ರೇಡಿಯೋ ಮಣಿಪಾಲ್ 90.4 Mhz, ಎಂ.ಐ.ಸಿ ಕ್ಯಾಂಪಸ್, ಮಣಿಪಾಲ :-ದೇಸಿ ಸೊಗಡು ಸಮುದಾಯ ಬಾನುಲಿ

ಮಣಿಪಾಲ : ರೇಡಿಯೋ ಮಣಿಪಾಲ್ 90.4 Mhz -ದೇಸಿ ಸೊಗಡು ಸಮುದಾಯ ಬಾನುಲಿಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಳೂರು, ಕರ್ನಾಟಕ ಸರ್ಕಾರ ಅಟ್ಟನೆ ಮಲ್ಪುನ “ಶುದ್ಧ ಜಲ , ಸ್ವಚ್ಛ ನೆಲ , ಆರೋಗ್ಯವಾದ್ ಉಪ್ಪಡ್ ಜೀವಸಂಕುಲ” ಪನ್ಪಿನ ಬಾನುಲಿ ಸರಣಿ ಲೇಸ್ ಡ್ ನವೆಂಬರ್ ತಿಂಗೊಲ್ ದ ತಾರೀಖ್ 22 ನೇ ಸೋಮಾರದಾನಿ ಬಯ್ಯಗ್ 6 ಗಂಟೆಗ್ ಶಿಕ್ಷಣ ಸಂಸ್ಥೆಡ್ ಪಾಯಿಖಾನೆದ ನಿರ್ವಹಣೆ ಬಗೆಟ್ ಕಾರ್ಯಕ್ರಮ ಪ್ರಸಾರ ಆಯೆರೆ ಉಂಡು.

ಮಣಿಪಾಲ ಕೆ.ಎಂ.ಸಿ ಸಮುದಾಯ ವೈದ್ಯಕೀಯ ವಿಭಾಗದ ವೈದ್ಯಕೀಯ ಸಮಾಜ ಸೇವಕೆರ್ ಆಯಿನ ನೀಲಾವತಿ.ಎ ಪಾಲ್ ಪಡೆಯರೇ ಉಲ್ಲೆರ್. ಈ ಕಾರ್ಯಕ್ರಮ ನವೆಂಬರ್ 23 ನೇ ದಾನಿ ಮಧ್ಯಾಹ್ನ 1 ಗಂಟೆಗ್ ಮರು ಪ್ರಸಾರ ಆಯಾರ ಉಂಡು.

ಸಾಕಾರ : ಒಡಿಪು ಜಿ.ಪಂ