ಯೆ ಮಲ್ತ್ ದೆರ್ ಪಂದ್ ಪ್ಯಾಲೆಸ್ತೇನ್ ಸಚಿವಾಲಯ ತೆರಿಪಾದ್ಂಡ್.
ಶಿರೀನ್ ಮೇರ್ ಅರಬ್ ಭಾಷೆದ ಚಾನೆಲ್ ದ ಪುಗರ್ತೆದ ವರದಿಗಾರ್ತಿ ಆದಿತ್ತೆರ್. ಜೆರುಸಲೇಂ ಮುಖೇನ ಅಲ್ ಖುದ್ಸ್ ದಿನಪತ್ರಿಕೆದ ನನೊರಿ ಪ್ಯಾಲೆಸ್ತೇನ್ ಪತ್ರಕರ್ತೆಲಾ ದಾಳಿಡ್ ಗಾಯ ಆತಿನ ಬಗೆಟ್ಟ್ ವರದಿಯಾತ್ಂಡ್. ಘಟನೆಗ್ ಸಂಬಂಧಿಸಿದಂಚನೆ ಇಸ್ರೇಲ್ ಮಿಲಿಟರಿ ಪಡೆ ಈಡೆ ಮುಟ್ಟಲ ಒವ್ವೆ ರೀತಿದ ಪ್ರತಿಕ್ರಿಯೆನ್ ಕೊರ್ತುಜೆರ್.
pallavi shetty