ಹೆಬ್ರಿ:ಜನವರಿ 26 :ಪಾಂಡುರಂಗ ರಮಣ ನಾಯಕ್ ಅಮೃತ ಭಾರತಿ ಪದವಿ ಪೂರ್ವ ಕಾಲೇಜ್ ಹೆಬ್ರಿ ಮೂಲು ನಡತಿನ ತುಳು ಲಿಪಿ ಕಲ್ಪುನ ಕಜ್ಜಕೊಟ್ಯೊನು ಅಮೃತ ಭಾರತಿ ಟ್ರಸ್ಟ್’ದ ಸದಸ್ಯೆರಾಯಿನ ಅಂಚೆನೇ ಅಂಕಣ ಬರವುಗಾರೆರಾಯಿನ ಶ್ರೀ ಬಾಲಕೃಷ್ಣ ಮಲ್ಯ ಸರ್ ಉದಿಪನ ಮಲ್ತೆರ್.
ವಿದ್ಯಾರ್ಥಿ ಸಂಘದ ವತಿಡ್ದ್ ನಡತಿನ ಬಲೇ ತುಳು ಲಿಪಿ ಕಲ್ಪುಗ ಪನ್ಪಿನ ಕಜ್ಜ ಕೊಟ್ಯನ್ ಉದಿಪನ ಮಲ್ತಿನ ಬಾಲಕೃಷ್ಣ ಮಲ್ಯ ಭಾರತ ಬಗೆ ಬಗೆದ ಭಾಷೆ ಸಂಸ್ಕೃತಿ ಗ್ ಪುದರಾಯಿನವು.ಮಾತಾ ಭಾಷೆಲೆನ್ಲಾ ಒರಿಪಾವುನ ಬುಲೆಪಾವುನ ಕಜ್ಜ ನಮಡ್ದ್ ಆವೊಡು ಪಂಡೆರ್.ಅಂಚೆನೇ ತುಳು ಲಿಪಿ ಕಲ್ಪಾದಿಲಾಯಿನ ಬನಶ್ರೀ ಕಲ್ಮಾಡಿ ಪಿರಾಕ್ಡ್ ದಿಂಚಿಲಾ ಶ್ರೀಮಂತ ಭಾಷೆಯಾದಿಪ್ಪುನ ತುಳುಕು ಲಿಪಿ ಇತ್ತ್ಂಡಲಾ ಅವೆನ್ ಕಲ್ಪುನೈಟ್ ನಮ ಮಸ್ತ್ ಪಿರ ಉಲ್ಲ ಆಂಡಾ ತುಳು ಲಿಪಿನ್ ಮಸ್ತ್ ಸುಲಾಬೊಡು ಕಲ್ಪೊಲಿ ಪಂಡೆರ್.ನಿಶ್ಮಿತಾ ಪಳ್ಳಿ ಬೊಕ್ಕ ಬನಶ್ರೀ ಕಲ್ಮಾಡಿ ತುಳು ಲಿಪಿ ಕಲ್ಪಪಾವುನ ಕಜ್ಜೊನು ಸುರು ಮಲ್ತೆರ್.
ವಿರಾಜ್ ಮಕ್ಕಿತ್ತಾಯ ಲೇಸ್’ದ ನಿರೂಪಣೆ ಮಲ್ತೆರ್.ಪ್ರಾಂಶುಪಾಲೆರ್ ಅಂಚೆನೇ ಕಲ್ಪಾದಿಲು ಈ ಲೇಸ್ಡ್ ಪಾಲ್ ಪಡೆಯೆರ್.
pallavi shetty 
Editorial