ಕೊರೋನ

ಸೋನು ಸೂದ್ ಚಾರಿಟಿ ವತಿರ್ದ್ ಕುಡ್ಲಡ್ ” ಕ್ಷಿಪ್ರ ಆಮ್ಲಜನಕ ಕೇಂದ್ರ ” ಸುರು

ಕುಡ್ಲ, ಜೂನ್ 4: ಬಾಲಿವುಡ್ ನಟ ಸೋನು ಸೂದ್ ಚಾರಿಟಿ ವತಿರ್ದ್ ರಾಪಿಡ್ ಆಕ್ಸಿಜನ್ ಕೇಂದ್ರ ಸೆಂಟ್ರಲ್ ರೈಲ್ವೆ ನಿಲ್ದಾಣಡ್ ಸುರು ಆತುಂಡು .

ಆಕ್ಸಿಜನ್ ಅಗತ್ಯ ಉಪ್ಪುನಕ್ಲೆಗ್ ಸೋನು ಸೂದ್ ಚಾರಿಟಿ ಫೌಂಡೇಶನ್ ರ್ದ್ ಉಚಿತವಾದ್ ಆಕ್ಸಿಜನ್ ಸಿಲಿಂಡರ್ ಲೆನ್ ಕೊರೊಂದು ಉಲ್ಲೆರ್ ಕರ್ನಾಟಕ ರೈಲ್ವೇ ಪೊಲೀಸ್ ಕೂಡ ಒಟ್ಟು ಸೇರ್ದುಂಡು .ಇಂದುವೆ ಮಾದರಿದ ಕ್ಷಿಪ್ರ ಆಮ್ಲಜನಕ ಕೇಂದ್ರ ಹಾಸನ, ಹುಬ್ಬಳ್ಳಿ, ದಾವಣಗೆರೆ, ಬಳ್ಳಾರಿಡ್ ಲಾ ಬೇಲೆ ಮಲ್ತೊಂದು ಉಂಡು.

ತುರ್ತು ಆಕ್ಸಿಜನ್ ಆಗತ್ಯ ಉಪ್ಪುನಕುಲು ಹೆಲ್ಪ್ ಲೈನ್ ( 7069999961) ಮುಖೇನ ಲೆಪ್ಪು ಕೊರೋಲಿ ಪಂದ್ ಸೋನು ಸೂದ್ ಚಾರಿಟಿ ಫೌಂಡೇಶನ್ ತೆರಿಪಾದುಂಡು .

ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ವತಿರ್ದ್ ಕಿಟ್

ಕುಡ್ಲ , ಜೂ.3: ದ.ಕ. ಜಿಲ್ಲಾ ಕಾಂಗ್ರೆಸ್ ಹೆಲ್ಪ್‌ಲೈನ್ ವತಿರ್ದ್ ಜೆಪ್ಪುದ ಮಂಗಳೂರು ಸ್ಟೋರ್ ಕೈತಲ್ ಮಾಜಿ ಕಾರ್ಪೊರೇಟರ್ ಭಾಸ್ಕರ್ ರಾವ್ ಮುತಾಲಿಕೆಡ್ ಆರ್ಥಿಕವಾದ್ ಪಿರ ಉಪ್ಪುನಕ್ಲೆಗ್ ಅರಿ , ದಿನಸಿ, ಮಾಸ್ಕ್‌ಲೆನ್ ಕೊರ್ಪಿನ ಕಾರ್ಯಕ್ರಮ ನಡತುಂಡು .

ಹೆಲ್ಪ್‌ಲೈನ್ ಸಂಚಾಲಕ, ಮಾಜಿ ಶಾಸಕ, ಎಐಸಿಸಿ ಕಾರ್ಯದರ್ಶಿ ಐವನ್ ಡಿಸೋಜ, ಪಕ್ಷದ ನಾಯಕೆರಾಯಿನ ಪ್ರಭಾಕರ್ ಶ್ರೀಯಾನ್, ಇಂಟಕ್ ನಗರ ಗುರ್ಕಾರ್ಲಾಯಿನ ಪುನೀತ್ ಶೆಟ್ಟಿ, ವಿಕಾಸ್ ಕಾಲೇಜಿನ ಟ್ರಸ್ಟಿ ಕೊರಗಪ್ಪ, ಕೃಷ್ಣಭಟ್, ಸದಾಶಿವ ಅಮೀನ್, ವಿಕ್ಟೋರಿಯಾ, ವಿದ್ಯಾ, ಭಾಸ್ಕರ್ ಕರ್ಕೇರ, ವಸಂತ್ ಶೆಟ್ಟಿ, ಚಂದ್ರಿಕಾ ಡಿ.ರಾವ್, ಹಬೀಬುಲ್ಲ, ಬಾಝೀಲ್ ಪಾಲ್ ಪಡೆದಿತ್ತೆರ್ .