ಕರ್ನಾಟಕ

ಅಂಬಲಪಾಡಿ ದೇವಳರ್ದ್ ಕಿಟ್ ಹಸ್ತಾಂತರ

Jun 2, 2021

ಒಡಿಪು, ಜೂನ್ 2: ಒಡಿಪುದ ಅಂಬಲಪಾಡಿ ಶ್ರೀ ಜನಾರ್ದನ ಮಹಾಕಾಳಿ ದೇವಸ್ಥಾನ ವತಿರ್ದ್ ಒಡಿಪುದ 161ಸಿ ದರ್ಜೆದ ದೇವಸ್ಥಾನಗ್ 208 ಸಿಬಂದಿಲೆಗ್ ಸುಮಾರ್ 4 ಲಕ್ಷ ರೂ. ವೆಚ್ಚದ ಆಹಾರ ಕಿಟ್ ನ್ ದೇವಸ್ಥಾನದ ಕ್ಷೇತ್ರಾಧಿಕಾರಿ ಡಾ. ನಿ. ಬೀ. ವಿಜಯ ಬಲ್ಲಾಳ್ ಅಂಗಾರೆ ತಾಲೂಕು ಕಚೇರಿ ಕಂದಾಯ ಅಧಿಕಾರಿ ಉಪೇಂದ್ರ ಮೆರೆಗ್ ಕೊರಿಯೆರ್ .

ಕರಿನ ವರ್ಷ ಸರ್ಕಾರಿ ಅಧಿಕಾರಿಲು , ಶಾಸಕ ಬೊಕ್ಕ ಸಚಿವೆರ್ನ ಸೂಚನೆ ಮಿತ್ತ್ ಬಡಜನಕ್ಲೆಗ್ 4 ಸಾರ ಆಹಾರ ಕಿಟ್, ಒಂಜಿ ತಿಂಗೊಲ್ ದ ಕಾಲಾ ವಲಸೆ ಕಾರ್ಮಿಕೆರ್ ಕೆಲವು ಆಸ್ಪತ್ರೆದ ಸೋಂಕಿತ ರೋಗಿಲು ಬೊಕ್ಕ ಜಿಲ್ಲಾಸ್ಪತ್ರೆ ಸಿಬಂದಿಲೆಗ್ ದಿನಾಲ 2,500 ವನಸ್ ದ ವ್ಯವಸ್ಥೆ ಮಲ್ತಿತ್ತ ಪಂದ್ ಡಾ. ಬಲ್ಲಾಳ್ ಪಂಡೆರ್ .

ಕರ್ನಾಟಕ ರಾಜ್ಯ ಪೊಲೀಸ್ : ಸೈಂಟಿಫಿಕ್ ಆಫೀಸರ್ ಹುದ್ದೆಗ್ ಅರ್ಜಿ ‌ಲೆಪ್ಪೋಲೆ

May 30, 2021

ಮೇ 30: ಕರ್ನಾಟಕ ರಾಜ್ಯ ಪೊಲೀಸ್ (ಕೆಎಸ್ಪಿ), ಕೆಎಸ್ಪಿ ಎಸ್‌ಒ ಅಧಿಸೂಚನೆನ್ ಬುಡುಗಡೆ ಮಲ್ದೆರ್ . ಕರ್ನಾಟಕ ರಾಜ್ಯ ಪೊಲೀಸೇರ್ನ ಫಾರೆನ್ಸಿಕ್ ಸೈನ್ಸ್ ಲ್ಯಾಬೋರೇಟರಿ (ಎಫ್‌ಎಸ್‌ಎಲ್)ಡ್ ಸೈಂಟಿಫಿಕ್ ಆಫೀಸರ್ ಹುದ್ದೆಗ್ 84 ಖಾಲಿ ಹುದ್ದೆನ್ ಭರ್ತಿ ಮಲ್ಪರೆ ಅರ್ಹ ಬೊಕ್ಕ ಆಸಕ್ತ ಅಭ್ಯರ್ಥಿಲೆರ್ದ್ ಆನ್‌ಲೈನ್ ಅರ್ಜಿಗ್ ಲೆಪ್ಪೋಲೆ ಕೊರ್ತೆರ್ . ನೇರ ನೇಮಕಾತಿ ಮುಖೇನ ಕರ್ನಾಟಕಡ್ ಪೂರ್ಣ ಪೊರ್ತುದ ಆಧಾರದ ಮಿತ್ತ್ ಪೋಸ್ಟ್ ಮಲ್ಪರೆ ಆಪುಂಡು..

ಕೆಎಸ್ಪಿ ಸೈಂಟಿಫಿಕ್ ಅಧಿಕಾರಿಲೆಗ್ ಆನ್‌ಲೈನ್ ಅರ್ಜಿ-ಕಮ್-ನೋಂದಣಿ ಪ್ರಕ್ರಿಯೆ ಜೂನ್ 07, 2021 ಕ್ಕ್ ಕಾಂಡೆ 10:00 ಗಂಟೆರ್ದ್ ಸುರು ಆಪುಂಡು ಅಂಚನೆ ಜುಲೈ 07, 2021 ಕ್ಕ್ ಬೈಯ್ಯಗ್ 6:00 ಗಂಟೆಗ್ ಮುಗಿಯುoಡು .

ಎಚ್ಆರ್ ಎಸ್ ವತಿರ್ದ್ ಆಶಾಕಾರ್ಯಕರ್ತೆರೆಗ್ ಆಕ್ಸಿಮೀಟರ್ ವಿತರಣೆ

May 21, 2021

ಕುಡ್ಲ,ಮೇ 21: ಜಮಾಅತೆ ಇಸ್ಲಾಮಿನ ಹಿಂದ್ ಅಂಗಸಂಸ್ಥೆ ಹ್ಯುಮಾನಿಟೇರಿಯನ್ ರಿಲೀಫ್ ಸೊಸೈಟಿ ವತಿರ್ದ್ ತೆಂಕ ಎಡಪದವು ಗ್ರಾಮ ಪಂಚಾಯತ್ ದ ಆಶಾ ಕಾರ್ಯಕರ್ತೆರ್ ಬೊಕ್ಕ ಪಂಚಾಯತ್ ಸಿಬ್ಬಂದಿಲೆಗ್ 20 ಮಾಸ್ಕ್ (N95) ಬೊಕ್ಕ 1 ಆಕ್ಸಿಮೀಟರ್ ನ್ ಹ್ಯುಮಾನಿಟೇರಿಯನ್ ರಿಲೀಫ್ ಸೊಸೈಟಿ ಮೂಡುಬಿದಿರೆ ತಂಡದಕುಲು ಬೊಕ್ಕ ವೆಲ್ಪೇರ್ ಪಾರ್ಟಿ ಆಫ್ ಇಂಡಿಯಾ ನೆತ್ತ ಗುರುಪುರ ವಲಯ ಕಾರ್ಯದರ್ಶಿ ಮುನೀರ್ ಪದ್ರೆಂಗಿ ಕೊರಿಯೆರ್.

ಈ ಪೊರ್ತುಡು ತೆಂಕ ಎಡಪದವು ಪಂಚಾಯತ್ ಗುರ್ಕಾರ್ಲಾಯಿನ ಸುಕುಮಾರ್, ಉಪಾಧ್ಯಕ್ಷೆ ಪ್ರೇಮ, ಗ್ರಾಮಾಭಿವೃದ್ಧಿ ಅಧಿಕಾರಿ (ಪಿಡಿಒ) ರಾಜೀವಿ, ಕಾರ್ಯದರ್ಶಿ ಇಸ್ಮಾಯಿಲ್ ಹಾಗೂ ಜಮಾಅತೆ ಇಸ್ಲಾಮಿ ಹಿಂದ್ ಎಡಪದವು ಸಂಚಾಲಕ ಝಾಕಿರ್ ಹಸೈನ್ ಪಾಲ್ ಪಡೆದಿತ್ತೆರ್ .

ಪಡುಬಿದ್ರೆ : ಟಗ್ ತೆರವು ಮಲ್ಪರೆ ತಯಾರಿ

May 21, 2021

ಪಡುಬಿದ್ರಿ, ಮೇ 21: ಕರಿನ ವಾರ ತೌಕ್ತೆ ಚಂಡಮಾರುತಗ್ ತಿಕೊಲ್ದು ಕಡಲ್ ಡ್ ಮುರ್ಕುದು ಪಡುಬಿದ್ರಿದ ಕಾಡಿಪಟ್ಣ ಕಡಲ್ ದ ಬರಿಟ್ ಪತ್ತೆಯಾಯಿನ ಟಗ್ ತೆರವು ಮಲ್ಪರೆ ಬೋಡಾಯಿನ ತಯಾರಿ ನಡತುದುಂಡು.

ಬಿಲಾಲ್ ಮೊಯ್ದಿನ್ ಮುತಾಲಿಕೆದ ಕುಡ್ಲ ಬದ್ರಿಯಾ ತಜ್ಞರ ಕೂಟ ತೆರವು ಕಾರ್ಯಾಚರಣೆ ಸುರು ಮಲ್ದುಂಡು.

ತೆಡಿಲ್ ಬರ್ಸ ಮೂಜಿ ಇಲ್ಲಗ್ ಹಾನಿ

May 21, 2021

ಭಟ್ಕಳ ಮೇ 21: : ಪೇಂಟೆದ ಬೇಂಗ್ರೆಯ ಚಿಟ್ಟಿಹಕ್ಲಿಡ್ ಗುರುವಾರ ರಾತ್ರಿ ಭಾರೀ ತೆಡಿಲ್ ಮಿಂಚ್ ಗಾಳಿ ಬರ್ಸಗ್ ಮೂಜಿ ಇಲ್ಲಗ್ ಹಾನಿ ಆತುಂಡು,ಕರೆಂಟ್ ದ ಮೀಟರ್ ಸೇರಿನoಚ ಬಾಕಿದ ಇಲ್ಲದ ಸಾಮಗ್ರಿ ಪೊತ್ತುದುಂಡು.

ಚಿಟ್ಟಿಹಕ್ಲಿದ ಗಣಪತಿ ಜಟ್ಟಯ್ಯ ದೇವಡಿಗ ಮೆರ್ನ ಇಲ್ಲಗ್ ತೆಡಿಲ್ ಹಾಕ್ ದ್ ಇಲ್ಲ್ ಬಿರುಕು ಬುಡ್ತಿನ ಮಾಹಿತಿ ತಿಕ್ಕ್ ದುಂಡು.

ರಾಜ್ಯ ಸರಕಾರರ್ದ್ ಪರಿಷ್ಕೃತ ಮಾರ್ಗಸೂಚಿ ಪ್ರಕಟ

May 2, 2021

ಕರ್ನಾಟಕ, ಮೇ 02: ಕರ್ನಾಟಕ ಸರ್ಕಾರ ಕುಡೊಂಜಿ ಸಲ ಕೊರೋನಾ ಲಾಕ್ಡೌನ್ ಮಾರ್ಗಸೂಚಿಡ್ ಬದಲಾವಣೆ ಮಲ್ದುಂಡು .ಇತ್ತೆ ಪರಿಷ್ಕೃತ ಮಾರ್ಗಸೂಚಿ ಬೈದುಂಡು ಐಟ್ ಆಯಿನ ಬದಲಾವಣೆ ಇಂಚ ಉಂಡು. ಈ ಪರಿಷ್ಕೃತ ಜಾಹೀರಾತು ಇನಿರ್ದ್ ಜಾರಿಗ್ ಬರ್ರೆ ಉಂಡು.

ಪೇರ್, ಫಲ ವಸ್ತು, ತರಕಾರಿ ಕಾಂಡೆ 6 ಗಂಟೆರ್ದ್ ಬೈಯ್ಯ 6 ಗಂಟೆ ಮುಟ ಮಾರಾರೆ ಅವಕಾಶ.
ಸಂತೆಲು,ಮಾರುಕಟ್ಟೆಲು ಕಂಪ್ಲೀಟ್ ಬಂದ್.
ದಿನಸಿ ಮನಸ್ ಗ್ ಬೋಡಾಯಿನ ತೆನಸ್ ದ ಅಂಗಡಿ 6.00 ಗಂಟೆರ್ದ್ 12.30 ಮುಟ.
ಎಪಿಎಂಸಿ ನ್ಲಾ ಕಾಂಡೆ 6 ಗಂಟೆರ್ದ್ 12 ಗಂಟೆ ಮುಟ ಅವಕಾಶ.
ಮಾಸ್ಕ್ ಸಾಮಾಜಿಕ ಅಂತರ ಪಾಲಿಸಾವೊಂದು ಬೇರ ಮಲ್ಪೊಡು.
ರೂಲ್ಸ್ ಬ್ರೇಕ್ ಮಲ್ಪುನಕ್ಲೆಗ್ ಕಠಿಣ ಕ್ರಮ.
ನೂಕೊಂದು ಪೋಪಿನ ಗಾಡಿ, ತರಕಾರಿ, ಪೂ, ಫಲ ವಸ್ತು ಮೆಕ್ಲೆನ್ ಕಾಂಡೆ ರ್ದ್ ಬೈಯ್ಯ 6 ಗಂಟೆ ಮುಟ ಬೇರ ಮಲ್ಪರೆ ಅವಕಾಶ ಉಂಡು.
ಮಾರುಕಟ್ಟೆ ದ ದರಟೆ ಬೇರ ಮಲ್ಪೊಡು ಜಾಸ್ತಿ ಕಾಸ್ ಗ್ ಬೇರ ಮಲ್ಪರೆ ಇಜ್ಜಿ.
ಮೀನ್ ಮಾಸದ ಬೇರ ಮಲ್ಪುನಕ್ಲೆಗ್ಏ ಪದಲಕ 6 ಗಂಟೆರ್ದ್ ಪತ್ತ್ ಗಂಟೆ ಮುಟ ಮಾತ್ರ ಅವಕಾಶ.
ಮದ್ಯ ಮಾರಾಟ ಕಾಂಡೆ 6 ಗಂಟೆರ್ದ್ ಕಾಂಡೆ 10 ಗಂಟೆ ಮುಟ. ಬಿಬಿಎಂಪಿ, ಜಿಲ್ಲಾಧಿಕಾರಿ, ಪೊಲೀಸ್ ಕಮಿಷನರ್ ಬೊಕ್ಕ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಈ ಆದೇಶನ್ ಕಟ್ಟುನಿಟ್ಟಾದ್ ಜಾರಿಗ್ ಕನಯರೇ ಸೂಚನೆ ಕೊರ್ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೆದ್ರದ ಸುದ್ದಿ | Moodbidri News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಎಸ್ಸೆಸ್ಸೆಫ್ ಕರ್ನಾಟಕ ರಾಜ್ಯ ಸಮಿತಿ ವತಿರ್ದ್ ಪ್ರಾರ್ಥನಾ ಸಂಗಮ

May 2, 2021

ಕುಡ್ಲ, ಮೇ 02: ಎಸ್ಸೆಸ್ಸೆಫ್ ಕರ್ನಾಟಕ ರಾಜ್ಯ ಸಮಿತಿ ವತಿರ್ದ್ ಪ್ರಾರ್ಥನಾ ಸಂಗಮ ಎಸ್ಸೆಸ್ಸೆಫ್ ರಾಜ್ಯಾಧ್ಯಕ್ಷ ಅಬ್ದುಲ್ಲತೀಫ್ ಸಅದಿ ಶಿವಮೊಗ್ಗ ಮೆರ್ನ ಗುರ್ಕಾರ್ಮೆ ಡ್ ಮೇ 2 (ರಂಝಾನ್ 21ನೇ ರಾತ್ರಿ) ರಾತ್ರಿ 9:30 ಗಂಟೆಗ್ ಝೂಮ್ ಡ್ ನಡಪರೆ ಉಂಡು (Zoom).

ಶೈಖುನಾ ಮಹ್ಮೂದ್ ಉಸ್ತಾದ್ ಎಡಪ್ಪಾಲ ದುಆ: ನಡಪಾಯರೇ ಉಲ್ಲೆರ್ . ಝೈನುಲ್ ಉಲಮಾ ಶೈಖುನಾ ಮಾಣಿ ಉಸ್ತಾದ್ ಪ್ರಾರ್ಥನಾ ಸಂಗಮನ್ ಉದಿಪನ ಮಲ್ಪರೆ ಉಲ್ಲೆರ್.ಸುಲ್ತಾನುಲ್ ಉಲಮಾ ಶೈಖುನಾ ಎ.ಪಿ ಉಸ್ತಾದ್ ಮುಖ್ಯ ಪ್ರಭಾಷಣ ಮಲ್ಪರೆ ಉಲ್ಲೆರ್ .

ಡಾ ಫಾರೂಕ್ ನಈಮಿ ಅಲ್ ಬುಖಾರಿ ಕೊಲ್ಲಂ , ಡಾ ಮುಹಮ್ಮದ್ ಪಾಝಿಲ್ ರಝ್ವಿ ಹಝ್ರತ್ ಕಾವಲ್ಕಟ್ಟೆ ಸಂದೇಶ ಭಾಷಣ ಮಲ್ಪರೆ ಉಲ್ಲೆರ್ . ಐ ಎನ್ ಸಿ ಗುರ್ಕಾರ್ಲಾಯಿನ ಡಾ ಶೇಖ್ ಬಾವ ಹಾಜಿ , ಪ್ರಧಾನ ಕಾರ್ಯದರ್ಶಿ ಕಮರುದ್ದೀನ್ ಹಾಮಿದ್ ಗೂಡಿನಬಳಿ ಶುಭ ಸಂದೇಶ ಕೊರ್ರೆ ಉಲ್ಲೆರ್ .

ದ.ಕ. ಜಿಲ್ಲೆದ ಆಸ್ಪತ್ರೆಲೆ ಡ್ ಸಹಾಯವಾಣಿ

May 2, 2021

ಕುಡ್ಲ , ಮೇ 2 : ದ.ಕ. ಜಿಲ್ಲೆಡ್ ಖಾಸಗಿ ಆಸ್ಪತ್ರೆಡ್ ಸರಕಾರದ ರಿಯಾಯಿತಿ ದರಾಟ್ ಚಿಕಿತ್ಸೆ ಪಡೆಯೆರೆ ಬೊಕ್ಕ ಆಯುಷ್ಮಾನ್ ಭಾರತ್-ಆರೋಗ್ಯ ಕರ್ನಾಟಕ ಯೋಜನೆದಡಿ ಚಿಕಿತ್ಸೆ ಅತ್ತುಂಡ ಸೇವೆದ ಸಹಾಯಗಾದ್ ‘ಸಹಾಯವಾಣಿ’ನ್ ಲೆಪ್ಪು ಕೊರೋಲಿ ಪಂದ್ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಅಧಿಕಾರಿದ ಪ್ರಕಟನೆ ತೆರಿಪಾದೆರ್ .

ಡಾ. ರತ್ನಾಕರ್ ಗಾಣಿಗ (ದ.ಕ. ಜಿಲ್ಲಾ ಕುಷ್ಠರೋಗ ನಿವಾರಣಾಧಿಕಾರಿ ಬೊಕ್ಕ ನೋಡಲ್ ಅಧಿಕಾರಿ ಆಯುಷ್ಮಾನ್ ಭಾರತ ಬೊಕ್ಕ ಆರೋಗ್ಯ ಕರ್ನಾಟಕ) ಮೊ.ಸಂ: 9480157604. ಸಚ್ಚಿದಾನಂದ (ಜಿಲ್ಲಾ ಸಂಯೋಜಕೆರ್ ಆಯುಷ್ಮಾನ್ ಭಾರತ ಬೊಕ್ಕ ಆರೋಗ್ಯ ಕರ್ನಾಟಕ) ಮೊ.ಸಂ: 7259003406.

1.ಪ್ರಮೀಳಾ, ಎಜೆ ಆಸ್ಪತ್ರೆ. ಮೊ.ಸಂ: 9743099344
2.ಲತಾ, ಕೆಎಂಸಿ ಆಸ್ಪತ್ರೆ ಜ್ಯೋತಿ, ಕುಡ್ಲ
ಮೊ.ಸಂ: 7259036901
3. ನವ್ಯಾ, ಕೆಎಂಸಿ ಅತ್ತಾವರ, ಮೊ.ಸಂ: 7259036911
4. ಕೀರ್ತನಾ, ಫಾದರ್ ಮುಲ್ಲರ್ ಆಸ್ಪತ್ರೆ, ಮೊ.ಸಂ: 7259003492
5. ಉಷಾ, ಕೆಎಸ್ ಹೆಗ್ಡೆ ಆಸ್ಪತ್ರೆ, ಮೊ.ಸಂ : 7760999138
6. ಸೌಮ್ಯಾ ಎ., ಮಂಗಳೂರು ಇನ್‌ಸ್ಟಿಟ್ಯೂಟ್ ಆಫ್ ಆಂಕಾಲಜಿ ಆಸ್ಪತ್ರೆ, ಮೊ.ಸಂ: 9972356901
7. ಮೌಸಮಿ, ಯೆನೆಪೊಯ ಮೆಡಿಕಲ್ ಕಾಲೇಜ್ ಆಸ್ಪತ್ರೆ, ಮೊ.ಸಂ: 7259003398
8. ಶ್ರೀನಿವಾಸ್ ಮೆಡಿಕಲ್ ಕಾಲೇಜ್ ಆಸ್ಪತ್ರೆ ಮುಕ್ಕ, ಮೊ.ಸಂ: 7022002603.
9. ಹೆಲ್ಪ್ ಡೆಸ್ಕ್, ಕಣಚೂರು ಮೆಡಿಕಲ್ ಕಾಲೇಜ್ ಆಸ್ಪತ್ರೆ, ದೂ.ಸಂ: 0824-2888000.
10. ಪ್ರಸಾದ್, ಕೆವಿಜಿ ಮೆಡಿಕಲ್ ಕಾಲೇಜ್ ಸುಳ್ಯ, ದೂ.ಸಂ : 9743920490.

ಸರಕಾರಿ ಆಸ್ಪತ್ರೆಡ್ ಆರೋಗ್ಯ ಮಿತ್ರೆರ್ನ ವಿವರ
1. ಮಹೇಶ್, ವೆನ್ಲಾಕ್ ಆಸ್ಪತ್ರೆ, ಮೊ.ಸಂ: :7259003487.
2. ನಝ್ಮ, ಲೇಡಿಗೋಶನ್ ಆಸ್ಪತ್ರೆ, ಮೊ.ಸಂ: 7259003397.
3. ಉಷಾ ಕುಮಾರಿ ಎಂ., ಬಂಟ್ವಾಳ, ಮೊ.ಸಂ: 7259003490.

ಕರ್ನಾಟಕ ಕಲಾಶ್ರೀ ಪುರಸ್ಕೃತೆರಾಯಿನ ವಿದ್ವಾನ್ ಮಧೂರು ಪಿ. ಬಾಲಸುಬ್ರಹ್ಮಣ್ಯಂ ಮೆರೆಗ್ ಶ್ರೀಕೃಷ್ಣಾನುಗ್ರಹ ಪ್ರಶಸ್ತಿ

Apr 28, 2021

ಒಡಿಪು, ಎಪ್ರಿಲ್ 28: : ಪರ್ಯಾಯ ಶ್ರೀ ಅದಮಾರು ಮಠ ಶ್ರೀಕೃಷ್ಣ ಮಠದ ಸರ್ವಜ್ಞ ಪೀಠಾಧಿಪತಿ ಶ್ರೀ ವಿಶ್ವಪ್ರಿಯ ತೀರ್ಥ ಶ್ರೀಪಾದೆರ್ , ಶ್ರೀರಾಮ- ಹನುಮದುತ್ಸವದ ಪೊರ್ತುಡು ಕಾಂಚನ ಪರಂಪರೆದ ಕರ್ನಾಟಕ ಸಂಗೀತ ಗುರು ಅಂಚನೇ ಈ ಸಾಲ್ ದ ಕರ್ನಾಟಕ ಕಲಾಶ್ರೀ ಪುರಸ್ಕೃತೆರಾಯಿನ ವಿದ್ವಾನ್ ಮಧೂರು ಪಿ. ಬಾಲಸುಬ್ರಹ್ಮಣ್ಯಂ ಮೆರ್ನ ಸಂಗೀತ ಸೇವೆನ್ ಗುರ್ತಿಸಾದ್ ಶ್ರೀಕೃಷ್ಣಾನುಗ್ರಹ ಪ್ರಶಸ್ತಿ ಕೊರ್ದು ಮಾನದಿಗೆ ಮಲ್ತೆರ್.

ಬೊಕ್ಕ ಪಾತೆರಿನ ಆರ್ ಮಧೂರು ಮೇರ್ ತನ್ನ ಮಾತಾ ಏಳಿಗೆಗ್ಲಾ , ಸಂಗೀತಾರಾಧನೆಗ್ ಒಡಿಪು ಶ್ರೀ ಕೃಷ್ಣನೇ ಕಾರಣ. ಶ್ರೀಕೃಷ್ಣನ ಅನುಗ್ರಹ ಬೊಕ್ಕ ಶ್ರೀಲೆನ ಆಶೀರ್ವಾದರ್ದ್ ತಾನ್ ಧನ್ಯ ಪಂದ್ ಪಂಡೆರ್ .

ಐರ್ದ್ ಬೊಕ್ಕ ಸುಮಾರ್ ಮೂಜರೆ ಗಂಟೆ ಮಧೂರು ಮೆರೆರ್ದ್ ಸಂಗೀತಾರ್ಚನೆ ನಡತುಂಡು . ಪಕ್ಕವಾದ್ಯಡ್ ವಿದ್ವಾನ್ ಶ್ರೀಧರ ಆಚಾರ್ಯ (ವಯೋಲಿನ್) ಬೊಕ್ಕ ವಿದ್ವಾನ್ ಬಾಲಚಂದ್ರ ಭಾಗವತ್ (ಮೃದಂಗ) ಸಾಕಾರ ಕೊರಿಯೆರ್ .

ಲಸಿಕೆರ್ದ್ ದುಂಬಾವಡ್ ನೆತ್ತೆರ್ ದಾನ

Apr 25, 2021

ಆಸ್ಪತ್ರೆಲೆಡ್ ನೆತ್ತೆರ್ ದ ಅಗತ್ಯ ಪೂರೈಸುನ ಬಗ್ಗೆ ಆರೋಗ್ಯವಂತ ನಾಗರಿಕೆರ್ ಲಸಿಕೆ ದೆತೊನುನ ದುಂಬೇ ನೆತ್ತೆರ್ ದಾನ ಮಲ್ಪುಲೇ ಪಂದ್ ಈ ಮುಖೇನ ಬಿನ್ನಾಪು ಮಲ್ತೊಂದು ಉಲ್ಲ.

ಕೇಂದ್ರ ಸರಕಾರ ಕೋವಿಡ್ 19ರ ನಿಯಂತ್ರಣದ ನೆಲೆಟ್ಟ್ ಮೇ 1 ತಾರೀಖ್ ರ್ದ್ 18 ವರ್ಷ ಮಿತ್ತ್ ದ ಮಾತೆರೆಗ್ಲಾ ಕೋವಿಡ್ ನಿರೋಧಕ ಲಸಿಕೆ ದೆತೊನೆರೆ ಮುಕ್ತ ಅವಕಾಶ ಕೊರ್ತೆರ್ . ಸರಕಾರರ್ದ್ ಕೋವಿಡ್ ನಿಯಂತ್ರಣಗ್ ಉಂದೊಂಜಿ ಮಾಮಲ್ಲ ಪಜ್ಜೆ ಆತ್oಡ್.ಕೋವಿಡ್ ನಿರೋಧಕ ಲಸಿಕೆ ಅಭಿಯಾನ ಮೇ 1ರ್ದ್ 18ರ್ದ್ 45 ವರ್ಷದಕ್ಲೆಗಾದ್ ಸುರು ಆಪುಂಡು . ರಾಷ್ಟ್ರಿಯ ರಕ್ತ ಸಂಚರಣ ಪರಿಷತ್ (ಎಬಿಟಿಸಿ) ಪ್ರಕಾರ ಒವ್ವೆ ಲಸಿಕೆ ದೆತೊoಡಿನ ನಾಲ್ ವಾರ ಮುಟ್ಟ ನೆತ್ತೆರ್ ದಾನ ಮಲ್ಪರೆ ಅವಕಾಶ ಇಜ್ಜಿ. ಕೋವಿಡ್ ಲಸಿಕೆ ರಡ್ಡ್ ಹಂತಡ್ ಪಡೆಯೊಡು. ಈ ಹಂತಡ್ ದೇಶಡ್ ನೆತ್ತೆರ್ ದ ಕೊರತೆ ಆಪಿನ ಬಾರಿ ಎಚ್ಚದ ಸಾಧ್ಯತೆ ಉಂಡು. ಕೊರೊನಾ ಪೋಡಿಗೆಡ್ ದುಂಬೇ ರಕ್ತದಾನಿಲೆನ ಕೊರತೆ ಉಂಡು .ಈ ನೆಲೆಟ್ಟ್ 18 ವರ್ಷ ಮಿತ್ತ್ ಪ್ರಾಯದ ಜವನ್ಯೆರ್ ಆಯಿನಾತ್ ಮಲ್ಲ ಮಟ್ಟ್ ಡ್ ನೆತ್ತೆರ್ ದಾನ ಮಲ್ಪುಲೇ.

ಸಮುದಾಯ ಮನಸ್ ಮಲ್ತುಂಡ ಜೀವ ಒರಿಪಾವೊಲಿ . ಲಸಿಕೆರ್ದ್ ದುಂಬು ನೆತ್ತೆರ್ ದಾನ ಮಲ್ತ್ ಜೀವ ಒರಿಪಾಯರೇ ಕೈ ಜೋಡಾಲೆ.

ಕರ್ನಾಟಕ

ಅಂಬಲಪಾಡಿ ದೇವಳರ್ದ್ ಕಿಟ್ ಹಸ್ತಾಂತರ

ಕರ್ನಾಟಕ ರಾಜ್ಯ ಪೊಲೀಸ್ : ಸೈಂಟಿಫಿಕ್ ಆಫೀಸರ್ ಹುದ್ದೆಗ್ ಅರ್ಜಿ ‌ಲೆಪ್ಪೋಲೆ

ಎಚ್ಆರ್ ಎಸ್ ವತಿರ್ದ್ ಆಶಾಕಾರ್ಯಕರ್ತೆರೆಗ್ ಆಕ್ಸಿಮೀಟರ್ ವಿತರಣೆ

ಪಡುಬಿದ್ರೆ : ಟಗ್ ತೆರವು ಮಲ್ಪರೆ ತಯಾರಿ

ತೆಡಿಲ್ ಬರ್ಸ ಮೂಜಿ ಇಲ್ಲಗ್ ಹಾನಿ

ರಾಜ್ಯ ಸರಕಾರರ್ದ್ ಪರಿಷ್ಕೃತ ಮಾರ್ಗಸೂಚಿ ಪ್ರಕಟ

ಎಸ್ಸೆಸ್ಸೆಫ್ ಕರ್ನಾಟಕ ರಾಜ್ಯ ಸಮಿತಿ ವತಿರ್ದ್ ಪ್ರಾರ್ಥನಾ ಸಂಗಮ

ದ.ಕ. ಜಿಲ್ಲೆದ ಆಸ್ಪತ್ರೆಲೆ ಡ್ ಸಹಾಯವಾಣಿ

ಕರ್ನಾಟಕ ಕಲಾಶ್ರೀ ಪುರಸ್ಕೃತೆರಾಯಿನ ವಿದ್ವಾನ್ ಮಧೂರು ಪಿ. ಬಾಲಸುಬ್ರಹ್ಮಣ್ಯಂ ಮೆರೆಗ್ ಶ್ರೀಕೃಷ್ಣಾನುಗ್ರಹ ಪ್ರಶಸ್ತಿ

ಲಸಿಕೆರ್ದ್ ದುಂಬಾವಡ್ ನೆತ್ತೆರ್ ದಾನ

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ