Tulu News

Amit Shah inaugurated the Bharat Mata mandir ಈಶ್ವರಮಂಗಲಡ್ ಭಾರತ್ ಮಂದಿರ ಉದಿಪನ ಮಲ್ತಿನ‌ ಅಮಿತ್ ಶಾ

ದಕ್ಷಿಣ ಕನ್ನಡ ಜಿಲ್ಲೆದ ಪುತ್ತೂರ್ ತಾಲೂಕ್ ದ ಈಶ್ವರಮಂಗಲಡ್ ಇಪ್ಪುನ ದಕ್ಷಿಣ ಭಾರತದ ರಡ್ಡನೇ ಭಾರತ್ ಮಾತಾ ಮಂದಿರನ್ ಕೇಂದ್ರ ಸಚಿವೆರ್ ಅಮಿತ್ ಶಾ ಉದಿಪನ ಮಲ್ತೆರ್ .

ಈ ಪೊರ್ತುಡು ಅರೆನ ಭೇಟಿದ ನೆಂಪುಗಾದ್ ಸಂವಿಧಾನದ ಪುಸ್ತಕದ ಮಿತ್ತ್ ಸಚಿವೆರ್ ಸೈನ್ ಮಲ್ತೆರ್. ಈ ಪೊರ್ತುಡು ಸಿಎಂ ಬೊಮ್ಮಾಯಿ, ಬಿಜೆಪಿ ರಾಜ್ಯಾಧ್ಯಕ್ಷೆರ್ ನಳಿನ್ ಕುಮಾರ್ ಕಟೀಲ್ ಬೊಕ್ಕ ಮಾಜಿ ಸಿಎಂ ಯಡಿಯೂರಪ್ಪ ಇತ್ತೆರ್. ಈ ದೇವಲ್ಯನ್ 2.5 ಎಕ್ರೆಡ್ 3 ಕೋಟಿ ರೂ. ಕರ್ಚಿಡ್
ನಿರ್ಮಾಣ ಮಲ್ದೆರ್.

Amit Shah inaugurated the Bharat Mata mandir

Amit Shah union minister for homeinaugurated the Bharat Mata mandir at Eshwarmangala in Puttur taluk. This is the second Bharat Mata mandir in South India.The temple has been built in 2.5 acres of land at a cost of three crore rupees.

Ravi Kakkepadavu Samaj Seva trust started in Subramanya ಸುಬ್ರಹ್ಮಣ್ಯಡ್ ಸುರು ಆಂಡ್ ರವಿ ಕಕ್ಕೆಪದವು ಸಮಾಜ ಸೇವಾ ಟ್ರಸ್ಟ್

ಸ್ವಾರ್ತ ದಾಂತಿನ ಬುಡು ಉಡಲ್ ದ ಸಮಾಜಸೇವಕೆ ರವಿ ಕಕ್ಕೆಪದವು ಮೆರೆನ ಪುದರ್ ದ ಸಮಾಜ ಸೇವಾ ಟ್ರಸ್ಟ್ ಸುಬ್ರಹ್ಮಣ್ಯಡ್ ಸುರು ಆತ್ಂಡ್.

ನೆತ್ತ ಅಧ್ಯಕ್ಷೆರಾದ್ ರವಿ ಕಕ್ಕೆಪದವು ಆಯ್ಕೆ ಆತೆರ್. ಕಾರ್ಯದರ್ಶಿಯಾದ್ ಸುರೇಶ್ ಜಾದವ್, ಉಪಾಧ್ಯಕ್ಷೆರಾದ್ ಚಂದ್ರಕಲಾ, ಕೋಶಾಧಿಕಾರಿಯಾದ್ ಮಣಿಕಂಠ ಸುಬ್ರಹ್ಮಣ್ಯ, ಸದಸ್ಯೆರಾದ್ ಚೇತನ್ ಆಯ್ಕೆ ಆತೆರ್. ಒಟ್ಟಾದ್ ಐನ್ ಜನ ಸದಸ್ಯೆರ್ ಈ ಟ್ರಸ್ಟ್ ಡ್ ಉಲ್ಲೆರ್.

A person from Vitla met with an accident and expired in Mangalore ಕುಡ್ಲ ಬೈಕ್ ಆಕ್ಸಿಡೆಂಟ್ ಡ್ ತೀರ್ ಪೋಯೆರ್ ವಿಟ್ಲದ ಜವನೆ

ಕುಡ್ಲ: ಬೈಕ್ ಆಕ್ಸಿಡೆಂಟ್ ಡ್ ವಿಟ್ಲದ ಜವನೆ ಒರಿ ತೀರ್ ಪೋಯಿನ ಘಟನೆ ಕುಡ್ಲಡ್ ನಡತ್ಂಡ್.

ಮಾಣಿಲ ಗ್ರಾಮದ ಪಕಳಕುಂಜ ಬಾಳೆಕಾನ ನಿವಾಸಿ ಗೋಪಾಲಕೃಷ್ಣ ಮಣಿಯಾನಿ ಬೊಕ್ಕ ಸುಧಾಮಣಿ ದಂಪತಿಲೆನ ಮಗೆ ಕಾರ್ತಿಕ್ ಮಣಿಯಾನಿ (24) ತೀರ್ ಪೋಯಿನಾರ್ ಪಂದ್ ತೆರಿದ್ ಬೈದ್ಂಡ್. ಕಾರ್ತಿಕ್ ಕುಡ್ಲಡ್ ಡೆಕೋರೇಷನ್ ಬೇಲೆ ಮುಗಿತ್ ದ್ ಇಲ್ಲಗ್ ಬನ್ನಗ ಅಡ್ಯಾರ್ ದಲ್ಪ ಈ ಘಟನೆ ನಡತ್ ದ್ಂಡ್. ಮೆರೆಗ್ ಪೊಪ್ಪ, ಅಮ್ಮ ಬೊಕ್ಕ ಒರಿ ಸಹೋದರೆ ಉಲ್ಲೆರ್.

Fishermen pelted with stones at Kanyakumari ಕನ್ಯಾಕುಮಾರಿಡ್ ಕುಡ್ಲದ ಮೀನುಗಾರೆರೆನ ಮಿತ್ತ್ ಕಲ್ಲ್ ದಕಿನ ಬಚ್ಚಾಲಿಲು

ಕುಡ್ಲ: ಕನ್ಯಾಕುಮಾರಿದ ಕಡಲ್ ಡ್ ಮೀನ್ ಪತೊಂದು ಇತ್ತಿನ ಕುಡ್ಲದ ಮೀನ್ ಗಾರೆರೆನ ಮಿತ್ತ್ ಬಚ್ಚಾಲಿಲು ಕಲ್ಲ್ ದಕ್ಕಿನ ಘಟನೆ ನಡತ್ಂಡ್.

ಈ ಕೃತ್ಯನ್ ತಮಿಳುನಾಡ್ ಮೂಲದ ಮೀನುಗಾರೆರ್ ಮಲ್ದೆರ್ ಪಂದ್ ತೆರಿದ್ ಬೈದ್ಂಡ್. ಬೋಟ್ ಲೆಡ್ ಕಲ್ಲ್ ಕನತ್ ದ್ ದಕ್ಕುನ ವಿಡಿಯೋ ಇತ್ತೆ ವೈರಲ್ ಆತ್ಂಡ್. ‌

Fishermen pelted with stones at Kanyakumari

Manglore: Mangalore fishermen who were out fishing in waters near Kanyakumari,were pelted stones by miscreants.

Reports say that these persons were fishermen from Tamilnadu.A video of the same has become viral on social media.

Amit Shah gets “prasada” from Dharmasthala ಅಮಿತ್ ಶಾಗ್ ಧರ್ಮಸ್ಥಳ ಶ್ರೀ ಮಂಜುನಾಥ ಸ್ವಾಮಿನ ಪ್ರಸಾದ

ಬೊಲ್ತೇರ್: ಮಾಜಿ ಸಚಿವೆರ್ ಈಶ್ವರಪ್ಪ ಶ್ರೀಕ್ಷೇತ್ರ ಧರ್ಮಸ್ಥಳಗ್ ಫೆ.11 ಕ್ ಭೇಟಿ ಕೊರ್ದು ಶ್ರೀ ಮಂಜುನಾಥ ದೇವೆರೆನ ದರ್ಶನ ಪಡೆಯೆರ್.

ಅಂಚೆನೆ ಧರ್ಮಾಧಿಕಾರಿ ವೀರೇಂದ್ರ ಹೆಗ್ಗಡೆರೆನ್ ಭೇಟಿ ಮಲ್ತೆರ್. ಈ ಪೊರ್ತುಡು ಹೆಗ್ಗಡೆರ್ ಕೇಂದ್ರ ಗೃಹ ಸಚಿವೆರ್ ಅಮಿತ್ ಶಾ ಗ್ ಕೊರಿಯೆರೆ ಇಪ್ಪುನ ಪ್ರಸಾದನ್ ಈಶ್ವರಪ್ಪ ಮೆರೆಡ ಕೊರ್ದು ಕಡಪಾದೆರ್. ಇನಿ ಬಯ್ಯಗ್ ಕುಡ್ಲಡ್ ನಡಪರೆ ಇಪ್ಪುನ ಬಿಜೆಪಿ ಸಭೆತ ಪೊರ್ತುಡು ಅಮಿತ್ ಶಾಗ್ ಧರ್ಮಸ್ಥಳದ ಮಂಜುನಾಥನ ಪ್ರಸಾದನ್ ಈಶ್ವರಪ್ಪ ಮೇರ್ ಕೊರಿಯೆರೆ ಉಲ್ಲೆರ್.

Amit Shah gets “prasada” from Dharmasthala

Beltangady: Former minister Eshwarappa visited Dharmasthala on February 11 th and visited the Sri Manjunatheshwara temple.
Later he met Sri Veerendra Heggade who handed over prasada from the temple to be given to Amit Shah when he will attend a meeting with the latter at Mangalore.

Air India to buy 500 planes 500 ಇಮಾನ ಕ್ರಯೊಗು ದೆತೊನರೆ ಉಂಡು ಏರ್ ಇಂಡಿಯಾ

ಇಮಾನ ತಯಾರ್ ಮಲ್ಪುನ 2 ಕಂಪೆನಿಲಾಯಿನ ಫ್ರಾನ್ಸ್ ಏರ್ ಬಸ್ ಬೊಕ್ಕ ಬೋಯಿಂಗ್ ರ್ದ್ 500 ಇಮಾನಲೆನ್ ದೆತೊನುನ ಒಪ್ಪಂದಗ್ ಏರ್ ಇಂಡಿಯಾ ಸೈನ್ ಪಾಡ್ದ್ಂಡ್.‌

ಏರ್ ಇಂಡಿಯಾ ಇಮಾನ ದೆತೊನಿಯೆರೆ 100 ಶತಕೋಟಿ ಡಾಲರ್ ರ್ದ್ ಎಚ್ಚ ಖರ್ಚ್ ಮಲ್ಪೆರೆ ಉಂಡು. ಜಾಗತಿಕ ಕಂಪೆನಿಲೆಗ್ ಪೈಪೋಟಿ ಕೊರಿಯೆರೆ ಏರ್ ಇಂಡಿಯಾ ಈ ನಿರ್ಧಾರನ್ ದೆತೊಂದುಂಡು. ಈ ಒಪ್ಪಂದದ ಪ್ರಕಾರ, 250 ಇಮಾನಲೆನ್ ಫ್ರಾನ್ಸ್ ದ ಏರ್ ಬಸ್ ಬೊಕ್ಕ 250 ಇಮಾನಲೆನ್ ಬೋಯಿಂಗ್ ಕಂಪೆನಿ ಏರ್ ಇಂಡಿಯಾಗ್ ಕೊರಿಯರೆ ಉಂಡು.

Air India to buy 500 planes

Air India has signed a deal to buy 500 planes from Airbus company from France and Booing planes from USA.

The cost of the planes is said to be more 100 thousand dollars.This is to compete with other private companies said sources from Air India.

Bandi Jatra for Sri Mundithaya Daivas, Muloor from Feb 14-16 th. ಫೆ.14-16: ಮೂಳೂರು ಶ್ರೀ ಮುಂಡಿತ್ತಾಯ ದೈವೊಲ್ಯಡ್ ಕಾಲಾಧಿದ ಬಂಡಿ ಜಾತ್ರೆ

ಕುಡ್ಲ: ಗುರುಪುರ ಮೂಳೂರು ಶ್ರೀ ಮುಂಡಿತ್ತಾಯ ದೈವೊಲ್ಯಡ್ ಕಾಲಾಧಿದ ಬಂಡಿ ಜಾತ್ರೆ ಫೆ.14-16 ಮುಟ್ಟ ನಡಪರೆ ಉಂಡು.

ಫೆ.14 ಅಂಗಾರೆ ಬೊಲ್ಪುಗು ಭಂಡಾರ ಪಿದಡುಂಡು. ಬೊಕ್ಕ ಕೊಡಿ ಏರುಂಡು. ಅವೆರ್ದ್ ಬೊಕ್ಕ ಕಂಚಿಲ್ ಸೇವೆ ಬೊಕ್ಕ ಮಡಸ್ತಾನ ಸೇವೆ ನಡಪರೆ ಉಂಡು. ಮಧ್ಯಾಹ್ನ ಸಾರ್ವಜನಿಕ ಮಹಾ ಅನ್ನಸಂತರ್ಪಣೆ ನಡಪರೆ ಉಂಡು. ರಾತ್ರೆ ಮೈಸಂದಾಯ ದೈವೊದ ನೇಮ, ಮುಂಡಿತ್ತಾಯ ದೈವೊದ ನೇಮ, ಬಂಡಿ ತೇರ್ ಉಚ್ಚಯ, ಅಭಯ ಪ್ರಧಾನ ಬೊಕ್ಕ ಪ್ರಸಾದ ಕೊರಿಯೆರೆ ಉಂಡು. ಫೆ.15 ಬುಧಾರ ಧೂಮಾವತಿ, ಬಂಟ ಬೊಕ್ಕ ಪರಿವಾರ ದೈವೊಲೆನ ನೇಮ, ಅಭಯ ಪ್ರಧಾನ ಬೊಕ್ಕ ಪ್ರಸಾದ ಕೊರಿಯೆರೆ ಉಂಡು. ಫೆ.16 ಗುರುವಾರ ರಾತ್ರೆ ತುಡಾರ ಬಲಿ ಉಚ್ಚಯ, ಕೊಡಿ ಜಾವರೆ ಬೊಕ್ಕ ಭಂಡಾರ ಪೋವರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ಮುಡಿ ಗಂಧ ಪ್ರಸಾದ ದೆತೊಂದು ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಪ್ರಧಾನ ಗುರಿಕಾರೆರ್, ಆಡಳಿತ ಮೊಕ್ತೇಸರೆರ್ ಪ್ರಮೋದ್ ಕುಮಾರ್ ರೈ, ಗುತ್ತು ಯಜಮಾನೆರ್, ಸೇವೆದ ಇಲ್ಲದಕುಲು, ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್, ಪದಾಧಿಕಾರಿಲು ಬೊಕ್ಕ ಊರುದ ಪತ್ತ್ ಸಮಸ್ತೆರ್ ಲೆಪ್ಪೋಲೆಡ್ ತೆರಿಪಾದೆರ್.

Turkey Earth quake-death toll rises to 24,000 ಟರ್ಕಿ ಭೂಕಂಪ: ತೀರ್ ಪೋಯಿನಕ್ಲೆನ ಸಂಖ್ಯೆ 24 ಸಾರ..!

ಇಸ್ತಾಂಬುಲ್: ಟರ್ಕಿಡ್ ನಡತಿನ ಭೂಕಂಪಡ್ ತೀರ್ ಪೋಯಿನಕ್ಲೆನ ಸಂಖ್ಯೆ 24 ಸಾರಗ್ ಏರ್ ದ್ಂಡ್.

ಈ ಭೂಕಂಪದ ಬಿರ್ಸ್ ಡ್ ಕೆಲವು ಮಲ್ಲ ಕಟ್ವಾನಲು ನೆಲಸಮ ಆತ್ಂಡ್. ನೆರ್ದ್ ಸೈದಿನಕ್ಲೆನ ಸಂಖ್ಯೆ ನನಾತ್ ಎಚ್ಚಾಪುನ ಸಾಧ್ಯತೆ ಉಂಡು. ಅವ್ವತ್ತಂದೆ ಭಾರತ ಮಲ್ಲ ರಕ್ಷಣಾ ತಂಡನ್ ಟರ್ಕಿಗ್ ಕಡಪಾದ್ಂಡ್ ಪಂದ್ ತೆರಿದ್ ಬೈದ್ಂಡ್.

Turkey Earth quake-death toll rises to 24,000

Istanbul: The death toll in the devastating earthquake that hit Turkey has risen to 24,000.

Those trapped under the debris of the fallen buildings are still being rescued and the number of deaths is still likely to rise.
India has sent a contingent of special forces to aid in the rescue work.

Americans intercept another flying object ಕುಡೊಂಜಿ ರಾಪುನ ಪುಗ್ಗೆ ಪತ್ತೆ ಮಲ್ತಿನ ಅಮೆರಿಕ

ಚೀನಾದ ಪತ್ತೇದಾರಿ ಪುಗ್ಗೆದ ಬೊಕ್ಕ ಅಮೆರಿಕದ ಆಕಾಶಡ್ ಕುಡೊಂಜಿ ರಾಪುನ ಸೊತ್ತು ತೋಜಿದ್ ಬೈದ್ಂಡ್.

ಅಲಾಸ್ಕಾಡ್ 40000 ಅಡಿ ಎತ್ತರಡ್ ರಾಪುನ ಸೊತ್ತು ತೋಜಿದ್ ಬೈದ್ಂಡ್. ಆಯಿನ್ ಪುಡಾತ್ ದ್ ತಿರ್ತ್ ಪಾಡಿಯೆರೆ ಅಧ್ಯಕ್ಷೆರ್ ಜೋ ಬೈಡನ್ ಆದೇಶ ಕೊರ್ದು ಇತ್ತೆರ್. ಅಂಚಾದ್ ಅಮೆರಿಕದ ಯುದ್ಧ ಇಮಾನ ಅವೆನ್ ಪುಡಾತ್ ದ್ ತಿರ್ತ್ ಪಾಡ್ದ್ಂಡ್ ಪಂದ್ ಶ್ವೇತಭವನದ ವಕ್ತಾರೆರ್ ಜಾನ್ ಕಿರ್ಬಿ ಪಂಡೆರ್. ಅತ್ತಂದೆ ಈ ಸೊತ್ತು ಎಲ್ಯ ಕಾರ್ ದಾತ್ ಮಲ್ಲ ಉಂಡು ಪಂದ್ ಪಂಡೆರ್.

Americans intercept another flying object

After interception of an intelligence balloon of China ; the Americans have been able to ambush another flying object 40000 feet above ground in Alaska.The president Joe Biden has ordered to destroy the object and ground it. The Americans fighter planes have exploded it said John Kerby announced from the White House.

An infant dies due to unavailability of an ambulance at the right time ಸರಿಯಾಯಿನ ಪೊರ್ತುಗು ಅಂಬುಲೆನ್ಸ್ ಬಾರಂದೆ ತೀರ್ ಪೋಯಿನ 4 ದಿನತ ಬಾಲೆ

ಸರಿಯಾಯಿನ ಪೊರ್ತುಗು ಅಂಬುಲೆನ್ಸ್ ಬಾರಂದೆ 4 ದಿನತ ಬಾಲೆ ತೀರ್ ಪೋಯಿನ ಘಟನೆ ಮೈಸೂರ್ ಜಿಲ್ಲೆದ ಹೆಚ್.ಡಿ. ಕೋಟೆ ತಾಲೂಕ್ ದ ಬುಂಡನಮಾಳ ಗ್ರಾಮಡ್ ನಡತ್ಂಡ್.

ಮದ ಶೀಲಾ ಬೊಕ್ಕ ಮಹದೇವಸ್ವಾಮಿ ದಂಪತಿಲೆನ ಬಾಲೆ ಉಸುಲುದ ಸಮಸ್ಯೆರ್ದ್ ನರಲೊಂದು ಇತ್ಂಡ್. ಆಸ್ಪತ್ರೆಗ್ ಲೆತೊಂದು ಪೋಯೆರ ಅಂಬುಲೆನ್ಸ್ ಸಿಬ್ಬಂದಿಗ್ ಪೋನ್ ಮಲ್ತ್ಂಡಲ ಬೇಗ ಬಾರಂದೆ, ಬತ್ತಿನ ಅಂಬುಲೆನ್ಸ್ ಡ್ ಸರಿಯಾಯಿನ ಮೂಲ ಸೌಕರ್ಯ ಇಜ್ಜಂದೆ ಬಾಲೆ ತೀರ್ ಪೊತ್ಂಡ್ ಪಂದ್ ತೆರಿದ್ ಬೈದ್ಂಡ್.