ಉಳ್ಳಾಲ

ತುಳುವೆರೆ ಕೊಡಿಕ್ ಅಪಮಾನ ಮಲ್ತಿನ ಆರೋಪಿ ಬಂಧನ

ಕುಡ್ಲ, ಜೂನ್ 19: ತುಳುನಾಡ್ದ ಕೊಡಿನ್ ಚಪ್ಪಲಿಗ್ ಹೊಂದಿಕೆಯಾಪಿಲಕ ಎಡಿಟ್ ಮಲ್ತ್ , ಫೇಸ್ಟುಕ್ ಪೇಜ್ಡ್ ಪೋಸ್ಟ್ ಮಲ್ತಿನ ಪ್ರಕರಣಡ್ ಬರ್ಕೆ ಠಾಣೆ ಪೊಲೀಸೆರ್ ಆರೋಪಿನ್ ಪತ್ತ್ ದೆರ್ .

ಬೆಂಗ್ಳೂರ್ ದ ಇಂಜಿನಿಯರಿಂಗ್ ಕಾಲೇಜ್ದ ವಿದ್ಯಾರ್ಥಿ ಆದ್ ಉಪ್ಪುನ ಸೂರ್ಯ ಎನ್.ಕೆ. (19) ಬಂಧಿತ ಆರೋಪಿ. ತುಳುನಾಡ್ದ ಬಾವುಟನ್ ಎಡಿಟ್ ಮಲ್ತ್ , ತನ್ನ ಫೇಸ್ಟುಕ್ ಡ್ ಪಾಡ್ದಿನೇ ಅತ್ತoದೆ ಅಶ್ಲೀಲವಾದ್ ಕಮೆಂಟ್ ಮಲ್ತಿತ್ತೆ . ಈ ಬಗ್ಗೆ ಕುಡ್ಲ ಮಹಾನಗರ ಪಾಲಿಕೆದ ಕಾರ್ಪೊರೇಟರ್ ಶಶಿಧರ ಹೆಗ್ಡೆ ಪೊಲೀಸೆರೆಗ್ ದೂರು ಕೊರ್ದಿತ್ತೆರ್ .

ಬರ್ಕೆ ಠಾಣೆಡ್ ಈ ಬಗ್ಗೆ ಪೊಲೀಸೆರ್ 153(ಎ) ಬೊಕ್ಕ 505 (2) ಐಪಿಸಿ ಅಡಿ ಪ್ರಕರಣ ದಾಖಲ್ ಮಲ್ತಿತ್ತೆರ್ . ಆರೋಪಿನ ಪತ್ತೆಗಾದ್ ಬರ್ಕೆ ಠಾಣೆ ಎಸ್‌ಐ ಹಾರುಣ್,ಅಖರ್ ನೇತೃತ್ವಡ್ ಉರ್ವಾ ಪೊಲೀಸ್ ಠಾಣೆ ಸಿಬಂದಿ ಪುಷ್ಪರಾಜ್, ಪ್ರಕಾಶ್, ಬರ್ಕೆ ಠಾಣೆಯ ಶರತ್ ಇತ್ತಿನ ವಿಶೇಷ ಕೂಟ ರಚನೆ ಮಲ್ತಿತ್ತೆರ್ .

ಪೊಲೀಸ್ ಕೂಟ ಬೆಂಗ್ಳೂರುಗು ಪೋದು , ಆರೋಪಿನ ಇಲ್ಲ್ ನ್ ಪತ್ತೆ ಮಲ್ದುಂಡು . ಆರೋಪಿ ಸೂರ್ಯ ಎನ್.ಕೆ. ಶ್ರೀರಾಂಪುರದ ಒಂಜನೆ ಕ್ರಾಸ್ ನಿವಾಸಿಯಾಯಿನೆನ್ ಪತ್ತೆ ಮಲ್ತ್ , ಕಾರ್ಯಾಚರಣೆ ಮಲ್ತ್ ಪತ್ತ್ ದೆರ್.

ಕೊರೋನರ್ದ್ ತೀರ್ ಪೋಯಿನ ಪೆರಿಯ ಪತ್ರಕರ್ತೆ ಸುರೇಶ್ ಚಂದ್ರ

ಬೆಂಗ್ಳೂರು , ಜೂ.11: ಪೆರಿಯ ಪತ್ರಕರ್ತ ಬೊಕ್ಕ ಚಿತ್ರನಟ ಸುರೇಶ್ ಚಂದ್ರ ಮೇರ್ ಇನಿ ಮಧ್ಯಾಹ್ನ ಕೊರೋನ ಸೋಂಕುರ್ದು ತೀರ್ ಪೋಯೆರ್.

ಕೊರೋನ ಸೋಂಕು ಇತ್ತಿನ ಸುರೇಶ್ ಚಂದ್ರ ಮೆರೆನ್ ಇಂಚಗ್ ಬೆಂಗ್ಳೂರುದ ಖಾಸಗಿ ಆಸ್ಪತ್ರೆಗ್ ದಾಖಲ್ ಮಲ್ತಿತ್ತೆರ್ ಆಂಡ ಮರ್ದ್ ಫಲಕಾರಿ ಆವಂದೆ ತೀರ್ ಪೋಯೆರ್.
ಸುರೇಶ್‌ಚಂದ್ರ ಮೇರ್ ಶಂಕರ್‌ನಾಗ್, ವಿಷ್ಣುವರ್ಧನ್, ಅಂಬರೀಶ್, ದೇವರಾಜ್ ಸೇರಿನಂಚ ಅವ್ವೆತೋ ಪೆರಿಯ ನಟರ್ ನೊಟ್ಟುಗು ಉತ್ತಮ ಸಂಭಂದ ದೀದಿತ್ತೆರ್ ಅಂಚನೇ ಸುಮಾರ್ 50ರ್ದ್ ಜಾಸ್ತಿ ಸಿನಿಮಾಡ್ ನಟನೆ ಮಲ್ದೆರ್.ಸಂಜೆವಾಣಿ ಪತ್ರಿಕೆಡ್ ಸುದೀರ್ಘವಾದ್ ಕೆಲಸ ಮಲ್ತಿನ ಮೇರ್ ಕರಿನ ವರ್ಷ ನಿವೃತ್ತಿಯಾದಿತ್ತೆರ್ . ಮೃತೆರ್ನ ಆತ್ಮಗ್ , ಬೊಡೆದಿ ಬೊಕ ರಡ್ಡ್ ಆಣ್ ಜೋಕುಲು ಕಣ್ಣ ನೀರ ಪನಿತರ್ಪಣ ಮಲ್ದೆರ್.