ಕುಡ್ಲ : ಪೇಂಟೆದ ವೆಲೆನ್ಶಿಯಾ ಜಂಕ್ಷನ್ ಡ್ ಕೋರಿ ಮಾಸ ಮಾರಾಟದ ಅಂಗಡಿದ ಸಿಬ್ಬಂದಿನ ಮಿತ್ತ್ ಮಾರಣಾಂತಿಕ ಹಲ್ಲೆ ನಡಪಾಯಿನ ಆರೋಪದಡಿ ರಡ್ಡ್ ರೌಡಿಶೀಟರ್ ನಕ್ಲೆನ್ ಕುಡ್ಲ ದಕ್ಷಿಣ ಪೊಲೀಸೆರ್ ಐತಾರ ಪತ್ತ್ದೆರ್ .
ಬಂಧಿತ ಆರೋಪಿಲೆನ್ ರೌಡಿ ಶೀಟರ್ ಲಾಯಿನ ಕುಡ್ಲ ಜಲ್ಲಿಗುಡ್ಡೆ ಬಜಾಲ್ ನಿವಾಸಿ ಪ್ರೀತಮ್ ಪೂಜಾರಿ (27 ವ) ಬೊಕ್ಕ ಎಕ್ಕೂರು ನಿವಾಸಿ ಧೀರು ಯಾನೆ ಧೀರಜ್ ಕುಮಾರ್ ( 25 ವ) ಮೆಕ್ಲೆನ್ ಪತ್ತ್ ದೆರ್ .
ಘಟನೆದ ವಿವರ: ಏ.10ಕ್ಕ್ ಬಯ್ಯಗ್ 6.30ಕ್ ಕುಡ್ಲದ ವೆಲೆನ್ಶಿಯಾ ಜಂಕ್ಷನ್ ಕೈತಲ್ ಐಡಿಯಲ್ ಚಿಕನ್ ಅಂಗಡಿದ ಎದುರು ಆರೋಪಿಲು ಸಾರ್ವಜನಿಕಗ್ ಹಲ್ಲೆ ಮಲ್ತೊಂದು ಇತ್ತೆರ್ . ಅವೆನ್ ಅಂಗಡಿ ಸಿಬ್ಬಂದಿಲು ಪ್ರಶ್ನೆ ಮಲ್ತಿನೆಕ್ಕ್ ಆರೋಪಿಲು ಅಂಗಡಿ ಸಿಬ್ಬಂದಿಲಾಯಿನ ಸುನಿಲ್ ಮಾರ್ಡಿ, ಅನಂತ ಬೊಕ್ಕ ಜೀವನ್ ಪನ್ಪಿನರೆಗ್ ಹೆಲ್ಮೆಟ್, ಕಲ್ಲುರ್ದ್ ಹಾಕ್ ದ್ ಗಾಯ ಮಲ್ದೆರ್.
pallavi shetty