ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಯೋಗ ಸುಯೋಗ ಸರಣಿ ಲೇಸ್ ದ 38 ನೇ ಸಂಚಿಕೆ ಡಿ. 18 ಸೋಮಾರ ಬಯ್ಯಗ್ 4.15 ಕ್ಕ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಒಡಿಪು ಚಿಟ್ಪಾಡಿದ ಶ್ರೀ ಗುರುಕೃಪಾ ಯೋಗ ವಿದ್ಯಾ ಪ್ರತಿಷ್ಠಾನಡ್ ಯೋಗ ಶಿಕ್ಷಕೆರಾಯಿನ ಆರ್ ಶಿವಕುಮಾರ್ ಪಾಲ್ ಪಡೆಯೆರೆ ಉಲ್ಲೆರ್. ಡಿ.19 ಮಧ್ಯಾಹ್ನ 12.15 ಕ್ಕ್ ಕುಡೊರ ಪ್ರಸಾರ ಆಪುಂಡು. ಈ ಲೇಸ್ ನ್ ರೇಡಿಯೊ ಮಾತ್ರ ಅತ್ತಂದೆ ಆಂಡ್ರಾಯ್ಡ್ ಫೋನ್ ಬೊಕ್ಕ ಐಫೋನ್ ಡ್ ರೇಡಿಯೋ ಮಣಿಪಾಲ್ ಆಪ್ ಡೌನ್ಲೋಡ್ ಮಲ್ತ್ ದ್ ಕೇನೊಲಿ ಪಂದ್ ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆ ತೆರಿಪಾದ್ಂಡ್.
ಪುಗರ್ತೆದ ಶ್ರೀ ದುರ್ಗಾ ಫ್ರೆಂಡ್ಸ್ ಕ್ಲಬ್ (ರಿ.) ಕೆಮ್ಮಣ್ಣು, ನಿಟ್ಟೆ ನೆತ್ತ ಮುತಾಲಿಕೆಡ್ ವಿಶಿಷ್ಟ ಪರಿಕಲ್ಪನೆದ ದೀಪಾವಳಿ ಟ್ರೋಫಿ – 2023 ಆಜಿನೇ ಆವೃತ್ತಿದ 40 ಗಜತ್ತ ಕ್ರಿಕೆಟ್ ಪಂತೊ ಕೆಮ್ಮಣ್ಣು ಬೀದಿಮನೆ ಮೈದಾನಡ್ ಇಂಚಿಪ್ಪ ನಡತ್ಂಡ್.
ಲೇಸ್ ಡ್ ಕೆಮ್ಮಣ್ಣು ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯದ ಪ್ರಧಾನ ಅರ್ಚಕೆರ್ ಶಾಂತಾರಾಮ್ ಭಟ್, ಯುವ ಉದ್ಯಮಿ ಅರುಣ್ ಕುಮಾರ್ ನಿಟ್ಟೆ, ಕಾಪು ವಲಯದ ಯುವಜನ ಸೇವೆ ಬೊಕ್ಕ ಕ್ರೀಡಾಧಿಕಾರಿ ರಿತೇಶ್ ಕುಮಾರ್ ಶೆಟ್ಟಿ ಸೂಡ, ಕಾರ್ಲ ತಾಲೂಕ್ ಕ್ರಿಕೆಟ್ ಅಸೋಸಿಯೇಷನ್ ದ ಗುರ್ಕಾರೆ ಅವಿನಾಶ್ ಶೆಟ್ಟಿ, ಬೀದಿಮನೆ ಸುರೇಶ್ ರಾವ್, ಕೈತಲ್ ದ ಪಂಚಾಯತ್ ಪ್ರತಿನಿಧಿ ಸಂತೋಷ್ ಶೆಟ್ಟಿ, ರೈತ ಉತ್ಪಾದಕ ಸಂಸ್ಥೆದ ನಿರ್ದೇಶಕೆರ್ ವೆಂಕಟಕೃಷ್ಣ ಭಟ್, ಕ್ಲಬ್ ದ ಗುರ್ಕಾರೆ ಪ್ರಶಾಂತ್ ಕುಮಾರ್ ಕೆ., ಕಾರ್ಯದರ್ಶಿ ಕೃಷ್ಣಾನಂದ ರಾವ್ ಬೊಕ್ಕ ಕ್ರೀಡಾ ಕಾರ್ಯದರ್ಶಿ ದೀಪಕ್ ಪಾಲ್ ಪಡೆದಿತ್ತೆರ್.
ವಿದ್ವಾನ್ ಪ್ರಸನ್ನ ಆಚಾರ್ಯ ತುಡರ್ ಅರ್ಲಾದ್ ಲೇಸ್ ದ ಉದಿಪನ ಮಲ್ತೆರ್. ತುಡರ್ ಪರ್ಬದ ಲೆಕ್ಕೊಡು ಇಪ್ಪುನ ‘ನರಕಾಸುರ ನಟೋರಿಯಸ್’, ‘ತುಡರ್ ನೈಟ್ ರೈಡರ್ಸ್’, ‘ಬಲೀಂದ್ರ ಬುಲ್ಸ್’ ಬೊಕ್ಕ ‘ವಾಮನ ವಾರಿಯರ್ಸ್’ ಪನ್ಪುನ ಪುದರ್ ದ ನಾಲ್ ಕೂಟಲು ಈ ಪಂತೊಡು ಗೊಬ್ಬುದು ಮಾತೆರೆನ್ಲಾ ಮನಸ್ ಗೆಂದ್ಂಡ್.
ಮಲ್ಲ ಬಿನ್ನೆರಾಯಿನ ರಿತೇಶ್ ಕುಮಾರ್ ಶೆಟ್ಟಿ ಸೂಡ, ಗ್ರಾಮೀಣ ಭಾಗದ ಸಂಸ್ಥೆ ‘ದೀಪಾವಳಿ ಟ್ರೋಫಿ’ ಪರಿಕಲ್ಪನೆಡ್ ಆಯೋಜನೆ ಮಲ್ತಿನ ಪಂತೊದ ಬಗೆಟ್ಟ್ ಮೆಚ್ಚಿಯೆರ್. ಕ್ಲಬ್ದ ಗುರ್ಕಾರೆ ಪ್ರಶಾಂತ್ ಕುಮಾರ್ ಕೆ. ಎದ್ಕೊನಿಯೆರ್. ಕಾರ್ಯದರ್ಶಿ ಕೃಷ್ಣಾನಂದ ರಾವ್ ಸೊಲ್ಮೆ ಸಂದಾಯೆರ್. ಹಿರಿಯ ಸದಸ್ಯೆರ್ ಸುಂದರ ದೇವಾಡಿಗ ಲೇಸ್ ನ್ ಸುಧಾರಿಕೆ ಮಲ್ತೆರ್.
ಪಂದ್ಯಕೂಟಡ್ ಸಾಹಿಲ್ ಮುತಾಲಿಕೆದ ‘ಬಲೀಂದ್ರ ಬುಲ್ಸ್’ ಸುರುತ್ತ ತಾನ ಗೆಂದಿನ ಕೂಟ, ಶಶಿಕಾಂತ್ ಮೊಯಿಲಿ ಮುತಾಲಿಕೆದ ‘ವಾಮನ ವಾರಿಯರ್ಸ್’ ರಡ್ಡನೇ ತಾನ ಗೆಂದಿನ ಕೂಟ ಆತ್ಂಡ್.
ಬಯ್ಯಗ್ ನಡತಿನ ಪ್ರಶಸ್ತಿ ಪಟ್ಟುನ ಲೇಸ್ ಡ್ ನಿಟ್ಟೆ ರುಕ್ಮಿಣಿ, ಅಡ್ಯಂತಾಯ ಪಾಲಿಟೆಕ್ನಿಕ್ ಕಾಲೇಜ್ ದ ಪ್ರಾಂಶುಪಾಲೆರ್ ಪ್ರಶಾಂತ್ ಕುಮಾರ್ ಹೊಳ್ಳ, ನಿಟ್ಟೆ ಗ್ರಾಮ ಪಂಚಾಯತ್ ದ ಒತ್ತು ಗುರ್ಕಾರೆ ನಿತಿನ್ ಸಾಲ್ಯಾನ್, ಬೀದಿಮನೆ ಸುರೇಶ್ ರಾವ್ ಬೊಕ್ಕ ಕ್ಲಬ್ ದ ಪದುಕೆರ್ ಪಾಲ್ ಪಡೆದಿತ್ತೆರ್.
ಕ್ಲಬ್ದ ಪೂರ್ವಾಧ್ಯಕ್ಷೆರ್ ಡಾ.ದಿಲೀಪ್ ಕುಮಾರ್ ಕೆ., ಡಾ.ರಘುನಂದನ್, ಸುರೇಶ್ ಆಚಾರ್ಯ, ಒತ್ತು ಗುರ್ಕಾರೆ ಸತೀಶ್ ಶೆಟ್ಟಿ, ಹಿರಿಯ ಸದಸ್ಯೆರ್ ವಿಠಲ ಆಚಾರ್ಯ, ರೋಟರಿ ಸಮುದಾಯ ದಳತ್ತ ಗುರ್ಕಾರೆ ಪ್ರದೀಪ್ ಸುವರ್ಣ, ಕಾರ್ಯದರ್ಶಿ ಪ್ರಕಾಶ್ ಸಾಲ್ಯಾನ್, ಗಣೇಶ್ ಭಟ್, ಸುಧಾಕರ್ ಸಾಲ್ಯಾನ್, ಸುಭಾಷ್ ಬೊಕ್ಕ ನವದುರ್ಗಾ ಫ್ರೆಂಡ್ಸ್ ಕ್ಲಬ್ (ರಿ.) ಕೆಮ್ಮಣ್ಣು, ನಿಟ್ಟೆದ ಗುರ್ಕಾರೆ ಶೈಲೇಶ್ ಸುವರ್ಣ ಸಹಕಾರ ಕೊರಿಯೆರ್.
ಒಡಿಪು: ರಂಗಕರ್ಮಿ, ಸಮಾಜ ಸೇವಕೆರ್ ಲೀಲಾಧರ ಶೆಟ್ಟಿ ಮೆರೆನ ಸಾಂಕನದ ಮಗಲ್ ನಾಪತ್ತೆ ಆಯಿನ ಕೇಸ್ ದ 4 ಜನನ್ ಕಾಪು ಪೊಲೀಸೆರ್ ಅರೆಸ್ಟ್ ಮಲ್ದೆರ್.
ಅರೆಸ್ಟ್ ಆಯಿನಕುಲು ಲೀಲಾಧರ ಶೆಟ್ರೆನ ಮಗಲೆನ ದೋಸ್ತಿ ಶಿರ್ವ ನಿವಾಸಿ ಗಿರೀಶ್ (20), ನಾಪತ್ತೆ ಆಯೆರೆ ಸಹಾಯ ಮಲ್ತಿನ ಶಿರ್ವ ನಿವಾಸಿ ರೂಪೇಶ್ (22), ಜಯಂತ್ (23), ಬೊಕ್ಕ ಮಜೂರು ನಿವಾಸಿ ಮೊಹ್ಮದ್ ಅಝೀಜ್ ಪಂದ್ ತೆರಿದ್ ಬೈದ್ಂಡ್.
ಅಂಚೆನೆ ಆರೋಪಿ ಗಿರೀಶ್ ನ ಮಿತ್ತ್ ಪೋಕ್ಸೊ, ಅತ್ಯಾಚಾರ, ಕಿಡ್ನ್ಯಾಪ್ ಕೇಸ್ ಬೊಕ್ಕ ಮೂಜಿ ಜನತ್ತ ಮಿತ್ತ್ ಪೋಕ್ಸ್ ಕೇಸ್ ದಾಖಲ್ ಆತ್ಂಡ್.
ಎಲ್ಲೆ ಡೆಲ್ಲಿಡ್ ಇಂಡಿಯಾ ಮೈತ್ರಿಕೂಟದ ಸಭೆ ಅಶೋಕ ಹೋಟೆಲ್ ಡ್ ನಡಪರೆ ಉಂಡು.
ಕಾಂಗ್ರೆಸ್ ಗುರ್ಕಾರೆ ಮಲ್ಲಿಕಾರ್ಜುನ ಖರ್ಗೆ ಈ ಸಭೆತ್ತ ಮುತಾಲಿಕೆಡ್ ಒಯಿಸೊನ್ವೆರ್. ಸೋನಿಯಾ ಗಾಂಧಿ, ರಾಹುಲ್ ಗಾಂಧಿ, ಶರದ್ ಪವಾರ್, ಉದ್ಧವ್ ಠಾಕ್ರೆ, ಅರವಿಂದ್ ಕೇಜ್ರಿವಾಲ್, ಮಮತಾ ಸೇರಿನಂಚೆನೆ 28 ವಿರೋಧ ಪಕ್ಷದ ನಾಯಕೆರ್ ಈ ಸಭೆಟ್ಟ್ ಪಾಲ್ ಪಡೆಯೆರೆ ಉಲ್ಲೆರ್.
ಮಣಿಪಾಲ: ರೇಡಿಯೋ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರಡ್ ಡಿ.18 ಸುಬ್ರಹ್ಮಣ್ಯ ಷಷ್ಠಿ (ಚಂಪಾ ಷಷ್ಠಿ) ಬಗೆಟ್ಟ್ ಇಸೇಸ ಲೇಸ್ ಡಿ.18 ಸೋಮಾರ ಬಯ್ಯಗ್ 5 ಗಂಟೆಗ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಚಿಂತಕೆರ್ ನಟರಾಜ್ ಪರ್ಕಳ ಮೇರ್ ಸುಬ್ರಹ್ಮಣ್ಯ ಷಷ್ಠಿದ ವಿಶೇಷತೆದ ಬಗೆಟ್ಟ್ ಉಪನ್ಯಾಸ ಕೊರಿಯೆರೆ ಉಲ್ಲೆರ್. ಡಿ.19 ಅಂಗಾರೆ ಮಧ್ಯಾಹ್ನ 1 ಗಂಟೆಗ್ ಕುಡೊರ ಪ್ರಸಾರ ಆಪುಂಡು. ಈ ಲೇಸ್ ನ್ ರೇಡಿಯೊ ಮಾತ್ರ ಅತ್ತಂದೆ ಆಂಡ್ರಾಯ್ಡ್ ಫೋನ್ ಬೊಕ್ಕ ಐಫೋನ್ ಡ್ ರೇಡಿಯೊ ಮಣಿಪಾಲ್ ಆಪ್ ಡೌನ್ಲೋಡ್ ಮಲ್ತ್ ದ್ ಕೇನೊಲಿ ಪಂದ್ ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆ ತೆರಿಪಾದ್ಂಡ್.
ತುಳುನಾಡ್ ದ ಸಾಹಿತ್ಯಕ-ಸಾಂಸ್ಕೃತಿಕ- ಜಾನಪದ ವಿದ್ವಾಂಸೆರ್ ಬನ್ನಂಜೆ ಬಾಬು ಅಮೀನ್ ಮೆರೆನ 80ನೇ ವರ್ಷದ ನಿಲೆಟ್ಟ್ ಅಭಿಮಾನದ ಅಭಿನಂದನೆ ಅರ್ಪಣೆ ಲೇಸ್ ಡ್ ಐತಾರ ಒಡಿಪುದ ಬನ್ನಂಜೆ ಬ್ರಹ್ಮಶ್ರೀ ನಾರಾಯಣ ಗುರು ಮಂದಿರದ ಚಾವಡಿಡ್ ನಡತ್ಂಡ್.
ಈ ಪೊರ್ತುಡು ಅಮೀನೆರೆನ ಅಭಿನಂದನಾ ಗ್ರಂಥ ಸಿರಿ ಕುರಲ್ ನ್ ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದ ಕೋಶಾಧಿಕಾರಿ ಪದ್ಮರಾಜ್ ಆರ್ ಬುಡುಗಡೆ ಮಲ್ತೆರ್.
ಹಿರಿಯ ಪತ್ರಕರ್ತೆರ್ ದಿನೇಶ್ ಅಮೀನ್ ಮಟ್ಟು
ಅಭಿನಂದನೆದ ಮದಿಪು ಮದಿತೆರ್. ಲೇಸ್ ದ ಗುರ್ಕಾರ್ಮೆನ್ ವಿಶ್ರಾಂತ ಕುಲಪತಿ, ಪ್ರೊ ಕೆ. ಚಿನ್ನಪ್ಪ ಗೌಡ ಒಯಿಸ್ ದಿತ್ತೆರ್. ಬನ್ನಂಜೆ ಬಾಬು ಅಮೀನೆರೆನ ಅಭಿಮಾನಿಲು ಬೊಕ್ಕ ಕುಟುಂಬದಕುಲು ಪಾಲ್ ಪಡೆದಿತ್ತೆರ್.
ಪುಣೆ: ಪುಣೆಡ್ ತುಳು ಕನ್ನಡಿಗೆರೆನ ಪೊಸ ಸಾಮಾಜಿಕ, ಸಾಂಸ್ಕೃತಿಕ ಸಂಸ್ಥೆ “ತುಳುನಾಡ ಫೌಂಡೇಶನ್ ” ಉದಿಪನ ಆತ್ಂಡ್.
ಡಿ.16 ಕ್ಕ್ ದಿ. ಡಾ. ಶಾಮರಾವ್ ಕಲ್ಮಾಡಿ ಕನ್ನಡ ಮಾಧ್ಯಮ ಶಾಲೆದ ದಿ. ಗುಂಡೂರಾಜ್ ಎಂ ಶೆಟ್ಟಿ ಸಭಾಗೃಹಡ್ ನಡತಿನ ಲೇಸ್ ಡ್ ಪೊಸ ಸಂಸ್ಥೆನ್ ಉದಿಪನ ಮಲ್ತೆರ್.
ನೆತ್ತ ಸ್ಥಾಪಕಾಧ್ಯಕ್ಷೆರಾದ್ ನ್ಯಾಯವಾದಿ ರೋಹನ್ ಪುರುಷೋತ್ತಮ ಶೆಟ್ಟಿ ಅವಿರೋಧವಾದ್ ಆಯ್ಕೆ ಆತೆರ್. ಬೊಲ್ಪುಗು ನಡತಿನ ಸಭಾ ಲೇಸ್ ದ ಗುರ್ಕಾರ್ಮೆನ್ ಪುಣೆ ಬಂಟರ ಸಂಘದ ಜತೆ ಕಾರ್ಯದರ್ಶಿ ಚಂದ್ರಶೇಖರ ಶೆಟ್ಟಿ ನಿಟ್ಟೆ ಒಯಿಸ್ ದಿತ್ತೆರ್.
ಚಾವಡಿಡ್ ಬಿನ್ನೆರಾಯಿನ ಶ್ರೀ ಅಯ್ಯಪ್ಪ ಸ್ವಾಮಿ ಯಕ್ಷಗಾನ ಮಂಡಳಿದ ಗುರ್ಕಾರೆ, ಖ್ಯಾತ ಸಾಹಿತಿ ಪಾಂಗಾಳ ವಿಶ್ವನಾಥ ಶೆಟ್ಟಿ, ಪುಣೆ ಬಂಟರ ಸಂಘದ ಸಾಂಸ್ಕೃತಿಕ ಸಮಿತಿದ ಕಾರ್ಯಾಧ್ಯಕ್ಷೆರ್ ತಾರಾನಾಥ ರೈ ಮೇಗಿನ ಗುತ್ತು, ಬಿಜೆಪಿ ಎಜುಕೇಶನ್ ಸೆಲ್ ದ ಪುಣೆ ನಗರದ ಒತ್ತು ಗುರ್ಕಾರ್ದಿ ವಿಂದಿ ಪೂಜಾರಿ, ಕನ್ನಡ ಮಾಧ್ಯಮ ಹೈಸ್ಕೂಲ್ ದ ಮುಖ್ಯೋಪಾಧ್ಯಾಯೆರ್ ಚಂದ್ರಕಾಂತ ಹಾರಕೂಡೆ, ಗೋವರ್ಧನ ಶೆಟ್ಟಿ, ಸಾಮಾಜಿಕ ಕಾರ್ಯಕರ್ತೆ ಲತಾ ರಘುನಾಥ ಗೌಡ, ಪ್ರೇಮಾ ಪುರುಷೋತ್ತಮ ಶೆಟ್ಟಿ, ಉಮಾ ಎಸ್ ಶೆಟ್ಟಿ, ನಯನಾ ಸಿ ಶೆಟ್ಟಿ ಪಾಲ್ ಪಡೆದ್ ಪೊಸ ಸಂಸ್ಥೆದ ಪುದರ್ ಪಲವೆನ್ ಬುಡುಗಡೆ ಮಲ್ತೆರ್.
ಸುರುಕು ಕನ್ನಡ ಮಾಧ್ಯಮ ಹೈಸ್ಕೂಲ್ ದ ಕಲ್ಪಾರ್ಥಿಲು ಪ್ರಾರ್ತನೆ ಪಂಡೆರ್. ಚಂದ್ರಕಾಂತ ಹಾರಕೂಡೆ ಮೇರ್ ಎದ್ಕೊಂದು ಸಮಿತಿದ ಸ್ಥಾಪನೆದ ಬಗೆಟ್ಟ್ ಪ್ರಾಸ್ತಾವಿಕವಾದ್ ಪಾತೆರಿಯೆರ್. ಚಾವಡಿಡ್ ಇತ್ತಿನ ಗಣ್ಯೆರ್ ಪೊಸ ಸಂಸ್ಥೆಗ್ ಎಡ್ಡೆಪ್ಪು ಬಯಕಿಯೆರ್.
ಈ ಪೊರ್ತುಡು ಪೊಸ ಸಂಸ್ಥೆದ ಮುತಾಲಿಕೆಡ್ ಕನ್ನಡ ಮಾಧ್ಯಮ ಹೈಸ್ಕೂಲ್ ದ ಸುಮಾರ್ 150 ಕಲ್ಪಾರ್ಥಿಲೆಗ್ ಶಾಲೆದ ಬ್ಯಾಗ್ ನ್ ಪಟ್ಟಿಯೆರ್. ಬೊಕ್ಕ ನಾಲ್ ಕಲ್ಪಾರ್ಥಿಲೆಗ್ ಪನವುದ ಸಕಾಯ ಮಲ್ತೆರ್. ಸಭೆಟ್ಟ್ ಕನ್ನಡ ಮಾಧ್ಯಮ ಹೈಸ್ಕೂಲ್ ದ ಶಿಕ್ಷಕ ವೃಂದ, ವಿದ್ಯಾರ್ಥಿ, ವಿದ್ಯಾರ್ಥಿನಿಯೆರ್, ಸಮಿತಿದ ಸದಸ್ಯೆರ್ ಎಚ್ಚದ ಸಂಖ್ಯೆಡ್ ಪಾಲ್ ಪಡೆದ್ ಪೊಸ ಸಂಸ್ಥೆಗ್ ಎಡ್ಡೆಪ್ಪು ಬಯಕಿಯೆರ್. ಪತ್ರಕರ್ತೆರ್ ಕಿರಣ್ ಬಿ ರೈ ಕರ್ನೂರು ಲೇಸ್ ದ ಸುಧಾರಿಕೆ ಮಲ್ತ್ ದ್ ಸೊಲ್ಮೆ ಸಂದಾಯೆರ್.
ಸಂಸ್ಥೆದ ಸದಸ್ಯೆರ್ ಸುಜಯ್ ಶೆಟ್ಟಿ, ಅಕ್ಷಿತ್ ಸಾಲ್ಯಾನ್, ವಿನಿತ್ ಪೂಜಾರಿ, ರವಿರಾಜ್ ಶೆಟ್ಟಿ, ಶಶಿಧರ ಕೋಟ್ಯಾನ್, ಸೂರಜ್ ಬಂಗೇರ, ಮಲ್ಲಣ್ಣ ಲಿಂಗಾಯತ್, ಪ್ರಸಾದ್ ಪೂಜಾರಿ, ಕೌಶಿಕ್ ಶೆಟ್ಟಿ, ರೋಹನ್ ಕೋಟ್ಯಾನ್, ಪೂಜಾ ಜಾಗೀರದಾರ್, ಸ್ನೇಹ ಶೆಟ್ಟಿ, ಹೃತಿಕ್ ಶೆಟ್ಟಿ, ಪ್ರತೀಕ್ ಪೂಜಾರಿ, ಶಿವಪ್ರಸಾದ್ ಪೂಜಾರಿ, ವಿನೀತ್ ಗೌಡ, ವಿಶ್ವನಾಥ್ ಚರಂತಿಮಠ, ವೀಕ್ಷಿತ್ ಕುಲಾಲ್, ಅದೀಪ್ ಶೆಟ್ಟಿ, ಶಶಿಕಾಂತ್ ಶೆಟ್ಟಿ ಬೊಕ್ಕ ನಿತಿನ್ ಬಾಲೆರಾವ್ ಲೇಸ್ ಡ್ ಪಾಲ್ ಪಡೆದ್ ಲೇಸ್ ದ ಯಶಸ್ಸಿಗ್ ಸಹಕಾರ ಕೊರಿಯೆರ್.
JCI ಕೊಕ್ಕಡ ಕಪಿಲಾ ಘಟಕದ ಪೊಸ ಗುರ್ಕಾರೆ ಬೊಕ್ಕ ಪದುಕೆರೆನ 4ನೇ ವರ್ಷದ ಪದಗ್ರಹಣ ಲೇಸ್ ಗ್ರಾಮಾಭ್ಯುದಯ ಕಾರ್ಯಕ್ರಮ ಅನುಷ್ಠಾನ ಸಮಿತಿ (ರಿ.) ಶಿಬರಾಜೆ ಪಾದೆ ಚಾವಡಿಡ್ ಜ.1 ಸೋಮಾರ ನಡಪರೆ ಉಂಡು.
ಈ ಲೇಸ್ ದ ಲೆಪ್ಪೋಲೆನ್ ಶ್ರೀ ಕ್ಷೇತ್ರ ಸೌತಡ್ಕಡ್ ದೇವೆರೆಗ್ ಇಸೇಸ ಪೂಜೆ ಸಂದಾದ್ ಬುಡುಗಡೆ ಮಲ್ತೆರ್.
ಈ ಪೊರ್ತುಡು ಪೊಸ ಗುರ್ಕಾರೆ JC HGF ಸಂತೋಷ್ ಜೈನ್, ಲೇಡಿ JC ಗುರ್ಕಾರ್ದಿ ಶೋಭಾ ಪಿ. ಕಾರ್ಯದರ್ಶಿ ಅಕ್ಷತ ರೈ, ಕೋಶಾಧಿಕಾರಿ ವಿದ್ಯೇಂದ್ರ ಗೌಡ ಬೊಕ್ಕ ಬಾಬು ಗೌಡ ಎಣ್ಣೆಗದ್ದೆ ಪಾಲ್ ಪಡೆದಿತ್ತೆರ್.
ಮಂಜೇಶ್ವರ: ಕುಂಜತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ಭೂತಬಲಿ ಉಚ್ಚಯ ಡಿ.15-17 ಮುಟ್ಟ ನಡಪರೆ ಉಂಡು.
ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.
ಒಡಿಪು ಶ್ರೀ ಕೃಷ್ಣ ಮಠತ್ತ ಚಂದ್ರಮೌಳೀಶ್ವರ ಸನ್ನಿಧಾನಡ್ ವಾರ್ಷಿಕ ಉಚ್ಚಯ ನಡತ್ಂಡ್.
ಪುತ್ತಿಗೆ ಮಠತ್ತ ಆಡಳಿತಡ್ ಇಪ್ಪುನ ಚಂದ್ರಮೌಳೀಶ್ವರ ದೇವಲ್ಯದ ತೇರ್ ಒಯಿಪುನ ಪೊರ್ತುಡು ಶ್ರೀ ಸುಗುಣೇಂದ್ರ ತೀರ್ಥ ಸ್ವಾಮೀಜಿ ಪಾಲ್ ಪಡೆದಿತ್ತೆರ್. ಅಂಚೆನೆ ಪಗೆಲ್ ಉಚ್ಚಯದ ಪೊರ್ತುಡು ನೂದೆರ್ದ್ ಎಚ್ಚ ಜನ ಪಾಲ್ ಪಡೆದಿತ್ತೆರ್. ಮುಲ್ಪ ಈಶ್ವರ ದೇವೆರೆನ ಉಚ್ಚಯ ಮೂರ್ತಿನ್ ತರೆಟ್ಟ್ ತುಂಬುದು ಆರಾಧನೆ ಮಲ್ತೆರ್.
