ವಿಧಾನಸಭೆ ಸ್ಪೀಕರಾದ್ ಆಯ್ಕೆ ಆಯಿನೇರ್ದ್ ಬೊಕ್ಕ ಯು.ಟಿ ಖಾದರ್ ಮೇರ್ ಸುರುತ್ತ ಸರ್ತಿ ಉಪ ರಾಷ್ಟ್ರಪತಿ ಜಗದೀಪ್ ಧನಕರ್ ಮೆರೆನ್ ಭೇಟಿ ಆಯೆರ್.
ಈ ಪೊರ್ತುಡು ಧನಕರ್ ಪಾತೆರ್ದ್, ಇತ್ ಎಲ್ಯ ಪ್ರಾಯಡ್ ಇರೆಗ್ ಸ್ಪೀಕರ್ ಜಬದಾರಿ ತಿಕ್ಕಿನವು ಪುಣ್ಯ, ಇರೆಗ್ ಇಪ್ಪುನ ರಾಜ್ಯ, ರಾಷ್ಟ್ರೀಯ ಬೊಕ್ಕ ಅಂತಾರಾಷ್ಟ್ರೀಯ ಅನುಭವನ್ ಸದನ ನಡಪಾವುನ ಪೊರ್ತುಡು ಸದ್ಬಳಕೆ ಮಲ್ಪುಲೆ. ಸದನದ ಘನತೆ, ಗೌರವನ್ ಒರಿಪಾಲೆ, ಎನ್ನ ಮಾರ್ಗದರ್ಶನ ಇರೆಗ್ ಏಪಲ ಇಪ್ಪುಂಡು ಪಂದ್ ಪಂಡೆರ್.
ಕುಡ್ಲ: ಪ್ರಮುಖ ಗ್ರಾಮೀಣ ಬ್ಯಾಂಕ್ ಆಯಿನ ಕರ್ನಾಟಕ ವಿಕಾಸ ಗ್ರಾಮೀಣ ಬ್ಯಾಂಕ್, ಅಟಲ್ ಪಿಂಚಣಿ ಯೋಜನೆದ (ಏಪಿವೈ) ಅನುಷ್ಠಾನಗ್ ಸಂಬಂಧ ಪಟ್ಟಿನಂಚೆನೆ 2022-23 ನೇ ಅವಧಿಡ್ ಮಲ್ತಿನ ಎಡ್ಡೆ ಸಾಧನೆಗ್ ಸಂಬಂಧಪಟ್ಟಿನಂಚೆನೆ ಕುಡೊರ ರಾಷ್ಟ್ರಮಟ್ಟದ ಪ್ರಶಸ್ತಿನ್ ಪಡೆತ್ಂಡ್.
ಬುಧಾರ ಡೆಲ್ಲಿಡ್ ನಡತಿನ ನಡತಿನ ಇಸೇಸ ಲೇಸ್ ಒಂಜೇಟ್ ಬ್ಯಾಂಕ್ ಅಧ್ಯಕ್ಷೆರ್ ಶ್ರೀಕಾಂತ ಎಮ್ ಭಂಡಿವಾಡ, ಕೇಂದ್ರ ಸರ್ಕಾರದ ಹಣಕಾಸು ವಿಭಾಗದ ಕಾರ್ಯದರ್ಶಿ ಡಾ. ವಿವೇಕ ಜೋಶಿ ಮೆರೆರ್ದ್ ಪ್ರಶಸ್ತಿ ಫಲಕ ಸ್ವೀಕಾರ ಮಲ್ತೆರ್. ಈ ಪೊರ್ತುಡು ಪಿಂಚಣಿ ನಿಧಿ ನಿಯಂತ್ರಣ ಬೊಕ್ಕ ಅಭಿವೃದ್ಧಿ ಪ್ರಾಧಿಕಾರದ (ಪಿ ಎಫ್‌ ಆರ್ ಡಿ ಏ) ಅಧ್ಯಕ್ಷೆರ್ ಡಾ.ದೀಪಕ್ ಮೊಹಾಂತಿ ಇತ್ತೆರ್.
ಪ್ರಶಸ್ತಿ ಸ್ವೀಕಾರ ಮಲ್ತ್ ದ್, ಕರ್ನಾಟಕ ವಿಕಾಸ ಗ್ರಾಮೀಣ ಬ್ಯಾಂಕ್ ಅಧ್ಯಕ್ಷೆರ್, ಶ್ರೀಕಾಂತ ಭಂಡಿವಾಡ ಪಾತೆರ್ದ್, ಆರ್ಥಿಕವಾದ್ ಪಿರವೊರಿನ ಬೊಕ್ಕ ಕಮ್ಮಿ ಆದಾಯದ ವಿಶಾಲ ವರ್ಗಗ್ ಕಮ್ಮಿ ಕರ್ಚಿಡ್ ಪನವುದ ಸೇವೆನ್ ಎತ್ತಯೆರೆ ಬ್ಯಾಂಕ್ ಆದ್ಯತೆ ಕೊರ್ತುಂಡು. ಅಟಲ್ ಪೆನ್ಶನ್ ಯೋಜನೆ ಅಸಂಘಟಿತ ಕಾರ್ಮಿಕ ವರ್ಗಗ್ ವರದಾನ ಆತ್ಂಡ್. ನಿರ್ದಿಷ್ಟ ಕಂತ್ ಪಾವತಿ ಮಲ್ತ್ ದ್ 61ನೇ ವರ್ಷರ್ದ್ ರೂ.1 ಸಾರ ರ್ದ್ ರೂ. 5 ಸಾರ ಮಿತಿಡ್ ಪಿಂಚಣಿ ಪಡೆವೊಲಿ.
ಕರ್ನಾಟಕ ವಿಕಾಸ್‌ ಗ್ರಾಮೀಣ ಬ್ಯಾಂಕ್ ಇಡೇ ಮುಟ್ಟ 342852 ಅಟಲ್ ಪಿಂಚಣಿ ಅಕೌಂಟ್ ಮಲ್ದ್ಂಡ್. ಈ ದಾಖಲೆರ್ದ್ ರೈತೆರ್, ರೈತ ಕಾರ್ಮಿಕೆರ್, ಕಾರ್ಖಾನೆಡ್ ಬೇಲೆ ಮಲ್ಪುನಕುಲು, ನಿಶ್ಚಿತ ಪಿಂಚಣಿ ಇಜ್ಜಂದಿನ ಶ್ರಮಿಕೆರ್ ತನ್ನ 60ನೇ ವರ್ಷದ ಬೊಕ್ಕ ನೆಮ್ಮದಿಡ್ ಬದ್ ಕರೆ ಅನುಕೂಲ ಆಪುಂಡು ಪನ್ಪುನವೇ ಸಮಾಧಾನದ ಇಸಯ ಪಂದ್ ಶ್ರೀಕಾಂತ್ ಪಂಡೆರ್.
ಪ್ರಶಸ್ತಿ ಸ್ವೀಕಾರ ಮಲ್ತಿನ ಬಗೆಟ್ ಕುಸಿ ಆಯಿನ ಮೇರ್, ಈ ಯೋಜನೆದ ಅನುಷ್ಠಾನಡ್ ಬ್ಯಾಂಕ್ ದ ಸಿಬ್ಬಂದಿವರ್ಗ ಮಸ್ತ್ ಸಕ್ರಿಯವಾದ್ ಪಾಲ್ ಪಡೆತೆರ್. ನನ ಬರ್ಪಿನ ದಿನಟ್ಟ್ ನನ ಎಚ್ಚದ ಸಾಧನೆ ಮಲ್ಪೆರೆ ಉಂಡು ಪಂದ್ ಪಂಡೆರ್.
ಕರ್ನಾಟಕ ವಿಕಾಸ ಗ್ರಾಮೀಣ ಬ್ಯಾಂಕ್ ಸಾಧನೆ:
2022-23ನೇ ಹಣಕಾಸು ವರ್ಷಡ್ ಪಿಂಚಣಿ ನಿಧಿ ನಿಯಂತ್ರಣ ಬೊಕ್ಕ ಅಭಿವೃದ್ಧಿ ಪ್ರಾಧಿಕಾರ (ಪಿ ಎಫ್‌ ಆರ್ ಡಿ ಏ) ಬ್ಯಾಂಕ್ ಗ್ ಪ್ರತಿ ಶಾಖೆಗ್ 80 ಅಕೌಂಟ್ ದ ಸರಾಸರಿಡ್ 50320 ಅಕೌಂಟ್ ದ ಗುರಿ ದೀದಿತ್ಂಡ್. ಅಯಿಕ್ಕ್ ಪ್ರತಿಯಾದ್ ಬ್ಯಾಂಕ್ 121ತ್ತ ಸರಾಸರಿಡ್ 76569 ಅಕೌಂಟ್ ಮಲ್ಪುನ ಮುಖೇನ ಗುರಿ ಮೀರಿನ ಸಾಧನೆ ಮಲ್ದ್ಂಡ್. ಉಂದು ದಕ್ಷಿಣ ಭಾರತ ಮಟ್ಟಡ್ ಒರಿನ ಮಾತ ಬ್ಯಾಂಕ್ ದ ಸರಾಸರಿರ್ದ್ ಎಚ್ಚಾತ್ಂಡ್.
ಕರ್ನಾಟಕ ವಿಕಾಸ ಗ್ರಾಮೀಣ ಬ್ಯಾಂಕ್ ಕರಿನ ಮೇ ತಿಂಗೊಲ್ಡ್ ಒಂಜೇ ದಿನ 44 ಸಾರರ್ದ್ ಎಚ್ಚ ಅಕೌಂಟ್ ಲಾಗಿನ್ ಆಪಿನ ಮುಖೇನ ರಾಷ್ಟ್ರೀಯ ದಾಖಲೆ ಸ್ಥಾಪನೆ ಮಲ್ದ್ಂಡ್. ಇತ್ತೆ ಕರ್ನಾಟಕ ವಿಕಾಸ್‌ ಗ್ರಾಮೀಣ ಬ್ಯಾಂಕ್ ಕುಡ್ಲರ್ದ್ ವಿಜಯಪುರ ಮುಟ್ಟ 9 ಜಿಲ್ಲೆದ ವ್ಯಾಪ್ತಿಡ್ 629 ಶಾಖೆ ಉಂಡು. 33150 ಕೋಟಿ ರೂ. ವೈವಾಟ್ ಇಪ್ಪುನ ಮಲ್ಲ ಗ್ರಾಮೀಣ ಬ್ಯಾಂಕ್ ಉಂದಾತ್ಂಡ್.
ಫೋಟೋ ಶೀರ್ಷಿಕೆ:
ಅಟಲ್ ಪಿಂಚಣಿ ಯೋಜನೆದ ನೋಂದಣಿ ಅಭಿಯಾನಡ್ ಮಲ್ತಿನ ಎಡ್ಡೆ ಸಾಧನೆಗ್ ಸಂಬಂಧಪಟ್ಟಿನಂಚೆನೆ ಕರ್ನಾಟಕ ವಿಕಾಸ ಗ್ರಾಮೀಣ ಬ್ಯಾಂಕ್ ಗ್ ರಾಷ್ಟ್ರ ಮಟ್ಟದ ಪ್ರಶಸ್ತಿ ತಿಕ್ ದ್ಂಡ್. ಬುಧಾರದಾನಿ ಡೆಲ್ಲಿಡ್ ನಡತಿನ ಇಸೇಸ ಲೇಸ್ ಡ್ ಬ್ಯಾಂಕ್ ದ ಅಧ್ಯಕ್ಷರ ಶ್ರೀಕಾಂತ ಎಮ್ ಭಂಡಿವಾಡ ಮೆರೆಗ್ ಕೇಂದ್ರ ಸರ್ಕಾರದ ಹಣಕಾಸು ಇಲಾಖೆದ ಕಾರ್ಯದರ್ಶಿ ಡಾ. ವಿವೇಕ ಜೋಶಿ ಪ್ರಶಸ್ತಿ ಫಲಕ ಕೊರಿಯೆರ್.
ಸೋನಾ ಇವೆಂಟ್ಸ್ ಬೊಕ್ಕ ಮಂಥನ್ ಮೀಡಿಯಾದ ಮುತಾಲಿಕೆಡ್ ಶ್ರೀ ಬೆಂಕಿನಾಥೇಶ್ವರ ಕೃಪಾಪೋಷಿತ ದಶಾವತಾರ ಯಕ್ಷಗಾನ ಮಂಡಳಿ ಬಾಳ-ಕಳವಾರು ಕುಡ್ಲ ಮೊಕ್ಲೆರ್ದ್ ಜುಲೈ 28 ರ್ದ್ 30 ಮುಟ್ಟ ರಾಜಬೂಡು ಬೆಂಗ್ಲೂರ್ ಡ್ ಯಕ್ಷ ಯಾತ್ರೆ ಗೌಜಿಡ್ ನಡಪರೆ ಉಂಡು.
ಜು.28 ಸುಕ್ರಾರ ಬೆಂಗ್ಲೂರ್ ದ ರವೀಂದ್ರ ಕಲಾಕ್ಷೇತ್ರಡ್ ಶ್ರೀ ದೇವಿ ಮಹಾತ್ಮೆ ಕನ್ನಡ ಆಟ ನಡಪರೆ ಉಂಡು.
ಜು.29 ಸನಿಯಾರ ಬೆಂಗ್ಲೂರ್ ದ ವಿಜಯನಗರ ಬಂಟರ ಸಂಘಡ್ ವಿಜಿತ್ ಶೆಟ್ಟಿ ಆಕಾಶಭವನ ವಿರಚಿತ (2 ಸಾರರ್ದ್ ಎಚ್ಚ ಪ್ರದರ್ಶನ ಆಯಿನ ಯಕ್ಷರಂಗಡ್ ದಾಖಲೆ ನಿರ್ಮಾಣ ಮಲ್ತಿನ ಪ್ರಸಂಗ) ತುಳು ಆಟ ಮಹಿಮೆದ ಮಂತ್ರದೇವತೆ ನಡಪರೆ ಉಂಡು.
ಜು.30 ಐತಾರ ಬೆಂಗ್ಲೂರ್ ದ ಪುಟ್ಟಣ್ಣ ಚೆಟ್ಟಿ ಪುರಭವನಡ್ ಉದಯ ಕುಮಾರ್ ಕುಂಜತ್ತೂರು ವಿರಚಿತ ತುಳು ಆಟ ಸತ್ಯೊದ ಸ್ವಾಮಿ ಕೊರಗಜ್ಜ ನಡಪರೆ ಉಂಡು.
ಈ ಯಕ್ಷ ಯಾತ್ರೆ ಪ್ರತಿ ದಿನಲ ಮಧ್ಯಾಹ್ನ 2 ಗಂಟೆರ್ದ್ ರಾತ್ರೆ 10 ಗಂಟೆ ಮುಟ್ಟ ನಡಪರೆ ಉಂಡು. ಈ ಲೇಸ್ ಗ್ ಪುಗರ್ತೆದ ಹಾಸ್ಯ ದಿಗ್ಗಜೆರಾಯಿನ ದಿನೇಶ್ ರೈ ಕಡಬ ಬೊಕ್ಕ ಪ್ರಜ್ವಲ್ ಗುರುವಾಯನಕೆರೆ ಮೊಕುಲು ಪಾಲ್ ಪಡೆಯೆರೆ ಉಲ್ಲೆರ್.
ಈ ಲೇಸ್ ಡ್ ನಿಕುಲು ಮಾತೆರ್ಲಾ ಪಾಲ್ ಪಡೆದ್ ಯಕ್ಷ ಕಲಾವಿದೆರೆಗ್ ಪ್ರೋತ್ಸಾಹ ಮಲ್ಪೊಡು ಪಂದ್ ಯಕ್ಷಧ್ರುವ ಪಟ್ಲ ಸತೀಶ್ ಶೆಟ್ಟಿ ಲೆಪ್ಪೋಲೆಡ್ ತೆರಿಪಾದೆರ್.
ಸೋನಾ ಗಣೇಶ್ ನಾಯಕ್, ಸೋನಾ ಕೇಟರರ್ಸ್ ಬೆಂಗ್ಲೂರ್, ಮೊಬೈಲ್ ನಂ. 9008001663
July 28th -30th: ” Yaksha Yatre” at Bangalore
Sona events and Manthan media jointly organise a program ‘ Yaksha Yatre ‘ by ” Sri Benkinatheshwara Yakshagana Mandale Bala- Kalavaru’ .
It will be played at different venues at Bangalore from 2 p.m to 10 p.m. Well known artists Dinesh Rai Kadaba and Prajwal Guruvainkere will participate.
For more details contact Sona Ganesh Nayak Sona Caterers, Bangalore
Mobile number:
9008001663
ತುಳುನಾಡ ಪೊರ್ಲು ಸೇವಾ ಟ್ರಸ್ಟ್(ರಿ.) ವತಿರ್ದ್ 2023ನೇ ವರ್ಷದ ಶೈಕ್ಷಣಿಕ ಸೇವಾ ಯೋಜನೆಡ್ ಶಂಭೂರು ಸರಕಾರಿ ಶಾಲೆದ 170 ಜೋಕುಲೆಗ್ ಬೊಕ್ಕ ಕುಂಟಾಲಪಲ್ಕೆ ಸಹಕಾರಿ ಶಾಲೆದ 33 ಜೋಕುಲೆಗ್ ಬೂಕು ಪಟ್ಟುನ ಲೇಸ್ ನಡತ್ಂಡ್.
ಈ ಪೊರ್ತುಡು ಶಾಲಾಭಿವೃದ್ಧಿ ಸಮಿತಿದಕುಲು, ಶಿಕ್ಷಕ ವೃಂದ, ಜೋಕುಲೆನ ಪೋಷಕೆರ್ ಬೊಕ್ಕ ಟ್ರಸ್ಟ್ ದಕುಲು ಇತ್ತೆರ್.
ಮುಲ್ಕಿ: ಶ್ರೀ ದುರ್ಗಾಪರಮೇಶ್ವರಿ ಸೇವಾ ಯುವಕ ವೃಂದದ ವತಿರ್ದ್ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಡ್ ಲೋಕ ಕಲ್ಯಾಣಾರ್ಥವಾದ್, ಜೂನ್ 11 ಐತಾರ ಸಾರ್ವಜನಿಕ ಬೊಂಡದ ಅಭಿಷೇಕ ನಡಪರೆ ಉಂಡು.
ಈ ಲೇಸ್ ಗ್ ಬೊಂಡ ಕೊರ್ಪಿನ ಭಕ್ತಾಭಿಮಾನಿಲು ಮಾತ ಜೂನ್ 10 ಸನಿಯಾರದಾನಿ ದೇವಲ್ಯಗ್ ಕನತ್ ಕೊರೊಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.
June 11 th – ‘ Bondabisheka ‘ at Bappanadu Shri Durgaparameshwari temple
Mulki: Shri Durga parameshwari Seva Yuvaka Vrinda will organise sarvajanika
‘ Bondabisheka ‘ on June 11 th for the welfare of society.
ಕುಡ್ಲ: ದಕ್ಷಿಣಕನ್ನಡ ಜಿಲ್ಲಾಧಿಕಾರಿ ಕಚೇರಿದ ಗಾಡಿ ಡ್ರೈವರ್ ಬಾಲಕೃಷ್ಣ (58) ಮೇರ್ ಗುರುವಾರ ತನ್ನ ಇಲ್ಲಲ್ ಬಲ್ಲ್ ಪಾಡೊಂದು ತೀರ್ ಪೋಯಿನ ಘಟನೆ ನಡತ್ಂಡ್.
ಬಂಗ್ರಕೂಳೂರು ಮಾಲಾಡಿ ಕೋರ್ಟ್‌ ಕೈತಲ್ ದ ರಾಘವೇಂದ್ರ ನಿಲಯಡ್ ವಾಸ ಇತ್ತಿನ ಮೇರ್ ನೇರ್ದ್ ದುಂಬು ಆರೋಗ್ಯ ಇಲಾಖೆಡ್ ಡ್ರೈವರ್ ಆದಿತ್ತೆರ್. ಬೊಕ್ಕ ಕೆಲವು ಜನ ಜಿಲ್ಲಾಧಿಕಾರಿಲೆನ ಕಾರ್ ದ ಡ್ರೈವರ್ ಆದ್ ಬೇಲೆ ಮಲ್ತೊಂದು ಇತ್ತೆರ್. ತಿಗಲೆ ಬೊಕ್ಕ ಕರ್ಲ್ ದ ತೊಂದರೆರ್ದ್ ನರಲೊಂದು ಇತ್ತಿನ ಮೇರ್ ಚಿಕಿತ್ಸೆ ಪಡೆವೊಂದು ಇತ್ತೆರ್. ಈ ಬಗೆಟ್ ಮೆರೆನ ಮಗೆ ಚೇತನ್‌ ಕೊರಿನ ದೂರುದಂಚೆನೆ ಕಾವೂರು ಪೊಲೀಸೆರ್ ಕೇಸ್ ದಾಖಲ್ ಮಲ್ದೆರ್.
A driver at the DK district commissioner’s office commits suicide
Mangalore: Balakrishna (58) driver at the DK district commissioner’s office commits suicide in his house at Bengrekuloor
ಕಾರ್ಲ: ಬೈಕ್ ಬೊಕ್ಕ ಬಸ್ ಗುದ್ದುದು ಬೈಕ್ ಸವಾರೆ ಜಾಗೆಡೇ ತೀರ್ ಪೋಯಿನ ಘಟನೆ ಬೈಲೂರು ಪರಶುರಾಮ ಥೀಮ್ ಪಾರ್ಕ್ ದ ಕೈತಲ್ ನಡತ್ಂಡ್.
ತೀರ್ ಪೋಯಿನಾರ್ ನೆಲ್ಲಿಗುಡ್ಡೆ ನಿವಾಸಿ ಕಾರ್ತಿಕ್ ಪಂದ್ ತೆರಿದ್ ಬೈದ್ಂಡ್. ಮೆರೆಗ್ ಬೊಡೆದಿ ಬೊಕ್ಕ 10 ತಿಂಗೊಲ್ದ ಬಾಲೆ ಉಲ್ಲೆರ್. ಮೆರೆನ ಪುನನ್ ಕಾರ್ಲ ಸರಕಾರಿ ಆಸ್ಪತ್ರೆದ ಶವಾಗಾರಡ್ ದೀತೆರ್. ಈ ಬಗೆಟ್ ನಗರ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.
Karkala: Bus and Bike collusion – Motorist dies in the spot
Karkala: In a collusion between a bike and bus near Parashurama theme park, the bike rider died on the spot. The deceased has been identified as Kartik from Nelligudde.
ಕುಡ್ಲ: ಕೌಶಲ್ಯಾಭಿವೃದ್ಧಿ, ಉದ್ಯಮಶೀಲತೆ ಬೊಕ್ಕ ಜೀವನೋಪಾಯ ಇಲಾಖೆ ವತಿರ್ದ್ ಯುರೋಪ್ ದೇಶಡ್ ಖಾಲಿ ಇಪ್ಪುನ ಡ್ರೈವರ್ ಬೇಲೆದ ನೇಮಕಾತಿಗ್ ಆಸಕ್ತಿ ಇಪ್ಪುನ ಆಂಜೋವ್ ಬೊಕ್ಕ ಪೊಂಜೋವ್ ನಕುಲು ಅರ್ಜಿ ಸಂದಾವೊಲಿ.
ಮಲ್ಲ ಟ್ರಕ್ ಬೊಕ್ಕ ಟ್ರೇಲರ್ ಡ್ರೈವಿಂಗ್ ಬೇಲೆಗ್ ಅಭ್ಯರ್ಥಿಲು ಜೂನ್ 11 ತ್ತ ಉಲಯಿ ಅಶೋಕ ನಗರಡ್ ಇಪ್ಪುನ ಉರ್ವ ಮಾರ್ಕೆಟ್ ದ ಕಟ್ವಾನದ 2ನೇ ಮಾಳಿಗೆಡ್ ಇಪ್ಪುನ ಜಿಲ್ಲಾ ಕೌಶಲ್ಯಾಭಿವೃದ್ಧಿ ಕಚೇರಿಡ್ ಅರ್ಜಿ ಸಂದಾವೊಲಿ.
ಉಂದುವೇ ಜೂನ್ 20 ಬೊಕ್ಕ 21 ಕ್ಕ್ ಅಭ್ಯರ್ಥಿಲೆಗ್ ನೇರ ಸಂದರ್ಶನ ನಡಪರೆ ಉಂಡು. ಮೂಲವೇತನ 1,07,000 ರೂ. ರ್ದ್ 1,34,000 ರೂ. (1200-1500 ಯುರೋ) ಪ್ರತಿ ತಿಂಗೊಲ್ ಗ್ ಕೊರ್ಪೆರ್. ನೆತ್ತೊಟ್ಟಿಗೆ ವಸತಿ, ವಿಮೆ ಸವಲತ್ತ್ ರಡ್ಡ್ ಜನಕ್ಲ ಸಮಾನಾದ್ ಅವಕಾಶ ಉಂಡು. ಅಂಚೆನೆ ಇಂಗ್ಲೀಷ್ ಭಾಷೆ ಕಡ್ಡಾಯವಾದ್ ಗೊತ್ತಿಪ್ಪೊಡು.
ಎಚ್ಚದ ಪೊಲಬುಗಾದ್ ಜಿಲ್ಲಾ ಸಲಹೆಗಾರೆರ್ ಮೊ.ಸಂಖ್ಯೆ 911024845, 9141584259ಗ್ ಕಾಲ್ ಮಲ್ಪೊಲಿ ಪಂದ್ ಜಿಲ್ಲಾ ಕೌಶಲ್ಯಾಭಿವೃದ್ಧಿ ಅಧಿಕಾರಿ ಪ್ರಕಟಣೆಡ್ ತೆರಿಪಾದೆರ್.
ಕಟೀಲ್: ಕಟೀಲ್ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಡ್ ಸಂಪ್ರದಾಯದಂಚೆನೆ ಅತ್ತೂರ್ ಕೊಡೆತ್ತೂರ್ ಗ್ರಾಮಸ್ಥೆರೆನ ವತಿರ್ದ್ ಬುಧಾರ ಬೊಂಡದ ಅಭಿಷೇಕ ನಡತ್ಂಡ್.
ಈ ಪೊರ್ತುಡು ಮಾಗಣೆದ ಭಕ್ತೆರ್ ಇತ್ತೆರ್.
ಕೇರಳದ ಆಲಪ್ಪುಳಡ್ ಬೊಡೆದಿ ಆತ್ಮಹತ್ಯೆ ಮಲ್ತೊನ್ನ ಬಗೆಟ್ ಮಾನಸಿಕ ಆಯಿನ ವ್ಯಕ್ತಿಯೊರಿ ಮಗಲೆನೇ ಕೆರಿನ ಘಟನೆ ನಡತ್ ದ್ಂಡ್.
ಆರೋಪಿ ಆಲಪ್ಪುಳದ ಪುನ್ನಮೂಡು, ಮಾವೇಲಿಕ್ಕರ ಮೂಲದ ನಿವಾಸಿ ಮಹೇಶ್ ಪನ್ಪುನಾರ್ ಮಗಲ್ ನಕ್ಷತ್ರನ್ ಕೆರ್ತೆರ್.
ಮಹೇಶ್ ನ ಇಲ್ಲಲ್ ಬುಧಾರ ರಾತ್ರೆ ಸುಮಾರ್ 8 ಗಂಟೆಗ್ ನಕ್ಷತ್ರನ ಬೊಬ್ಬೆ ಕೇಂದ್ ಬತ್ತಿನ ಮಹೇಶ್ ನ ಅಮ್ಮ ಸುನಂದಾ (62) ಮೆರೆನ ಮಿತ್ತ್ ಲ ಮಹೇಶ್ ಪೆಟ್ಟ್ ಮಲ್ದೆರ್. ನೇರ್ದ್ ಮೆರೆನ ತರೆ ಬೊಕ್ಕ ನಾಲಿಗ್ ಪೆಟ್ಟಾತ್ಂಡ್. ಈ ಘಟನೆಗ್ ಕಾರಣ ನನ ಗೊತ್ತಾವೊಡಾತೆ. ಅತ್ತಂದೆ ಮಾನಸಿಕ ಕಾಯಿಲೆಗ್ ಈ ಆರೋಪಿ ನಾಲ್ ವರ್ಷೊದಿಂಚ ಚಿಕಿತ್ಸೆ ಪಡೆಯೊಂದು ಇತ್ತೆರ್ ಪಂದ್ ತೆರಿದ್ ಬೈದ್ಂಡ್.
A man who became mentally unstable on the suicide of his wife, kills his daughter
In an incident reported from Alleppey in Kerala a mentally unstable man Mahesh ,on medication for his mental illness brutally killed his daughter Nakshatra .
The reason for the crime is not yet known.
