Tulu News

LPG gas cylinder for rupees 500- CM Ashok Gehlot 500ರೂ. ಗ್ ಎಲ್ ಪಿಜಿ ಸಿಲಿಂಡರ್: ಸಿಎಂ‌ ಅಶೋಕ್ ಗೆಹ್ಲೋಟ್ ಘೋಷಣೆ

ರಾಜಸ್ಥಾನ ಸಿಎಂ ಅಶೋಕ್ ಗೆಹ್ಲೋಟ್ ಇನಿ ಬಜೆಟ್ ಮಂಡನೆ ಮಲ್ದೆರ್.

ರಾಜ್ಯದ ಜನಕ್ಕ್ 100 ಯೂನಿಟ್ ಗ್ ಧರ್ಮಾರ್ಥವಾದ್ ಕರೆಂಟ್ ಬೊಕ್ಕ 76 ಲಕ್ಷ ಕುಟುಂಬಲೆಗ್ 500 ರೂ. ಗ್ ಎಲ್ ಪಿಜಿ ಸಿಲಿಂಡರ್ ಕೊರ್ಪ ಪಂದ್ ಘೋಷಣೆ ಮಲ್ದೆರ್. ಕಲ್ಪಾರ್ಥಿಲೆನ ಶಾಲೆದ ಬಸ್ ಪಾಸ್ ನ್ 50ರ್ದ್ 75 ಕಿ.ಮೀ ಗ್ ಎಚ್ಚ ಮಲ್ದ್ಂಡ್. ನನ ಫೆ.17 ಕ್ ಸಿಎಂ ಬೊಮ್ಮಾಯಿ ಕರ್ನಾಟಕ ಬಜೆಟ್ ಮಂಡನೆ ಮಲ್ಪೆರೆ ಉಲ್ಲೆರ್. ಆನಿ ಸಿಲಿಂಡರ್ ಬಿಲೆ ಕಮ್ಮಿ ಮಲ್ಪೆರೆ ಪನ್ಪುನ ನಿರೀಕ್ಷೆ ಉಂಡು.

LPG gas cylinder for rupees 500- CM Ashok Gehlot

Rajasthan CM Ashok Gehlot presented the state budget today.He announced that electricity consumption upto 100 units would be free and 76 lakh families will get LPG cylinders for rupees 500.Free bus pass for students has been increased upto 75 kms.

February 12: Special lecture arranged for SSLC students ಫೆ.12: ಹಾವಂಜೆ, ಉಪ್ಪೂರು, ಕುಕ್ಕೆಹಳ್ಳಿ ಗ್ರಾಮ ವ್ಯಾಪ್ತಿದ ಎಸ್ ಎಸ್ ಎಲ್ ಸಿ ಜೋಕುಲೆಗಾದ್ ಉಪನ್ಯಾಸ ಲೇಸ್

ಹಾವಂಜೆ, ಉಪ್ಪೂರು, ಕುಕ್ಕೆಹಳ್ಳಿ ಗ್ರಾಮ ವ್ಯಾಪ್ತಿದ ಎಸ್ ಎಸ್ ಎಲ್ ಸಿ ಜೋಕುಲೆಗಾದ್ ಉಪನ್ಯಾಸ ಲೇಸ್ ಫೆ.12 ಐತಾರ ಬೊಲ್ಪುಗು 9 ಗಂಟೆರ್ದ್ 11 ಗಂಟೆ ಮುಟ್ಟ ಹಾವಂಜೆ ಶ್ರೀ ಮಂಜುನಾಥ ಸಭಾ ಭವನಡ್ ನಡಪರೆ ಉಂಡು.

ಈ ಲೇಸ್ ಡ್ ಜೋಕುಲೆಗ್ ಕಾಲೇಜ್ ಉಪನ್ಯಾಸಕೆರ್ ಡಾ. ಗಣೇಶ್ ಪ್ರಸಾದ್ ಜಿ ನಾಯಕ್ ಉಪನ್ಯಾಸ ಕೊರಿಯೆರೆ ಉಲ್ಲೆರ್.

Senior politician T John no more ಪೆರಿಯ ರಾಜಕಾರಣಿ ಟಿ. ಜಾನ್ ನನ ನೆಂಪು ಮಾತ್ರ

ಬೆಂಗ್ಲೂರ್: ಪೆರಿಯ ರಾಜಕಾರಣಿ ಟಿ. ಜಾನ್ (92) ಬೆಂಗ್ಲೂರ್ ದ ತನ್ನ ಇಲ್ಲಲ್ ಇನಿ ತೀರ್ ಪೋಯೆರ್.

ಕೇರಳ ಮೂಲದ ಟಿ.ಜಾನ್ ಕೊಡುಗೈ ದಾನಿ ಪಂದೇ ಪುದರ್ ಪಡೆಯಿನ ಮೇರ್ ಬಂಗಡ್ ಇಪ್ಪುನಕ್ಲೆಗ್ ಸಕಾಯ ಮಲ್ಪುನ ಮುಖೇನ ಮಸ್ತ್ ಜನತ್ತ ಮನಸ್ಸ್ ನ್ ಗೆಂದ್ ದೆರ್. ಅತ್ತಂದೆ ಎಸ್ ಎಂ ಕೃಷ್ಣ ಸಂಪುಟಡ್ ಸಚಿವೆರಾದಿತ್ತೆರ್. ಅಬಕಾರಿ ಉದ್ಯಮದ ಮುಖೇನ ಪುದರ್ ಪಡೆತೆರ್. ಮೆರೆನ ಅಕೇರಿದ ಕ್ರಿಯೆ (ಎಲ್ಲೆ) ಸನಿಯಾರ ಬೆಂಗ್ಲೂರ್ ಡ್ ನಡಪರೆ ಉಂಡು ಪಂದ್ ಕುಟುಮದ ಮೂಲಲು ಪೊಲಬು ಕೊರ್ತೆರ್.

Senior politician T John no more

Bangalore: Senior politician T John (92) expired today at Bangalore.
Hailing from Kerala he was known for his philanthropy.He was also a minister in SM Krishna’s cabinet.

S.S.L.V-D2 rocket launch by ISRO successful ಇಸ್ರೋದ ಎಸ್ ಎಸ್ ಎಲ್ ವಿ- ಡಿ2 ರಾಕೆಟ್ ಉಡಾವಣೆ ಯಶಸ್ವಿ

ಶ್ರೀಹರಿಕೋಟಾ: ಇಸ್ರೋ ಎಸ್ ಎಸ್ ಎಲ್ ವಿ- ಡಿ2 ರಾಕೆಟ್ ದ ಉಡಾವಣೆನ್ ಯಶಸ್ವಿಯಾದ್ ಮಲ್ದ್ಂಡ್.

ಶ್ರೀಹರಿಕೋಟಾಡ್ ಇಪ್ಪುನ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರರ್ದ್ ಮೂಜಿ ಉಪಗ್ರಹಲೆನ್ ಪತ್ತೊಂದು ರಾಕೆಟ್ ದುಂಬು ಪೊತ್ತೊಂಡು. ಇತ್ತೆ ಮೂಜಿ ಉಪಗ್ರಹಲೆನ್ ಕಮ್ಮಿ ಕರ್ಚಿಡ್ ಕಕ್ಷೆಗ್ ಸೇರ್ಸಾಯೆರೆ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್. ‌

S.S.L.V-D2 rocket launch by ISRO successful

Sriharikota : The S.S.L.V.D2 launched by ISRO from their Satish Dawan Space centre Sriharikota was successful.The rocket carrying three satellites into space.

United Toyata brings out Innova Hycross ಯುನೈಟೆಡ್ ಟೊಯೋಟಾ ಡೀಲರ್‌ಶಿಪ್ ದ ಇನಿ ಇನ್ನೋವಾ ಹೈಕ್ರಾಸ್, ಸ್ವಯಂ ಚಾರ್ಜಿಂಗ್ ಸ್ಟ್ರಾಂಗ್ ಹೈಬ್ರಿಡ್ ಎಲೆಕ್ಟ್ರಿಕ್ ವೆಹಿಕಲ್ ನ್ ಬುಡುಗಡೆ

ಕುಡ್ಲ: ಯುನೈಟೆಡ್ ಟೊಯೋಟಾ ಡೀಲರ್‌ಶಿಪ್ ಇನಿ ಇನ್ನೋವಾ ಹೈಕ್ರಾಸ್, ಸ್ವಯಂ ಚಾರ್ಜಿಂಗ್ ಸ್ಟ್ರಾಂಗ್ ಹೈಬ್ರಿಡ್ ಎಲೆಕ್ಟ್ರಿಕ್ ವೆಹಿಕಲ್ (SHEV) ನ್ ಬುಡುಗಡೆ ಮಲ್ಪುನ ಮುಖೇನ ಇನ್ನೋವಾ ಪ್ರಯಾಣದ ಪೊಸ ಯುಗನ್ ಸುರು ಮಲ್ದ್ಂಡ್.

ಟೊಯೊಟಾ ನ್ಯೂ ಗ್ಲೋಬಲ್ ಆರ್ಕಿಟೆಕ್ಚರ್ (ಟಿಎನ್‌ಜಿಎ) ದ, ಇಂಚಿಪ್ಪದ ಇನ್ನೋವಾ ಟೊಯೊಟಾ ಜಾಗತಿಕವಾದ್ ಗುರುತಿಸಾಯಿನ ಗುಣಮಟ್ಟ, ಬಾಳಿಕೆ ಬೊಕ್ಕ ಸುಧಾರಿತ ತಂತ್ರಜ್ಞಾನದ ಬೆಂಬಲದೊಟ್ಟಿಗೆ ಭಾರತದ ಗ್ರಾಹಕೆರೆನ್ ಆಕರ್ಷಣೆ ಮಲ್ದ್ಂಡ್. TNGA 2.0 ಲೀಟರ್ 4-ಸಿಲಿಂಡರ್ ಗ್ಯಾಸೋಲಿನ್ ಎಂಜಿನ್ ಬೊಕ್ಕ 137 kW (186 PS) ಎಚ್ಚದ ಕರೆಂಟ್ ಉತ್ಪತ್ತಿನ್ ಕೊರ್ಪುನ ಇ-ಡ್ರೈವ್ ಸೀಕ್ವೆನ್ಷಿಯಲ್ ಶಿಫ್ಟ್‌ದೊಟ್ಟಿಗೆ ಮೊನೊಕಾಕ್ ಫ್ರೇಮ್‌ದೊಟ್ಟಿಗೆ 5 ನೇ ತಲೆಮಾರ್ ದ ಸ್ವಯಂ ಚಾರ್ಜಿಂಗ್ ಸ್ಟ್ರಾಂಗ್ ಹೈಬ್ರಿಡ್ ಎಲೆಕ್ಟ್ರಿಕ್ ಸಿಸ್ಟಮ್‌ರ್ದ್ ಪೊಸ Innova HyCross ಬೈದ್ಂಡ್. ಈ ಗಾಡಿ TNGA 2.0 ಲೀಟರ್ 4-ಸಿಲಿಂಡರ್ ಗ್ಯಾಸೋಲಿನ್ ಎಂಜಿನ್‌ದ ಆಯ್ಕೆದೊಟ್ಟಿಗೆ ಬರ್ಪುಂಡು. ಉಂದು 128 kW (174 PS) ಉತ್ಪತ್ತಿನ್ ಕೊರ್ಪುನ ಶ್ರೇಣಿಲೆಡ್ ಸೀದಾ ಶಿಫ್ಟ್ CVT ಗ್ ಜೋಡಣೆ ಆತ್ಂಡ್.

ಇನ್ನೋವಾ ಹೈಕ್ರಾಸ್‌ದ ಪ್ರಮುಖ ಲಕ್ಷಣಲು:
1.ಸ್ವಯಂ ಚಾರ್ಜಿಂಗ್ ಸ್ಟ್ರಾಂಗ್ ಹೈಬ್ರಿಡ್ ಎಲೆಕ್ಟ್ರಿಕ್ ಗಾಡಿದ TNGA 2.0-ಲೀಟರ್ ಎಂಜಿನ್ ದೊಟ್ಟಿಗೆ ಟೊಯೋಟಾ ಹೈಬ್ರಿಡ್ ಸಿಸ್ಟಮ್ (THS) ಬೊಕ್ಕ ಇ-ಡ್ರೈವ್ ಟ್ರಾನ್ಸ್‌ಮಿಷನ್ ದೊಟ್ಟಿಗೆ 137 kW (186 PS) ಇಪ್ಪುಂಡು.
2. ಗ್ಯಾಸೋಲಿನ್ ಶ್ರೇಣಿಲು 128 kW (174 PS) (186 PS) ಉತ್ಪತ್ತಿನ್ ಕೊರ್ಪುನ TNGA 2.0 ಲೀಟರ್ ಎಂಜಿನ್‌ದೊಟ್ಟಿಗೆ ಬರ್ಪುಂಡು.
3.ಪನೋರಮಿಕ್ ಸನ್‌ರೂಫ್
4.ಮಲ್ಲ TFT ದ ಪೊಲಬು ಪ್ರದರ್ಶನ
5.ಡ್ರೈವರ್ ಸೀಟ್ ಮೆಮೊರಿ ಬೊಕ್ಕ ಸ್ಲೈಡ್ ರಿಟರ್ನ್, ಅವೇ ಫಂಕ್ಷನ್
6.ಟೊಯೋಟಾ ಸಂಪರ್ಕ ಇಪ್ಪುನ ಕಾರ್ ತಂತ್ರಜ್ಞಾನ, iConnect
7.ಟೊಯೋಟಾ ಸೇಫ್ಟಿ ಸೆನ್ಸ್ TM (TSS) ಸುರಕ್ಷತಾ ವಿಶೇಷತೆಲು ಇಪ್ಪುನ (ಡೈನಾಮಿಕ್ ರಾಡಾರ್ ಕ್ರೂಸ್ ಕಂಟ್ರೋಲ್, ಲೇನ್ ಟ್ರೇಸ್ ಅಸಿಸ್ಟ್, ರಿಯರ್ ಕ್ರಾಸ್ ಟ್ರಾಫಿಕ್ ಅಲರ್ಟ್, ಬ್ಲೈಂಡ್ ಸ್ಪಾಟ್ ಮಾನಿಟರ್, ಪ್ರಿ-ಕೊಲಿಶನ್ ಸಿಸ್ಟಮ್, ಆಟೋ ಹೈ ಬೀಮ್)
8. 6 SRS ಏರ್‌ಬ್ಯಾಗ್‌ಲು
9. ಗಾಡಿದ ಸ್ಥಿರತೆ ನಿಯಂತ್ರಣ (VSC) ಬೊಕ್ಕ ಹಿಲ್ ಸ್ಟಾರ್ಟ್ ಅಸಿಸ್ಟ್
10.ಆಟೋ ಹೋಲ್ಡ್ ದೊಟ್ಟಿಗೆ ಎಲೆಕ್ಟ್ರಾನಿಕ್ ಪಾರ್ಕಿಂಗ್ ಬ್ರೇಕ್ (EPB).
11.ಆಂಟಿಲಾಕ್ ಬ್ರೇಕಿಂಗ್ ಸಿಸ್ಟಮ್ (ABS) ದೊಟ್ಟಿಗೆ ಎಲೆಕ್ಟ್ರಾನಿಕ್ ಬ್ರೇಕ್‌ಫೋರ್ಸ್ ಡಿಸ್ಟ್ರಿಬ್ಯೂಷನ್ (EBD)
12. ಡೈನಾಮಿಕ್ ಬ್ಯಾಕ್ ಗೈಡ್‌ದೊಟ್ಟಿಗೆ ಪನೋರಮಿಕ್ ವ್ಯೂ ಮಾನಿಟರ್ ಉಂಡು.

United Toyata brings out Innova Hycross

Mangalore: United Toyata , Mangalore today brought out Innova Hycross ,self charging string hybrid electric vehicle.(SHEV).

Feb 11: Madukodi – Annual Kola of Koragajja ಫೆ.11: ಮಾದುಕೋಡಿ ಕೊರಗಜ್ಜನ ವರ್ಷಾಧಿದ ಕೋಲ

ಬಂಟ್ವಾಳ: ಮಾದುಕೋಡಿ ಸ್ವಾಮಿ ಕೊರಗಜ್ಜ ದೈವ ಸಾನಿಧ್ಯಡ್ ವರ್ಷಾಧಿದ ಕೋಲ ಫೆ.11 ಸನಿಯಾರ ನಡಪರೆ ಉಂಡು.

ಬೊಲ್ಪುಗು ಬೇತೆ ಬೇತೆ ಭಜನಾ ಮಂಡಳಿರ್ದ್ ಭಜನೆ ಸಂಕೀರ್ತನೆ ನಡಪರೆ ಉಂಡು. ಮಧ್ಯಾಹ್ನ ಪ್ರಸನ್ನ ಪೂಜೆ ಆದ್ ನುಪ್ಪು ಸೇವೆ ನಡಪರೆ ಉಂಡು. ಅವೆರ್ದ್ ಬೊಕ್ಕ ವಿಠಲ್ ನಾಯಕ್ ಕಲ್ಲಡ್ಕ ಬೊಕ್ಕ ಕೂಟದಕ್ಲೆರ್ದ್ ಗೀತ ಸಾಹಿತ್ಯ ಸಂಭ್ರಮ ನಡಪರೆ ಉಂಡು. ಬಯ್ಯಗ್ ಮಾನ್ವಿ ಮೆಲೋಡೀಸ್ ಅರ್ಪಣೆ ಮಲ್ಪುನ ಚರಣ್ ರಾಜ್ ಜಪ್ಪು ಬೊಕ್ಕ ಕೂಟದಕ್ಲೆರ್ದ್ ಭಕ್ತಿಲಹರಿ ಸುಗಮ ಸಂಗೀತ ನಡಪರೆ ಉಂಡು. ರಾತ್ರೆ ಕೊರಗಜ್ಜನ ಕೋಲ ಆದ್ ಪ್ರಸಾದ ಕೊರಿಯೆರೆ ಉಂಡು. ಅಂಚೆನೆ ಫೆ.13 ಸೋಮಾರ ಬಯ್ಯಗ್ 5 ಗಂಟೆಗ್ ಕೊರಗಜ್ಜಗ್ ವರ್ಷದ ಇಸೇಸ ಬೊಂಡದ ಅಭಿಷೇಕ ಬೊಕ್ಕ ಪೇರ್‌ದ ನುಪ್ಪು ಸೇವೆ ನಡಪರೆ ಉಂಡು. ಬೊಕ್ಕ ಬೇತೆ ಬೇತೆ ಕೂಟದಕ್ಲೆರ್ದ್ ನಲಿಕೆ ಭಜನೆ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್‌ದ್ ಸಿರಿಮುಡಿ ಕರಿಗಂಧ ಪ್ರಸಾದ ದೆತೊಂದು ಶ್ರೀ ದೈವೊದ ಕೃಪೆಗ್ ಪಾತ್ರರಾವೊಡು ಪಂದ್ ವಿಜಯ ಸುವರ್ಣ ಪೊಳಲಿ ಬೊಕ್ಕ ಶಿಷ್ಯ ವೃಂದ ಸಾಯಿ ಹೀಲಿಂಗ್ ಸೆಂಟರ್ ಮದುಕೋಡಿ ಲೆಪ್ಪೋಲೆಡ್ ತೆರಿಪಾದೆರ್.

Yahoo to lay off 20% of its workforce ಶೇಕಡ 20 ಸಿಬ್ಬಂದಿಲೆನ್ ಬೇಲೆರ್ದ್ ದೆತ್ತಿನ ಯ್ಯಾಹೂ ಸಂಸ್ಥೆ

ಕ್ಯಾಲಿಪೋರ್ನಿಯಾ: ಪುಗರ್ತೆದ ಯ್ಯಾಹೂ ಸಂಸ್ಥೆ ಶೇಕಡ 20 ದಾತು ಸಿಬ್ಬಂದಿಲೆನ್ ಬೇಲೆರ್ದ್ ದೆಪ್ಪರೆ ತೀರ್ಮಾನ ಮಲ್ತ್‌ದ್ಂಡ್.

ಸಂಸ್ಥೆದ ತಾಂತ್ರಿಕ ವಿಭಾಗಡ್ ಎಚ್ಚ ಬೇಲೆ ಇಜ್ಜಂದಿರ್ನೆದಾವೆರ ಈ ವಿಭಾಗದ ಶೇಕಡ 50 ಜನಕ್ ಪಿಂಕ್ ಸ್ಲಿಪ್ ಕೊರಿಯೆರೆ ತೀರ್ಮಾನ ಮಲ್ದ್ಂಡ್ ಪಂದ್ ತೆರಿದ್ ಬೈದ್ಂಡ್.

Yahoo to lay off 20% of its workforce

California: Yahoo has decided to lay off 20% of its workforce said media reports.
The cut will be more in its technical division,with more than 50% of the staff likely to get the pink slip .

Ola launches a new electric Scooter ಓಲಾದ ಪೊಸ ಎಲೆಕ್ಟ್ರಿಕ್ ಸ್ಕೂಟರ್ ಬುಡುಗಡೆ

ಓಲಾ ಪೊಸ ಎಲೆಕ್ಟ್ರಿಕ್ ಸ್ಕೂಟರ್‌ನ್ ಬುಡುಗಡೆ ಮಲ್ತ್‌ದ್ಂಡ್.

S1 ಶ್ರೇಣಿದ ಪೊಸ ಮಾದರಿದ 99999 ರೂ.‌ಬಿಲೆತ್ತ ಗಾಡಿಡ್ 2kWh ಬ್ಯಾಟರಿದ ಸಾಮರ್ಥ್ಯ ಉಂಡು.‌ ಒಂಜಿ ಸರ್ತಿ ಚಾರ್ಜ್ ಮಲ್ತ್ಂಡ 91KM ಪ್ರಯಾಣ ಮಲ್ಪೊಲಿ. ಅತ್ತಂದೆ S1 ಏರ್ ಪುದರ್ ಡ್ 3 ಮಾದರಿಲು ಬುಡುಗಡೆ ಆತ್ಂಡ್. 84999 ಬಿಲೆತ್ತ ಗಾಡಿಡ್ 2kWh ಬ್ಯಾಟ್ರಿ ಉಂಡು. 85KM ಬಿಲೆತ್ತ 3kWh ದಾತು ಬಲಿಪುಂಡು.‌99999 ಬಿಲೆತ್ತ ಗಾಡಿ 4kWh ದಾತು ಬ್ಯಾಟ್ರಿದ ಸಾಮರ್ಥ್ಯ ಉಂಡು.‌ ನೆತ್ತ ಬಿಲೆ 1.09 ಲಕ್ಷ ರೂ.‌ ಆತ್ಂಡ್.

Ola launches a new electric Scooter

The electric Scooter of S1 series is priced 99,999 and has a 2kwh battery.One charge will last upto 91 kms.

PM Narendra Modi to inaugurate two Vandey Barath trains ಪ್ರಧಾನಿ ಮೋದಿರ್ದ್ ಇನಿ ಉದಿಪನ ಆಯರೆ ಉಂಡು ರಡ್ಡ್ ವಂದೇ ಭಾರತ್ ರೈಲ್

ಪ್ರಧಾನಿ ಮೋದಿ ಇನಿ ಮಹಾರಾಷ್ಟ್ರಗ್ ಭೇಟಿ ಕೊರ್ದು, ಬೊಂಬೈ-ಸೊಲ್ಲಾಪುರ ಬೊಕ್ಕ ಬೊಂಬೈ-ಶಿರಡಿ ಪನ್ಪುನ ರಡ್ಡ್ ವಂದೇ ಭಾರತ್ ರೈಲ್‌ನ್ ಉದಿಪನ ಮಲ್ಪರೆ ಉಲ್ಲೆರ್.

ಈ ರೈಲ್‌ನ್ ಚೆನ್ನೈ ಐಸಿಎಫ್ ಕೋಚ್ ಫ್ಯಾಕ್ಟರಿಡ್ ತಯಾರ್ ಮಲ್ದೆರ್. ಅತ್ತಂದೆ ರಡ್ಡ್ ಸುರಂಗ ಯೋಜನೆನ್ ಮೋದಿ ದೇಶಗ್ ಕೊರಿಯರೆ ಉಲ್ಲೆರ್. ಇಡೇ ಮುಟ್ಟ ದೇಶಡ್ 8 ವಂದೇ ಭಾರತ್ ರೈಲ್ ಸವಾರಿ ಮಲ್ತೊಂದು ಇತ್ತ್ಂಡ್.

PM Narendra Modi to inaugurate two Vandey Barath trains

Two Vandey Barath trains–Mumbai – Sholapur and Mumbai – Shirdi Vandey Barath trains will be inaugurated by the PM in Maharashtra today .

The trains have been manufactured at ICF coach factory, Chennai.

Lithium reserves found for the first time in the country ದೇಶಡ್ ಸುರುತ ಸರ್ತಿ ಭಾರೀ ಪ್ರಮಾಣದ ಲಿಥಿಯಂ ಪತ್ತೆ

ಡೆಲ್ಲಿ: ದೇಶಡ್ ಸುರುತ ಸರ್ತಿ ಭಾರೀ ಪ್ರಮಾಣದ ಲಿಥಿಯಂ ನಿಕ್ಷೇಪ ಪತ್ತೆ ಆತ್ಂಡ್ ಪಂದ್ ಕೇಂದ್ರ ಸರ್ಕಾರ ಪ್ರಕಟಣೆಡ್ ತೆರಿಪಾದ್ಂಡ್.

ಜಮ್ಮು ಕಾಶ್ಮೀರದ ರಿಯಾಸಿ ಜಿಲ್ಲೆಡ್ ಈ ಬಿಲೆ ಬಾಳುನ ಖನಿಜ ಸಂಪತ್ತ್ (ಲಿಥಿಯಂ) ಪತ್ತೆ ಆತ್ಂಡ್. ನೆಟ್ಟ್ 5.9 ಮಿಲಿಯನ್ ಟನ್ ದಾತು ನಿಕ್ಷೇಪ ಉಂಡು ಪಂದ್ ಅಂದಾಜಿ ಮಲ್ತ್‌ದೆರ್. ಭಾರತದ ಭೂ ಗರ್ಭ ಅಧ್ಯಯನ ಇಲಾಖೆ ನೆನ್ ಪತ್ತೆ ಮಲ್ದ್ಂಡ್. ಉಂದೆನ್ ಇಲೆಕ್ಟ್ರಾನಿಕ್ ಗಾಡಿಲೆನ ಬ್ಯಾಟ್ರಿಡ್ ಗಲಸುವೆರ್. ಉಂದು ಬ್ಯಾಟ್ರಿದ ಪ್ರಮುಖ ಘಟಕ ಆತ್ಂಡ್.

Lithium reserves found for the first time in the country

Delhi: The union government has announced that large reserves of lithium have been discovered in in Riasi district of Jammu and Kashmir.It is estimated that about 5.9 million tonnes of deposits are found said sources from the Geological Survey of India.
Lithium is a key component in EV batteries.