ಟೈಮ್ಸ್ ಆಫ್ ಕುಡ್ಲ | Times of Kudla | Kudla Tulu Patrike

Fri. Jun 26th, 2026

Udupi

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ರಾಷ್ಟ್ರಪತಿ ವೋಟು ಗೆನ್ಪರೆ ಸುರು ಏರ್ ಆವೆರ್ ಭಾರತದ ಪ್ರೆಸಿಡೆಂಟ್ ?

ಕರ್ನಾಟಕ : ಇತ್ತೆ 11 ಗಂಟೆಗ್ ರಾಷ್ಟ್ರಪತಿ ವೋಟುದ ಲೆಕ್ಕ ಸುರು ಆತ್ಂಡ್.
ಆಯ್ಕೆಯಾಯಿನ ಅಭ್ಯರ್ಥಿ ಭಾರತದ 15ನೇ ರಾಷ್ಟ್ರಪತಿಯಾದ್ ಅಧಿಕಾರ ದೆತೊನೆರೆ ಉಲ್ಲೆರ್ .

ಬಿಜೆಪಿ ಮುತಾಲಿಕೆದ ಎನ್‌ಡಿಎ ಅಭ್ಯರ್ಥಿ ದ್ರೌಪದಿ ಮುರ್ಮು ಬೊಕ್ಕ ಜಂಟಿ ವಿರೋಧ ಪಕ್ಷದ ಅಭ್ಯರ್ಥಿ ಯಶವಂತ್ ಸಿನ್ಹಾ ನಡುಟು ಪಂಥ ನಡತೊಂದು ಉಂಡು. ಆಡಳಿತಡ್ ಉಪ್ಪುನ ಬಿಜೆಪಿದ ಸಂಖ್ಯಾಬಲ ಜಾಸ್ತಿ ಉಂಡು ಮುರ್ಮು ಗೆಂದುನ ಖಚಿತ ಪಂದ್ ಪನೊಂದು ಉಲ್ಲೆರ್ . ಜಾರ್ಖಂಡ್‌ದ ಮಾಜಿ ಗವರ್ನರ್ ಆಯಿನ ದ್ರೌಪದಿ ಮುರ್ಮು ಮೇರ್ ಆಯ್ಕೆ ಆಂಡ , ಭಾರತದ ಸುರುತ ಬುಡಕಟ್ಟು ರಾಷ್ಟ್ರಪತಿ ಬೊಕ್ಕ ದೇಶದ ರಡ್ಡನೇ ಪೊಂಜೊವು ರಾಷ್ಟ್ರಪತಿ ಪನ್ಪಿನ ಪುಗಾರ್ತೆ ಪಡೆಯೆರೆ ಉಲ್ಲೆರ್ .

ಜುಲೈ 18 ಗ್ ದೇಶಡ್ ಮಾತಾ ಚುನಾಯಿತ ಶಾಸಕೆರ್ ಬೊಕ್ಕ ಸಂಸದೆರ್ ರಾಮನಾಥ್ ಕೋವಿಂದ್ ಮೆರ್ನ ಉತ್ತರಾಧಿಕಾರಿಗ್ ವೋಟು ಪಾಡ್ದ್ ಇತ್ತೆರ್ . ಸಂಸತ್ ಭವನಡ್ ನಡತಿನ ವೋಟುಡು 736 ಜನಟ್ 728 ಮತದಾರೆರ್ ವೋಟು ಪಾಡ್ದೆರ್.

Uncategorized ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಹಿಜಾಬ್ ಲಡಾಯಿ : 14 ಪೊಸ ಕಾಲೇಜ್ ಕಟ್ಟೆರೆ ಅರ್ಜಿ ಪಾಡಿನ ಮುಸ್ಲಿಂ ಶಿಕ್ಷಣ ಸಂಸ್ಥೆ

ಹಿಜಾಬ್ ಲಡಾಯಿ : 14 ಪೊಸ ಕಾಲೇಜ್ ಕಟ್ಟೆರೆ ಅರ್ಜಿ ಪಾಡಿನ ಮುಸ್ಲಿಂ ಶಿಕ್ಷಣ ಸಂಸ್ಥೆ

ಕುಡ್ಲ ,: ಕುಡ್ಲಡ್ ಹಿಜಾಬ್ ಲಡಾಯಿ ನನಾತ್ ಜಾಸ್ತಿ ಆವೊಂದು ಉಂಡು . ಸಿಎಫ್‌ಐ ಗರ್ಲ್ಸ್ ಕಾನ್ಫರೆನ್ಸ್ ಪುದರ್ ಡ್ ಹಿಜಾಬ್ ಬಗ್ಗೆ ಕುಡೊಂಜಿ ಸುತ್ತುದ ಲಡಾಯಿಗ್ ಮುಸ್ಲಿಂ ಕಲ್ಪಾರ್ಥಿಲು ಲಡಾಯಿ ಮಲ್ದೆರ್ . ಇಂಚಿಡ್ ಮುಸ್ಲಿಮ್ ಸಮುದಾಯ ಪಿಯು ಕಾಲೇಜು ಕಟ್ಟೆರೆ ದುಂಬು ಬೈದುಂಡು.

ಕುಡ್ಲಡ್ ಪಿಯು ಕಾಲೇಜು ಸುರು ಮಲ್ಪರೆ ಮುಸ್ಲಿಂ ಶಿಕ್ಷಣ ಸಂಸ್ಥೆ ದುಂಬು ಬೈದುಂಡು ಕುಡ್ಲಡ್ 14 ಪಿಯು ಕಾಲೇಜು ಸುರು ಮಲ್ಪೆರೆ ಮುಸ್ಲಿಂ ಶಿಕ್ಷಣ ಸಂಸ್ಥೆ ರಾಜ್ಯ ಸರ್ಕಾರಗ್ ಬಿನ್ನಾಪು ಮಲ್ದುಂಡು.

Uncategorized ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಬೆಂಗ್ಳೂರು ರಾಜ್ಯ ಸಭಾ ಸದಸ್ಯೆಯಾದ್ ಪ್ರಮಾಣ ವಚನ ಸ್ವೀಕಾರ ಮಲ್ತಿನ ಪಿಟಿ ಉಷಾ

ಬೆಂಗ್ಳೂರು ರಾಜ್ಯ ಸಭಾ ಸದಸ್ಯೆಯಾದ್ ಪ್ರಮಾಣ ವಚನ ಸ್ವೀಕಾರ ಮಲ್ತಿನ ಪಿಟಿ ಉಷಾ

ಬೆಂಗ್ಳೂರು: ರಾಜ್ಯಸಭಾ ಸದಸ್ಯೆಯಾದ್ ಭಾರತದ ಪುಗಾರ್ತೆದ ಕ್ರೀಡಾಪಟು ಪಿಟಿ ಉಷಾ ಇನಿ ಪ್ರಮಾಣ ವಚನ ಸ್ವೀಕಾರ ಮಲ್ದೆರ್ . ಕೇರಳದ ಕೋಝಿಕ್ಕೋಡ್ ಜಿಲ್ಲೆದ ಹಳ್ಳಿಡ್ ಪುಟ್ಟಿನ ಉಷಾ, ಕ್ರೀಡಾ ಕ್ಷೇತ್ರಡ್ ಬಾರಿ ಪುಗಾರ್ತೆ ಪಡೆತಿನಾರ್.

ವಿಶ್ವ ಜೂನಿಯರ್ ಇನ್ವಿಟೇಶನಲ್ ಮೀಟ್, ಏಷ್ಯನ್ ಚಾಂಪಿಯನ್‌ಶಿಪ್ ಬೊಕ್ಕ ಏಷ್ಯನ್ ಗೇಮ್ಸ್ ಸೇರಿನಂಚ ಬೇತೆ ಬೇತೆ ಅಂತಾರಾಷ್ಟ್ರೀಯ ಕ್ರೀಡಾಕೂಟಡ್ ದೇಶನ್ ಪ್ರತಿನಿಧಿಸಾದ್ ಪದಕ ಪಡೆಯಿನ ಮೇರ್ ಪಯ್ಯೋಲಿ ಎಕ್ಸ್‌ಪ್ರೆಸ್ ಪಂದ್ ಪುದರ್ ಪಡೆತೆರ್.

ಧರ್ಮಸ್ಥಳದ ಧರ್ಮಾಧಿಕಾರಿ ವೀರೇಂದ್ರ ಹೆಗ್ಗಡೆ, ಖ್ಯಾತ ಸಂಯೋಜಕ ಇಳಯರಾಜ, ಚಿತ್ರಕಥೆಗಾರೆ ವಿ. ವಿಜಯೇಂದ್ರ ಪ್ರಸಾದ್ ಒಟ್ಟುಗು ಮೆರ್ಲ ಮೇಲ್ಮನೆಗ್ ನಾಮ ನಿರ್ದೇಶನ ಆದ್ ಇತ್ತೆರ್ .

ಉಡುಪಿದ ಸುದ್ದಿ | Udupi News

ಒಡಿಪು ಸಿಟಿ ಬಸ್ ನಿಲ್ದಾಣ ವೃತ್ತಗ್ ಸಂಗೊಳ್ಳಿ ರಾಯಣ್ಣ ಪುದರ್ ನಾಮಕರಣ: ಅಳುಪ ರಾಜೆರ್ನ ಪುದರ್ ದೀಯೆರೆ ಅಗ್ರಹ ಮಲ್ತಿನ ತುಳುವೆರ್

ಒಡಿಪು ಸಿಟಿ ಬಸ್ ನಿಲ್ದಾಣ ವೃತ್ತಗ್ ಸಂಗೊಳ್ಳಿ ರಾಯಣ್ಣ ಪುದರ್ ನಾಮಕರಣ

ಅಳುಪ ರಾಜೆರ್ನ ಪುದರ್ ದೀಯೆರೆ ಅಗ್ರಹ ಮಲ್ತಿನ ತುಳುವೆರ್

ಒಡಿಪು : ಒಡಿಪು ನಗರಸಭಾ ವ್ಯಾಪ್ತಿದ ಸಿಟಿ ಬಸ್ ನಿಲ್ದಾಣರ್ದ್ ನರ್ಮ್ ಬಸ್ ಸ್ಟಾಂಡ್ ಕೈತಲ್ ಸರ್ವೀಸ್ ಬಸ್ ನಿಲ್ದಾಣಗ್ ಬರ್ಪಿನ ಮಾರ್ಗಡ್ ಉಪ್ಪುನ ವೃತ್ತಗ್ ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ ವೃತ್ತ ಪಂದ್ ನಾಮಕರಣ ಮಲ್ಪುನ ಬಗ್ಗೆ ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ ಅಭಿಮಾನಿ ಕೂಟದಕುಲು ಬಿನ್ನಾಪು ಮಲ್ದೆರ್ , ಈ ಬಗ್ಗೆ ಆಕ್ಷೇಪಣೆ ಬೊಕ್ಕ ಸಲಹೆ ಉಂಡುಡ ಸಾರ್ವಜನಿಕೆರ್ 30 ದಿನತ ಉಲಯಿ ನಗರಸಭೆ ಕಚೇರಿಗ್ ಬಿನ್ನಾಪು ಮಲ್ಪರೆ ನಗರಸಭೆ ಪೌರಾಯುಕ್ತರ ಕಚೇರಿ ಪ್ರಕಟಣೆ ತೆರಿಪಾದ್ಂಡ್ .

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಶಿರೂರು: ಟೋಲ್ ಗ್ ಗುದ್ದುದು ಪಲ್ಟಿಯಾಯಿನ ಆಂಬುಲೆನ್ಸ್: ಮೂಜಿ ಜನ ತೀರ್ ಪೋಯೆರ್

ಕುಂದಾಪುರ : ಆ್ಯಂಬುಲೆನ್ಸ್ ಗಾಡಿ ಶಿರೂರು ಟೋಲ್ ಗೇಟ್ ಕೈತಲ್ ಡ್ರೈವರ್ ನ ಕೈ ತತ್ತ್ ದ್ ಟೋಲ್ ಕಂಬಗ್ ಗುದ್ದುದ್ ಪಲ್ಟಿಯಾದ್ ಮೂಜಿ ಜನ ತೀರ್ ಪೋಯಿನ ಘಟನೆ ಶಿರೂರು ಟೋಲ್ ಗೇಟ್ ಕೈತಲ್ ಬುಧವಾರ ನಡತ್ ದ್oಡ್.

ಹೊನ್ನಾವರರ್ದ್ ಕುಂದಾಪುರ ಆಸ್ಪತ್ರೆಗ್ ರೋಗಿನ್ ಕನಪಿನ ಪೊರ್ತುಡು ಸ್ಪೀಡ್ ಡ್ ಬತ್ತಿನ ಆಂಬುಲೆನ್ಸ್ ಶಿರೂರು ಟೋಲ್ ಗೇಟ್ ಕೈತಲ್ ಡ್ರೈವರ್ ನ ನಿಯಂತ್ರಣ ತತ್ತ್ ಟೋಲ್ ಕಂಬಗ್ ಗುದ್ದುದ್ ಪಲ್ಟಿಯಾತ್oಡ್. ಘಟನೆಡ್ ಮೂಜಿ ಜನ ತೀರ್ ಪೋತೆರ್ ಪoದ್ ತೆರಿದ್ ಬೈದ್oಡ್.

ತೀರ್ ಪೋಯಿನಕ್ಲೆಡ್ ರಡ್ಡ್ ಜನ ಆಂಜೊವುಲು ಅಂಚನೆ ಒರ್ತಿ ಪೊಂಜೋವ್ ಪಂದ್ ತೆರಿದ್oಡ್. ಈ ಬಗೆಟ್ ಶಿರೂರು ಠಾಣೆಡ್ ದೂರು ದಾಖಲಾತ್oಡ್.

Ambulance crashes into the tollgate at Shiroor: Three persons dead

Kundapur: An ambulance driver loses control of the vehicle and crashes into the tollgate pole leaving three persons dead.This incident was reported from Shiroor tollgate in Kundapur.

The ambulance was bringing in a patient from Honnavar to Kundapur and the driver lost control near Shiroor tollgate and crashes into the pole leaving three persons dead.

Two young men and a woman have been reported dead.Police are investigating and a case has been registered at Shiroor police station.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ರಾಜ್ಯಡ್ 18 ದಿನಟ್ ಒಟ್ಟು 910 ಜನಕ್ ಡೆಂಗ್ಯೂ ಜ್ವರ; ರಡ್ಡನೇ ತಾನೊಡು ಒಡಿಪು ಜಿಲ್ಲೆ

ಬೆಂಗ್ಳೂರ್: ರಾಜ್ಯಡ್ ಒಂಜಿ ಕಡೆಟ್ ಕೊರೊನಾ ದ ನಡುಟ್ ಡೆಂಗು ಜ್ವರತ್ತ ಕೇಸ್ ಎಚ್ಚ ಆವೊಂದು ಉಂಡು. ಕರಿನ 18 ದಿನಟ್ ಒಟ್ಟು 910 ಜನಕ್ ಜ್ವರ ತೋಜಿದ್ ಬೈದ್oಡ್.

ಬೆಂಗ್ಳೂರು ಪೇಂಟೆಡ್ 585, ಕುಡ್ಲ -176, ಒಡಿಪು-356, ಚಿತ್ರದುರ್ಗ 163, ದಾವಣಗೆರೆ 114, ಹಾಸನ 124, ಬೆಳಗಾವಿ 103, ಕೊಪ್ಪಳ 100, ಮೈಸೂರು 346, ಶಿವಮೊಗ್ಗ 158, ಕಲಬುರ್ಗಿ 101 ಅಂಚನೆ ವಿಜಯಪುರ 110 ಡೆಂಗು ಕೇಸ್ ವರದಿಯಾತ್oಡ್.

910 dengue cases recorded in the state in the past 18 days

Bangalore: With heavy rains, landslide and increasing covid cases in the state ; now dengue cases are on the increase. In the past 18 days 910 cases have been reported.

Bangalore-585, Mangalore-176, Udupi-356, Chitradurga-163, Davangere-114, Belgaum-103, Koppal-100, Hassan-124, Mysore 356, Shimoga 158, Gulbarga-101, Bijapur-110 cases were reported.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಮುಲ್ಕಿಡ್ ಉದಿಪನ ಆವರೆ ಉಂಡು ” ಭಾಗ್ಯಲಕ್ಷ್ಮಿ ಸಿಲ್ಕ್ಸ್” ಜವಳಿ ಷೋರೂಮ್

ಮುಲ್ಕಿ : ಭಾರಿ ನಿರೀಕ್ಷೆಡ್ ಜನಕುಲು ಕಾತೊಂದುಪ್ಪುನ ಹೈಟೆಕ್ ವಸ್ತ್ರ ಮಳಿಗೆ ‘ ಭಾಗ್ಯಲಕ್ಷ್ಮಿ ಸಿಲ್ಕ್ಸ್ , ಜವಳಿದ ಮಳಿಗೆ ಮುಲ್ಕಿದ ಹೃದಯಭಾಗೊಡು ಉಪ್ಪುನ ರಾಜ್ ಪ್ಯಾಲೇಸ್ ಡ್ ಬೇಗೊಡೆ ಉದಿಪನ ಆವರೆ ಉಂಡು.

ಶ್ರೀ ಕ್ಷೇತ್ರ ಗೆಜ್ಜೆಗಿರಿತ್ತ ಗೌರವಾಧ್ಯಕ್ಷೆರ್, ರಾಷ್ಟ್ರೀಯ ಬಿಲ್ಲವರ ಮಹಾಮಂಡಲದ ಅಧ್ಯಕ್ಷೆರ್, ಸಿನಿಮಾ ನಟೆ ನಿರ್ದೇಶಕೆರ್, ಕರ್ನಾಟಕ ವಾಣಿಜ್ಯ ಮಂಡಳಿದ ಸದಸ್ಯೆರ್, ಶ್ರೀ ಕ್ಷೇತ್ರ ಗೆಜ್ಜೆ ಗಿರಿತ್ತ ಐತಿಹಾಸಿಕ ಬ್ರಹ್ಮ ಕಲಶೋತ್ಸವದ ರೂವಾರಿಲು ಆದುಪ್ಪುನ ಶ್ರೀ ರಾಜಶೇಖರ್ ಕೋಟ್ಯಾನ್ ಮೆರೆನ ಮಾಲಕತ್ವದ ಈ ಷೋರೂಮ್ ಮುಲ್ಕಿ ಬಸ್ ಬಸ್ ಸ್ಟ್ಯಾಂಡ್ ದ ಕೈತಲ್ ದ ರಾಜ್ ಪ್ಯಾಲೇಸ್ ಬಿಲ್ಡಿಂಗ್ ಸುರು ಆವರೆ ಉಂಡು.
ಮದಿಮೆ ಬೊಕ್ಕ ಬೇತೆ ಬೇತೆ ಶುಭ ಸಮಾರಂಭೊಲೆಗ್ ಗಲಸುನ ರೇಷ್ಮೆ ಸೀರೆಲು ಅಂಚೆನೆ ಆಂಜೋವುಲೆಗ್ ಬೊಕ್ಕ ಜೋಕುಲೆಗ್ ಬೊಕ್ಕ ಪ್ರಾಯದಕ್ಲೆಗ್ ಬೋಡಾಪಿನ ಮಾತಾ ತರತ್ತ ತುತ್ತೈತ ಮೂಲು ಉಂಡು. ಮೂಜಿ ಮಾಲಿಗೆದ ರಾಜ್ ಪ್ಯಾಲೇಸ್ ಕಟ್ವಾಣಡ್ ಸುರೂತ್ತ ಮಾಲಿಗೆಡ್ ಜೋಕುಲೆನ ಡ್ರೆಸ್, ರಡ್ಡನೇ ಮಾಲಿಗೆಡ್ ಪೊಂಜೋವುಲೆನ ತುತ್ತೈತ ಬೊಕ್ಕ ಮೂಜನೇ ಮಾಲಿಗೆಡ್ ಆಂಜೋವುಲೆನ ಜವಳಿ ಪೂರ ತಿಕ್ಕುಂಡು. ಬೇಗೊಡೆ ಮಳಿಗೆ ಉದಿಪನ ಆವರೆ ಉಂಡು. ಮಾತಾ ಜನಕ್ಲೆನ ಸಹಕಾರ ಬೋಡು ಪಂದ್ ಡಾ.ರಾಜಶೇಖರ ಕೋಟ್ಯಾನ್ ಬಿನ್ನಾಪು ಮಲ್ದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಒಡಿಪು ಜಿಲ್ಲೆಡ್ ಮೂಜಿ ದಿನ ಯೆಲ್ಲೋ ಅಲರ್ಟ್: ಕಡಲ್ ಗ್ ಜಪ್ಪಂದಿಲೆಕ್ಕ ಎಚ್ಚೆರ್ಗೆ

ಒಡಿಪು ಜಿಲ್ಲೆಡ್ ಇನಿ ಸಾಧಾರಣ ಬರ್ಸ ಬರೊಂದುಂಡು. ಇನಿ ಮುಗಾಲ್ ಬೊಕ್ಕ ದೊಂಬುದ ನಡುಟ್ಟ್ ಭಾರೀ ಬರ್ಸ ಬರೊಂದುಂಡು.

ಈ ಬಗೆಟ್ಟ್ ಜಿಲ್ಲೆಡ್ ಇನಿರ್ದ್ ಯೆಲ್ಲೋ ಅಲರ್ಟ್ ಘೋಷಣೆ ಮಲ್ತ್ ದೆರ್. ಸದ್ಯಗ್ ಸೋಮಾರ ಮುಟ್ಟ ಯೆಲ್ಲೋ ಅಲರ್ಟ್ ಉಂಡು. ಕಡಲ್ ಡ್ ಮಸ್ತ್ ಗಾಳಿ ಬೀಜೊಂದಿಪ್ಪುನ ಕಾರಣ ಮೀನುಗಾರೆರೆಗ್ ಕಡಲ್ ಗ್ ಜಪ್ಪಂದಿಲೆಕ್ಕ ಎಚ್ಚೆರ್ಗೆ ಕೊರ್ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ರೇಷನ್ ಡ್ ಉರ್ಪೆ ಲ್ ಅರಿ ಕೊರಿಯರೆ ಕ್ರಮ: ಸಚಿವೆರ್ ಕೋಟ

ಬೆಂಗ್ಳೂರ್: ತುಳುನಾಡ್ ದ ದಕ್ಷಿಣ ಕನ್ನಡ ಬೊಕ್ಕ ಒಡಿಪು ಜಿಲ್ಲೆದ ಜನಕ್ಲೆಗ್ ರೇಶನ್ ದ ವ್ಯವಸ್ಥೆಡ್ ಉರ್ಪೆಲ್ ಅರಿ ಕೊರಿಯರೆ ರಾಜ್ಯ ಸರ್ಕಾರ ದುಂಬು ಬೈದ್oಡ್.

ಈ ಜಿಲ್ಲೆದ ಜನಕ್ಲೆಗ್ ಉರ್ಪೆಲ್ ಅರಿ ಕೊರೊಡ್ ಪನ್ಪಿನವ್ ಮಸ್ತ್ ದಿನತ್ತ ಬೇಡಿಕೆಯಾದಿತ್ತ್ ದ್, ರಾಜ್ಯ ಸರ್ಕಾರ ಈ ಬಗೆಟ್ಟ್ ಯೋಚನೆ ಮಲ್ತೊಂದ್ ಉಂಡು ಪಂದ್ ವಿಧಾನಸಭೆ ಗುರುವಾರ ಈ ಬಗೆಟ್ಟ್ ಸಭೆ ಮಲ್ತಿನ ಸಮಾಜ ಕಲ್ಯಾಣ ಬೊಕ್ಕ ಹಿಂದುಳಿದ ವರ್ಗದ ಕಲ್ಯಾಣ ಸಚಿವೆರ್ ಕೋಟ ಶ್ರೀನಿವಾಸ ಪೂಜಾರಿ ಪಂಡೆರ್.

ರಾಜ್ಯ ನಿಯೋಗ ಕೇರಳಗ್ ಭೇಟಿ ಕೊರ್ದ್ ಅಧ್ಯಯನ ಮಲ್ತ್ ದ್oಡ್. ಉಂದೆಕ್ಕಾದ್ ತುಳುನಾಡ್ ಗ್ ಪ್ರತಿ ತಿಂಗೊಲು 1 ಲಕ್ಷ ಕ್ವಿಂಟಲ್ ಅರಿ ಅಗತ್ಯ ಇತ್ತ್ ದ್, ವರ್ಷಗ್ 12 ಲಕ್ಷ ಕ್ವಿಂಟಲ್ ಆಪುಂಡು. ವರ್ಷಗ್ ಸುಮಾರ್ 18 ಲಕ್ಷ ಕ್ವಿಂಟಲ್ ಬಾರ್ ದ ಅಗತ್ಯ ಬೂರುಂಡ್ ಪಂದ್ ತೆರಿಪಾಯೆರ್.

ಅಧ್ಯಯನ ಕೂಟದ ವರದಿನ್ ಆಧಾರಿಸಾದ್ ತುಳುನಾಡ್ ದ ಶಾಸಕೆರ್ ಬೊಕ್ಕ ಸಂಸದೆರ್ನ ನಿಯೋಗದೊಟ್ಟುಗ್ ಸಿಎಂ ಮೆರೆನ್ ಭೇಟಿ ಮಲ್ತ್ ದ್, ಬರ್ಪಿ ವರ್ಷರ್ದ್ ಉರ್ಪೆಲ್ ಅರಿ ಕೊರ್ಪಿನೆಕ್ಕ್ ಕ್ರಮ ದೆತೊನರೆ ಆಪುಂಡು ಪಂದ್ ಸಚಿವೆರ್ ಪಂಡೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಜು.15 : ಉರ್ನ ಒಡಿಪು ಬ್ರ್ಯಾಂಚ್ ಉದಿಪನ

ಒಡಿಪು : ಪುಟ್ಟುಪರ್ಬ, ಮದಿಮೆದ ವರ್ಷದಿನ ಇಂಚಿನ ಮಾತಾ ಎಡ್ಡೆ ಮೈಲಿ ಲೆಗ್ ಶುಚಿ ಬೊಕ್ಕ ರುಚಿ ಆಯಿನ ಉರ್ನ (ಕೇಕ್) ಪೂರೈಕೆ ಮಲ್ಪುನ ಎಂಜೆ ಎಸ್ ಉರ್ನದ ಒಡಿಪು ಬ್ರ್ಯಾಂಚ್ ಜು.15 ಸುಕ್ರಾರ ಕಾಂಡೆ 10 ಗಂಟೆಗ್ ದೊಡ್ಡಣಗುಡ್ಡೆ ರಾಧೇ ಬಿಲ್ಡಿಂಗ್ ಡ್ ಉದಿಪನ ಆವರೆ ಉಂಡು.

ಕಟೀಲು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ದ ಅನುವಂಶಿಕ ಅರ್ಚಕೆರ್ ಪ್ರಸಾದ್ ಆಸ್ರಣ್ಣ ಆಶೀರ್ವಚನ ಮಲ್ಪುವೆರ್. ಒಡಿಪು ಶಾಸಕೆರ್ ರಘುಪತಿ ಭಟ್ ಉರ್ನ ಉದಿಪನ ಮಲ್ಪುವೆರ್.

ಮಲ್ಲ ಬಿನ್ನೆರಾದ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯೆರ್ ಡಾ.ಆಕಾಶ್ ರಾಜ್ ಜೈನ್ , ನಗರಾಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷೆರ್ ರಾಘವೇಂದ್ರ ಕಿಣಿ, ಸಾರಾ ಐಟಿ ಸೊಲ್ಯೂಷನ್ಸ್ ಸಿಇಒ ರಾಜೇಶ್ ಕದ್ರಿ, ಕೆನರಾ ಬ್ಯಾಂಕ್ ಪ್ರಬಂಧಕೆರ್ ನಿರಂಜನ್ ಆಚಾರ್ಯ, ನಾಟಕ ಬೊಕ್ಕ ಸಿನಿಮಾ ನಟೆರ್ ಪ್ರಸನ್ನ ಬೈಲೂರು, ಸಂದೀಪ್ ಶೆಟ್ಟಿ ಮಾಣಿಬೆಟ್ಟು , ವಿಕ್ಕಿ ಮೊಬೈಲ್ಸ್ ದ ವಿವೇಕ್ ಜಿ. ಸುವರ್ಣ ಪಾಲ್ ಪಡೆವೆರ್ ಪಂದ್ ಉರ್ನ ಟೀಮ್ ಲೆಪ್ಪೋಲೆಡ್ ತೆರಿಪಾದ್ಂಡ್.

You Missed

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ

Copyright © All rights reserved - The Times of Kudla Mangalore | Paper News by Themeansar.