ಚಿಣ್ಣರ ಬಿಂಬ ಮೀರಾ ರೋಡ್ ಶಿಬಿರದ ಸಾಂಸ್ಕೃತಿಕ ಪ್ರತಿಭಾ ಪಂತೊ-2023
ಚಿಣ್ಣರ ಬಿಂಬ ಬೊಂಬೈದ ಶಿಬಿರಲೆಡ್ ಒಂಜಾಯಿನ ಮೀರಾರೋಡ್ ಶಿಬಿರದ ಜೋಕುಲೆನ ಸಾಂಸ್ಕೃತಿಕ ಪ್ರತಿಭಾ ಪಂತೊ-2023 ಆ.13 ಐತಾರ ಮಧ್ಯಾಹ್ನ ಬೈಂದರ್ ಪೂರ್ವದ ಶಕ್ತಿನಗರ ನ್ಯೂ ಸೈಂಟ್ ಆಗ್ನೆಸ್ ಹೈಸ್ಕೂಲ್ ಡ್, ಚಿಣ್ಣರ ಬಿಂಬದ ರೂವಾರಿ ಪ್ರಕಾಶ್ ಭಂಡಾರಿ ಮೆರೆನ ಮಾರ್ಗದರ್ಶನಡ್ ನಡತ್ಂಡ್.
ಶಿಬಿರದ ಜೋಕುಲೆನ ಭಜನೆದೊಟ್ಟಿಗೆ ಪ್ರತಿಭಾ ಸ್ಪರ್ಧೆ ಲೇಸ್ ಸುರು ಆಂಡ್. ಭಾಷಣ, ಭಾವಗೀತೆ, ಜಾನಪದ ಗೀತೆ, ಏಕಪಾತ್ರಾಭಿನಯ, ಛದ್ಮವೇಷ, ಪಾಲಕೆರೆಗಾದ್ ದೇಶಭಕ್ತಿಗೀತೆ ಪಂತೊ ನಡತ್ಂಡ್.
ಶಿಬಿರ ಮುಖ್ಯಸ್ಥೆರ್ ವೀಣಾಕ್ಷಿ ಶೆಟ್ಟಿ ಎದ್ಕೊನಿಯೆರ್. ಜೋಕುಲೆನ ಪ್ರತಿಭಾ ಪಂತೊ ಲೇಸ್ ನ್ Rai Sumati Educational Trust, ಸೈಂಟ್ ಆಗ್ನೆಸ್ ಇಂಗ್ಲೀಷ್ ಹೈಸ್ಕೂಲ್, K S ಮೆಹ್ತಾ ಸ್ಕೂಲ್ ಬೊಕ್ಕ ಜೂನಿಯರ್ ಕಾಲೇಜ್ ದ ಕಾರ್ಯಾಧ್ಯಕ್ಷೆರ್ Dr. ಅರುಣೋದಯ ರೈ ಬಿಳಿಯೂರು ಗುತ್ತು ಮೇರ್ ಉದಿಪನ ಮಲ್ತೆರ್. ಶಿಬಿರದ ಚಿಣ್ಣೆರೆರ್ದ್ ಪ್ರಾರ್ತನೆ ನಡತ್ಂಡ್.
ಜೋಕುಲೆನ ಲೇಸ್ ನ್ ಉದಿಪನ ಮಲ್ತಿನ ಡಾಕ್ಟರ್ ಅರುಣೋದಯ ರೈ ಪಾತೆರ್ದ್, ಪೋಷಕೆರ್ ಜೋಕುಲೆಗ್ ಎಚ್ಚದ ಒತ್ತಡ ಪಾಡಿಯೆರೆ ಬಲ್ಲಿ. ಇತ್ತೆದ ಜೋಕುಲೆಡ ಸಂಯಮ ಕಮ್ಮಿ. ಅಂಚಾದ್ ಕೆಲವೊರ ಆತುರಡ್ ಬೊರ್ಚಂದಿನ ನಿರ್ಧಾರ ದೆತೊನುವೆರ್. ಪಾಲಕೆರ್ ಜೋಕುಲೆನ ಮನೋಬಲ ಎಚ್ಚ ಮಲ್ಪಾವುನ ಎಡ್ಡೆ. ಅಂಚಿನ ವಾತವರಣನ್ ಒದಗಿಸಾವೊಡು. ಇಂಚಿನ ಕಜ್ಜೊಲು ಚಿಣ್ಣರ ಬಿಂಬ ಸಂಸ್ಥೆ ಮಲ್ತೊಂದುಂಡು ಪಂದ್ ಪಂಡೆರ್.
ವಲಯ ಮುಖ್ಯಸ್ಥೆರ್ ಆಶಾಲತಾ ದಿನಕರ ಕೊಠಾರಿ ಮೇರ್ ಪ್ರಾಸ್ತಾವಿಕ ಪಾತೆರಿಯೆರ್.
ಮಲ್ಲ ಬಿನ್ನೆರಾಯಿನ ಮೀರಾರೋಡ್ ಶುಭಂ ಹೋಟೆಲ್ ದ ಧಣಿ ಉದಯ್ ಎಮ್ ಶೆಟ್ಟಿ ಮಲರಬೀಡು ಪಾತೆರ್ದ್, ಜೋಕುಲೆನ್ ಈತ್ ಪೊರ್ಲು ತಯಾರ್ ಮಲ್ತಿನ ಪೋಷಕೆರೆನ್ ತೂದು ಮಸ್ತ್ ಕುಸಿ ಆಂಡ್. ಚಿಣ್ಣರ ಬಿಂಬದ ಪುದರ್ ಜಗತ್ತ್ ಇಡೀ ಪಸೆರೊಂದು ಉಂಡು. ಚಿಣ್ಣರ ಬಿಂಬದೊಟ್ಟಿಗೆ ಏಪಲ ಇಪ್ಪುವೆ ಪಂದ್ ಭರವಸೆ ಕೊರಿಯೆರ್.
ಈ ಲೇಸ್ ದ ಬಿನ್ನೆರ್ ಅತಿಥಿ ಸಾಯಿ ಬಾಲಾಜಿ ಹೌಸಿಂಗ್ ಕ್ರೆಡಿಟ್ ಸೊಸೈಟಿದ ನಿರ್ದೇಶಕೆರ್ ಯೋಗೇಂದ್ರ ಎಸ್ ಗಾಣಿಗ ಪಾತೆರ್ದ್, ಒಂಜಿ ಬಾಲೆಡ ಇಪ್ಪುನ ಪ್ರತಿಭೆನ್ ತೂದು, ಅಕ್ಲೆನ್ ಪ್ರೋತ್ಸಾಹ ಮಲ್ತ್ ದ್ ದುಂಬು ಕನಪುನ ಚಿಣ್ಣರ ಬಿಂಬದ ಪಾತ್ರ ಮೆಚ್ಚುಡಾಯಿನವು ಪಂದ್ ಪಂಡೆರ್.
ಈ ಜೋಕುಲೆನ ಲೇಸ್ ದ ಬಿನ್ನೆರ್ ನಿತ್ಯಾನಂದ ಸೇವಾ ಸಂಸ್ಥೆದ ಮಹಿಳಾ ವಿಭಾಗದ ಅಧ್ಯಕ್ಷೆರ್ ಜಯಶ್ರೀ ಬಾಲಕೃಷ್ಣ ಶೆಟ್ಟಿ ಮೇರ್ ಪಾತೆರ್ದ್, ಯಾನ್ ಚಿಣ್ಣರ ಬಿಂಬದ ಲೇಸ್ ಗ್ ಸುರುತ್ತ ಸರ್ತಿ ಬೈದೆ. ಜೋಕುಲೆನ ಪ್ರತಿಯೊಂಜಿ ಪ್ರಸ್ತುತಿ ಅದ್ಬುತ ಆತ್ಂಡ್. ಜೋಕುಲೆನ ಲೇಸ್ ನ್ ತೂವೊಂದೆ ಇಪ್ಪೊಡು ಪಂದ್ ಪಂಡೆರ್.
ಚಿಣ್ಣರ ಬಿಂಬದ ರೂವಾರಿಲೆಡ್ ಒರಿ ಡಾಕ್ಟರ್ ಸುರೇಂದ್ರ ಕುಮಾರ್ ಹೆಗ್ಡೆ ಪಾತೆರ್ದ್, ಚಿಣ್ಣರಬಿಂಬದ ಉದ್ದೇಶನ್ ಮಸ್ತ್ ಪೊರ್ಲುಡು ತೆರಿಪಾಯೆರ್. ಚಿಣ್ಣರ ಬಿಂಬಡ್ ತಾಯ್ನಾಡ್ ದ ನಡೆ-ನುಡಿ, ಆಚರಣೆ, ಬೇತೆ ಬೇತೆ ಬಗೆತ್ತ ವೈವಿಧ್ಯಮಯ ಕಲೆತ್ತ ಮುಖೇನ ಜೋಕುಲೆನ ಜೀವನ ಮೌಲ್ಯದ ಬಗೆಟ್ಟ್ ಪೊಲಬು ಪುಟ್ಟಾವೊಡು. ಮುಲ್ಪ ಪಂತೊ ನಡಪಾವುನ ಉದ್ದೇಶ ದಾದ ಪನ್ಪುನೆನ್ ಪಾಲಕೆರೆಗ್ ಮನಸ್ ಗ್ ಮುಟ್ಟುಲೆಕ್ಕ ತೆರಿಪಾವೊಡು. ಪಂತೊ ಪನ್ಪುನವು ಒಂಜಿ ಬಾಲೆನ್ ಆತ್ಮವಿಶ್ವಾಸದ ವ್ಯಕ್ತಿಯಾದ್ ತಯಾರ್ ಮಲ್ಪರೆ ಸಕಾಯ ಆಪುಂಡು ಪಂದ್ ಪಂಡೆರ್.
ಪ್ರತಿಭಾ ಪಂತೊ ಸಭಾ ಲೇಸ್ ದ ಗುರ್ಕಾರ್ಮೆನ್ ಒಯಿಸೊನ್ನ ಬಂಟ್ಸ್ ಸಂಘ ಬೊಂಬೈ, ಮೀರಾ ಬೈಂದರ್ ಪ್ರಾದೇಶಿಕ ಸಮಿತಿದ ಜತೆ ಕೋಶಾಧಿಕಾರಿ ರಮೇಶ್ ಎಂ ಶೆಟ್ಟಿ ಸಿದ್ದಕಟ್ಟೆ ಮೇರ್ ಪಾತೆರ್ದ್, ಚಿಣ್ಣರ ಬಿಂಬ ಸಂಸ್ಥೆ ಜೋಕುಲೆನ ಭವಿಷ್ಯಗ್ ಎಡ್ಡೆ ಅಡಿಪಾಯ ಪಾಡ್ದ್ ಕೊರೊಂದು ಉಂಡು. ಪಾಲಕೆರ್ ಅವೆತ್ತ ಸದುಪಯೋಗನ್ ಪಡೆವೊಡು. ಈ ಸಂಸ್ಥೆಗ್, ಚಿಣ್ಣರೆಗ್ ಎನರ್ದ್ ಆಪಿನ ಅಳಿಲು ಸೇವೆ ಮಲ್ಪುವೆ ಪಂದ್ ಪಂಡೆರ್.
ಚಾವಡಿಡ್ ಕೇಂದ್ರ ಸಮಿತಿದ ವಿಜಯ್ ಕೋಟ್ಯಾನ್, ಜಗದೀಶ್ ರಾವ್, ಪ್ರಾದೇಶಿಕ ಮುಖ್ಯಸ್ಥೆರ್ ವಿನಯ ಶೆಟ್ಟಿ ಇತ್ತೆರ್. ತೀರ್ಪುಗಾರೆರಾದ್ ಗಣೇಶ್ ಕುಮಾರ್ ಬೊಕ್ಕ ವಾಣಿ ಶೆಟ್ಟಿ ಪಾಲ್ ಪಡೆದಿತ್ತೆರ್.
ಗಣೇಶ್ ಕುಮಾರ್ ಪಾತೆರ್ದ್, ಜೋಕುಲು ಮಾತ ಮಸ್ತ್ ಆಸಕ್ತಿರ್ದ್ ಪಂತೊಡು ಪಾಲ್ ಪಡೆತೆರ್. ಇನಾಮು ಪಡೆಪುನವೇ ಮುಖ್ಯ ಅತ್ತ್. ನಮ್ಮ ಬದ್ ಕೇ ಒಂಜಿ ಪಂತೊ. ಅವೆಟ್ಟ್ ಯಶಸ್ವಿ ಆವೊಡು. ಜೋಕ್ಲೆನ ಪ್ರತಿಭೆಗ್ ಸರಿಯಾಯಿನ ಚಾವಡಿನ್ ಒದಗಾದ್ ಕೊರ್ಪಿನ ಚಿಣ್ಣರ ಬಿಂಬದ ಕಜ್ಜೊ ಮೆಚ್ಚೊಡಾಯಿನವು.
ಶಿಬಿರದ ಜೋಕುಲು ಜನಪದ ನೃತ್ಯ ಪ್ರದರ್ಶನ ಮಲ್ತೆರ್. 10 ನೇ ಬೊಕ್ಕ 12ನೇ ಕ್ಲಾಸ್ ಡ್ ಎಚ್ಚ ಮಾರ್ಕ್ಸ್ ಪಡೆಯಿನ ಜೋಕುಲೆಗ್ ಪೂತ್ತ ಗೊಂಚಿಲ್ ಕೊರ್ದು, ಪ್ರೋತ್ಸಾಹ ಮಲ್ತೆರ್. ಕರಿನ ವರ್ಷೊದ ಶಿಬಿರದ ಮುಖ್ಯಸ್ಥೆರ್ ಅಮೃತ ಸಾಲಿಯಾನ್ ಬೊಕ್ಕ ಸಾಂಸ್ಕೃತಿಕ ಮುಖ್ಯಸ್ಥೆರ್ ಶೈಲಜಾ ಶೆಟ್ಟಿ ಮೊಕ್ಲೆಗ್ ಮಾನಾದಿಗೆ ನಡತ್ಂಡ್. ಚಿಣ್ಣೆರಾಯಿನ ಸಿಂಚನ ಸುವರ್ಣ, ಶ್ರೀಶಾ ಪೂಜಾರಿ,ಅನ್ವಿತಾ ಗಾಣಿಗ, ಆಹನಾ ಗಾಣಿಗ, ಆರ್ಯ ಶೆಟ್ಟಿ ಬಿನ್ನೆರೆನ ಪರಿಚಯ ಮಲ್ತೆರ್. ಲೇಸ್ ನ್ ಚೈತಾಲಿ ಶೆಟ್ಟಿ, ಶರಣ್ಯ ಶೆಟ್ಟಿ, ಅನ್ವಿತ್ ಸಾಲಿಯಾನ್, ಲಕ್ಷ್ ಶೆಟ್ಟಿ ಸುಧಾರಿಕೆ ಮಲ್ತೆರ್.
ಲೇಸ್ ದ ಯಶಸ್ವಿಗ್ ಕನ್ನಡ ಶಿಕ್ಷಕಿ ಸುಲೋಚನಾ ಶೆಟ್ಟಿ, ಮಲ್ಲಿಕಾ ಶೆಟ್ಟಿ, ಭಜನೆ ಶಿಕ್ಷಕಿ ಶಾಂತ ಆಚಾರ್ಯ, ಸುಜಾತ ಶೆಟ್ಟಿ, ಪೂರ್ಣಿಮ ಪೂಜಾರಿ, ಸುನಿತಾ ಶೆಟ್ಟಿ, ಶರ್ಮಿಳಾ ಶೆಟ್ಟಿ ಬೊಕ್ಕ ಮೀರಾರೋಡ್, ಬೈಂದರ್ ಶಿಬಿರದ ಮಾತ ಸ್ವಯಂಸೇವಕೆರ್, ಪಾಲಕೆರ್, ಜೋಕುಲು, ಹಳೆ ವಿದ್ಯಾರ್ಥಿಲು ಕಾರಣರಾಯೆರ್.
ಲೇಸ್ ಗ್ ಸುಮಾರ್ 250 ರ್ದ್ ಎಚ್ಚ ಜನ ಪಾಲ್ ಪಡೆದಿತ್ತೆರ್. ಸುಮಾರ್ ಸಂಘ ಸಂಸ್ಥೆಲೆನ ಪದಾಧಿಕಾರಿಲು ಬತ್ತಿತ್ತೆರ್. ಇನಾಮು ಪಟ್ಟುನ ಲೇಸ್ ನ್ ಪೇಜಾವರ ಶಿಬಿರದ ಸುಮಿತ್ರ ದೇವಾಡಿಗ ಕಾಂದಿವಲಿ, ಜಯಲಕ್ಷ್ಮಿ ಶೆಟ್ಟಿ ನಡಪಾದ್ ಕೊರಿಯೆರ್.
ಜೋಕುಲೆನ ಪ್ರತಿಭಾ ಪಂತೊಡು ಗೆಂದಿನಕ್ಲೆನ ಪೊಲಬು:
ಭಾಷಣ:
(ಜೂನಿಯರ್)
ಸುರುತ್ತ ಇನಾಮು- ಭಾನ್ವಿ ಭಂಡಾರಿ
ರಡ್ಡನೇ ಇನಾಮು-ಅಹನಾ ಗಾಣಿಗ
ಮೂಜಿನೇ ಇನಾಮು-ತನುಷ್ ಆಚಾರ್ಯ
ಚರ್ಚೆ :
(ಸೀನಿಯರ್)
ಸುರುತ್ತ ಇನಾಮು-ಅನ್ವಿತಾ ಗಾಣಿಗ
ರಡ್ಡನೇ ಇನಾಮು-ಸಮರ್ಥ್ ಮಗಾರೆ
ಮೂಜಿನೇ ಇನಾಮು- ಅಕ್ಷತಾ ಶೆಟ್ಟಿ
ಜಾನಪದ ಗೀತೆ:
(ಜೂನಿಯರ್)
ಸುರುತ್ತ ಇನಾಮು-ಪ್ರಣತಿ ಬಿಲ್ಲವ
ರಡ್ಡನೇ ಇನಾಮು-ಶ್ರೀಯಾ ಪೂಜಾರಿ
ಮೂಜಿನೇ ಇನಾಮು-ಸಾನ್ವಿ ಶೆಟ್ಟಿ
ಭಾವಗೀತೆ:
(ಸೀನಿಯರ್)
ಸುರುತ್ತ ಇನಾಮು-ದೀಕ್ಷಾ ಪೂಜಾರಿ
ರಡ್ಡನೇ ಇನಾಮು-ಸಿಂಚನ ಸುವರ್ಣ
ಮೂಜಿನೇ-ಅನ್ವಿತಾ ಗಾಣಿಗ
ಏಕಪಾತ್ರಾಭಿನಯ:
(ಸೀನಿಯರ್)
ಸುರುತ್ತ ಇನಾಮು-ಸಿಂಚನ ಸುವರ್ಣ
ರಡ್ಡನೇ ಇನಾಮು-ಆರ್ಯ ಶೆಟ್ಟಿ
ಮೂಜಿನೇ ಇನಾಮು- ಶಾಶ್ವತ್ ಶೆಟ್ಟಿ
ಛದ್ಮವೇಷ:
(ಜೂನಿಯರ್ ಪಂತಡ್)
ಸುರುತ್ತ ಇನಾಮು-ಭಾನ್ವಿ ಭಂಡಾರಿ
ರಡ್ಡನೇ ಇನಾಮು-ಅದ್ವಿತಿ ಶೆಟ್ಟಿ
ಮೂಜಿನೇ ಇನಾಮು- ತೀರ್ಥ್ ಶೆಟ್ಟಿ
ಪಾಲಕರ ದೇಶಭಕ್ತಿ ಗೀತೆ:
ಸುರುತ್ತ ಇನಾಮು- ಶ್ರೀಕಾಂತ್ ಪೂಜಾರಿ
ರಡ್ಡನೇ ಇನಾಮು-ಸುನೀತಾ ಶೆಟ್ಟಿ
ಮೂಜಿನೇ ಇನಾಮು-ಶೈಲಾ ಹೆಗ್ಡೆ
ಸಾಂಸ್ಕೃತಿಕ ಮುಖ್ಯಸ್ಥೆರ್ ಶೈಲಾ ಹೆಗ್ಡೆ ಸೊಲ್ಮೆ ಸಂದಾಯೆರ್. ಅಂಚೆನೆ ಲಘು ಉಪಹಾರದ ವ್ಯವಸ್ಥೆಲ ಇತ್ತ್ಂಡ್. ಜನಗಣಮನದೊಟ್ಟಿಗೆ ಲೇಸ್ ಸಂಪನ್ನ ಆಂಡ್.
