Udupi

ಬರ್ಸ,ಬೊಲರ್ರ್ದ್ ನಷ್ಟ : ಒಡಿಪು – ಕುಡ್ಲದ ಅಧಿಕಾರಿಲೆನೊಟ್ಟುಗು ಮುಖ್ಯಮಂತ್ರಿ ಸಭೆ

Jul 13, 2022

ಒಡಿಪು: ಕೊಡಗು ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲೆಡ್ ಪ್ರವಾಸ ಮಲ್ತ್ ದೆ. ಭೂಕಂಪ ಬೊಕ್ಕ ಗುಡ್ಡೆ ಜರಿದಿನ ಜಾಗೆಲೆಗ್ ಭೇಟಿ ಕೊರ್ದ್ ಪರಿಶೀಲನೆ ಮಲ್ತ್ ದೆ. ಅಂಚನೆ ಈ ನಾಲ್ ಸಂಸ್ಥೆಲೆಡ್ದ್ ಅಧ್ಯಯನ ಮಲ್ಪರೆ ಸೂಚನೆ ಕೊರ್ತೆ ಪಂದ್ ಕರ್ನಾಟಕ ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಪಂಡೆರ್.

ದಕ್ಷಿಣ ಕನ್ನಡ ಬೊಕ್ಕ ಒಡಿಪು ಪ್ರವಾಸಡ್ ಇಪ್ಪುನ ಸಿಎಂ ಬೊಮ್ಮಾಯಿ ಒಡಿಪುಡ್ ಪತ್ರಿಕಾಗೋಷ್ಠಿಡ್ ಪಾತೆರ್ದ್ ಕಡಲ್ಕೊರೆತನ್ ತಡೆಯೊನರ ಪೊಸ ತಂತ್ರಜ್ಞಾನನ್ ಮಲ್ಪರೆ ತೀರ್ಮಾನ ಮಲ್ತ್ ದ. ಕೊಡಗು ಸೇರಿನಂಚನೆ ದ.ಕ, ಒಡಿಪು ಈ ಮೂಜಿ ಜಿಲ್ಲೆಡ್ ಬರ್ಸರ್ದ್ ಆಯಿನ ನಷ್ಟದ ಬಗೆಟ್ ಇತ್ತೆ ಮಣಿಪಾಲ ರಜತಾದ್ರಿ ಕಟ್ವಾನಡ್ ಮೂಜಿ ಜಿಲ್ಲೆದ ಅಧಿಕಾರಿಲೆನೊಟ್ಟುಗ್ ಸಭೆ ನಡಪಾದ. ಅಲ್ಪ ಸರಿಯಾಯಿನ ಚರ್ಚೆ ಆವೊಂದ್oಡ್ ಪಂದ್ ಪಂಡೆರ್.

ಈ ಪೊರ್ತುಡು ಕಂದಾಯ ಸಚಿವೆರ್ ಆರ್ ಅಶೋಕ್, ಹಿಂದುಳಿದ ವರ್ಗದ ಕಲ್ಯಾಣ ಸಚಿವೆರ್ ಕೋಟ ಶ್ರೀನಿವಾಸ ಪೂಜಾರಿ, ಲೋಕೋಪಯೋಗಿ ಸಚಿವೆರ್ ಸಿಸಿ ಪಾಟೀಲ್, ಒಡಿಪು ಉಸ್ತುವಾರಿ ಸಚಿವೆರ್ ಎಸ್. ಅಂಗಾರ ಇತ್ತೆರ್.

CM Basavaraj Bommai holds meeting with officials from Udupi and Mangalore to discuss the details of damages due to floods

Udupi: The CM Basavaraj Bommai said he had inspected the damages that had occurred in Kodagu district due to earthquakes and in DK district due to rains and landslides.He added that he had instructed four institutions to conduct studies on the matter.

Speaking at a press conference at Udupi he said that a new technology will be experimented to stop sea erosion .He also would asses the damages due to rains in the twin districts after a meeting with the DC’s. He was accompanied by ministers R Ashok, Kota Srinivasa Poojary, CC Patil and S Angar.

ಜು. 30 ಮುಟ್ಟ ಆಗುಂಬೆ ಘಾಟಿಡ್ ಮಲ್ಲ ಗಾಡಿ ಪೋಯರೆ ಇಜ್ಜಿ : ಜಿಲ್ಲಾಧಿಕಾರಿ ಆದೇಶ

Jul 11, 2022

ಒಡಿಪು: ಐತಾರ ಬೊಲ್ಪುಗ್ ಆಗುಂಬೆ ಘಾಟಿದ ರಾಷ್ಟ್ರೀಯ ಮಾರ್ಗ 169A ದ 11 ನೇ ತಿರ್ಗಾಸ್ಡ್ ಗುಡ್ಡೆ ಜರಿದಿನೆಡ್ದಾವರ ಜುಲೈ 12 -30 ತಾರೀಕ್ ಮುಟ್ಟ ಮಲ್ಲ ಗಾಡಿಲು ಪೋಯರೆ ಇಜ್ಜಿ. ಅಂಚಾದ್ ಬೇತೆ ಮಾರ್ಗಡ್ ಗಾಡಿಲು ಪೋಪಿಲೆಕ್ಕ ಒಡಿಪುದ ಜಿಲ್ಲಾಧಿಕಾರಿ ಕೂರ್ಮಾರಾವ್ ಎಂ ಆದೇಶ ಮಲ್ತೆರ್.

ಜುಲೈ 12 ಅಂಗಾರೆ ಆಗುಂಬೆ ಘಾಟಿಡ್ ಎಲ್ಯ ಗಾಡಿ ಪೋಯರೆ ಅವಕಾಶ ಕೊರ್ತೆರ್. ಮಲ್ಲ ಗಾಡಿ ಆಯಿನಂಚಿನ ಬಸ್,ಲಾರಿ ಅಂಚನೆ ಬೇತೆ ಗಾಡಿಲೆಗ್ ತೀರ್ಥಹಳ್ಳಿ, ಕೊಪ್ಪ, ಶೃಂಗೇರಿ ,ಕಾರ್ಲ ಸಾದಿಯಾದ್ ಕುಡ್ಲಗ್ ಅಂಚನೆ ತೀರ್ಥಹಳ್ಳಿ , ಮಾಸ್ತಿಕಟ್ಟೆ ಸಾದಿಯಾದ್ ಕುಂದಾಪುರ,ಒಡಿಪುಗ್ ಗಾಡಿಲು ಪೊಯರ ಸರಿಯಾಯಿನ ವ್ಯವಸ್ಥೆ ಮಲ್ತ್ ಕೊರ್ತೆರ್.

Udupi: Landslide at Agumbe Ghat.No entry for heavy vehicles till July 30th.- DC’s notification

Udupi: There was a landslide at the 11 th turn of national highway 169A road at Agumbe Ghat on Sunday morning.So there is no entry for heavy vehicles from 12-30 th of July.An notification to this effect was given by DC Kurma Rao.

Heavy vehicles like bus, lorry and such others must take route of Thirtahalli, Koppa, Sringeri, Karkala, Mangalore ; and route Thirtahalli,Mastikatte to Kundapur, Udupi.
Arrangements will be made for smooth passage through these routes.

ಬಾರ್ಕೂರು ಬಸದಿದ ಜಾಗೆ ಬಲೆತ್ತ್ ಪಾಡ್ದಿನೆನ್ ಬುಡ್ಪಾದ್ ಕೊರ್ಲೆ, ಬೇಲಿ ಪಾಡರೆ ಒಪ್ಪಿಗೆ ಕೊರ್ಲೆ : ಡಾ.ಆಕಾಶ್ ರಾಜ್ ಜೈನ್

Jul 9, 2022

ಬೈಂದೂರು: ತುಳುನಾಡ್ದ ರಾಜಬೂಡು ಬಾರ್ಕೂರುಡು ಉಪ್ಪುನ 1,100 ವರ್ಷದ ಪಿರಾಕ್ ದ ಶ್ರೀ ಆದಿ ಪರಮೇಶ್ವರ ಬಸದಿ ಅಂಚನೆ ಶ್ರೀ ಪಾಶ್ವನಾಥ ಪದ್ಮಾವತಿ ದೇವಿ ಬಸದಿದ ಜಾಗೆನ್ ಕೈತಲ್ ದಕುಲು ಅತಿಕ್ರಮಣ ಮಲ್ತ್ ದ್ ಆ ಜಾಗೆದ ಪಾವಿತ್ರ್ಯತೆನ್ ಹಾಳ್ ಮಲ್ತೊಂದು ಇತ್ತೆರ್. 2020ನೇ ಇಸ್ವಿದ ಅಕ್ಟೋಬರ್ ಡ್ ಆ ಪುರಾತನ ದೇವಲ್ಯದ ರಕ್ಷಣೆಗಾದ್ ಆನಿದ ತಹಶೀಲ್ದಾರ್ ಮುಖೇನ ಸರ್ವೆ ಕಾರ್ಯ ಮಲ್ಪರೆ ಜಿಲ್ಲಾಧಿಕಾರಿಲೆಗ್ ಮನವಿ ಕೊರ್ದಿತ್ತ್oಡ್. ಆ ದೇವಲ್ಯ ರಾಷ್ಟ್ರೀಯ ಸಂಪತ್ತ್ ಆಯಿನೆಡ್ದಾವರ ಸರಕಾರ ಮನಸ್ ಮಲ್ತಿಜಿಂಡ ಕಡೆ ಪಕ್ಷ ಸಮಾಜದ ಮುತಾಲಿಕೆಡ್ ಬೇಲಿ ನಿರ್ಮಾಣ ಮಲ್ಪರೆ ಒಪ್ಪಿಗೆಗಾದ್ ತಹಶೀಲ್ದಾರೆರೆಗ್ ಮನವಿ ಮಲ್ತ್ ದಿತ್ತ್oಡ್.

ತುಳುನಾಡ್ ದ ರಾಜಧಾನಿ, ತುಳುನಾಡ್ ದ ಹಂಪಿ ಪಂದ್ ಪುಗರ್ತೆ ಪಡೆದಿನ ಬಾರ್ಕೂರ್ ದ ಬಹುತೇಕ ದೇವಲ್ಯಲು ಇತ್ತೆ ನಾಶ ಆದ್ ಪೋತ್oಡು. ನನ ಆಂಡಲ ಸಂಬಂಧ ಪಟ್ಟಿನಕುಲು ಗಮನಗ್ ದೆತೊಂದು ಆ ಜಾಗೆನ್ ಬುಡ್ಪಾದ್ ಕೊರೊಡು. ಅಂಚೆನೆ ಅಯಿಕ್ಕ್ ಬೇಲಿ ಪಾಡರೆ ಅವಕಾಶ ಮಲ್ತ್ ಕೊರೊಡು ಪಂದ್ ಆಳುಪ ವಂಶಸ್ಥೆರ್, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಸದಸ್ಯೆರ್ ಡಾ. ಆಕಾಶ್ ರಾಜ್ ಜೈನ್ ತಹಶೀಲ್ದಾರ್ ರೆಗ್ ಬಿನ್ನಾಪು ಮಲ್ದೆರ್.

ಟೈಮ್ಸ್ ಆಫ್ ಕುಡ್ಲ ವರದಿ ಮಲ್ದಿತ್ತ್ಂಡ್ ಬಸದಿದ ಜಾಗೆದ ಅತಿಕ್ರಮಣದ ಬಗೆಟ್ಟ್

ಆಜಿ ವರ್ಷೊರ್ದು ದುಂಬೆ ಟೈಮ್ಸ್‌ ಆಫ್ ಕುಡ್ಲ ಪತ್ರಿಕೆ ವರದಿ ಮಲ್ದಿತ್ತ್ಂಡ್. ಆಂಡಲ ಈ ಬಗೆಟ್ಟ್ ಆಡಳಿತ ಕ್ರಮ ದೆತೊಂದಿಜಿ. ಇಂಚೊಗು ಅಲ್ತ ಪರಿಸ್ಥಿತಿ ನನಾತ್ ಹಾಳಾತ್ಂಡ್. ಅಂಚಾದ್ ಓ ಬಗೆಟ್ ಸರ್ಕಾರ ತುರ್ತು ಕ್ರಮ ದೆತೊನೊಡು ಪಂದ್ ಆರ್ ಬಿನ್ನಾಪು ಮಲ್ದೆರ್.

ಕಾಪು: ಟ್ಯಾಂಕರ್ ರ್ದ್ ಲಿಕ್ವಿಡ್ ಸೋರಿಕೆ

Jul 8, 2022

ಕಾಪು: ಮುಲ್ಪದ ಉಳಿಯಾರಗೋಳಿ ಕೈತಲ್ ರಾಷ್ಟ್ರೀಯ ಹೆದ್ದಾರಿಡ್ ಟ್ಯಾಂಕರ್ ಒಂಜೆಟ್ಟ್ ಲಿಕ್ವಿಡ್ ಸೋರಿಕೆಯಾದ್ ಭಾರಿ ಪೋಡಿಗೆದ ವಾತಾವರಣ ಇತ್ತ್ಂಡ್.

ಕುಡ್ಲದಂಚಿ ಪೋವೊಂದಿತ್ತಿನ ಟ್ಯಾಂಕರ್ ರ್ದ್ ಲಿಕ್ವಿಡ್ ಸೋರಿಕೆಯಾದಿತ್ತ್ ದ್, ಸುತ್ತಮುತ್ತಲ ಪುಗೆ ತೋಜಿದ್oಡ್. ಕಾಪು ಪೊಲೀಸೆರ್ ಜಾಗೆಗ್ ಬತ್ತ್ ದೆರ್ .

ಒಡಿಪು ಆಸ್ಪತ್ರೆಡ್ 3 ಜೋಕ್ಲೆನ್ ಪೆದ್ದಿನ ಅಪ್ಪೆ

Jul 7, 2022

ಒಡಿಪು: ಮುಲ್ಪದ ಸರ್ಕಾರಿ ಆಸ್ಪತ್ರೆಡ್ ಗುರುವಾರ ಕಾಂಡೆ ಅಪ್ಪೆ ಒರ್ತಿ 3 ಜೋಕುಲೆನ್ ಪೆದ್ದ್ ದೆರ್. ಅಪ್ಪೆ ಜೋಕುಲ್ ಬೊಕ್ಕ ಪೆದ್ದಿನ ಅಪ್ಪೆ ಹುಷಾರ್ ಆದ್ ಉಲ್ಲೆರ್ ಪಂದ್, ವೈದ್ಯೆರ್ ತೆರಿಪಾದೆರ್.

ಉತ್ತರ ಕನ್ನಡ ಜಿಲ್ಲೆದ ಅಂಕೋಲಾದ ಸುನೀತಾ ಮೇರ್ 3 ಜೋಕುಲೆನ್ ಪೆದ್ದಿನಾರ್.
ಡಾ. ಕವಿಶಾ ಭಟ್, ಡಾ.ರಜನಿ ಕಾರಂತ್ , ಡಾ. ಸೂರ್ಯನಾರಾಯಣ, ಡಾ.ಗಣಪತಿ ಹೆಗಡೆ ಅಂಚನೆ ಡಾ. ಮಹಾದೇವ ಭಟ್ ತಜ್ಞ ವೈದ್ಯೆರ್ನ ಕೂಟ ಎಡ್ಡೆ ರೀತಿಡ್ ಸಿಸೇರೀನ್ ಮಲ್ತ್ ದ್ 3 ಬಾಲೆನ್ ಪಿದಯಿ ದೆತ್ತ್ ದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಎಲ್ಲೆ ಕುಡ್ಲ, ಒಡಿಪು ಜಿಲ್ಲೆಡ್ ರೆಡ್ ಅಲರ್ಟ್

Jul 6, 2022

ಒಡಿಪು : ದಕ್ಷಿಣಕನ್ನಡ ಬೊಕ್ಕ ಒಡಿಪು ಜಿಲ್ಲೆಡ್ 24 ಗಂಟೆ ಮುಟ್ಟ ಭಾರಿ ಬರ್ಸ ಬರ್ಪಿನ ಅಂದಾಜಿಡ್ (ಜು.7)ಗುರುವಾರೊಗು ರೆಡ್ ಅಲರ್ಟ್ ಘೋಷಣೆ ಆತ್ಂಡ್.

ಒಡಿಪು, ದಕ್ಷಿಣ ಕನ್ನಡ ಜಿಲ್ಲೆಡ್ ಎಲ್ಲೆ 204 ಮಿಲಿ ಮೀಟರ್ ಬರ್ಸದ ಅಂದಾಜಿ ಉಂಡು. ಶುಕ್ರಾರ ಬೊಕ್ಕ ಸನಿಯಾರ 115.6ಮಿ.ಮೀ. 204.4 ಮಿ.ಮೀ. ಮುಟ್ಟ ಬರ್ಸ ಬರ್ರೆ ಉಂಡು. ಅಂಚಾದ್ ಆ ರಡ್ಡ್ ದಿನ ಆರೆಂಜ್ ಅಲರ್ಟ್ ನ್ ಇಲಾಖೆ ಘೋಷಣೆ ಮಲ್ದ್ಂಡ್

ಬ್ರಹ್ಮಾವರದ ಸುಶ್ಮಿತಾ ಪೂಜಾರಿ ಸ್ಟಾರ್ ಮಿಸ್ ಫೇಸ್ ಆಫ್ ಇಂಡಿಯಾ 2022 ಫಸ್ಟ್ ರನ್ನರಪ್

Jul 6, 2022

ಕೋಟ : ಬ್ರಹ್ಮಾವರ ತಾಲೂಕು ದ ಸಾಲಿಗ್ರಾಮ ಪಾರಂಪಳ್ಳಿದ ಸುಶ್ಮಿತಾ ಪೂಜಾರಿ ಮೇರ್ ಡೆಲ್ಲಿಡ್ ನಡತಿನ ಮಿಸ್ ಇಂಡಿಯಾ ಸೌಂದರ್ಯ ಸ್ಪರ್ಧೆಡ್ ಸ್ಟಾರ್ ಮಿಸ್ ಫೇಸ್ ಆಫ್ ಇಂಡಿಯಾ 2022 ಕಿರೀಟ ಗೆಂದ್ ದೆರ್.

ಅವ್ವತ್ತಾಂದೆ ಸ್ಟಾರ್ ಮಿಸ್ ಕರ್ನಾಟಕ ಫೇಸ್ ಆಫ್ ಇಂಡಿಯಾ ಪನ್ಪಿನ ಪುಗರ್ತೆ ನ್ಲ ಪಡೆದೆರ್. ಸುಶ್ಮಿತಾ ಪಾರಂಪಳ್ಳಿದ ಮಂಜುಶ್ರೀ ಮಾಧವ ಪೂಜಾರಿ ಬೊಕ್ಕ ಸುಧಾ ಪೂಜಾರಿ ದಂಪತಿನ ಮಗಲ್. ಮೇಲ್ ಅರ್ನೆಸ್ಟ್ ಆ್ಯಂಡ್ ಯಂಗ್ ಕಂಪೆನಿಡ್ ಉದ್ಯೋಗಡ್ ಉಲ್ಲೆರ್.
ಈ ಸ್ಪರ್ಧೆ ನ್ ಸ್ಟಾರ್ ಎಂಟರ್ ಟೇನ್ ಮೆಂಟ್ ಪ್ರೊಡಕ್ಷನ್ ಸಂಸ್ಥೆ ಅಟ್ಟಣೆ ಮಲ್ದಿತ್ತ್ಂಡ್.

ಒಡಿಪು ಜಿಲ್ಲೆದ ಶಾಲೆ, ಕಾಲೇಜಿಗ್ ಇನಿ ರಜೆ

Jul 5, 2022

ಒಡಿಪು : ಭಾರೀ ಗಾಳಿ ಬರ್ಸದ ನಿಲೆಟ್ಟ್ ಜಿಲ್ಲೆದ ಮಾತಾ ಶಾಲೆ, ಕಾಲೇಜ್ ಗ್ ಇನಿ (ಜು.5) ಜಿಲ್ಲಾಧಿಕಾರಿ ರಜೆ ಕೊರ್ತೆರ್.

ಶಾಲೆದ ಜೋಕುಲೆನ ಜಾಗ್ ರ್ತೆದ ನಿಲೆಟ್ಟ್ ರಜೆ ಕೊರ್ತ ಪಂದ್ ಜಿಲ್ಲಾಧಿಕಾರಿ ಕೂರ್ಮಾರಾವ್ ಎಂ. ಆದೇಶಡ್ ತೆರಿಪಾದೆರ್.

ನನಲ ರಡ್ಡ್ ದಿನ ಕರಾವಳಿ ಜಿಲ್ಲೆಡ್ ಭಾರೀ ಬರ್ಸ ಬರ್ಪಿನ ಬಗೆಟ್ಟ್ ಹವಾಮಾನ ಇಲಾಖೆ ಸೂಚನೆ ಕೊರ್ತುಂಡು. ಅವ್ವತ್ತಾಂದೆ ಸುಮಾರ್ 200 ಮಿ.ಮೀ. ಬರ್ಸ ಬರ್ಪಿನ ಸಾಧ್ಯತೆ ಉಂಡು ಪಂದ್ ತೆರಿದ್ ಬೈದ್ಂಡ್. ಜೋರು ಬರ್ಸ ಇತ್ತಿನೆರ್ದಾವರ ಜು.4 ಸೋಮಾರ ಹೆಬ್ರಿ ತಾಲೂಕುಗು ಮಾತ್ರ ರಜೆ ಕೊರ್ದಿತ್ತೆರ್.

ಬದ್ಕರೆಲಾ ಕಲ್ಪೊಡು..!

Jun 28, 2022

ಒಡಿಪುದ ಚೇರ್ಕಾಡಿಡ್ ಒಂಜಿ ಗುತ್ತುದ ಇಲ್ಲ ಇತ್ತ್ಂಡ್. ಇಲ್ಲದ ಗುರ್ಕಾರಗ್ ಅಜ್ಪ(60) ಕಡತ್ತಿಬೊಕ್ಕ ಜೋಕುಲು ಅರೆನ್ ತೂಪಿನ ಕಮ್ಮಿ ಮಲ್ತೆರ್.ಒಂಜಿ ಅರ್ತೊಡ್ ಆರ್ ಇಲ್ಲ್ ಬುಡ್ದ್ ಪೋವೊಡು ಪನ್ಪುನನೆ ಜೊಕುಲ್ನ ಉದ್ದೇಶ. ಮೊರನಿ ಮುಟ್ಟಲ ಬೆನ್ನಿ,ಸಾಗೊಲಿ ಬೆನ್ತಿನ ಜೀವ.ಜೊಕ್ಲೆನ ಹಂಗ್ ದ ಪಾತೆರ,ಕುಚ್ಚನೆ ಕೆಂಡ್ ದ್ ಸಾಕಾಂಡ್. ಗುರ್ಕಾರೆ ಪೇತ್ರಿ ಪೇಂಟೆಡ್ ತಿರ್ಗ್ದ್ ಅಕ್ಲೆಡ ಮೊಕ್ಲೆಡ ಕೆಂಡ್ ದ್ ತಿನೊಡಾಂಡ್.

ಬೈಯಡ್ ಇಲ್ಲಡೆ ಪೊಂಡಲ ಗಂಜಿ,ನುಪ್ಪು ಇಜ್ಜಿ.ಏರ್ಲ ಪಾತೆರುಜೆರ್.ಆಡಿಗೆನೆ ಜೆತ್ ದ್ ಕಾಂಡೆ ಪೇಂಟೆಗ್ ಬರೊಡು.ಚಾ,ತಿಂಡಿ,ಬಚ್ಚಿರೆ ಪೂಲ್ ಎಂಚಿನಾಲ ನಟ್ ದೆ ತಿನೊಡ್. ಅಜ್ಜೆರೆನ ಈ ಸ್ಥಿತಿನ್ ತೂದ್ ಒರಿ ಗುರ್ತಾದಾರ್ ಒಂಜಿ ಉಪಾಯ ಪಂಡ್ ಕೊರಿಯೆರ್.ಆತ್ ಮಲ್ತ್ಂಡ ಜೋಕುಲು,ಮರ್ಮಾಲ್ಲು ಇರೆನ್ ಮೋಕೆಡ್ ತೂಪೆರ್ ಗ್ಯಾರಂಟಿ ಅಂದ್ ಪಂಡೆರ್. ಈ ಪರಬೆ ಅಂಚನೆ ಮಲ್ತ್ಂಡ್. ಒಂಜಿ ಅದೊತ್ತ ಚಿರಾವುಡು ಅರ್ಧದಾತ್ ದಿಂಜದ್ ಒಂಜಿ ಕಟ್ಟ ಪಾಡ್ದ್ ಇಲ್ಲಡೆ ಕೊಣೊಯೆರ್.ಹಲ್ಲಿದಾಕ್ಲೆನ ಬಚ್ಚಿರೆದ ಚಿರಾವುಡ್ದುಲಾ ರಡ್ಡ್ ಪಾಲ್ ಮಲ್ಲ ಚಿರಾವು. ಇಲ್ಲಡ್ ಅರೆನಾನೆ ಒಂಜಿ ಪೆಟ್ಟಿಗೆ ಉಂಡು.

ಆ ಪೆಟ್ಟಿಗೆಡ್ ಈ ಚಿರಾವುದ ಗಂಟ್ ನ್ ದೀದ್ ಬೀಗ ಪಾಡ್ಯೆರ್.ಚೀರಾವುನ್ ಪೆಟ್ಟಿಗೆಡ್ ದಿಪುನೈಕ್ ದುಂಬು ಒರಾ ಅಲ್ಗಾದ್ ಗಜ ಗಜ ಸಬ್ಡ ಮಲ್ತೆರ್. ಈ ಪರಬೆ ಕಾಂಡೆ ಲಕ್ಕ್ ದ್ ಮೊನೆ ದೆಕ್ಕಿ ಬೊಕ್ಕ ಉಲಾಯಿ ಬತ್ತಿನಾರ್ ಪೆಟ್ಟಿಗೆದ ಬೀಗ ದೆತ್ತ್ ದ್ ಆ ಚಿರಾವುನು ಅಲ್ತಾಡೆಗೆ ದೆರ್ತ್ ದ್ ನಾಲ್ ಸರ್ತಿ ಅಲ್ಗಾದ್ ಗಜಗಜ,ಝೈಂಝೈಂ. ಸಬ್ದ ಮಲ್ತ್ ದ್ ಆಂಚೆನೆ ದೀದ್ ಬೀಗ ಪಾಡ್ದ್ ಪೇಂಟೆಗ್ ಪೋಪುನ.ಕುಡಾ ಬಯ್ಯಡ್ ಬತ್ತಿನಾರ್ಲ ಅವ್ವೆ ಪ್ರಕಾರ ಸಬ್ದ ಮಲ್ತ್ ದ್ ಬೀಗ ಪಾಡ್ದ್ ಜೆಪ್ಪುನ.ದಿನೋಲ ಈ ಗಂಟ್ ದ ಶಬ್ದ ಕೇಂಡ್ದ್ ಜೋಕುಲ್,ಮರ್ಮಾಲಾರ್ಲೆನ ಕೆಬಿ ಸರ್ತಾಂಡ್.ಪರಬಡ ಬೊಳ್ಳಿದ ದುಡ್ಡು ಉಂಡುಂದು ಅಂದಾಜಿ ಮಲ್ತೆರ್.ಆಂಚನೆ ದಿನ ಪೊಯಿ ಬೊಕ್ಕ ಅರೆಗ್ ಮೀಯರೆ ಬೆಚ್ಚ ನೀರ್ಡ್ದಿಂಚ ಕೊರ್ರ ಸುರು ಮಲ್ತೆರ್.ಕಾಂಡೆ ಚಾ,ಅಡ್ಡ್ಯೆ,ರಾತ್ರೆಗ್ ವೊಣಸ್ ಕೊರ್ರಾ ಸುರು ಆಂಡ್.ಆಂಚನೆ ಬೊಕ್ಕಾ ಪೇಂಟೆಗ್ ಪೋವರೆ ಬಲ್ಲಿಂದ್ ಪಂಡೆರ್.

ಜೋಕುಲ್ ಪಂಡಿಲೆಕ್ಕನೆ ಅಮ್ಮೆರ್ ಇಲ್ಲಾಡೆ ಕುಲ್ಲ್ ದ್ ದಿನ ದೆತ್ತೆರ್.ಆಂಡಾ ಮಾತ್ರ ದಿನೊಕ್ಕ್ ರಡ್ಡ್ ಪೊರ್ತು ಚಿರಾವು ಪಂದಾವುನಾ ತಪ್ಪರೆ ಇಜ್ಜಿ. ಇಂಚನೆ ವರ್ಷ ಕರಿಂಡ್. ಒಂಜಿ ದಿನ ಇತ್ತಿ ಲೆಕ್ಕನೆ ಪರಬೆ ತೀರ್ ಪೋಂಡು. ಕುಟುಂಬ,ಪೊದ್ದೆರ್,ಇಸ್ಟೆರ್,ಊರು ಸರ್ಕೆ ಸುದ್ದಿ ತೆರ್ಪಾದ್ ಭಾರಿ ಕ್ರಮೊಟ್ ಪುಣ ಪೊತ್ತಾಯೆರ್. ಐನನೆ ದಿನಾತ್ತಾನಿ ದೂಳು ರಾಶಿಗ್ ಪುರಾ ಸೇರ್ದಾಂಡ್.ಬೊಜ್ಜದ ಕರ್ಚಿ ಎಂಕ್ ಲೆ ಮಲ್ಪುಬ ಪಂಡ್ ದ್ ಜೋಕುಲು ಹಿರಿಯಕ್ ಲ್ಡ ಪಂಡೆರ್.ಅಂತೂ ಮಾತೆರ್ಲಾ ಕೂಡ್ದ್ ಭಾರಿ ಗೌಜಿಡ್ ಬೊಜ್ಜಾಂಡ್.ಅನಿ ರಾತ್ರೆ ಉಲಾಯಿ ಲೆಪ್ಪುನ ಕ್ರಮಲಾ ಭಾರಿ ಗೌಜಿಡಾಂಡ್.

ಕುಟುಂಬದ ಇಲ್ಲಾಡ್ ಪದಿನಾಜಿ ಅಗೆಲ್ ದ ಕ್ರಮೊಲಾ ಬಾರಿ ಎಡ್ಡೆಡಾಂಡ್.ನೆತ್ತ ಇಡೆಟ್ ಗೋಕರ್ಣ ಪೋದ್ ಪಿಂಡ ಬುಡ್ದುಲ ಬತ್ತೆರ್. ಜೋಕುಲೆನಾ ಮಂಡೆಡ್ ಅಮ್ಮೆರೆನಾ ಚಿರಾವುದನೆ ಗ್ಯಾನ.ಒಂಜಿ ದಿನ ಅಣ್,ಪೊಣ್ಣ್ ಜೋಕುಲು,ನನ್ಕ,ಭಾವನಕುಲು ಪೂರಾ ಎದುರ್ಕೆದುರು ಕುಲ್ಲುದ್ ಅಮ್ಮೆರ್ನ ಪೆಟ್ಟಿಗೆದ ಬೀಗ ದೆತ್ತ್ಂಡ್.ಪೆಟ್ಟಿಗೆಡ್ ಆ ಚಿರಾವುದ ಗಂಟ್ ಅತ್ತಾಂದೆ ಬೇತೆ ದಾಲಾ ಇಜ್ಜಿ.ಸೈದಿನ ಒಂಜಿ ಎಕ್ಕಲೆಲಾ ಇಜ್ಜಾಂಡ್.ಬೊಲ್ಲಿದ ರುಪಾಯಿದ ಗಂಟ್ ಪಂಡ್ ದ್ ಇ ಜೋಕುಲು ದಾದ ನಂಬುದೆರ ಅವ್ವೆ ಇ ಚಿರಾವುನು ದೆರ್ತ್ ದ್ ಪೆಟ್ಟಿಗೆಡ್ದ್ ಪಿದಾಯಿ ದೀಯೆರ್.

ದೊರ್ಪುನಗ ಒಂಚಿ ರಟ್ಟುಂಡ ದಾದನ ಪಂಡ್ ದ್ ಜೋಕುಲು ಕಣ್ಣ್ ಬುಲಾದ್ ಚಿರಾವ್ನೆ ತೂವೊಂದ್ ಕುಲ್ಲಿಯೆರ್.ಮಲ್ಲ ಮಗೆ ಚಿರಾವುದ ಗಂಟ್ ನ್ ಬಿಚ್ಚಾದ್ ಬಾರಿ ತಿರ್ತ್ ಡ್ದೆ ನೆಲಕ್ ದೊರ್ತೆ.ಕಣ ಕಣ ಕಣ ಶಬ್ಡಾಂಡ್,ದಾದ ತೂಪಿನಿ ಅವು ಬೊಳ್ಲಿಲ ಅತ್ತ್,ದುಡ್ಡುಲಾ ಅತ್ತ್.ಒಂಜಿ ಸೇರ್ದಾತ್ ಮರ್ವಯಿದ ಗೋಡು!. ಜೊಕುಲೆಗ್ ತೆಲ್ಪರೆಲ ಅತ್ ಜಿ ಬುಲ್ಪಾರೆಲ ಅತ್ ಜಿ.”ಅಮ್ಮೆರ್ ಎಂಕ್ಲೆಗೆ ಕಲ್ಪಾಯೆರಾತ್ತ…..”ಪಂಡ್ಂದ್ ಪೆಟ್ಟಿಗೆನ್ ಬುಡ್ದ್ ಲಕ್ಕೊಂದ್ ಪೋಯೆರ್. ಅಜ್ಜೆರೆನ್ ಕಡೆಕಾಲೊಡ್ ಸುಕೊಟ್ಟ್ ಬದ್ಕಾಯಿನ ಮರ್ವಯಿದ ಮಹಾತ್ಮೆ ಎಂಚಾ? ಮಾಂತೆರ್ಲ ಅರ್ಧ ಸೇರ್ ಮರ್ವಯಿದ ಗೋಡು ದೆತ್ತ್ ದಿಪುನ ಎಡ್ಡೆ.ದಾನೆ ಪನ್ಪಾರ್!?

ಬರವು : ಸತೀಶ ಶೆಟ್ಟಿ ಚೇರ್ಕಾಡಿ ದೊಡ್ಡಮನೆ