ಡಾ.ಪಂಡಿತಾರಾಧ್ಯ ಶಿವಾಚಾರ್ಯ ಸ್ವಾಮೀಜಿಗ್ ಒಡಿಪು ರಂಗಭೂಮಿ ವಾರ್ಷಿಕ ಮಾನಾದಿಗೆ

ಒಡಿಪು : ರಂಗಭೂಮಿ ಒಡಿಪುದ 2022ನೇ ಸಾಲ್ ದ ವಾರ್ಷಿಕ ಮಾನಾದಿಗೆನ್ ಈ ಸಲ ‘ರಂಗ ಪಂಚಾನನ’ ಬಿರುದುದ ಒಟ್ಟುಗು ರಂಗಜಂಗಮ ಸಾಣೆಹಳ್ಳಿದ ಡಾ.ಪಂಡಿತಾರಾಧ್ಯ ಶಿವಾಚಾರ್ಯ ಸ್ವಾಮೀಜಿ ಮೇರ್ ಪಡೆತೆರ್ .

ಧಾರ್ಮಿಕ ಮುಖಂಡೆರಾದ್ ಸಾಣೆಹಳ್ಳಿದ ತನ್ನ ಮಠತ ಆವರಣಡ್ ನಾಟಕ ಶಾಲೆನ್ ಕಟ್ಟ್ ದ್ ರಂಗಶಿಕ್ಷಣ ಕೊರ್ದು ಅವ್ವೆತೋ ರಂಗಕಲಾವಿದೆರೆನ್ ಕನ್ನಡ ನಾಟಕ ರಂಗೊಗು ಕೊರಿನ ಅಂಚನೆ ಅತ್ಯದ್ಭುತವಾಯಿನ ರಂಗಮಂದಿನ್ ಕಟ್ಟ್ ದ್ ಅವ್ವೆತೋ ಕಲಾಪ್ರಕಾರಗ್ ಅವಕಾಶ ಕೊರಿನ ಕಲಾಪ್ರೇಮಿ ಡಾ.ಪಂಡಿತಾರಾಧ್ಯ ಶಿವಾಚಾರ್ಯ ಸ್ವಾಮೀಜಿ ಆದ್ ಉಲ್ಲೆರ್ .
ಅನನ್ಯ ಚೇತನೆರಾಯಿನ ಡಾ. ಪಂಡಿತಾರಾಧ್ಯ ಶಿವಾಚಾರ್ಯ ಸ್ವಾಮೀಜಿನ್ ಈ ಸಲ ರಂಗಭೂಮಿ ಒಡಿಪು ಸಂಸ್ಥೆ ‘ರಂಗ ಪಂಚಾನನ’ ಮಾನಾದಿಗೆನ್ ಫೆಬ್ರವರಿ 13ನೇ ಐತಾರ ದಾನಿ ಒಡಿಪು ಎಂಜಿಎಂ ಕಾಲೇಜ್ ದ ಮುದ್ದಣ ಮಂಟಪಡ್ ಗಣ್ಯೆರ್ನ ಉಪಸ್ಥಿತಿಡ್ ಕೊರಿಯೆರೆ ಉಂಡು.