Tulu News

” Gruha Jyothi” Yojana- Here are answers to all your questions ಫ್ರೀ ಕರೆಂಟ್ ದ “ಗೃಹಜ್ಯೋತಿ” ಯೋಜನೆದ ಬಗೆಟ್ಟ್ ನಿಕ್ಲೆನ ಪ್ರಶ್ನೆಗ್ ಮೂಲುಂಡು ಉತ್ತರ

ರಾಜ್ಯಡ್ ಕಾಂಗ್ರೆಸ್ ಸರ್ಕಾರ ಜಾರಿ ಮಲ್ತಿನ 5 ಗ್ಯಾರಂಟಿಲೆಡ್ ಧರ್ಮೊಗು ಕರೆಂಟ್ ಪನ್ಪಿನ ಗೃಹಜ್ಯೋತಿ ಯೋಜನೆದ ಬಗೆಟ್ಟ್ ಜನಕ್ಲೆಗ್ ಕೆಲವೊಂಜಿ ಗೊಂದಲ ಉಂಡು. ಅವೆನ್ ಸಿಎಂ ಬೊಕ್ಕ ಡಿಸಿಎಂ ಸರಿ ಮಲ್ದೆರ್.

ಅಂಚೆನೆ ಈ ಯೋಜನೆದ ಬಗೆಟ್ಟ್ ತಪ್ಪು ಮಾಹಿತಿಗ್ ಸಾರ್ವಜನಿಕೆರ್ ಬಲಿ ಆವೊರ್ಚಿ. ಬಾಡಿಗೆ ಇಲ್ಲ್ ದಕ್ಲ ಮಾರ್ಗಸೂಚಿನ್ ಅನುಸರಿಸಾದ್ ಈ ಯೋಜನೆದ ಪ್ರಯೋಜನನ್ ಪಡೆವೊಲಿ ಪಂದ್ ಸಿಎಂ ಸಿದ್ದರಾಮಯ್ಯ, ಉಪಮುಖ್ಯಮಂತ್ರಿ ಡಿ.ಕೆ ಶಿವಕುಮಾರ್ ಪಂತೆರ್.

ಅತ್ತಂದೆ ಈ ಬಗೆಟ್ ಇಂಧನ ಮಂತ್ರಿಲು ಕೆ.ಜೆ ಜಾರ್ಜ್ ಮೇರ್ ಸರಿಯಾಯಿನ ಪೊಲಬು ಕೊರ್ದು, ಮಾತ ಸಂಶಯನ್ ಸರಿ ಮಲ್ದೆರ್.

ಈ ಯೋಜನೆ ಪಡೆಯೆರೆ ದಾದ ಮಲ್ಪೊಡು?

ಪ್ರತಿ ಇಲ್ಲಡ್ ಕರೆಂಟ್ ಗಲಸುನ ಗ್ರಾಹಕೆರ್ ಸೇವಾ ಸಿಂಧು ವೆಬ್‌ಸೈಟ್ ಡ್ ನೊಂದಣಿ ಮಲ್ಪೊಡು. ನೆತ್ತ ಲಿಂಕ್ ಆಯಿನಾತ್ ಬೇಗ ಶೇರ್ ಆಪುಂಡು.

ಅರ್ಜಿನ್ ಒಲ್ಪ, ಏಪ ಸಂದಾವೊಡು?

ಆನ್ ಲೈನ್ ಡ್ ಆಂಡ ರಾಜ್ಯ ಸರ್ಕಾರದ ಸೇವಾ ಸಿಂಧು ವೆಬ್‌ಸೈಟ್ ಡ್ ಜೂ.15 ರ್ದ್ ಬೊಕ್ಕ ಅರ್ಜಿ ಸಂದಾವೊಲಿ. ಅಂಚೆನೆ ಆಫ್ ಲೈನ್ ಡ್ ಸಂದಾವೊನಕುಲು ಗ್ರಾಮ ಒನ್, ಕರ್ನಾಟಕ ಒನ್ ಬೊಕ್ಕ ಬೆಂಗ್ಲೂರ್ ಒನ್ ದ ಮುಖೇನ ಅರ್ಜಿ ಸಂದಾವೊಲಿ.

ಅರ್ಜಿ ಸಂದಾಯೆರೆ ದಾದ ದಾಖಲೆ ಬೋಡು?

ಅರ್ಜಿ ಪಾಡುನಕುಲು ಆಧಾರ್ ಸಂಖ್ಯೆ, ಬಿಲ್ ಡ್ ಉಪ್ಪುನ ಗ್ರಾಹಕೆರೆನ ಆರ್ ಆರ್ ಸಂಖ್ಯೆ, ಅಕೌಂಟ್ ನಂಬರ್, ಬಾಡಿಗೆ ಅತ್ತಂಡ ಭೋಗ್ಯದ ಕರಾರುಪತ್ರ, ಇಜ್ಜಿಂಡ ಇಲ್ಲದ ಪೊಲಬು ಇಪ್ಪುನ ವೋಟರ್ ಐಡಿನ್ ಗುರುತ್ತದ ಪತ್ರ ಪಂದ್ ಕೊರೊಡು.

ಅರ್ಜಿ ಸಂದಾಯೆರೆ ಕಾಸ್ ಕಟ್ಟೊಡ?

ಸೇವಾ ಸಿಂಧು ಪೋರ್ಟಲ್ ಡ್ ಅರ್ಜಿ ಪಾಡರೆ ಒವ್ವೇ ಕಾಸ್ ಕಟ್ಟಿಯೆರೆ ಇಜ್ಜಿ.

ಅರ್ಜಿ ಸಂದಾಯಿನ ಬೊಕ್ಕ ಸ್ವೀಕೃತಿ ತಿಕ್ಕುಂಡ?

ಸೇವಾ ಸಿಂಧುಡ್ ಅರ್ಜಿ ಪಾಡಿನಕಲೆಗ್ ಸ್ವೀಕೃತಿ ಸಂದೇಶನ್ ನೊಂದಣಿ ಮಲ್ತಿನ ಗ್ರಾಹಕೆರೆಗ್ ಇಮೇಲ್ ಅತ್ತ್ಂಡ ಮೆಸೇಜ್ ಬರ್ಪುಂಡು.

ಅಪಾರ್ಟ್‌ಮೆಂಟ್, ಅಂಗಡಿ ಮಾಲೀಕೆರ್ ಈ ಯೋಜನೆಗ್ ಅರ್ಜಿ ಸಂದಾವೊಲಿಯಾ?

ಅಪಾರ್ಟ್‌ಮೆಂಟ್ ಡ್ ಇಪ್ಪುನಕ್ಲೆಗ್ ಬೇತೆ ಮೀಟರ್ ಇತ್ತ್ಂಡ ಅರ್ಜಿ ಸಂದಾವೊಲಿ. ಆಂಡ ಅಂಗಡಿ ಮಾಲೀಕೆರೆಗ್ ಈ ಯೋಜನೆ ಅನ್ವಯ ಆಪುಜಿ.

200 ಯೂನಿಟ್ ಫ್ರೀ ಕರೆಂಟ್ ದ ಲಾಭನ್ ಎಂಚ ಲೆಕ್ಕ ಮಲ್ಪುನು?

2022-23 ತ್ತ ಸರಾಸರಿ ಕರೆಂಟ್ ಗಲಸಿನ, ಶೇ. 10 ದಾತ್ ಎಚ್ಚ (ರಡ್ಡ್ ಸೇರ್ಂಡ 200 ಯೂನಿಟ್ ರ್ದ್ ಉಲಯಿ) ಸರಾಸರಿ ಗಲಸಿನ ಆಧಾರದ ಮಿತ್ತ್ ಲೆಕ್ಕ ಮಲ್ಪೊಲಿ.

ಕರೆಂಟ್ ಬಿಲ್ ಬಾಕಿ ಇತ್ಂಡ ಈ ಯೋಜನೆ ಅನ್ವಯ ಆಪುಂಡಾ?

ಆಪುಂಡು. ಆಂಡ ಜೂನ್ 30 ಮುಟ್ಟದ ಬಾಕಿನ್ ಮೂಜಿ ತಿಂಗೊಲ್ದೊಲಯಿ ಕಟ್ಟೊಡು. ಇಜ್ಜಿಂಡ ಕರೆಂಟ್ ಸಂಪರ್ಕ ಇಪ್ಪುಜಿ.

ಯೋಜನೆದ ಫಲಾನುಭವಿ ನಿಗದಿತ ಫ್ರೀ ಕರೆಂಟ್ ರ್ದ್ ಎಚ್ಚ ಕರೆಂಟ್ ಗಲಸ್ ದ್ ಬಿಲ್ಲ್ ಕಟ್ಟಿಜಿಂಡ  ದಾದ ಆಪುಂಡು?

ಫಲಾನುಭವಿ ಬಾಕಿ ಕರೆಂಟ್ ಬಿಲ್ ಕಟ್ಟಿಜಿಂಡ ಕರೆಂಟ್ ಬಿಲ್ ಕಟ್ಟುನ ಮುಟ್ಟ ಕರೆಂಟ್ ಸಂಪರ್ಕ ಇಪ್ಪುಜಿ.

ಕರೆಂಟ್ ಬಿಲ್ ತೀರ್ ಪೋಯಿನಕ್ಲೆನ ಪುದರ್ ಡ್ ಇತ್ಂಡ ಅರ್ಜಿ ಸಂದಾವುನ ಎಂಚ?

ಫಲಾನುಭವಿನ ಪುದರ್ ನ್ ಚೇಂಜ್ ಮಲ್ತಿ ಬೊಕ್ಕ ಈ ಯೋಜನೆಗ್ ಅರ್ಜಿ ಸಂದಾವೊಲಿ.

ತಿಂಗೊಲ್ 200 ಯೂನಿಟ್ ರ್ದ್ ಎಚ್ಚ ಗಲಸ್ಂಡ ಬಿಲ್ ಕಟ್ಟೊಡ

ಆಂದ್. ತಿಂಗೊಲ್ದ ಪೂರ ಬಿಲ್ ನ್ ಕಟ್ಟೊಡಾಪುಂಡು.

June 10 th – Arun Puttila to visit Shankarpura ಜೂ.10: ಶಂಕರಪುರಕ್ಕ್ ಅರುಣ್ ಪುತ್ತಿಲ ಭೇಟಿ

ಒಡಿಪು: ಶ್ರೀ ಸಾಯಿ ಈಶ್ವರ್ ಗುರೂಜಿನ ದ್ವಾರಕಾಮಯಿ ಮಠಕ್ಕ್ ಅರುಣ್ ಕುಮಾರ್ ಪುತ್ತಿಲ ಮೇರ್ ಜೂ.10 ಸನಿಯಾರ ಬೊಲ್ಪುಗು 10:30 ಕ್ಕ್ ಭೇಟಿ ಕೊರಿಯೆರೆ ಉಲ್ಲೆರ್.

ಶ್ರೀ ಸಾಯಿ ಈಶ್ವರ್ ಗುರೂಜಿನ ದ್ವಾರಕಾಮಯಿ ಮಠ ಏಕ ಜಾತಿ ಧರ್ಮಪೀಠ ಸ್ಥಾಪನೆ ಮಲ್ತ್ ದ್ ಟ್ರಸ್ಟ್ ದ ಮುಖೇನ ಸುಮಾರ್ ಧಾರ್ಮಿಕ, ಸಾಮಾಜಿಕ ಸೇವೆನ್ ಮಲ್ತೊಂದು ಬರೊಂದು ಉಂಡು. ಅತ್ತಂದೆ ಈ ಮಠ ರಡ್ಡ್ ವರ್ಷೊದಿಂಚ ಪೊಣ್ಣು ಜೋಕುಲೆನ ಸೌಭಾಗ್ಯ ಸಮೃದ್ಧಿಗಾದ್ ಶ್ರೀ ಸೌಭಾಗ್ಯ ಪನ್ಪಿನ ಸೇವಾ ಲೇಸ್ ಸುರು ಮಲ್ದ್ಂಡ್.
ಅತ್ತಂದೆ ಇದಮುಟ್ಟ ಸುಮಾರ್ 416 ಪೊಣ್ಣು ಜೋಕುಲೆಗ್ ಧರ್ಮೊಗು ಬಂಗಾರ್ ದ ಮೂಗುತಿ ಕೊರ್ತುಂಡು. ಅಂಚಾದ್ ನನದ ದಿನಟ್ಟ್ ಈ ಸೇವೆನ್ ರಾಜ್ಯ ಮಟ್ಟಡ್ ನಡಪಾವುನ ಬಗ್ಗೆ ಗುರುಕುಲೆಡ ಪಾತೆರಿಯೆರೆ ಹಿಂದೂ ಧರ್ಮ, ರಾಷ್ಟ್ರ, ಸಂಸ್ಕೃತಿ, ರಕ್ಷಕೆರ್ ಅರುಣ್ ಕುಮಾರ್ ಪುತ್ತಿಲ ಮೇರ್ ಬರಿಯೆರೆ ಉಲ್ಲೆರ್ ಪಂದ್ ಮಠತ್ತ ಪ್ರಕಟಣೆ ತೆರಿಪಾದ್ಂಡ್.

June 10 th – Arun Puttila to visit Shankarpura

Udupi: Arun Kumar Puttila from Sri Sai Eshwar Guruji’s Dwarakamai Mutt will visit Shankarpura on June 10 th .

The Dwarakamai Mutt is known for establishing a single religious organization and rendering humanitarian services to the society.

Dr Rohith Shetty is selected as the president of Narayana Netralaya ನಾರಾಯಣ ನೇತ್ರಾಲಯದ ಅಧ್ಯಕ್ಷೆರಾದ್ ಡಾ. ರೋಹಿತ್ ಶೆಟ್ಟಿ ಆಯ್ಕೆ

ಬೆಂಗ್ಲೂರ್: ನಾರಾಯಣ ನೇತ್ರಾಲಯದ ಅಧ್ಯಕ್ಷೆರ್ ಡಾ.ಭುಜಂಗ ಶೆಟ್ಟಿ ಮೇರ್ ಇಂಚೊಗು ದೇವೆರೆ ಪಾದ ಸೇರಿ ಬೊಕ್ಕ ಅರೆನ ಮರ್ಮಾಯೆ ಡಾ.ರೋಹಿತ್ ಶೆಟ್ಟಿ ಮೇರ್ ಅಧ್ಯಕ್ಷೆರಾದ್ ಆಯ್ಕೆ ಆತೆರ್.

ಸಂಸ್ಥೆದ ಸಂಸ್ಥಾಪನಾಧ್ಯಕ್ಷೆರ್ ಡಾ. ಭುಜಂಗ ಶೆಟ್ಟಿ ಮೇರ್ ಮೇ19 ಕ್ಕ್ ತಿಗಲೆ ಬೇನೆಡ್ ತೀರ್ ಪೋತೆರ್. ಆಸ್ಪತ್ರೆದ ಉಪಾಧ್ಯಕ್ಷೆರಾದಿತ್ತಿನ ರೋಹಿತ್ ಶೆಟ್ಟಿ ಇತ್ತೆ ಅಧ್ಯಕ್ಷೆರಾದ್ ಆಯ್ಕೆ ಆತೆರ್.

ಪುಗರ್ತೆದ ಕಣ್ಣ್ ದ ವೈದ್ಯೆರ್ ಡಾ. ಭುಜಂಗ ಶೆಟ್ಟಿ ಮೆರೆನ ಆದರ್ಶ, ಆಶಯ ಇಂಚೆನೇ ದುಂಬರಿವೊಂದು ಪೋಪುಂಡು. ಆಸ್ಪತ್ರೆನ್ ನನಾತ್ ಮಲ್ಲ ಮಟ್ಟಗ್ ಕೊನೊಯೆರೆ ಉಂಡು. ಸಮಾಜದ ಮಾತ ವರ್ಗದಕ್ಲೆಗ್ ಎಡ್ಡೆ ಗುಣಮಟ್ಟದ ಕಣ್ಣ್ ದ ಆರೈಕೆ ಸೇವೆ ಕೊರಿಯೆರೆ ಉಂಡು ಪಂದ್ ಡಾ. ರೋಹಿತ್ ಶೆಟ್ಟಿ ಪಂಡೆರ್.

Dr Rohith Shetty is selected as the president of Narayana Netralaya

Bangalore: With the demise of Dr Bujang Shetty the founder president of Narayana Netralaya, Rohith Shetty has been selected as president.

Dr Rohith Shetty who was previously the vice president said that he would strive to take forward the ideals, plans and ideas set by Dr Bujang Shetty.

Cough and cold …. Take home remedies ತೆಮ್ಮ, ಶೀತನಾ..‌.‌ ಅಂಚಾಂಡ ಇಲ್ಲದ ಮರ್ದ್ ನ್ ಗಲಸ್ ಲೆ

ಸಾಮಾನ್ಯವಾದ್ ಶೀತ, ತೆಮ್ಮದ ಸಮಸ್ಯೆ ಮಾರಿಯಲಡ್ ಸುರು ಆಪಿನ ಸಹಜ.

ಇಂಚಿನ ಸಮಸ್ಯೆ ಸುರು ಆಯಿ ಪೆಟ್ಟಿಗೆ ಜನಕುಲು ಆಸ್ಪತ್ರೆಗ್ ಪೋಪಿನನೇ ಎಚ್ಚ. ಅವೆರ್ದ್ ಅಟಿಲ್ದ ಕೋಣೆಡೇ ಇತ್ತಿನ ಕೆಲವು ಸೊತ್ತುನ್ ಗಲಸ್ ದ್ ಈ ಸಮಸ್ಯೆನ್ ಸುರುಟ್ಟೆ ಸರಿ ಮಲ್ಪೊಲಿ.‌

ಅವು ಎಂಚ ಪಂಡ ಇಂಚ:

ಎಚ್ಚಿನಸರ್ತಿ ಇಲ್ಲದ ಕೆಲವು ಮರ್ದ್ ನ್ ಗಲಸುನೆರ್ದ್ ತೆಮ್ಮ, ಸೀತದ ಸಮಸ್ಯೆ ಕಮ್ಮಿ ಆಪುಂಡು.

•ಲಿಂಬೆಪುಳಿ, ಕಲ್ಲ್ ಸೆಕ್ಕರೆ ಬೊಕ್ಕ ಎಡ್ಡೆ ಮುಂಚಿನ್ ಸೇರ್ಸಾದ್ ಗಟ್ಟಿ ಆಯಿನ ಪಾಕ ಮಲ್ತ್ ದ್, ಈ ಪಾಕನ್ ದಿನೊಲ 2 ಚಮಚ ಪರೊಂದು ಬತ್ತ್ ದ್ ಕಫ ಕಮ್ಮಿ ಆಪಿನಿ ಅತ್ತಂದೆ ತೆಮ್ಮಲ ಕಮ್ಮಿ ಆಪುಂಡು.
•ಉಪ್ಪುದೊಟ್ಟುಗೆ ಶುಂಠಿ ಬೊಕ್ಕ ಲವಂಗನ್ ಸೇರ್ಸಾದ್ ಅಗ್ಗಿಂಡಲ ಕಫ ಬೊಕ್ಕ ದೊಂಡೆ ಬೇನೆ ಕಮ್ಮಿ ಆಪುಂಡು.

A massive Tirupati Balaji temple to open doors in Jammu and Kashmir today ಜಮ್ಮುಡು ಇನಿ ಮಹಾ‌ಮಲ್ಲ ತಿರುಪತಿ ಬಾಲಾಜಿ ದೇವಲ್ಯ ಉದಿಪನ

ಜಮ್ಮು ಬೊಕ್ಕ ಕಾಶ್ಮೀರದ ಮಜೀನ್ ದ ಶಿವಾಲಿಕ್ ಕಾಡ್ ದ ನಡುಟ್ ಇಪ್ಪುನ ತಿರುಪತಿ ಬಾಲಾಜಿ ದೇವಲ್ಯ ಗುರುವಾರ ಉದಿಪನ ಆವರೆ ಉಂಡು.

ಜಮ್ಮು ಬೊಕ್ಕ ಕಾಶ್ಮೀರದ ಲೆಫ್ಟಿನೆಂಟ್ ಗವರ್ನರ್ ಮನೋಜ್ ಸಿನ್ಹಾ ಮೇರ್ ಶ್ರೀ ಬಾಲಾಜಿ ವೆಂಕಟೇಶ್ವರ ಸ್ವಾಮಿ ದೇವಲ್ಯನ್ ಉದಿಪನ ಮಲ್ಪುವೆರ್.

62 ಎಕರೆ ಜಾಗೆಡ್ ನಿರ್ಮಾಣ ಆಯಿನ ಈ ದೇವಲ್ಯ ಜಮ್ಮು ಪ್ರದೇಶದ ಮಹಾಮಲ್ಲ ದೇವಲ್ಯ ಆದುಂಡು. ಕೇಂದ್ರಾಡಳಿತ ಪ್ರದೇಶಡ್ ಧಾರ್ಮಿಕ ಬೊಕ್ಕ ತೀರ್ಥಯಾತ್ರೆ ಪ್ರವಾಸೋದ್ಯಮನ್ ಎಚ್ಚ ಮಲ್ಪುನ ನಿರೀಕ್ಷೆ ಉಂಡು.

30 ಕೋಟಿ ರೂ. ಕರ್ಚಿಡ್ ನಿರ್ಮಾಣ ಆಯಿನ ಈ ದೇವಲ್ಯ ಆಂಧ್ರಪ್ರದೇಶದ ಪಿದಯಿ ನಿರ್ಮಾಣ ಆಯಿನ ಆಜಿನೇ ಬಾಲಾಜಿ ದೇವಲ್ಯ ಆತ್ಂಡ್. ಬೇತೆ ಐನ್ ಬಾಲಾಜಿ ದೇವಲ್ಯ ತಿರುಮಲ ತಿರುಪತಿ ದೇವಸ್ಥಾನಂ (ಟಿಟಿಡಿ) ಹೈದರಾಬಾದ್, ಚೆನ್ನೈ, ಕನ್ಯಾಕುಮಾರಿ, ಡೆಲ್ಲಿ ಬೊಕ್ಕ ಭುವನೇಶ್ವರಡ್ ಉಂಡು.

A massive Tirupati Balaji temple to open doors in Jammu and Kashmir today

The temple is in the the forest area of Shivalik of Majin in Jammu and Kashmir.

Built at a cost of thirty crores on 62 acres area it is the sixth temple of tirupati Balaji outside Andhra Pradesh.

ಬರ್ಸ ಬೂರ್ನಗ ಬೆನ್ನಿದರೆಗ್ ಕಂಡೊಡು ತಿಕ್ ದ್ಂಡ್ 2 ಕೋಟಿ ರೂ. ಬಿಲೆತ್ತ ವಜ್ರ?

ಬರ್ಸ ಬತ್ತ್ಂಡ ನೆಲಟ್ಟ್ ಬುಲೆ ಬುಲೆಪುಂಡು. ಆಂಡ ಆಂಧ್ರ ಪ್ರದೇಶದ ಕರ್ನೂಲ್ ಜಿಲ್ಲೆಡ್ ಬರ್ಸ ಬತ್ತ್ಂಡ ವಜ್ರದ ಕಲ್ಲ್ ತಿಕ್ಕುಂಡು!

ಇಂಚಾದ್ ಮುಲ್ಪ ಬರ್ಸ ಬತ್ತ್ಂಡ ಸುಮಾರ್ ಜನ ವಜ್ರದ ಬೋಂಟೆಗ್ ಪೋಪೆರ್. ಉಂದು ಮುಲ್ಪದ ಜನತ್ತ ನಂಬಿಕೆಲ ಆತ್ಂಡ್.

ಇಂಚಿಪ್ಪ ಮಡ್ಡಿಕೇರ ಮಂಡಲದ ಬಸಿನೆಪಲ್ಲಿ ಗ್ರಾಮಡ್ ಒರಿ ಬೆನ್ನಿದರೆಗ್ ಅರೆನ ಕಂಡೊಡು ವಜ್ರದ ಕಲ್ಲ್ ತಿಕ್ ದ್ಂಡ್. ಈ ವಜ್ರ ರಡ್ಡ್ ಕೋಟಿ ರೂ.ಗ್ ಮಾರಾಟ ಆತ್ಂಡ್ ಪಂದ್ ವರದಿ ಆತ್ಂಡ್. ಇಂಚಾದ್ ಬರ್ಸ ಸುರು ಆನಗ ಕರ್ನೂಲ್ ಜಿಲ್ಲೆದ ಜನ ವಜ್ರದ ಕಲ್ಲ್ ನಾಡಿಯೆರೆ ಪೋಪೆರ್.

ಮುಲ್ಪ ಸುರುತ್ತ ಬರ್ಸ ಬೂರಿನ ಕೂಡ್ಲೆ ಮಲ್ಲಕುಲು, ಎಲ್ಯಕುಲು ಪನ್ಪಿನ ಬೇಧ ಇಜ್ಜಂದೆ ಮಾತೆರ್ಲಾ ವಜ್ರದ ಕಲ್ಲ್ ನಾಡಿಯೆರೆ ಪೋಪೆರ್. ಸುಮಾರ್ ಸರ್ತಿ ಮೆನ್ಕುನ ಎಲ್ಯ ಕಲ್ಲ್ ನ್ ವಜ್ರ ಪಂದ್ ಕನಪುನ ಉಂಡು. ಅತ್ತಂದೆ ಇಡೇಗ್ ಬೇತೆ ಬೇತೆ ಕಡೆತ್ತ ಜನಕುಲು ಬತ್ತ್ ದ್ ಮುಲ್ಪ ಕಲ್ಲ್ ನಾಡುವೆರ್. ಆಂಡ ಅದೃಷ್ಟಶಾಲಿಗ್ ಮಾತ್ರ ಮುಲ್ಪ ವಜ್ರದ ಕಲ್ಲ್ ತಿಕ್ಕುಂಡು ಪಂದ್ ಊರುದಕ್ಲೆನ ನಂಬಿಕೆ.

ಫ್ರೀ ಕರೆಂಟ್ ತಿಕ್ಕರೆ ದಾದ ಮಲ್ಪೊಡು?

•ರಾಜ್ಯ ಸರ್ಕಾರದ ಗೃಹಜ್ಯೋತಿ ಯೋಜನೆಡ್ 200 ಯೂನಿಟ್ ಫ್ರೀ ಕರೆಂಟ್ ಪಡೆಯೊಡುಂದಾಂಡ ಆನ್ ಲೈನ್ ಡೇ ಅರ್ಜಿ ಸಂದಾವೊಡು.

•ಸ್ವಂತ ಇಲ್ಲ್ ಅತ್ತಂಡ ಬಾಡಿಗೆ ಇಲ್ಲಲ್ ವಾಸ ಇತ್ತ್ಂಡ ಕರಾರ್ ಪತ್ರ ಅಗತ್ಯ

•ಸರಾಸರಿ 200 ಯೂನಿಟ್ ಮುಟ್ಟ ಒವ್ವೇ ಶುಲ್ಕ ಇಜ್ಜಿ
•ಸರಾಸರಿ 200 ಯೂನಿಟ್ ಮೀರ್ಂಡ 10% ಎಚ್ಚದ ಯೂನಿಟ್ ಧರ್ಮಗ್ ಗಲಸೆರೆ ಅವಕಾಶ
•ರಾಜ್ಯದ 2.14 ಕೋಟಿ ಜನಕ್ಕ್ ನೇರ್ದ್ ಲಾಭ.

Tips and home remedies to manage kidney stones ಮೂತ್ರಕೋಶದ ಕಲ್ಲ್ ಕರಪುನು ಎಂಚ?

ಎಚ್ಚಿನಕ್ಲೆಗ್ ಮೂತ್ರಕೋಶಡ್ ಕಲ್ಲ್ ಇಪ್ಪುನೇ ಮಲ್ಲ ಸಮಸ್ಯೆ ಆತ್ಂಡ್. ಅಯಿತ್ತ ಬೇನೆ ಒವ್ವೇ ಪೊರ್ತುಡುಲ ಸುರು ಆಪುಂಡು. ಸಾಮಾನ್ಯವಾದ್ ಕಮ್ಮಿ ನೀರ್ ಪರ್ಪಿನಕ್ಲೆಗ್ ಈ ಸಮಸ್ಯೆ ಉಪ್ಪುಂಡು. ಅವ್ವತ್ತಾಂದೆ ಎಚ್ಚ ಮಾಸ ತಿನ್ಪುನೆರ್ದಾವರಲ ಮಸ್ತ್ ಯೂರಿಕ್ ಆಸಿಡ್, ಚರ್ಬಿ, ಸಂಧಿವಾತ, ತೀಪೆ ಪಡಿಕೆ ಇಂಚಿನ ಸೀಕ್ ಸುರು ಆಪುಂಡು.

ಮೂತ್ರಕೋಶದ ಕಲ್ಲ್ ಗ್ ಇಲ್ಲದ ಮರ್ದ್

ಮೂತ್ರಪಿಂಡಡ್ ಇಪ್ಪುನ ಕಲ್ಲ್ ನ್ ದೆಪ್ಪರೆ ಸುಮಾರ್ ಮರ್ದ್ ಬೊಕ್ಕ ಚಿಕಿತ್ಸೆ ಉಂಡು. ಅಂಚಿನ ಒಂಜಿ ಸೊತ್ತು ಪಂಡ ದಾಸವಾಳ.

ಮೂತ್ರಕೋಶಡ್ ಕಲ್ಲ್ ಇತ್ತಿನ ಲಕ್ಷಣ:

•ಬೆರಿತ್ತ ತಿರ್ತ್ ಮಸ್ತ್ ಬೇನೆ
•ಬಂಜಿ ಬೇನೆ
•ಕಕ್ಕುನು
•ಜ್ವರ
•ಪಡಿಕೆಡ್ ನೆತ್ತೆರ್
•ಪಡಿಕೆ ವಾಸನೆ

ಮೂತ್ರಪಿಂಡದ ಕಲ್ಲ್ ದೆಪ್ಪುನು ಎಂಚ?

ಮೂತ್ರಪಿಂಡದ ಕಲ್ಲ್ ಬೇತೆ ಗಾತ್ರಡ್ ಇಪ್ಪುಂಡು. ಎಲ್ಯ ಕಲ್ಲ್ ಲು ಪಡಿಕೆದ ಮುಖೇನ ಪಿದಯಿ ಬರ್ಪುಂಡು. ಕೆಲವೊರ ಮಲ್ಲ ಕಲ್ಲ್ ಲು ಪಡಿಕೆಡ್ ಪಿದಯಿ ಬರಿಯೆರೆ ಕಷ್ಟ ಆಪುಂಡು. ನೆಕ್ಕ್ ಮರ್ದ್ ಬೊಕ್ಕ ಶಸ್ತ್ರಚಿಕಿತ್ಸೆದ ಅಗತ್ಯ ಇಪ್ಪುಂಡು. ಕೆಲವೊರ ಇಲ್ಲದ ಮರ್ದ್ ಡೇ ಈ ಕಲ್ಲ್ ನ್ ದೆಪ್ಪೊಲಿ.

ದಾಸವಾಳದ ಮರ್ದ್:

ಮೂತ್ರಪಿಂಡದ ಕಲ್ಲ್ ದೆಪ್ಪರೆ ದಾಸವಾಳ ಪೂ (Hibiscus flower) ಎಡ್ಡೆ ಬೊಕ್ಕ ಸುರಕ್ಷಿತ ಪರಿಹಾರ ಪಂದ್ ವೈದ್ಯೆರ್ ಪಂತೆರ್.

ದಾಸವಾಳ ಪೂತ್ತ ಪೊಡಿನ್ ನೀರ್ ದೊಟ್ಟುಗು ಪರ್ಂಡ ಮೂತ್ರಪಿಂಡದ ಕಲ್ಲ್ ನ್ ಸುಲಭವಾದ್ ದೆಪ್ಪೊಲಿ.

ದಾಸವಾಳದ ಪೊಡಿ ದೆತೊನ್ನು ಎಂಚ?

ರಾತ್ರೆ ವನಸ್ ಆಯಿನ ಬೊಕ್ಕ ಒಂಜಿ ಚಮಚ ದಾಸವಾಳ ಪೂತ್ತ ಪೊಡಿನ್ ಉಗುರುಬೆಚ್ಚ ನೀರ್ ಗ್ ಪಾಡ್ದ್ ಪರೊಡು ಪಂದ್ ವೈದ್ಯೆರ್ ಪಂತೆರ್. ಅಂಚೆನೆ ನೆನ್ ಪರಿನ ಬೊಕ್ಕ ಮೂಜೆರ್ದ್ ನಾಲ್ ಗಂಟೆ ಮುಟ್ಟ ದಾಲ ತಿನಿಯೆರೆ ಬಲ್ಲಿ.

ಡಾಕ್ಟರ್ ನಡೆ ಏಪ ಪೋವೊಡು?

ನಿಕಲೆಗ್ ಮಸ್ತ್ ಜ್ವರ, ಬೇನೆ, ಪಡಿಕೆಡ್ ನೆತ್ತೆರ್ ಇತ್ತ್ಂಡ ನಿಕುಲು ಒವ್ವೇ ಇಲ್ಲದ ಮರ್ದ್ ಮಲ್ಪಂದೆ ಕೂಡ್ಲೆ ಡಾಕ್ಟರ್ ನಡೆ ಪೋವೊಡು.

ಪೊಸ ರೇಷನ್ ಕಾರ್ಡ್ ಗ್ ಅರ್ಜಿ ಸಂದಾವುನ ಎಂಚ?

•ahara.kar.nic.in ವೆಬ್ ಸೈಟ್ ಓಪನ್ ಮಲ್ತ್ ದ್ ಇ ಸೇವೆಗ್ ಕ್ಲಿಕ್ ಮಲ್ಪುಲೆ.

•ಹೊಸ ರೇಷನ್ ಕಾರ್ಡ್ ಆಪ್ಶನ್ ಕ್ಲಿಕ್ ಮಲ್ಪುಲೆ
•ನಿಕ್ಲೆನ‌ ವಿವರ ಭರ್ತಿ ಮಲ್ಪುಲೆ
•BPL ಅತ್ತಂಡ APL ಕಾರ್ಡ್ ಆಯ್ಕೆ ಮಲ್ಪುಲೆ
•ಅಗತ್ಯ ಇಪ್ಪುನ ದಾಖಲೆನ್ ಅಪ್ ಲೋಡ್ ಮಲ್ಪುಲೆ
•ಆನ್ ಲೈನ್ ಅಪ್ಲಿಕೇಶನ್ ಗ್ ಶುಲ್ಕ ಇಜ್ಜಿ, ಆಂಡ ರೇಷನ್ ಕಾರ್ಡ್ ನ್ ಸಂಬಂಧಪಟ್ಟಿನ ಅಧಿಕಾರಿಲೆರ್ದ್ ದೆತ್ತೊನ್ನಗ 100 ರೂ. ಕೊರೊಡು.

ಎಕ್ಕಾರ್ ವಿಜಯ ಯುವ ಸಂಗಮ (ರಿ.)ಗ್ ಪೊಸ ಪದುಕೆರ್ನ ಆಯ್ಕೆ

ವಿಜಯ ಯುವ ಸಂಗಮ (ರಿ.) ಎಕ್ಕಾರು ನೆತ್ತ ವಾರ್ಷಿಕ ಮಹಾ ಸಭೆಟ್ಟ್ ವಾರ್ಷಿಕ ಲೆಕ್ಕ ಪತ್ರ ಮಂಡನೆ ಆಯಿನ ಬೊಕ್ಕ 27ನೇ ವರ್ಷೊದ ಪೊಸ ಸಮಿತಿ ರಚನೆ ಬೊಕ್ಕ ಅಧ್ಯಕ್ಷೆರ್, ಪದುಕೆರ್ನ ಆಯ್ಕೆ ನಡತ್ಂಡ್.

ಅಧ್ಯಕ್ಷೆರಾದ್ ವಿನೋದ್ ಶೆಟ್ಟಿ ಸಂಕೇಶ, ಗೌರವಾಧ್ಯಕ್ಷೆರಾದ್ ರತ್ನಾಕರ ಶೆಟ್ಟಿ ಬಾಳಿಕೆ ಮನೆ, ಗೌರವ ಕಾರ್ಯದರ್ಶಿಯಾದ್ ಬಾಲಕೃಷ್ಣ ಶೆಟ್ಟಿ ಕಳ್ಳಿಗೆ, ಉಪಾಧ್ಯಕ್ಷೆರಾದ್ ರಂಜಿತ್ ಶೆಟ್ಟಿ, ಪ್ರ. ಕಾರ್ಯದರ್ಶಿಯಾದ್ ಪ್ರವೀಣ್ ಕೆ. ಎಮ್., ಜತೆ ಪ್ರ. ಕಾರ್ಯದರ್ಶಿಯಾದ್ ರೋಯಲ್ ಮಿಸ್ಕಿತ್, ಕೋಶಾಧಿಕಾರಿಯಾದ್ ಪವನ್ ಶೆಟ್ಟಿ, ಜತೆ ಕೋಶಾಧಿಕಾರಿಯಾದ್ ಆದಿತ್ಯ ಶೆಟ್ಟಿ ಮಾಡರಮನೆ, ಕ್ರೀಡಾ ಕಾರ್ಯದರ್ಶಿಯಾದ್ ಪ್ರಶಾಂತ್ ಮಾಡ, ಕ್ರೀಡಾ ಮುಖ್ಯಸ್ಥೆರಾದ್ ಉದಯ್ ಶೆಟ್ಟಿ ಸಂಕೇಶ, ವೈಸ್ ಕ್ಯಾಪ್ಟನ್ ಅವಿನಾಶ್ ಆಚಾರ್ಯ, ಸಾಂಸ್ಕೃತಿಕ ಕಾರ್ಯದರ್ಶಿಯಾದ್ ಕಿಶೋರ್ ಪೂಜಾರಿ, ಸಂಘಟನಾ ಕಾರ್ಯದರ್ಶಿಯಾದ್ ಮನೀಶ್ ಶೆಟ್ಟಿ ಆಯ್ಕೆ ಆಯೆರ್.

ಬೊಕ್ಕ ಶ್ರೀ ಜಾರಂದಾಯ ದೈವೊಲ್ಯಡ್ ಸಂಸ್ಥೆದ ಲೆಕ್ಕೊಡು ವಾರ್ಷಿಕ ಹೋಮ, ಪಂಚಕಜ್ಜಾಯ ಸೇವೆ ನಡತ್ಂಡ್.