Tulu News

Beltangady: Kothiraj climbs the 1,700 feet Gadaikallu in just two hours ಬೊಲ್ತೇರ್: ರಡ್ಡೇ ಗಂಟೆಡ್ 1700 ಅಡಿ ಎತ್ತರದ ಗಡಾಯಿಕಲ್ಲ್ ಬಡ್ತಿನ ಕೋತಿರಾಜ್

ಬೊಲ್ತೇರ್: ಕೋತಿ ರಾಜ್ ಯಾನೆ ದಿ ಮಂಕಿ ಮ್ಯಾನ್ ಪಂದೇ ಪುದರ್ ಪಡೆಯಿನ ಜ್ಯೋತಿರಾಜ್ ಮೇರ್ ಐತಾರ ರಡ್ಡೇ ಗಂಟೆಡ್ 1700 ಅಡಿ ಎತ್ತರದ ಗಡಾಯಿಕಲ್ಲ್ ನ್ ಸುರುತ ಸರ್ತಿ ಬರ್ತ್ ದ್ ದಾಖಲೆ ಮಲ್ದೆರ್.

ಐತಾರ ಬೊಲ್ಪುಗು ಬೊಲ್ತೇರ್ ತಾಲೂಕುದ ಚಂದ್ಕೂರು ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಡ್ ಪೂಜೆ ಸಂದಾದ್ ಬೊಕ್ಕ ದೇವಲ್ಯದ ಬಡಕಾಯಿ ಮೆಯಿರ್ದ್ 9.50 ಗು ತಾರಾಯಿ ಹಾಕ್ ದ್ ಬರ್ತಿಯೆರೆ ಸುರು ಮಲ್ತೆರ್.‌ ಸುಮಾರ್ 11.50 ತ್ತ ಪೊರ್ತುಗು ಗಡಾಯಿಕಲ್ಲ್ ದ ಕೊಡಿಕ್ ಬರ್ತ್ ದ್ ಕನ್ನಡ ನಾಡ್ ದ ಬಾವುಟನ್ ರಾಪಾದೆರ್. ಮೆರೆನ ಕೂಟದೊಟ್ಟಿಗೆ ಕುದುರೆಮುಖ ವನ್ಯಜೀವಿ ವಿಭಾಗದ ಆರ್.ಎಫ್.ಒ. ಸ್ವಾತಿ, ಅರಣ್ಯರಕ್ಷಕೆರ್ ಕಿರಣ್ ಪಾಟೀಲ ಇತ್ತೆರ್.

Beltangady: Kothiraj climbs the 1,700 feet Gadaikallu in just two hours

Monkey man Kothiraj alies Jyothi Raj has been able to scale the 1,700 feet Gadaikallu in just two hours on Sunday.
He started at 9.50 a.m after offering prayers at Sri Durgaparameshwari temple at Chandukoor and reached the top around 11.50 a m and hoisted the Karnataka flag on top of the summit.

Turkey Earth quake- 34,000 dead ಟರ್ಕಿ ಭೂಕಂಪ: ತೀರ್ ಪೋಯಿನಕುಲು 34 ಸಾರ ಜನ

ಇಸ್ತಾಂಬುಲ್: ಕರಿನ ಸೋಮಾರ ನಡತಿನ ಭೂಕಂಪಡ್ ತೀರ್ ಪೋಯಿನಕ್ಲೆನ ಸಂಖ್ಯೆ ಇತ್ತೆ 34 ಸಾರಗ್ ಏರ್ ದ್ಂಡ್.

ಕಟ್ವಾಣದ ಅಡಿಟ್ಟ್ ನನ ಕೆಲವು ಜನ ತಿಕೊಂದೆರ್ ಪಂದ್ ತೆರಿದ್ ಬೈದ್ಂಡ್. ಭೂಕಂಪರ್ದ್ ಬೊಕ್ಕ ಟರ್ಕಿಡ್ ತೆನಸ್ ದ ತೊಂದರೆ ಆವೊಂದು ಉಂಡು. ಅತ್ತಂದೆ ಭಯೋತ್ಪಾದಕೆರೆನ ಪೋಡಿಗೆರ್ದ್ ರಕ್ಷಣೆಗ್ ಬತ್ತಿನ ಇಸ್ರೇಲ್ ಪಡೆ ಟರ್ಕಿರ್ದ್ ಸ್ವದೇಶಗ್ ಪೋಯೆರೆ ತೀರ್ಮಾನ ಮಲ್ದ್ಂಡ್. ಬಂಡುಕೋರೆರೆನ ನಿಯಂತ್ರಣಡ್ ಇಪ್ಪುನ ಪ್ರದೇಶಡ್ ರಕ್ಷಣಾ ಕಾರ್ಯಾಚರಣೆಗ್ ಅಡ್ಡಿ ಮಲ್ತೊಂದು ಉಂಡು ಪಂದ್ ಇಸ್ರೇಲ್ ಪಂತ್ಂಡ್.

Turkey Earth quake- 34,000 dead

Istanbul: A week after the devastating earthquake in Turkey, the number of deaths has risen to 34,000.
Still rescue operations are on to bring out those trapped under the building debris.There is shortage of food and fear of terrorist attack has forced rescue forces from Israel to head back to their homeland.

2.60 crore worth diamond confiscated at Mangalore airport..!! ಕುಡ್ಲ ಇಮಾನ ನಿಲ್ದಾಣಡ್ 2.60 ಕೋಟಿ ರೂ. ಬಿಲೆತ್ತ ವಜ್ರ ವಶಕ್ಕ್..!!

ಕುಡ್ಲ: ಭಾರತರ್ದ್‌ ದುಬೈಗ್ ಇಮಾನಡ್ ಕಲ್ವ ತಾದಿಡ್ ಕೊನೊಂದು ಇತ್ತಿನ 2.60 ಕೋಟಿ ರೂ. ಬಿಲೆತ್ತ ವಜ್ರನ್ ಬೊಕ್ಕ ಕೊನೊಂದು ಇತ್ತಿನ ರಡ್ಡ್ ಜನನ್ ಕುಡ್ಲ ಇಮಾನ ನಿಲ್ದಾಣಡ್ ಭಾರತದ ಕಂದಾಯ ಗುಪ್ತಚರ ನಿರ್ದೇಶನಾಲಯದ ಅಧಿಕಾರಿಲು ಪತ್ ದೆರ್.

ದುಬೈಗ್ ಪೋವೊಂದಿತ್ತಿನ ಭಟ್ಕಳದ ಅನಾಸ್ ಬೊಕ್ಕ ಅಮ್ಮರ್ ಅಕ್ಲೆನ ಶೂ ಬೊಕ್ಕ ಬ್ಯಾಗ್ ದ ಅಡಿಟ್ ಸಂಸಯ ಬರಂದಿಲೆಕ ದೆಂಗಾದ್ ದೀದ್ ಕೊನೊಂದು ಇತ್ತೆರ್. ಈ ವಜ್ರನ್ ಮೊಕುಲು ಬೊಂಬೈರ್ದ್ ಕನದೆರ್ ಪಂದ್ ತೆರಿದ್ ಬೈದ್ಂಡ್.

2.60 crore worth diamond confiscated at Mangalore airport..!!

Mangalore: Two persons were arrested at the Mangalore international airport by the Directorate of Revenue intelligence when trying to smuggle diamonds from India to Dubai .The arrested have been identified as Anas and Amar from Bhatkal.

PM Modi inaugurated Aero India-2023 ಏರೋ ಇಂಡಿಯಾ- 2023 ನ್ ಉದಿಪನ ಮಲ್ತಿನ ಪ್ರಧಾನಿ ಮೋದಿ

ಬೆಂಗ್ಲೂರ್: ಪುಗರ್ತೆದ ಏರೋ ಇಂಡಿಯಾ-2023 ನ್ ಪ್ರಧಾನಿ ನರೇಂದ್ರ ಮೋದಿ ಇನಿ ಉದಿಪನ ಮಲ್ತೆರ್.‌

ಉಂದು 14ನೇ ವರ್ಷದ ವೈಮಾನಿಕ ಪ್ರದರ್ಶನ ಆತ್ಂಡ್.‌ ಯಲಹಂಕ ವಾಯು ನಿಲೆಟ್ ಈ ಪುಗರ್ತೆದ ಏರ್ ಶೋ ಅಟ್ಟಣೆ ಆತ್ಂಡ್. ಬೊಕ್ಕ ಮೋದಿ ಪಾತೆರ್ದ್, ರಕ್ಷಣಾ ಕ್ಷೇತ್ರಡ್ ಭಾರತ ಸಾಧನೆ ಮಲ್ತಿನ ಪ್ರಗತಿದ ಬಗೆಟ್ ತೆರಿಪಾಯೆರ್. ಜಗತ್ತ್ ದ 75 ರಾಷ್ಟ್ರಲೆಡ್ ಭಾರತ ರಕ್ಷಣಾ ಸೊತ್ತುಲೆನ್ ರಫ್ತು ಮಲ್ತೊಂದು ಉಂಡು ಪಂದ್ ಪಂಡೆರ್. ನೆರ್ದ್ ದುಂಬು ರಕ್ಷಣಾ ಸೊತ್ತುಲೆನ್ ದೆತೊನೊಂದು ಇತ್ಂಡ್ ಪಂದ್ ಪಂಡೆರ್. ಅತ್ತಂದೆ ಐನ್ ದಿನತ ಏರ್ ಶೋಡ್ 75,000 ಕೋಟಿ ರೂ. ದಾತ್‌ ವಾಣಿಜ್ಯ ವೈವಾಟ್ ನಿರೀಕ್ಷೆ ಮಲ್ದ್ಂಡ್.‌ 97 ದೇಶದ ಪ್ರತಿನಿಧಿನಕುಲು ಈ ಏರ್ ಶೋಡ್ ಪಾಲ್ ಪಡೆಯೆರೆ ಉಲ್ಲೆರ್. 251 ಒಪ್ಪಂದಗ್ ದಸ್ಕತ್ತ್ ಪಾಡುನ ಸಾಧ್ಯತೆ ಉಂಡು.

PM Modi inaugurated Aero India-2023

Bangalore: The much awaited Aero India- 2023 was inaugurated by PM Narendra Modi today.
This is the 14 th edition of the event is being held at Yelahanka Air Base in Bangalore.
Speaking after inaugurating the event he said the event will showcase our unlimited potential in defence.He also spoke of India’s achievement in Defence related issues.India intends to export Defence equipment to 75 countries the world over.Moreover the five day Air show is expected to bring in a revenue of 75,000 crores.Represtatives from 97 countries are participating in the event.More than 251 deals are to be finalized.

Feb 25th: ” Kattemarda Mantrajavade” Tulu Bakthi song series to be released ಫೆ.25: ಕಟ್ಟೆಮಾರ್ ದ ಮಂತ್ರಾಜಾವದೆ ತುಳು ಭಕ್ತಿ ಸುಗಿಪು ಬುಡುಗಡೆ

ಕಟ್ಟೆಮಾರ್ ಶ್ರೀ ಮಂತ್ರದೇವತೆ ಸಾನಿಧ್ಯದ ಧರ್ಮದರ್ಶಿಲಾಯಿನ ಮನೋಜ್ ಕಟ್ಟೆಮಾರ್‌ ಮೆರೆನ ದುಂಬತ್ತಿಕೆಡ್, ಶ್ರೀ ಚಿಂತಾಮಣಿ ಮ್ಯೂಸಿಕಲ್ ಹಬ್‌ ಮುಕ್ಲೆನ ಮುತಾಲಿಕೆಡ್ ಕಟ್ಟೆಮಾರ್ ದ ಮಂತ್ರಜಾವದೆ ಪನ್ಪಿ ತುಳು ಭಕ್ತಿ ಸುಗಿಪು ಫೆ.25 ಕ್ ಬುಡುಗಡೆ ಆವರೆ ಉಂಡು.

ಈ ಪದೊ ಸಿನಿಮಾ ರಂಗೊಡು ಬಾರಿ ಪುಗರ್ತೆ ಪಡೆಯಿನ‌ ಪೆರ್ಮೆದ ಗಾಯಕಿ ಅನುರಾಧ ಭಟ್ ಬೊಕ್ಕ ರಾಜೇಶ್ ಮುಡಿಪು ಮೆರೆನ ಸೊರ ಸಿಂಗಾರೊಡ್ ಮೂಡುದ್ ಬರ್ಪುಂಡು.

ಲತೀಶ್ ಮಿಜಾರ್ ಮೆರೆನ ಪೊರ್ಲ ಬರವುಡ್ ಮೂಡುದ್ ಬೈದಿನ ಈ ಪದೊ ಪ್ರಿಯರಂಜನ್ ಮೆರೆನ ನಿರ್ಮಾಣೊಡ್ ತಯಾರ್ ಆತ್ಂಡ್. ‌ಬೊಕ್ಕ ಕೆ.ಪಿ ಮಿಲನ್ ರಾಗಸಂಯೋಜನೆ ಮಲ್ದೆರ್. ಅಶ್ವಿನ್ ಬಾಬಣ್ಣ ಪುತ್ತೂರ್ ಸಂಗೀತ ಪಾಡ್ದೆರ್. ಪ್ರಚಾರಕಲೆ ಬೊಕ್ಕ ಸಂಕಲನನ್ ಸಂತೋಷ್ ಪುಚ್ಚೇರ್ ಮಲ್ದೆರ್.

ಈ ಕಲಾವಿದೆರೆಗ್ ನಿಕುಲು ಮಾತೆರೆನ್ಲಾ ಸಕಾಯ ಬೆರಿಬಲೊನ್ ಕೊರ್ದು, ಈ ಪದೊನ್ ಗೆಂದಾದ್ ಕೊರೊಡು. ‌ಅಂಚೆನೆ ಈ ಕಲಾ ಮನಸ್ಸ್ ಲೆನ ಕಲೆತ ಬೆನ್ನಿಗ್ ಎಡ್ಡೆಪ್ಪು ಬಯಕೊಡು ಪಂದ್ ಕೇನೊಂದೆರ್.

ವರದಿ: ಅಶ್ವಿನಿ ಟಿ ಕುರ್ನಾಡ್

Woman dies after her clothes gets entangled in a grinder ಚೂಡಿದಾರ್ ಶಾಲ್ ಗ್ರೈಂಡರ್ ಗ್ ತಿಕೊಂದು ತೀರ್ ಪೋಯೆರ್ ಪೊಂಜೋವ್

ಪುಟ್ಟುಪರ್ಬದ ದಿನನೇ ಚೂಡಿದಾರ್ ದ ಶಾಲ್ ಗ್ರೈಂಡರ್ ಗ್ ತಿಕೊಂದು ಪೊಂಜೋವ್ ಒರ್ತಿ ತೀರ್ ಪೋಯಿನ ಘಟನೆ ಮಂಜೇಶ್ವರದ ತೂಮಿನಾಡ್ ಡ್ ನಡತ್ಂಡ್.

ತೀರ್ ಪೋಯಿನಾರ್ ಜಯಶೀಲ (24) ಪಂದ್ ತೆರಿದ್ ಬೈದ್ಂಡ್. ಮೇರ್ ತೂಮಿನಾಡ್ ಡ್ ಇಪ್ಪುನ ಬೇಕರಿಡ್ ಬೇಲೆ ಮಲ್ತೊಂದು ಇತ್ತೆರ್. ಏಪಲದಲೆಕನೇ ಮಲ್ಲ ಗ್ರೈಂಡರ್‌ಡ್ ತಾರಾಯಿ ಪೆರೆವೊಂದು ಇಪ್ಪುನಗ ಮೆರೆನ ಚೂಡಿದಾರ್ ದ ಶಾಲ್ ತಿಕೊಂದುಂಡು. ಮಸ್ತ್ ಪೆಟ್ಟಾಯಿನ ಮೆರೆನ್ ಆಸ್ಪತ್ರೆಗ್ ದಾಖಲ್ ಮಲ್ತ್ಂಡಲ ಬದ್ ಕ್ ದ್ ಒರಿಜೆರ್.

T20 Women’s cricket World Cup – India win against Pakistan ಟಿ-20 ಮಹಿಳಾ ವಿಶ್ವ ಕಪ್: ಪಾಕಿಸ್ತಾನದ ಎದುರು ಗೆಂದಿನ ಭಾರತ

ಕೇಪ್ ಟೌನ್: ಟಿ- 20 ಪೊಣ್ಣುಲೆನ ವಿಶ್ವಕಪ್ ಕ್ರಿಕೆಟ್ ಪಂತೊಡು ಪಾಕಿಸ್ತಾನದ ಎದುರು ಭಾರತ ಗೆಂದ್ ದ್ಂಡ್.

ಟಾಸ್ ಗೆಂದ್ ದ್ ಸುರುಕು ಬ್ಯಾಟಿಂಗ್ ಮಲ್ತಿನ ಪಾಕ್ ಕೂಟದಕುಲು 4 ವಿಕೆಟ್ ನಷ್ಟಗ್ 149 ರನ್ ಮಲ್ದೆರ್. ಭಾರತ ಕೂಟದಕುಲು ಮೂಜಿ ವಿಕೆಟ್ ಕಲೆವೊಂದು ಪಾಕಿಸ್ತಾನದ ಎದುರು ಗೆಂದ್ ದೆರ್.‌
ಭಾರತದ ಆಟಗಾರ್ತಿ ಜೆಮಿಮಾ ರೋಡ್ರಿಗಸ್ ಪಂತೊದ ಶ್ರೇಷ್ಠ ಪ್ರಶಸ್ತಿಗ್ ಪಾತ್ರರಾತೆರ್.‌

T20 Women’s cricket World Cup -India win against Pakistan

Cape Town: In the women’s world cup T20 cricket match India won the toss and decided to bat.India won the match by seven wickets.

Children out for play; saw an idol in the bush ಚೆಂಡ್ ಪೆಜ್ಜರೆ ಪೋನಗ ಜೋಕ್ಲೆಗ್ ತೋಜಿಂಡ್ ದೇವೆರ್ನ ಪಂಚ ಲೋಹದ ಮೂರ್ತಿ!

ಮಂಜೇಶ್ವರ: ರಡ್ಡ್ ವರ್ಷದ ಪಿರವು ನಾಪತ್ತೆ ಆದಿತ್ತಿನ ದೇವೆರ್ನ ಪಂಚಲೋಹದ ಮೂರ್ತಿ ಇಂಚೊಗು ಬಲ್ಲೆಡ್ ಪತ್ತೆ ಆತ್ಂಡ್.

ಮಂಜೇಶ್ವರದ ಚಿಗುರುಪಾದೆ ಶ್ರೀ ಮಹಾಲಿಂಗೇಶ್ವರ ದೇವಲ್ಯರ್ದ್ ರಡ್ಡ್ ವರ್ಷದ ಪಿರವು ಪಂಚಲೋಹದ ಉಚ್ಚಯ ಮೂರ್ತಿ ಕಂಡ್ ದ್ ಪೋಯಿನವು ತಿಕ್ ದ್ ಇಜ್ಜಂಡ್. ಆಂಡ ಫೆ.9 ಬಯ್ಯಗ್ ಮುಲ್ಪ ಜೋಕುಲು ಫುಟ್ಬಾಲ್‌ ಗೊಬ್ಬೊಂದು ಇಪ್ಪುನಗ ಬಾಲ್ ಬಲ್ಲೆಗ್ ಪೋತ್ಂಡು. ಅವೆನ್ ಪೆಜ್ಜೆರೆ ಪೋನಗ ಮೂರ್ತಿ ಪತ್ತೆ ಆತ್ಂಡ್. ಈ ಇಸಯ ತೆರಿದ್ ದೇವಲ್ಯದ ಸಮಿತಿದಕುಲು ಮೂರ್ತಿನ್ ದೇವಲ್ಯಗ್ ಕೊನೊತೆರ್. ಈ ಬಗೆಟ್ ಪೊಲೀಸ್ ಕೇಸ್ ಲ ದಾಖಲ್ ಆದಿತ್ತ್ಂಡ್.

Children out for play; saw an idol in the bush

Manjeshwara: An idol missing and stolen from the past two years from the Mahalingeshwara temple in Manjeshwara was discovered by children out to get their ball from the bushes on February 9 th.The authorities from the temple have taken back the idol and a case has been registered with the police.

Radio Manipal to air a program on the role of grama panchayat in the bifurcation of plastic waste. ರೇಡಿಯೊ ಮಣಿಪಾಲ್ ಪ್ಲಾಸ್ಟಿಕ್ ಕಜವು ವಿಲೇವಾರಿಡ್ ಗ್ರಾಮ ಪಂಚಾಯತ್ ಪಾತ್ರದ ಬಗೆಟ್ ಪೊಲಬು

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಲೂರ್ ನೆತ್ತ ಮುತಾಲಿಕೆಡ್ ಶುದ್ಧ ಜಲ, ಸ್ವಚ್ಛ ನೆಲ, ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್ ಫೆ.11 ಸನಿಯಾರ ಬಯ್ಯಗ್ 6 ಗಂಟೆಗ್ ಪ್ಲಾಸ್ಟಿಕ್ ಕಜವು ನಿರ್ವಹಣೆಡ್ ಗ್ರಾಮ ಪಂಚಾಯತ್ ದ ಪಾತ್ರದ ಬಗೆಟ್ ಕಾರ್ಯಕ್ರಮ ಪ್ರಸಾರ ಆಂಡ್.

ಈ ಲೇಸ್ ಡ್ ಹೆಬ್ರಿ ಗ್ರಾಮ ಪಂಚಾಯತ್ ದ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಸದಾಶಿವ ಸರ್ವೆಗಾರ್ ಎಡ್ಮಡ್ಕ ಬೊಕ್ಕ ಬಡಗಬೆಟ್ಟು ಎಸ್.ಎಲ್.ಆರ್.ಎಂ ದ ಮೇಲ್ವಿಚಾರಕೆರ್ ಶ್ರೀದೇವಿ ಪಾಲ್ ಪಡೆಯೆರ್. ನನ ಫೆ.12 ಕ್ ಮಧ್ಯಾಹ್ನ 2 ಗಂಟೆಗ್ ಮರುಪ್ರಸಾರ ಆಪುಂಡು.

Fire at a fast food store in Kumpala ಕುಂಪಲ ಫಾಸ್ಟ್ ಫುಡ್ ಅಂಗಡಿಡ್ ತೂ

ಕುಡ್ಲ: ಫಾಸ್ಟ್ ಫುಡ್ ಅಂಗಡಿಡ್ ಶಾರ್ಟ್‌ ಸರ್ಕ್ಯೂಟ್‌ಡ್ ಅಂಗಡಿಗ್ ತೂ ಪೊತ್ತಿನ ಘಟನೆ ಕುಂಪಲ ಬಾಲಕೃಷ್ಣ ಮಂದಿರದ ಕೈತಲ್ ನಡತ್ಂಡ್.

ತೂ ತೋಜಿಲೆಕ್ಕನೇ ಸುರುಕು ಕೈತಲ್ ದಕುಲು ತೂ ತೆಕ್ಕಾದೆರ್. ಬೊಕ್ಕ ಇಸಯ ತೆರಿದ್ ಜಾಗೆಗ್ ಬತ್ತಿನ ಅಗ್ನಿ ಶಾಮಕದಳತ್ತ ಸಿಬ್ಬಂದಿ ತೂ ತೆಕ್ಕಾದೆರ್. ಈ ಘಟನೆದ ಜಾಗೆಗ್ ಉಳ್ಳಾಲ ಠಾಣೆದ ಪೊಲೀಸೆರ್ ಭೇಟಿ ಕೊರ್ದು ಪರಿಶೀಲನೆ ನಡಪಾದೆರ್.

Fire at a fast food store in Kumpala

Mangalore: Fire at a fast food store due to short circuit was reported from Kumpala near Balakrishna mandir.
Fire fighters came in to douse out the fire.Police from Ullal station visited and inspected the spot.