ಪುತ್ತೂರ್: ಪುತ್ತೂರುರ್ದ್ ಪವಿತ್ರ ಜಾಗೆ ಮಕ್ಕಾಗ್ ಹಜ್ ಯಾತ್ರೆಗ್ ಪೋಯಿನ ಯಾತ್ರಿಕೆರ್ ಹಜ್ ಯಾತ್ರೆ ಮುಗಿಪಾದ್ ಆಯಿಬೊಕ್ಕ ಭಾರತದ ತ್ರಿವರ್ಣ ಧ್ವಜನ್ ಏರಾವುನ ಮುಖೇನ ದೇಶಪ್ರೇಮ ತೋಜಾದ್ ಕೊರ್ತೆರ್.
ಪುತ್ತೂರ್ ದ ಗಲ್ಫ್ ಟೂರ್ಸ್ ಆಂಡ್ ಟ್ರಾವೆಲ್ಸ್ ಮುಖೇನ ಹಜ್ ಯಾತ್ರೆಗ್ ಪೋಯಿನ ಕೂಟದ ಅಮೀರ್, ಸಿರಾಜುದ್ದಿನ್, ಫೈಝಿ ಮಾಡನ್ನೂರು ಬೇತೆ ಯಾತ್ರಾರ್ಥಿಲೆನ ಒಟ್ಟುಗ್ ಸೇರ್ದ್ ಪವಿತ್ರ ಭೂಮಿಡ್ ತ್ರಿವರ್ಣ ಧ್ವಜ ರಾಪಾಯೆರ್.
ಕುಡ್ಲ: ಯಕ್ಷಗಾನ ಕಲಾವಿದೆರ್ನ ಕಷ್ಟ ತೆರಿಯೊಂದ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ಬೇಲೆ ಮಲ್ತೊಂದ್oಡು. ಯಕ್ಷಗಾನ ಬುಲೆವೊಡು ಕಲಾವಿದೆರ್ ಒರಿಯೊಡು. ಈ ಬಗೆಟ್ಟ್ ಪಟ್ಲ ಫೌಂಡೇಶನ್ ಟ್ರಸ್ಟ್ ಕಲಾವಿದೆರೆಗ್ ಸಾದಿದ ಬೊಲ್ಪಾವಡ್. ಕತ್ತಲೆಗ್ ನಿದ್ರೆ ಕಜೆರ್ ದ್ ರಂಗಸ್ಥಳಡ್ ನಲಿಪುನ ಕಲಾವಿದೆರ್ನ ಯೋಗಕ್ಷೇಮ ತೂಪಿನ ಫೌಂಡೇಶನ್ ದ ಕಾರ್ಯ ಶ್ಲಾಘನೀಯ. ಕಲೆಕ್ಕ್ ಬಿಲೆ ಕೊರ್ದ್ ಕಲಾವಿದೆರೆನ್ ಎಡ್ಡೆ ಮಲ್ಪುನ ಬೇಲೆ ಪಟ್ಲ ಫೌಂಡೇಶನ್ ಟ್ರಸ್ಟ್ ರ್ದ್ ನಡಪಡ್ ಪಂದ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಗೌರವಾಧ್ಯಕ್ಷೆರ್ , ಬೊಂಬಾಯಿ ಹೇರಂಬ ಇಂಡಸ್ಟ್ರೀಸ್ ದ ಅಧ್ಯಕ್ಷೆರ್ ಸದಾಶಿವ ಶೆಟ್ಟಿ ಕನ್ಯಾನ ತೆರಿಪಾಯೆರ್.
ಆರ್ ಕಂಕನಾಡಿ ಗರೋಡಿ ಕೈತಲ್ ದ ಅಟ್ಟಣೆ ಹೊಟೇಲ್ ಚಾವಡಿಡ್ ನಡತಿನ ಯಕ್ಷಾಶ್ರಯ ಯೋಜನೆಡ್ ನಾಲ್ ಜನ ಕಲಾವಿದೆರೆಗ್ ಇಲ್ಲ್ ಕಟ್ಟರೆ ತಲಾ 2 ಲಕ್ಷ ರೂ. ಪಣವುನ್ ಪಟ್ ದ್ ಪಾತೆರಿಯೆರ್.
ಪಟ್ಲ ಫೌಂಡೇಶನ್ ಸಂಸ್ಥೆನ್ ನನಾತ್ ಗಟ್ಟಿಯಾದ್ ಆರ್ಥಿಕವಾದ್ ಸಕಾಯ ಮಲ್ಪುನ ಬೇಲೆ ಆವರೆ ಉಂಡು. ಉಂದೆಕ್ಕ್ ಮಾತೆರೆನ್ಲಾ ಸಕಾಯ ಅಗತ್ಯ ಉಂಡು. ಅವ್ವೇ ದಿನ ಕತ್ತಲೆಗ್ ನಿದ್ರೆ ಕಜೆರ್ ದ್ ಬೆನ್ಪುನ ಕಲಾವಿದೆರ್ನ ಬಗೆಟ್ ಯಕ್ಷಗಾನ ಮೇಳದ ಕಲಾವಿದೆರ್ಲ ಗೇನ ದಿವೊಡ್. ಕಲಾವಿದೆರೆಗ್ ಕೊರ್ಪಿನ ಸಂಬಳ ಅಂಚನೆ ಬೇತೆ ರೀತಿದ ಸೌಲಭ್ಯದ ಬಗೆಟ್ ಲ ಯಜಮಾನೆರ್ ಗೇನ ದಿವಡ್. ಯಕ್ಷಗಾನ ಪನ್ಪಿನವು ಮಾಮಲ್ಲ ಕಲೆ. ಉಂದೆನ್ ಒರಿಪಾವುನ ಬೇಲೆ ಆವೊಡ್. ಅಶಕ್ತೆರೆಗ್ ಪಣವುದ ಸಕಾಯ, ಯೋಜನೆ ಉಂದು ಏಪಲ ಪಟ್ಲ ಫೌಂಡೇಶನ್ ಟ್ರಸ್ಟ್ ರ್ದ್ ನಡಪರೆ ಉಂಡು ಪಂದ್ ಎಡ್ಡೆಪ್ಪುನು ಬಯಕ್ಯೆರ್.
ಮನುಷ್ಯತ್ವ ದೀದ್ ಪ್ರಾಮಾಣಿಕತೆಡ್ ಬೇಲೆ ಮಲ್ಪುಗ : ಐಕಳ
ಮತ್ತರ್ಮೆಡ್ ಇತ್ತಿನ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಪ್ರಧಾನ ಸಂಚಾಲಕೆರ್, ಜಾಗತಿಕ ಬಂಟರ ಸಂಘ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ ಪಾತೆರ್ದ್ ಸಮಾಜ ಸೇವೆ ಪನ್ನಗ ಜಾತಿ ಬರಿಕ್ ದೀದ್ ಮನುಷ್ಯತ್ವ, ಪ್ರಾಮಾಣಿಕತೆಡ್ ಬೇಲೆ ಮಲ್ಪುಗ. ಸರಕಾರಗ್ ಲ ಮಲ್ಪರೆ ಆವoದಿನ ಬೇಲೆನ್ ಕಲಾವಿದೆರೆಗಾದ್ ಪಟ್ಲ ಫೌಂಡೇಶನ್ ಟ್ರಸ್ಟ್ ಬೇಲೆ ಮಲ್ತೊಂದುಂಡು. ಫೌಂಡೇಶನ್ ಗ್ ಗೌರವಾಧ್ಯಕ್ಷೆರಾದ್ ಸದಾಶಿವ ಶೆಟ್ಟಿ ಕನ್ಯಾನ ದೇವೆರ್ ಲೆಕ ಒದಗ್ ದ್ ಬೈದೆರ್. ಉಂದು ಫೌಂಡೇಶನ್ ಬೊಕ್ಕ ಕಲಾವಿದೆರ್ನ ಪುಣ್ಯ. ಪಟ್ಲ ಫೌಂಡೇಶನ್ ಟ್ರಸ್ಟ್ ಬೊಕ್ಕ ಜಾಗತಿಕ ಬಂಟರ ಸಂಘ ಒಕ್ಕೂಟದ ಧ್ಯೇಯೋದ್ದೇಶ ಒಂಜೇ ಆದ್oಡು. ಬಡವೆರ್ನ ನೆರವುಗಾದ್ ಕೇನುನವು ಬೊಕ್ಕ ಕೊರ್ಪಿನವು ಒಂಜೆ. ಇಂಚಾದ್ ಕಲಾವಿದೆರ್ನ ಪಾಲ್ ಗ್ ಪಟ್ಲ ಫೌಂಡೇಶನ್ ಟ್ರಸ್ಟ್ ಬೊಲ್ಪಾತ್oಡ್ ಪಂದ್ ಪಂಡೆರ್.
ಪ್ರಾಸ್ತಾವಿಕವಾದ್ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಸ್ಥಾಪಕಾಧ್ಯಕ್ಷೆರ್ ಪಟ್ಲ ಸತೀಶ್ ಶೆಟ್ಟಿ ಪಾತೆರ್ದ್ ಫೌಂಡೇಶನ್ ಟ್ರಸ್ಟ್ ಕರಿನ ಆಜಿ ವರ್ಷದ ಪೊರ್ತ್ ರ್ದ್ ಈಡೆ ಮುಟ್ಟ ಬೇತೆ ಬೇತೆ ಯೋಜನೆದಡಿಟ್ಟ್ 8.5 ಕೋಟಿ ರೂಪಾಯಿಗ್ ಲ ಮೀರ್ದ್ ಸಕಾಯ ಪಣವುನ್ ಕಲಾವಿದೆರೆಗ್ ಮಲ್ತ್ ದ್oಡ್. ಸದಾಶಿವ ಶೆಟ್ಟಿ ಕನ್ಯಾನ ಬೊಕ್ಕ ಐಕಳ ಹರೀಶ್ ಶೆಟ್ಟಿ ಮೇರ್ನ ಮಾರ್ಗದರ್ಶನಡ್ ಪಟ್ಲ ಫೌಂಡೇಶನ್ ಟ್ರಸ್ಟ್ ದುಂಬುದ ದಿನಟ್ಟ್ ಎಡ್ಡೆ ರೀತಿದ ಯೋಜನೆನ್ ಮಲ್ಪರೆ ಉಂಡು ಪಂದ್ ಪಂಡೆರ್.
ಇಲ್ಲ್ ಕಟ್ಟರೆ ಸಕಾಯ
ಕಮಲಶಿಲೆ ಯಕ್ಷಗಾನ ಮೇಳದ ಲಕ್ಷಣ ಭಂಡಾರಿ, ಮಾರಣಕಟ್ಟೆ ಮೇಳದ ತಿಮ್ಮಪ್ಪ ದೇವಾಡಿಗ, ಮಂದಾರ್ತಿ ಮೇಳದ ನರಸಿಂಹ ನಾಯಕ್ ಬೊಕ್ಕ ಪೊಳಲಿದ ಚಂದ್ರಹಾಸ ಪೂಜಾರಿ ಮೊಕ್ಲೆಗ್ ಇಲ್ಲ್ ಕಟ್ಟರೆ ಸುಮಾರ್ ರಡ್ಡ್ ಲಕ್ಷ ಕಾಸ್ ಕೊರಿಯೆರ್. ವೇದಿಕೆಡ್ ಟ್ರಸ್ಟ್ ದ ಕೋಶಾಧಿಕಾರಿ ಸಿಎ ಸುದೇಶ್ ಕುಮಾರ್ ರೈ ಇತ್ತೆರ್.
ಪ್ರಧಾನ ಕಾರ್ಯದರ್ಶಿ ಪುರುಷೋತ್ತಮ ಭಂಡಾರಿ ಅಡ್ಯಾರ್ ಬಿನ್ನೆರೆನ್ ಎದ್ಕೊಂದು ಲೇಸ್ ದ ನಿರೂಪಣೆ ಮಲ್ತೆರ್. ಉಪಾಧ್ಯಕ್ಷೆರ್ ಡಾ.ಮನು ರಾವ್ ಸೊಲ್ಮೆ ಸಂದೈತ ಮಲ್ತೆರ್. ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಪದಾಧಿಕಾರಿಲು, ಟ್ರಸ್ಟಿಲು ವಲಯ ಘಟಕದ ಅಧ್ಯಕ್ಷೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.
Patla foundation trust a beacon of hope to Yakshagana artists: Kanyana Sadashiv Shetty
A programme to distribute funds for building houses
Mangalore: The Yakshadruma Patla foundation trust has been founded especially to help Yakshagana artists.It is not only working on the improvement of Yakshagana art form and helping artists who work all night to continue the art.The Patla foundation is doing exemplary work in this regard said Sadashiv Shetty honorary president of Yakshadruva foundation and president of Hayramba industries, Mumbai.
He was speaking at a program in Mangalore were under the YaksaAshraya scheme rupees two lakhs each was distributed to four artist beneficiaries to build houses.
He also spoke about providing other facilities to artists of yakshagana mela and working for their well being.Improvement of their living conditions and enhancement of their salaries will go along way in saving the great art form of Yakshagana.
The chief secretary of the Patla foundation and the president of the global unit of Bantara sangha Ikala Harish Shetty said that leaving aside religious interests and working on humanitarian grounds is real social service.The Patla foundation by working for artists and art form is doing yeomens service to the society.
The founder president of the foundation trust Patla Sathish Shetty said that since it’s inception six years ago more than 8.5 crores has been distributed under various schemes.
Under the housing scheme Lakshman Bandari from Kamalashile Mela, Thimappa Devadiga from Maranakatte mela, Narasimha Nayak from Mandarthi mela and Chandrahasa Poojary from Polali mela were given aid to build houses.
ಕಾಣಿಯೂರು: ಬೈತಡ್ಕಡ್ ಸುದೆಕ್ಕ್ ಕಾರ್ ಬೂರ್ದಿನ ಘಟನೆಗ್ ಸಂಬಂಧಪಟ್ ದ್ ಬೈತಡ್ಕರ್ದ್ 200 ಮೀಟರ್ ದೂರದ ಮರಕಡ ಸುದೆಟ್ಟ್ ಇರ್ವೆರ್ನ ಪುನ ಪತ್ತೆಯಾತ್oಡ್.
ತೀರ್ ಪೋತಿನಕ್ಲೆನ್ ವಿಟ್ಲ ಕುಂಡಡ್ಕ ಸಂತ್ಯಡ್ಕದ ಧನುಷ್ ಅಂಚನೆ ಕನ್ಯಾನದ ಧನಂಜಯ ಧನಂಜಯ ಪಂದ್ ಕುಟುಂಬಸ್ಥೆರ್ ಗುರ್ತಿಸಾದೆರ್. ಸುದೆಟ್ಟ್ ನೀರ್ ಕಮ್ಮಿಯಾಯಿನ ಬಗೆಟ್ಟ್ ಪುನ ಬೊಲ್ಪುಗ್ ತೋಜಿದ್ ಬೈದ್oಡ್.
ಒರಿಯನ ಪುನ ಸುದೆತ್ತ ಬರಿಟ್ಟ್ ಇಪ್ಪುನ ಮರದ ತುಂಡುಡ್ ಪತ್ತೆಯಾತ್oಡ್. ನನೊಂಜಿ ಪುನಲ ಪತ್ತೆಯಾತ್oಡ್. ಸುರುತ್ತ ಪುನ ಪತ್ತೆಯಾಯಿನ 50 ಮೀಟರ್ ದೂರಡ್ ನನೊಂಜಿ ಪುನ ಪತ್ತೆಯಾತ್oಡ್.
Bytadka: car falls into a river ; bodies of the dead identified
Kaniyoor: Two bodies were found in connection with incident of a car falling into the river at Bytadka.
The persons have been identified as Danush from Vittal abd Dananjy from Kanyana. The bodies were found after the river water receeded on the bank of the river.
ಉತ್ತರಕನ್ನಡ: ಉತ್ತರ ಕನ್ನಡ ಜಿಲ್ಲೆದ ಹಳಿಯಾಳ ತಾಲೂಕ್ ದ ಮುರ್ಕವಾಡ ಗ್ರಾಮಡ್ ಇಲ್ಲ್ ದ ಗೋಡೆ ಜರಿದ್ ಅಪ್ಪೆ ಬೊಕ್ಕ ಮಗಲ್ ತೀರ್ ಪೋಯಿನ ಘಟನೆ ಅಂಗಾರೆ ಕಾಂಡೆ ನಡತ್ ದ್oಡ್.
ರುಕ್ಮಿಣಿ ವಿಠ್ಠಲ್ ಮಾಚಕ(37) ಬೊಕ್ಕ ಮಗಲ್ ಶ್ರೀದೇವಿ ವಿಠ್ಠಲ್ ಮಾಚಕ(13) ತೀರ್ ಪೋತಿನಕುಲು. ಜಿಲ್ಲೆಡ್ ಭಾರೀ ಬರ್ಸ ಬರೊಂದಿತ್ತಿನೆಡ್ದಾವರ ಮುಕುಲು ಇತ್ತಿನ ಮಣ್ಣ್ ದ ಇಲ್ಲದ ಗೋಡೆ ಜರಿದ್, ಜೆತ್ತಿನಲ್ಪನೆ ಅಪ್ಪೆ ಮಗಲ್ ತೀರ್ ಪೋತೆರ್.
ವಿಷಯ ತೆರಿದ್ ಜಾಗೆಗ್ ತಹಸೀಲ್ದಾರ್ ಪ್ರಕಾಶ ಗಾಯಕವಾಡ, ತಾ.ಪಂ ಇಒ ಪರಶುರಾಮ್ ಗಸ್ತಿ ಅಂಚನೆ ಅಧಿಕಾರಿಲೆನ ಕೂಟ ಭೇಟಿ ಕೊರ್ದ್ ಪರಿಶೀಲನೆ ಮಲ್ತೊಂದುಲ್ಲೆರ್.
ಕುಡ್ಲ: ಭಾರಿ ಬರ್ಸ ಬೊಕ್ಕ ಬೊಲ್ರ್ದಾತ್ರ ಆಯಿನ ಬುಲೆ ನಷ್ಟ ಅಂಚೆನೆ ಕಡಲ್ ಪರ್ಲ್ ದಿನೆನ್ ತೂವರೆ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಖುದ್ದು ಕುಡ್ಲ ಬೊಕ್ಕ ಒಡಿಪು ಜಿಲ್ಲೆಗ್ ಬರ್ರೆ ಉಲ್ಲೆರ್.
ತುಳುನಾಡ್ ಡ್ ಕರಿನ ಕೆಲ ದಿನರ್ದ್ ಭಾರೀ ಬರ್ಸ ಬರೊಂದಿತ್ತ್ ದ್ ಮಸ್ತ್ ಕಡೆಟ್ಟ್ ಗುಡ್ಡೆ ಜರಿದ್ ತೊಂದರೆ ಆತ್oಡ್. ಅಂಚಿನ ಜಾಗೆಲೆಗ್ ಇನಿ ಮುಖ್ಯಮಂತ್ರಿಲು ಭೇಟಿ ಕೊರಿಯರೆ ಉಲ್ಲೆರ್.
ಮಧ್ಯಾಹ್ನ 3 – 3.15 ಮುಟ್ಟ ಮಾನ್ಯ ಮುಖ್ಯಮಂತ್ರಿಲೆಗ್ ಸುಳ್ಯ ತಾಲೂಕ್ ದ ಸಂಪಾಜೆಡ್ ಜಿಲ್ಲಾಡಳಿತರ್ದ್ ಎದ್ಕೊನುನ ಲೇಸ್ ಅಂಚನೆ ಗುಡ್ಡೆ ಜರಿದಿನ ವಿಷಯದ ಬಗೆಟ್ಟ್ ಜಿಲ್ಲಾಡಳಿತರ್ದ್ ವರದಿ ಕೊರ್ಪಿನವು.
ಮಧ್ಯಾಹ್ನ 3.15 – 5 ಗಂಟೆ ಮುಟ್ಟ ಉಬಾರ್ ದ ಸಂಗಮ ಜಾಗೆನ್ ತೂದು ಬೊಕ್ಕ ಬುಲೆ ಹಾನಿ ಪರಿಶೀಲನೆ ಮಲ್ಪುವೆರ್.
ಬಯ್ಯ 5 – 5.15 ಮುಟ್ಟ ಬಂಟ್ವಾಳ ತಾಲೂಕ್ ದ ಪಂಜಿಕಲ್ಲು ಗ್ರಾಮಡ್ ಗುಡ್ಡೆ ಜರಿದ್ ಪೋದಿತ್ತ್ ದ್, ಆಯಿಟ್ಟ್ ತೀರ್ ಪೋಯಿನ ಕುಟುಂಬದಕ್ಲೆಗ್ ಪರಿಹಾರದ ಚೆಕ್ ಕೊರ್ರೆ ಉಲ್ಲೆರ್.
ಬೊಕ್ಕ ಬಯ್ಯ 5.30 – 6 ಗಂಟೆ ಮುಟ್ಟ ಉಳ್ಳಾಲ ತಾಲೂಕ್ ದ ಸೋಮೇಶ್ವರ, ಬೆಟ್ಟಂಪಾಡಿ ಕಡಲ್ ಕೊರೆತದ ಜಾಗೆ ತೂವರೆ ಉಲ್ಲೆರ್.
ಬಯ್ಯ 6.15 – 7 ಗಂಟೆ ಮುಟ್ಟ ಮುಲ್ಕಿ ತಾಲೂಕು ಪಂಜ ಕೊಯಿಕುಡೆ ಗ್ರಾಮ ಬೊಕ್ಕ ಉಲ್ಯಡ್ ಬುಲೆ ಹಾನಿ ಬೊಕ್ಕ ನಂದಿನಿ ಸುದೆತ್ತ ಬೊಲ್ಲದ ಜಾಗೆನ್ ತೂಪೆರ್.
ಬೊಕ್ಕ 7.05 ಕ್ಕ್ ಒಡಿಪು ಜಿಲ್ಲೆಗ್ ಪೋಯರೆ ಉಲ್ಲೆರ್ ಪಂದ್ ಜಿಲ್ಲಾಡಳಿತ ತೆರಿಪಾದ್ಂಡ್.
CM Bommai to visit Mangalore today:
The CM Basavaraj Bommai will visit Mangalore today. Heavy rains in Tulunadu from the past few days has wrecked havoc and brought misery to many. The CM is in town to inspect the damages and to talk to those whose lives have been affected by the rains.
* From 3-3.15 p.m will start his tour of the district from Samaje in Sullia taluk and get report of the land slides from the DC.
* From 3.15 to 5 p.m while travelling he will inspect the crop damage and the Sangama point of the river at Ubaar.
* From 5-515 he will inspect the landslide area in Panjikallu in Bantwal taluk and distribute checks to those whose family members lost lives in the landslide.
* From 5.15 -6p.m he will visit Ullal taluk ; and inspect sea erosion at Someshwar and Battampadi.
* From 6.15 to 7p.m he will visit Mulki taluk and inspect crop damage at Pakshikere, Koyukode and the flooded areas of river Nandini.
At 7 p.m he will leave for Udupi district.
ಕಡಬ: ಮೂಜಿ ದಿನರ್ದ್ ಪಿರ ಕಾಣಿಯೂರುದ ಬೈತಡ್ಕ ಕೈತಲ್ ಸಂಕರ್ದ್ ಕಾರ್ ಬೂರ್ದಿನ ಘಟನೆ ಗ್ ಸಂಬಂಧಪಟ್ ದ್ ಬೈತಡ್ಕರ್ದ್ 200 ಮೀಟರ್ ದೂರ ಮರಕಡ ಸುದೆಟ್ಟ್ ಪುನ ಒಂಜಿ ಪತ್ತೆಯಾತ್oಡ್.
ಪುನ ಸುದೆತ್ತ ಬರಿಟ್ಟ್ ಇಪ್ಪುನ ಮರದ ತುಂಡುಡ್ ಪತ್ತೆಯಾತ್oಡ್. ಸುದೆಟ್ಟ್ ನೀರ್ ಕಮ್ಮಿಯಾಯಿನ ಬಗೆಟ್ಟ್ ಪುನ ಬೊಲ್ಪುಗ್ ತೋಜಿದ್ ಬೈದ್oಡ್.
ಕುಡ್ಲ : ಬ್ರಹ್ಮಶ್ರೀ ನಾರಾಯಣ ಗುರುಕುಲೆನ ಪಾಠೊನು 10 ನೇ ಕ್ಲಾಸ್ ದ ಸಮಾಜ ವಿಜ್ಞಾನ ಪುಸ್ತೊಕೊಗು ಪಿರ ಸೇರ್ಸಾವರೆ ಶಿಕ್ಷಣ ಇಲಾಖೆ ಮಹತ್ವದ ತೀರ್ಮಾನ ದೆತೊಂದುಂಡು. ಶಿಕ್ಷಣ ಸಚಿವೆರ್ ಬಿ.ಸಿ.ನಾಗೇಶ್ ಮೇರ್ ಶಿಕ್ಷಣ ಇಲಾಖೆಗ್ ಸೂಚನೆ ಕೊರ್ತೆರ್.
ರಾಜ್ಯ ಸರಕಾರದ ಪಾಠ ಪುಸ್ತಕ ಸಮಿತಿ ಗುರುಕ್ಲೆನ ಪಾಠೊನು ಸಮಾಜ ವಿಜ್ಞಾನೊರ್ದು ದೆತ್ತ್ ದ್ ಐಚ್ಚಿಕವಾದುಪ್ಪುನ ಕನ್ನಡ ಪಾಠ ಪುಸ್ತಕೊಗು ಸೇರ್ಸಾದಿನೆನ್ ಖಂಡಿಸಾದ್ ಬಿಲ್ಲವ ಸಂಘಟನೆಲು ಅಂಚೆನೆ ನಾರಾಯಣ ಗುರುಕ್ಲೆನ ಅಭಿಮಾನಿಲು ಭಾರಿ ಪ್ರತಿಭಟನೆ ಮಲ್ದಿತ್ತೆರ್. ನನಲ ಪ್ರತಿಭಟನೆ ಮಲ್ಪರೆ ನಿರ್ದಾರ ಮಲ್ದಿತ್ತೆರ್. ಅಂಚಾದ್ ಕನ್ನಡ ಬೊಕ್ಕ ಸಂಸ್ಕೃತಿ ಸಚಿವೆರ್ ಸುನಿಲ್ ಕುಮಾರ್ ಬೊಕ್ಕ ಬಿಜೆಪಿ ರಾಜ್ಯಾಧ್ಯಕ್ಷೆರ್ ನಳಿನ್ ಕುಮಾರ್ ಕಟೀಲ್ ಶಿಕ್ಷಣ ಸಚಿವೆರೆಗ್ ಈ ವಿಚಾರೊಡು ಮನವಿ ಮಲ್ತ್ ದಿತ್ತೆರ್.
ಆರ್.ಪದ್ಮರಾಜ್ ಅಭಿನಂದನೆ
ಪತ್ತನೇ ಕ್ಲಾಸ್ ದ ಸಮಾಜ ವಿಜ್ಞಾನ ಪಾಠ ಪುಸ್ತಕೊಡು ನಾರಾಯಣ ಗುರುಕ್ಲೆನ ಪಾಠ ಪಿರ ಸೇರ್ಸಾವರೆ ಆದೇಶ ಕೊರಿಯರೆ ಪ್ರಯತ್ನ ಮಲ್ದಿನ ಸಚಿವೆರ್ ಸುನಿಲ್ ಕುಮಾರ್ ಬೊಕ್ಕ ನಳಿನ್ ಕುಮಾರ್ ಕಟೀಲ್ ಮೆರೆಗ್ ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದ ಕೋಶಾಧಿಕಾರಿ ಆರ್.ಪದ್ಮರಾಜ್ ಕೃತಜ್ಞತೆ ಸಂದಾದೆರ್.
ರಾಜ್ಯ ಸರ್ಕಾರ ಈ ವಿಚಾರೊಡು ಬೇಗ ಆದೇಶ ಕಡಪುಡೊಡು. ಅವೆರ್ದ್ ಬೊಕ್ಕ ಬಿಲ್ಲವ ಸಂಘಟನೆಲೆನ ಪ್ರತಿಭಟನೆ ಪಿರ ದೆಪ್ಪುವ ಪಂದ್ ಆರ್ ತೆರಿಪಾದೆರ್. ಅವ್ವತ್ತಾಂದೆ ನೆತ್ತ ಬಗೆಟ್ಟ್ ಹೋರಾಟ ಮಲ್ತಿನ ಮಾತೆರೆಗ್ಲ ಕೃತಜ್ಞತೆನ್ ಪತ್ರಿಕಾ ಹೇಳಿಕೆಡ್ ತೆರಿಪಾದೆರ್.
ಕುಡುಮ(ಧರ್ಮಸ್ಥಳ): ಬಡಪತ್ತ್ ದ ಜನಕ್ಲೆಗ್ ಬದ್ ಕ್ ಕಟ್ ದ್ ಕೊರ್ಪಿನ ಅಂಚೆನೆ ಪೊಂಜೊವುಲೆನ್ ಸ್ವಂತ ಕಾರ್ ಡ್ ಉಂತುಲೆಕ ಮಲ್ತ್ ದ್ ಸಮಾಜದ ಮುಖ್ಯವಾಹಿನಿಗ್ ಕನಪಿನವು ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ಉದ್ದೇಶವಾದುಂಡು.ಉಂದು ಎಂಕ್ ಅತಿ ಇಷ್ಟದ ಸೇವೆ ಆದುಂಡು ಪಂದ್ ಧರ್ಮಸ್ಥಳದ ಡಾ. ಹೇಮಾವತಿ ವೀರೇಂದ್ರ ಹೆಗ್ಗಡೆರ್ ಪಂಡೆರ್.
ಕುಡ್ಲ ವಿಶ್ವವಿದ್ಯಾಲಯರ್ದ್ ಗೌರವ ಡಾಕ್ಟರೇಟ್ ಪಡೆಯಿನ ಬಗೆಟ್ಟ್ ಹೇಮಾವತಿ ವೀ. ಹೆಗ್ಗಡೆ ಮೆರೆನ್ ಮಾಜಿ ಎಂ.ಎಲ್.ಸಿ. ಐವನ್ ಡಿ’ಸೋಜಾ ಮುತಾಲಿಕೆಡ್ ಕುಡ್ಲದ ಪೌರ ಸನ್ಮಾನ ಸಮಿತಿದಕುಲು ಶನಿವಾರ ಧರ್ಮಸ್ಥಳದ ಬೂಡುಡು ಗೌರವ ಮಲ್ತಿನ ಪೊರ್ತುಡು ಆರ್ ಪಾತೆರಿಯೆರ್.
ಜ್ಞಾನ ವಿಕಾಸ ಕಾರ್ಯಕ್ರಮದ ನಿಲೆಟ್ಟ್ ೨೫೩ ತಾಲೂಕುಡು ಪ್ರತಿ ತಾಲೂಕುಗು ತಲಾ ೨೫ತ್ತ ಲೆಕ ಜ್ಞಾನ ವಿಕಾಸ ಕೇಂದ್ರಲೆನ್ ಸುರು ಮಲ್ತ್ ದ್ ಪೊಂಜೊವುಲೆಗ್ ಬೋಡಾಪಿನ ಮಾಹಿತಿ, ಮಾರ್ಗದರ್ಶನ ಬೊಕ್ಕ ಪ್ರೇರಣೆ ಕೊರೊಂದುಂಡು. 15 ಸಾರ ಕಾರ್ಯಕರ್ತೆರ್ 11 ಸಾವಿರ ಮಹಿಳಾ ಕಾರ್ಯಕರ್ತೆರ್ ಉಲ್ಲೆರ್. ಕಾರ್ಯಕರ್ತೆರೆಗ್ ಶಿಸ್ತು, ನಿಷ್ಠೆ, ಕಾರ್ಯತತ್ಪರತೆ, ಯೋಜನೆದ ಬಗೆಟ್ಟ್ ಇಪ್ಪುನ ಪ್ರೀತಿ-ವಿಶ್ವಾಸ ಬೊಕ್ಕ ಗೌರವೊಡು ಮಾತಾ ಕಾರ್ಯಕ್ರಮೊಲು ಯಶಸ್ವಿ ಆತ್ಂಡ್. ಗ್ರಾಮೀಣ ಜನಕ್ಲೆನ ಕಷ್ಟ-ಸಮಸ್ಯೆ, ಸವಾಲ್ ನ್ ತೆರಿಂಡ ನಮಕ್ಕ್ ನಿಜವಾಯಿನ ಜೀವನ ದರ್ಶನ ಆಪುಂಡು. ಸರ್ಕಾರದಕುಲು ಗ್ರಾಮಾಭಿವೃದ್ಧಿ ಯೋಜನೆದ ಸೇವೆ, ಸಾಧನೆನ್ ತೂದು ಸಾಮಾನ್ಯ ಸೇವಾ ಕೇಂದ್ರಲೆನ್ ಸುರು ಮಲ್ಪರೆ ಅನುಮತಿ ಕೊರ್ದು, ಇತ್ತೆ 11 ಸಾರ ಸೇವಾ ಕೇಂದ್ರಲೆನ ಮುಕೇನ ಜನಕ್ಲೆಗ್ ಸರ್ಕಾರದ ಸವಲತ್ತುಲೆನ್ ಕೊರೊಂದುಂಡು. ವಾತ್ಸಲ್ಯ ಕಾರ್ಯಕ್ರಮದ ಮುಕೇನ ಹಿರಿಯಾಕ್ಲೆನ ರಕ್ಷಣೆ, ಆರೋಗ್ಯ ಸೇವೆ, ಆಹಾರ ಅನುಪಾನ, ಇಲ್ಲ್ ರಿಪೇರಿ, ಜೋಕುಲೆನ ಪಾಲನೆ, ಪೋಷಣೆ, ಪೌಷ್ಠಿಕ ಆಹಾರ ಕೊರ್ಪಿನ ಸೇವೆಲೆನ್ ಮಲ್ತೊಂದುಂಡು ಪಂದ್ ಆರ್ ತೆರಿಪಾಯೆರ್.
ಧರ್ಮಾಧಿಕಾರಿ ಡಿ. ವೀರೇಂದ್ರ ಹೆಗ್ಗಡೆರೆನ್ ರಾಜ್ಯಸಭೆಗೆ ನಾಮನಿರ್ದೇಶನ ಮಲ್ದಿನವು ಅರೆನ ಸೇವೆಗ್ ಸಂದಿನ ಗೌರವ ವಾದುಂಡು. ಉಂದೆರ್ದಾತ್ರ ಅರೆಗ್ ರಾಷ್ಟ್ರಮಟ್ಟಡ್ ಮಾನಾದಿಗೆ ತಿಕಿಲೆಕ್ಕಾಂಡ್ ಪಂದ್ ಹೇಮಾವತಿ ಹೆಗ್ಗಡೆರ್ ಕುಷಿ ಪಟ್ಟೊಂಡೆರ್.
ಕುಡ್ಲದ ಪೌರ ಸನ್ಮಾನ ಸಮಿತಿದ ಪ್ರಧಾನ ಸಂಚಾಲಕೆರ್ ಐವನ್ ಡಿ’ಸೋಜಾ ಪ್ರಾಸ್ತಾವಿಕವಾದ್ ಪಾತೆರ್ದ್ ಬಿನ್ನೆರೆನ್ ಸ್ವಾಗತ ಮಲ್ತೆರ್.
ನಾಗೇಂದ್ರಕುಮಾರ್, ಡಾ. ದೇವರಾಜ್, ಕೆ., ರೊನಾಲ್ಡ್ ರಾಯ್ ಕ್ಯಾಸ್ತಲಿನೊ, ಕೆ. ಭಾಸ್ಕರರಾವ್, ಜನಾರ್ದನ್, ಡಾ. ಕವಿತಾ ಡಿ’ಸೋಜ, ಮೀನಾ ಟೆಲ್ಲಿಸ್, ಜೇಮ್ಸ್ ಪ್ರವೀಣ್, ಮಹೇಶ್ ಮಂಗಳೂರು, ಶೇಖರ, ಸುನಿಲ್ ಮೊಕುಲು ಮಾತ ಲೇಸ್ ಡ್ ಪಾಲ್ ಪಡೆದಿತ್ತೆರ್.
Dr Hemavathi V Heggade felicitated on procuring a doctrate from Mangalore University
Dharmasthala: “Making women Self reliant in life and bringing tribals into the mainstream of the society is the main aim of the rural development project and a topic close to my heart ” said Dr Hemavathi Heggade .
She was speaking on being honoured by the members of the Manglore city felicitation committee under the lead of Ivan D Souza former MLC ; on her being awarded a honourary doctorate by the Mangalore University.
The program was held on Saturday at the Dharmasthala Beedu.
Under the Gyana Vikasa scheme in 253 taluks; 25 Gyana Vikasa Kendra’s have been stated for the upliftment of women They have been formed to give inform and inspire women to be self-reliant and live a life of dignity. About 11,000 women workers are working with discipline and diligence to make the scheme a roaring success.
The government too has started such projects on noticing the success of the rural development schemes.About 11,000 seva kendras run by the government are also providing aid to the needy.There are also projects for help of senior citizens, health,food and norishment,housing and many such others.
She also conveyed her happiness on Veerendra Heggade being nominated for the Rajya Sabha ans added now he could render his service at the national level.
Ivan D Souza welcomed the gathering on behalf of the felicitation committee.He was accompanied by the members of the felicitation committee including Nagendra Kumar, Dr Devraj, Ronald Casteleno,J Bhaskar Rao, and others.
ಒಡಿಪು : ಬ್ರಹ್ಮ ಶ್ರೀ ನಾರಾಯಣ ಗುರುಕುಲೆನ ಪಾಠೊನು 10 ಕ್ಲಾಸ್ ದ ಸಮಾಜ ವಿಜ್ಞಾನ ಪುಸ್ತಕೊಡು ಪಿರ ಸೇರ್ಸಾವೊಡು ಅಂಚೆನೆ ಸರಕಾರೊಗು ಬೇತೆ ಬೇತೆ ಬೇಡಿಕೆ ದೀದ್ ಜು.17 ಐತಾರ ಕಾಂಡೆ ಬಿಲ್ಲವ ಸಂಘಟನೆದಕುಲು ಭಾರಿ ಮಲ್ಲ ಪ್ರತಿಭಟನೆ ಮಲ್ಪರೆ ಉಲ್ಲೆರ್.
ಒಡಿಪು ಜಿಲ್ಲಾ ಬಿಲ್ಲವ ಯುವ ವೇದಿಕೆ ಈ ಪ್ರತಿಭಟನೆದ ಮುತಾಲಿಕೆ ಒಯಿಸೊಂದುಂಡು. ಉಂದೆಟ್ಟ್ ಬಿಲ್ಲವ ಸಮಾಜದ ಮಾತ ಸಂಘ ಸಂಸ್ಥೆಲು, ಗರೋಡಿ ಪ್ರಮುಖೆರ್ ಅಂಚೆನೆ ನಾರಾಯಣ ಗುರುಕ್ಲೆನ್ ಅಭಿಮಾನಿ ವರ್ಗದಕುಲು ಪಾಲ್ ಪಡೆವರೆ ಉಲ್ಲೆರ್.
ಜು.17 ಕಾಂಡೆ 10 ಗಂಟೆಗ್ ಬನ್ನಂಜೆ ಬಿಲ್ಲವ ಸಂಘರ್ದ್ ಪ್ರತಿಭಟನೆದ ಮೆರವಣಿಗೆ ಪಿದಾಡರೆ ಉಂಡು ಪಂದ್ ಒಡಿಪು ಜಿಲ್ಲಾ ಬಿಲ್ಲವ ಯುವ ವೇದಿಕೆ ತೆರಿಪಾದ್ಂಡ್.
ಕುಡ್ಲ: ಇಂಡಿಗೋ ಇಮಾನ ಕಂಪೆನಿದಕುಲು ತನ್ನ ಪ್ರಯಾಣಿಕೆರೆಗ್ ಕ್ಯೂಟ್ ಚಾರ್ಜ್ ಪಾಡೊಂದುಲ್ಲೆರ್. ಆಂಡ ಈ ಕ್ಯೂಟ್ ಚಾರ್ಜ್ ಪಂಡ ದಾದ ಪಂದ್ ಪ್ರಯಾಣಿಕೆರ್ ಗೊಂದಲ ಆತೆರ್.ಅಕ್ಲೆಗ್ ಬೋಡುತ್ತಿಲೆಕ್ಕ ಉಂದೆನ್ ಸೋಶಿಯಲ್ ಮೀಡಿಯಾ ಡ್ ಪಾಡ್ದ್ ಕಮೆಂಟ್ ಮಲ್ತೊಂದುಲ್ಲೆರ್.
ಇಂಚಿಪ್ಪಗ್ ಇಂಡಿಗೋ ಇಮಾನಡ್ ಪೊಯಿನ ಪ್ರಯಾಣಿಕೆರಾಯಿನ ಶಾಂತನು ಪನ್ಪಿನಾರ್ ಟಿಕೆಟ್ ದ ಬಿಲೆನ್ ಸ್ಕ್ರೀನ್ ಶಾಟ್ ಮಲ್ತ್ ದ್ ಟ್ವಿಟರ್ ಡ್ ಪಟ್ಟೊಂದೆರ್. ಉಂದೆಕ್ಕ್ ಆರ್ ತೆಲ್ಪುನ ಶೀರ್ಷಿಕೆನ್ ಲ ಪಾಡ್ದೆರ್.
ಶಾಂತನು ಪಾಡ್ದಿನ ಪೋಸ್ಟ್ ಡ್ ಕ್ಯೂಟ್ ಚಾರ್ಜ್ ನ್ ಎಚ್ಚ ಹೈಲೈಟ್ ಮಲ್ತ್ ದೆರ್. ‘ವಿಮಾನಯಾನ ಸಂಸ್ಥೆ ಯನರ್ದ್ ಕ್ಯೂಟ್ ಆಯಿನ ಚಾರ್ಜ್ ನ್ ದಾಯೆ ದೆತೊನೊಂದ್ ಉಂಡು. ಯಾನ್ ತೂವರೆ ಕ್ಯೂಟ್ ಆದ್ ಉಲ್ಲೆ ಪಂದ್ ಯoಕು ಗೊತ್ತುಂಡು. ಆಂಡ ಇಂಡಿಗೋ ಯoಕ್ ಕಾಸ್ ಪಾಡುಂಡು ಪಂದ್ ಏಪಗ್ ಲ ಗೊತ್ತಿಜ್ಜಾಂಡ್” ಪನ್ಪಿನ ಶೀರ್ಷಿಕೆನ್ ಬರೆತ್ತೆರ್.
ನನೊರಿ ಟ್ವಿಟ್ಟರ್ ಡ್ ಕಮೆಂಟ್ ಮಲ್ತ್ ದ್, “ಹೇ ಏರ್ ಲೈನ್, ಈ ಚಾರ್ಚ್ ಒವ್? ಯನ್ನೋಟ್ಟ್ ಗ್ ಕ್ಯೂಟ್ ಆದ್ ಇಪ್ಪರೆ ಪ್ರಯತ್ನ ಮಲ್ತೊಂದುಲ್ಲರಾ, ಆಂಡ ಯಾನ್ ಸ್ಮಾರ್ಟ್ ಇಜ್ಜಿ ಕಾಲಿ ಪೊರ್ಲು ಉಲ್ಲೇ ಪಂದ್ ಪಾಡ್ಯರಾ ಪಂದ್ ಕೇಂಡ್ ದೆರ್.
ನನೊರಿ ಕಾಮೆಂಟ್ ಮಲ್ತ್ ದ್, “CUTE ಪಂಡ ಕಾಮನ್ ಯೂಸರ್ ಟರ್ಮಿನಲ್ ಈಕ್ವಿಪ್ ಮೆಂಟ್ ಚಾರ್ಜ್ ಪಂದ್ ಪಂತೆರ್. ಉಂದು ವಿಮಾನ ನಿಲ್ದಾಣಡ್ ಲೋಹ ಪತ್ತೆ ಮಲ್ಪುನ ಯಂತ್ರಲು, ಎಸ್ಕಲೇಟರ್ ಲು ಬೊಕ್ಕ ಬೇತೆ ಸಲಕರಣೆಗ್ ಚಾರ್ಜ್ ನ್ ಪಾಡುವೆರ್. ಈ ಚಾರ್ಜ್ ಒಂಜಿ ವಿಮಾನ ನಿಲ್ದಾಣರ್ದ್ ನನೊಂಜಿ ವಿಮಾನ ನಿಲ್ದಾಣಗ್ ಬದಲ್ ಆಪುಂಡ್” ಪಂದ್ ಲ ಟ್ವೀಟ್ ಮಲ್ದೆರ್.
IndiGo flights charge passengers ‘ cute’ charges!!
What do they mean….
Mangalore: Many passenges travelling by Indigo flights were amused to see ‘cute’ charges in their tickets charges breakup.
They took to social media to share their thoughts.
A traveller Shantanu quipped ‘ I know I am getting cuter with age.But why am I charged by Indigo for this?’
Another person tweeted ‘ hey airline what does this charge mean?’ .
Another clarified ” CUTE” is Common User terminal equipment charge.It is levied for use of metal detector, escalator and other commen equipment at airports .This charge differs from airport to airport.
