ಒಡಿಪು ಶಿವಳ್ಳಿ ಪಡುಪೆರಂಪಳ್ಳಿದ ಕಕ್ಕುಂಜೆ ಇಲ್ಲದ ಕೃಷಿಕೆರ್, ದೈವ ದೇವೆರೆನ್ ಆರಾಧನೆ ಮಲ್ಪುನ ಅನುವಂಶಿಕ ಆಡಳಿತದ ಮೊಕ್ತೇಸೆರೆನ ಕುಟುಂಬದ ಹಿರಿಯೆರ್ ಸರೋಜಿನಿ ಶೆಟ್ಟಿ (91) ಅ.19 ದಾನಿ ದೇವೆರೆ ಪಾದ ಸೇರ್ದೆರ್.
ಮೇರೆನ ಆತ್ಮ ಗ್ ಆ ದೇವೆರ್ ಶಾಂತಿ ಕೊರಡ್ ಪಂದ್ ಊರುದ, ಪರವೂರುದ ಗಣ್ಯೆರ್, ನಾಗರಿಕೆರ್, ಕುಟುಂಬದ ಅಕುಲು ದೇವೆರೆಡ ಸುಗಿತೊಂದೆರ್. ಮೇರೆಗ್ 6 ಆನ್ ಜೋಕುಲು ಬೊಕ್ಕ 3 ಪೊಣ್ಣು ಜೋಕುಲು ಉಲ್ಲೆರ್.
ಧರ್ಮಸ್ಥಳ: ಧರ್ಮಸ್ಥಳದ ಧರ್ಮಾಧಿಕಾರಿ ಡಾ. ಡಿ. ವೀರೇಂದ್ರ ಹೆಗ್ಗಡೆ ಮೇರೆನ ಪಟ್ಟಾಭಿಷೇಕದ 55 ನೇ ವರ್ಧಂತಿ ಉಚ್ಚಯ ಶ್ರೀ ಕ್ಷೇತ್ರ ಧರ್ಮಸ್ಥಳಡ್ ನಡತ್ಂಡ್.
ವಿಧಾನಸಭೆ ಸ್ಪೀಕರ್ ವಿಶ್ವೇಶ್ವರ ಹೆಗಡೆ ಕಾಗೇರಿ ಈ ಲೇಸ್ ಡ್ ಪಾಲ್ ಪಡೆದ್ ಎಡ್ಡೆಪ್ಪು ಬಯಕಿಯೆರ್.
ಈ ಪೊರ್ತುಡು ಹೇಮಾವತಿ ವಿ. ಹೆಗ್ಗಡೆ, ಬೊಲ್ತೇರ್ ಶಾಸಕೆರ್ ಹರೀಶ್ ಪೂಂಜ ಬೊಕ್ಕ ವಿಧಾನ ಪರಿಷತ್ ಸದಸ್ಯೆರ್ ಕೆ. ಪ್ರತಾಪಸಿಂಹ ನಾಯಕ್ ಇತ್ತೆರ್. ಲೇಸ್ ರ್ದ್ ಬೊಕ್ಕ ಸ್ಪೀಕರ್ ವಿಶ್ವೇಶ್ವರ ಹೆಗಡೆ ಕಾಗೇರಿ ಮೇರ್ ಮಂಜುನಾಥೇಶ್ವರ ಸ್ವಾಮಿನ ದರ್ಶನ ಮಲ್ತ್ ದ್ ಇಸೇಸ ಪೂಜೆ ಸಂದಾಯೆರ್.
ಬೊಂಬೈ: ರಿಲಯನ್ಸ್ ಮುಖ್ಯಸ್ಥೆರ್ ಮುಖೇಶ್ ಅಂಬಾನಿನ ಲಕ್ಸುರಿ ಫೆರಾರಿ SF90 ಕಾರ್ ಬೊಂಬೈದ ಬಾಂದ್ರಾ ವರ್ಲಿ ಸೀ ಲಿಂಕ್ ದ ಡಿವೈಡರ್ಗ್ ಗುದ್ದುದು ನಕ್ಕೆ ಆತ್ಂಡ್.
ಫೆರಾರಿ ಕಾರ್ ಮಸ್ತ್ ಬೀಸ ಪೋವೊಂದು ಇತ್ತಿರ್ನೆದಾವರ ಕಾರ್ ದ ನಿಯಂತ್ರಣ ತತ್ತ್ ದ್ ಗುದ್ದುಂಡು ಪಂದ್ ಅಲ್ಪ ಇತ್ತಿನಕುಲು ಪಂತೆರ್.
ಕಾರ್ ಡ್ ಇತ್ತಿನಕುಲೆನ ಗುರ್ತ ನನಲ ಪತ್ತೆ ಆತಿಜಿ. ಕಾರ್ ಡ್ ಮುಖೇಶ್ ಅಂಬಾನಿನ ಮರ್ಮಾಲ್ ಇತ್ತೆರ್ ಪಂದ್ ತೆರಿದ್ ಬೈದ್ಂಡ್. ಈ ಕಾರ್ ದ ಪಿರವುಡೆ ಬರೊಂದು ಇತ್ತಿನ ಬೆಂಗಾವಲು ಕಾರ್ ದ ಸಿಬ್ಬಂದಿ ಕೂಡ್ಲೆ ಕಾರ್ ಡ್ ಇತ್ತಿನಕ್ಲೆನ್ ಕಾರ್ ರ್ದ್ ಪಿದಯಿ ದೆತ್ತ್ ದ್ ಬೇತೆ ಕಾರ್ ಡ್ ಲೆತೊಂದು ಪೋತೆರ್ ಪಂದ್ ತೆರಿದ್ ಬೈದ್ಂಡ್. ಈ ಘಟನೆದ ಜಾಗೆಗ್ ಬತ್ತಿನ ಪೊಲೀಸೆರ್ ಲಗಾಡಿ ಪೋಯಿನ ಕಾರ್ ನ್ ಕೊನೊತೆರ್. ರಾತ್ರೆ ಮಲ್ಲ ಫ್ಯಾಷನ್ ಡಿಸೈನರ್ ಮನೀಶ್ ಮಲ್ಹೋತ್ರಾ ಮೇರೆನ ಇಲ್ಲಲ್ ನಡತಿನ ತುಡರ್ ಪರ್ಬದ ಲೇಸ್ ಡ್ ಮುಖೇಶ್ ಅಂಬಾನಿನ ಮರ್ಮಾಲ್ ಶ್ಲೋಕಾ ಅಂಬಾನಿ ಬೊಕ್ಕ ರಾಧಿಕಾ ಮರ್ಚೆಂಟ್ ಪಾಲ್ ಪಡೆದಿತ್ತೆರ್ ಪಂದ್ ಮಾಹಿತಿ ಉಂಡು. ಮೊಕುಲು ಲೇಸ್ ಮುಗಿತ್ ದ್ ವಾಪಸ್ ಪೋನಗ ಈ ಕಾರ್ ಡ್ ಪೋತೆರ್ ಪಂದ್ ತೆರಿದ್ ಬೈದ್ಂಡ್. ಆ್ಯಕ್ಸಿಡೆಂಟ್ ಆಯಿನ ಫೆರಾರಿ SF90 ಕಾರ್ ದ ಮೂಲ ಬಿಲೆ 8 ಕೋಟಿ ರೂ. ಆದುಂಡು.
ಇಸ್ಲಾಮಾಬಾದ್: ಬ್ರಿಟನ್ ದ ಪೊಸ ಪ್ರಧಾನಿ ರಿಷಿ ಸುನಾಕ್ ಮೇರೆನ ಮೂಲದ ಬಗೆಟ್ ಭಾರತ ಬೊಕ್ಕ ಪಾಕಿಸ್ತಾನ ಇತ್ತೆ ಪಾತೆರೊಂದು ಉಂಡು.
ಹಿಂದೂ ಕುಟುಂಬಡ್ ಪುಟ್ಟಿನ ರಿಷಿ ಸುನಾಕ್ ಇತ್ತೆಲ ಹಿಂದೂ ಧರ್ಮದ ಆಚರಣೆ ಮಲ್ತೊಂದು ಉಲ್ಲೆರ್. ನಂಬಿಕೆಲ ದೀತೆರ್. ಈ ಪೊರ್ತುಡು ರಿಷಿ ಸುನಾಕ್ ನ ಅಜ್ಜೆರೆನ ಮೂಲದ ಬಗೆಟ್ ಪಾಕಿಸ್ತಾನ, ರಿಷಿ ಸುನಾಕ್ ಪಾಕ್ ಮೂಲದಾರ್ ಪಂದ್ ಪನಿಯೆರೆ ಸುರು ಮಲ್ದ್ಂಡ್.
ಮೇರೆನ ಅಜ್ಜೆರ್ ರಾಮದಾಸ್ ಸುನಾಕ್ ಇತ್ತೆ ಪಾಕಿಸ್ತಾನದ ಪಂಜಾಬ್ ಪ್ರಾಂತ್ಯಡ್ ಇಪ್ಪುನ ಗುರ್ಜನ್ ವಾಲಾಡ್ ಇತ್ತೆರ್. ಗುರ್ಜನ್ ವಾಲಾ ಸಿಖ್ ದೊರೆ ಮಹಾರಾಜ ರಂಜಿತ್ ಸಿಂಗ್ ಮೇರೆನ ಪುಟ್ಟಿನ ಊರುಲ ಆಂದ್. 1935ಟ್ ರಾಮದಾಸ್ ಸುನಾಕ್ ನೈರೋಬಿಗ್ ವಲಸೆ ಪೋದು ಇತ್ತೆರ್. ಬೊಕ್ಕ ಮೇರೆನ ಕುಟುಂಬ ಬ್ರಿಟನ್ ಡ್ ನೆಲೆ ಆಂಡ್ ಪಂದ್ ಪನ್ಪಿನ ಮುಕೇನ ರಿಷಿ ಭಾರತ ಮೂಲದಾರ್ ಪನ್ಪಿನ ಪುಗರ್ತೆ ತಿಕ್ಕಂದಿಲೆಕ್ಕ ಮಲ್ಪರೆ ಪಾಕಿಸ್ತಾನ ಈ ಪೊಸ ಗೊಬ್ಬು ಸುರು ಮಲ್ದ್ಂಡ್ ಪಂದ್ ಸುದ್ದಿ ಆತ್ಂಡ್.
ಕುಡ್ಲ : ಸುಮಾರ್ 50 ವರ್ಷರ್ದಿಂಚ ಕುಡ್ಲಡ್ ಹೋಟೆಲ್ ಬೇರದೊಟ್ಟಿಗೆ ವಿದ್ಯೆ, ಗೊಬ್ಬು, ಸಾಂಸ್ಕೃತಿಕ, ಸಾಮಾಜಿಕ ಸೇವೆದ ಮುಖೇನ ಸಾರ್ವಜನಿಕ ಕ್ಷೇತ್ರಡ್ ಸಾಧನೆ ಮಲ್ಪರೆ ಸಾಧ್ಯ ಆತ್ಂಡ್. ಈ ಮಟ್ಟ್ ಗ್ ಬುಲೆಯೆರೆ ಹೋಟೆಲ್ ದ ಗಿರಾಕಿಲು ಅಂಚನೆ ಮೋಕೆದ ಉಡಲ್ ದ ಜನಕುಲೆ ಕಾರಣ ಪಂದ್ ಕ್ವಾಲಿಟಿ ಗ್ರೂಪ್ ಆಫ್ ಹೋಟೆಲ್ ದ ವ್ಯವಸ್ಥಾಪಕ ನಿರ್ದೇಶಕೆರ್ ಎ.ಸದಾನಂದ ಶೆಟ್ರ್ ಫೆವಿಲಿಯನ್ ಸಭಾಂಗಣಡ್ ನಡತಿನ 50 ವರ್ಷದ ಮುಗಿತಲದ ಲೇಸ್ ಡ್ ಪಂಡೆರ್.
ಕ್ವಾಲಿಟಿ ಹೋಟೆಲ್ ದ ಮುತಾಲಿಕೆಡ್ 50 ವರ್ಷೊರ್ದಿಂಚ ಸಾರ ಸಾರ ಸಾರ ಅಶಕ್ತೆರೆಗ್ ಸಕಾಯ ಮಲ್ತಿನ ಕುಸಿ ಎಂಕ್ ಉಂಡು. ಅಂಚನೆ ಸುರುಕು 10ರೂ. ಗ್ ಬಡವು ದಕುಲೆಗ್ ವನಸ್ ಕೊರ್ಪುನ ಹೋಟೆಲ್ ಸುರು ಆದ್ ಇತ್ತೆ ಮಹಾಮಲ್ಲ ಮಟ್ಟ್ ಡ್ ಎಡ್ಡೆ ಎಡ್ಡೆ ತೆನಸ್ ಲೆನ್ ಕೊರ್ಪುನ ಸಂಸ್ಥೆಲೆಡ್ ಕ್ವಾಲಿಟಿ ಸಂಸ್ಥೆಲ ಒಂಜಾತ್ಂಡ್. ಹೋಟೆಲ್ ಡ್ ಬತ್ತಿನ ಹೆಚ್ಚದ ಲಾಭಾಂಶನ್ ಸಮಾಜ ಸೇವೆದ ಉದ್ದೇಶಲೆಗ್ ಕೊರ್ಪುರ್ನೆದಾವೆರ ಯಾನ್ ಇಡೆ ಮುಟ್ಟ ನಡತ್ ಬತ್ತಿನ ಸಾದಿಡ್ ಕುಸಿ ಉಲ್ಲೆ ಪಂದ್ ಪಂಡೆರ್.
ವಿಜಯ ಬ್ಯಾಂಕ್ ದ ನಿವೃತ್ತ ಸಹಾಯಕ ಮಹಾ ಪ್ರಬಂಧಕೆರ್ ಎ.ಕೃಷ್ಣಾನಂದ ಶೆಟ್ಟಿ ಪಾತೆರ್ದ್, ಅಪ್ರತಿಮ ಸಾಧಕೆರ್ ಎ.ಸದಾನಂದ ಶೆಟ್ಟಿ ಸಾರ್ವಜನಿಕ ಕ್ಷೇತ್ರಡ್ ನಡತ್ ಬತ್ತಿನ ತಾದಿ ಅವೊಂಜಿ ಬಾರೀ ಪೆರ್ಮೆದವು. ಮೇರೆಗ್ ಶ್ರೀಮಂತಿಕೆದ ಒಟ್ಟಿಗೆ ಮಹಾಮಲ್ಲ ಎಡ್ಡೆಪ್ಪುದ ಉಡಲ್ ದಿಂಜಿನ ವ್ಯಕ್ತಿತ್ವ ಇಪ್ಪುನವು ನಮ್ಮ ತುಳುನಾಡ್ ಡ್ ಸಾಧಕೆರೆನ ಸಾಲ್ ಡ್ ಮಹಾಮಲ್ಲ ಪಂತೊಡು ಮೇರ್ ಒರಿ ಪಂಡೆರ್.
ತನ್ನ ಬುಲೆಚಿಲ್ ಗ್ ಕಾರಣ ಆಯಿನ ಸದಾನಂದ ಶೆಟ್ರ್ ಮೇರೆಗ್ ನಿರೂಪಕೆ ಸಾಹಿಲ್ ರೈ ಬೊಕ್ಕ ನಿತಿನ್ ಎಕ್ಕಾರ್ ತಮ್ಮನ ಮಲ್ತ್ ದ್ ಗೌರವ ಸಂದಾಯೆರ್.
ಈ ಪೊರ್ತುಡು ರಾಜವರ್ಮ ಬಲ್ಲಾಳ್, ಸುರೇಶ್ ಚಂದ್ರ ಶೆಟ್ಟಿ, ಲೀಲಾಕ್ಷ ಕರ್ಕೇರ, ದೇವಿಚರಣ್ ಶೆಟ್ಟಿ, ರಾಜಗೋಪಾಲ್ ರೈ, ಸಿಎಸ್ ಭಂಡಾರಿ, ವಿಕ್ರಮ್ ಹೆಗ್ಡೆ, ಸತೀಶ್ ಕುಮಾರ್ ಕುದ್ರೋಳಿ ಬೊಕ್ಕ ಜಿಲ್ಲೆದ ಬ್ಯಾಡ್ಮಿಂಟನ್ ಸಮಿತಿ, ದೇಹದಾರ್ಡ್ಯ ಸಮಿತಿ, ಮಹಾತ್ಮಾ ಗಾಂಧಿ ಶಾಂತಿ ಪ್ರತಿಷ್ಠಾನ, ಕೊಸ್ಮೋ ಪಾಲಿಟನ್ ಕ್ಲಬ್, ಟೆನಿಸ್ ಕ್ಲಬ್ ದ ಪದಾಧಿಕಾರಿಲು ಇತ್ತೆರ್.
ಕದ್ರಿ ನವನೀತ ಶೆಟ್ಟಿ ಈ ಲೇಸ್ ದ ನಿರೂಪಣೆ ಮಲ್ತೆರ್.
(ವರದಿ: ಕರುಣಾಕರ ಶೆಟ್ಟಿ)
Quality group of hotels celebrate 50 years– customers are responsible for the this achievement- A Sadananda Shetty
Mangalore: ” With having completed 50 years in the hotel business we have been rendering services in the field of education, sports, cultural and social welfare. All this has been possible with the love and affection of customers ” said A Sadananda Shetty M D of Quality group of hotels on completing 50 years in the hotel industry.
He added that what started as a hotel that served meals for rupees ten for the needy has now grown into a organization catering to people on a large scale.Most of the profits are being redirected to social service.
A Krishnanand Shetty retired AGM appluded A Sadananda Shetty for his success as well his compassionate nature and humility.
Compere Sahil Rai and Nithin Akkar said they owe their success to A Sadananda Shetty .
Dignitaries including Rajaverma Ballal, Suresh Chandra Shetty, Leelaksh Karkera, Devicharan Shetty, Rajgopal Rai, CS Bandari, Vikram Hegde and representatives from district batmiton club, bodybuilders club, Cosmopolitan club tennis club were present on the occasion.
ಬ್ರಿಟನ್ ದ ಪೊಸ ಪ್ರಧಾನಿಯಾದ್ ಭಾರತ ಮೂಲದ ರಿಷಿ ಸುನಕ್ ಆಯ್ಕೆ ಆತೆರ್.
ದೇಶದ ಆರ್ಥಿಕ ಪರಿಸ್ಥಿತಿ ನಿರ್ವಹಣೆಡ್ ಸರಿ ಮಲ್ಪರೆ ಆವಂದೆ ಇಂಚಿಪ್ಪ ವೋಟುಡು ಆಯ್ಕೆ ಆದಿತ್ತಿನ ಲಿಜ್ ಟ್ರಸ್ಟ್ ಪ್ರಧಾನಿ ಸ್ಥಾನಗ್ ರಾಜೀನಾಮೆ ಸಂದಾದ್ ಇತ್ತೆರ್. ಕರಿನ ನಾಲ್ ವರ್ಷರ್ದ್ ಬ್ರಿಟನ್ ಆರ್ಥಿಕ ಪರಿಸ್ಥಿತಿ ಸರಿ ಇತ್ತಿಜಿ. ಅಂಚಾದ್ ಇತ್ತೆದ ಪ್ರಧಾನಿ ರಿಷಿ ಸುನಕ್ ನ ಮಿತ್ತ್ ಮಸ್ತ್ ಜಬದಾರಿ ಉಂಡು.
ದುಬೈ : ಮುಲ್ತ ತಿಯಾ ಕುಟುಂಬದಕುಲು 2022 ನೇ ಇಸ್ವಿದ ಶ್ರೀ ದುರ್ಗಾ ಪೂಜೆನ್ ಅಕ್ಟೋಬರ್ 16 ತಾರೀಕ್ ಗ್ ದುಬೈನ ಫಾರ್ಚೂನ್ ಪ್ಲಾಜಾ ಹೋಟೆಲ್ದ ಬ್ಯಾಂಕ್ವೆಟ್ ಹಾಲ್ಡ್ ಸಂಪ್ರದಾಯ ಪ್ರಕಾರ ಆಚರಣೆ ಮಲ್ತೆರ್.
ಮಹಿಳಾ ಸದಸ್ಯೆರ್ ತುಡರ್ ಅರ್ಲಾದ್ ಪೂಜೆ ಸುರು ಮಲ್ತೆರ್. ರಘು ಭಟ್ರೆನ ಮುತಾಲಿಕೆಡ್ ತೀಯಾ ಸಮುದಾಯದ ಗೀತಾ ರಾಜೇಶ್ ಪಳ್ಳಿಕೆರೆ ಪೂಜೆದ ವಿಧಿ ವಿಧಾನನ್ ಮಲ್ತೆರ್. ಜಸ್ಮಿತಾ ವಿವೇಕ್ ಮೆರೆನ ಮುತಾಲಿಕೆಡ್ ಭಜಕೆರ್ ಭಜನೆ ಪಂಡೆರ್. ಮಂಗಳಾರತಿರ್ದ್ ಬೊಕ್ಕ ಮಾತ ಭಕ್ತೆರೆಗ್ ಮಹಾಪ್ರಸಾದ ಪಟ್ಟಿಯೆರ್. ಪೂಜೆದ ಮಂಟಪೊನು ರಾಜೇಶ್ ಕುತ್ತಾರ್ ಬೊಕ್ಕ ಕೂಟದಕುಲು ಭಾರೀ ಪೊರ್ಲುಡು ಅಲಂಕಾರ ಮಲ್ತೆರ್.
ಶ್ರೀನಿವಾಸ ಕೋಟ್ಯಾನ್ ಮಲ್ತಿನ ಪೂಜೆಡ್ ದುರ್ಗಾ ಮಾತೆನ ಚಿತ್ರಗ್ ರಂಗ್ ದಿಂಜಾಯಿನ ಜೋಕುಲೆಗ್ ಉಡುಗಿರನ್ ಕೊರಿಯೆರ್. ಶ್ರೀ ರಾಜರಾಜೇಶ್ವರಿ ಭಜನಾ ಮಂಡಳಿಗ್ ಅಕ್ಲೆನ ನಿಸ್ವಾರ್ಥ ಸೇವೆ ಬೊಕ್ಕ ಕೊಡುಗೆಗಾದ್ ಮಾನಾದಿಗೆ ಮಲ್ತೆರ್. ಧರ್ಮೇಂದ್ರ ಬಂಗೇರ ಲೇಸ್ ಸುಧಾರಿಕೆ ಮಲ್ತೆರ್. ತೀಯಾ ಸಮಾಜ ಕುಟುಂಬದ ಅಧ್ಯಕ್ಷೆರ್ ರಾಜೇಶ್ ಪಳ್ಳಿಕೆರೆ ಮೇರ್ ಪೂಜೆನ್ ಮಲ್ತ್ ದ್, ಆಯಿಬೊಕ್ಕ ಶ್ರೀ ದುರ್ಗಾ ಪೂಜೆನ್ ಮಲ್ತೆರ್.
Dubai: Tiya family celebrate Durga pooja in a traditional way:
Dubai: The Tiya family based here celebrated Durga pooja in a traditional way on 16-10-2022 at the banquet hall of Fortune Plaza hotel in a traditional manner.
The women members lighted lamps and began the celebrations.
The customs and pooja rituals were conducted under the guidance of Raghu Bhat by Geeta Rajesh Pallikere.Bajans were sung under the leadership of Jasmitha Vivek.
Mahaprashad was distributed after the Mangalarathi.The pooja pandel was beautifully designed and decorated by Rajesh Kuttar and his team .
Picture of Durga Mata done by Srinivas Kotian was astically coloured by the children.Gifts were also distributed to the participants.
The Rajrajeshwari Bajana Mandel were honoured on the occasion.Darmendra Bangera compered the events .The president of Tiya Samaj family Rajesh Pallikere also participated in all the pooja rituals.
ಬೆದ್ರ : ನೇತಾಜಿ ಬ್ರಿಗೇಡ್ (ರಿ.) ನೆತ್ತ ವತಿರ್ದ್ ನಮ್ಮ ಪೆರ್ಮೆದ ಬೆದ್ರದ ರಾಣಿ ಅಬ್ಬಕ್ಕ ಪುಟ್ಟು ಬುಲೆತಿನ ಊರುದ ಮಣ್ಣ್ ದ ಸ್ವರಾಜ್ಯ ಮೈದಾನಡ್ ಇಪ್ಪುನ ಜೋಕುಲೆನ ಉದ್ಯಾನವನದ ಜಾಗೆಡ್ ತುಳುನಾಡ ಕೊಡಿನ್ ರಾಪಾದ್ ಧ್ವಜಸ್ತಂಬದ ಉದಿಪನನ್ ಮುಲ್ಕಿ- ಬೆದ್ರ ಶಾಸಕೆರ್ ಉಮಾನಾಥ ಎ. ಕೋಟ್ಯಾನ್ ಮಲ್ತೆರ್.
ತುಳುನಾಡ ಅಪ್ಪೆಗ್ ಪುಷ್ಪಾರ್ಚನೆ ಮಲ್ತ್ ದ್, ತುಳು ಬಾಸೆನ್ ಸಂವಿಧಾನದ ಆರ್ಟಿಕಲ್ 347 ಪ್ರಕಾರ ಅಧಿಕೃತ ಮಲ್ಪುನ ಬಗೆಟ್ ಬಿನ್ನಾಪು ನ್ ನೇತಾಜಿ ಬ್ರಿಗೇಡ್ ವತಿರ್ದ್ ಶಾಸಕೆರೆಗ್ ಕೊರ್ಯೆರ್. ಪುರಸಭೆತ ಗುರ್ಕಾರ್ಲು ಪ್ರಸಾದ್ ಕುಮಾರ್ ನಮ್ಮ ಕಾರ್ಯನ್ ಮೆಚ್ಚಿದ್ ಪಾತೆರಿಯರ್.
ಈ ಪೊರ್ತುಡು ಸ್ಥಾಯಿ ಸಮಿತಿ ಗುರ್ಕಾಲು ನಾಗರಾಜ್ ಪೂಜಾರ್ಲು, ವಾರ್ಡ್ ದ ಸದಸ್ಯೆರ್ ರಾಜೇಶ್ ನಾಯ್ಕ್, ಪುರಸಭೆ ಸದಸ್ಯೆರ್ ನವೀನ್ ಶೆಟ್ಟಿ, ಗಿರೀಶ್, ಲಕ್ಷ್ಮಣ್, ಯಶೋಧರ ಮಾರೂರು, ನಾಗೇಶ್ ಇರುವೈಲ್, ಬೊಕ್ಕ ಸ್ಥಳೀಯೆರ್ ಕಿಶೋರ್, ರಾಘವ ನೇತಾಜಿ ಬ್ರಿಗೇಡ್ ಸಂಚಾಲಕೆರ್ ರಾಹುಲ್ ಕುಲಾಲ್, ಪದಾಧಿಕಾರಿಲು ಶಶಿಕುಮಾರ್, ಅಭಿಷೇಕ್ ಸಾಲ್ಯಾನ್, ದಿನೇಶ್ ಶೆಟ್ಟಿ, ಶಿವಾನಂದ, ಶರತ್ ಕುಂದರ್, ನಿತ್ಯಾನಂದ ಕುಲಾಲ್, ಜಯಶ್ರೀ, ಪ್ರಕಾಶ್ ಸದಸ್ಯೆರ್ ಬೊಕ್ಕ ಸ್ಥಳೀಯೆರ್ ಇತ್ತೆರ್.
ಔರಂಗಾಬಾದ್ :ತುದೆಟ್ಟ್ ಮೀವೊಂದು ಇತ್ತಿನ ನಾಲ್ ಜನ ಪೊಣ್ಣುಲೆನ್ ರಕ್ಷಣೆ ಮಲ್ಪರೆ ಪೋಯಿನ ವ್ಯಕ್ತಿ ಒರಿ ಸೇರ್ದ್ ಒಟ್ಟು ಐನ್ ಜನ ತೀರ್ ಪೋಯಿನ ಘಟನೆ ಗೋಹ್ ಬ್ಲಾಕ್ ಡ್ ಐತಾರ ಮಧ್ಯಾಹ್ನ ಒಂಜಿ ಗಂಟೆದ ಪೊರ್ತುಡು ನಡತ್ಂಡ್.
ಉಫಾ ಪೊಲೀಸ್ ಠಾಣೆ ವ್ಯಾಪ್ತಿದ ಹಮೀದ್ ಪೇಂಟೆದ ಗ್ರಾಮಡ್ ಇಪ್ಪುನ ಪನ್ಪುನ್ ತುದೆತ್ತ ದ ಕುಸ್ಮಾರಾ ಘಾಟ್ ಡ್ ನಡತ್ಂಡ್. ನೀರ್ ಡ್ ತೀರ್ ಪೋಯಿನಕುಲೆನ್ ವಿಜಯ್ ಭಗತ್ ಮೇರೆನ ಮಗಲ್ ಕಾಜಲ್ ಕುಮಾರಿ (15), ಹರಿದ್ವಾರ ಭಗತ್ ಮೇರೆನ ಮಗಲ್ ಛೋಟಿ ಕುಮಾರಿ (12), ಗನೌರಿ ಭಗತ್ ಮೇರೆನ ಮಗಲ್ ಮನಿಶಾ ಕುಮಾರಿ (16), ಬಖೋರಿ ವಿಶ್ವಕರ್ಮ ಮೇರೆನ ಮಗಲ್ ನಿಧಿ ಕುಮಾರಿ (14) ಬೊಕ್ಕ ಪೊಣ್ಣುಲೆನ್ ರಕ್ಷಣೆ ಮಲ್ಪರೆ ಪೋಯಿನ ಶಂಕರ್ ಠಾಕೂರ್ (45 )ಪಂದ್ ತೆರಿದ್ ಬೈದ್ಂಡ್. ಈ ವಿಷಯ ತೆರಿನ ಕೂಡ್ಲೆ ಉಪಾಹ ಪೊಲೀಸ್ ಠಾಣೆದ ಮುಖ್ಯಸ್ಥೆರ್ ಮನೋಜ್ ಕುಮಾರ್ ತಿವಾರಿ ಕೂಟದಕುಲು ಬತ್ತ್ ದ್ ಅಕ್ಲೆನ್ ನಾಡಿಯೆರೆ ಸುರು ಮಲ್ದೆರ್. ನೆಟ್ ಪೊಣ್ಣುಲೆನ ಪುಣ ಪತ್ತೆ ಆತ್ಂಡ್ ಪಂದ್ ಎಸ್ಎಚ್ಒ ತೆರಿಪಾದೆರ್.
ಆಂಧ್ರಪ್ರದೇಶ: ಅಮರಾವತಿ ಬೊಕ್ಕ ಅರಸವಲ್ಲಿದ ರೈತೆರ್ ನಡಾಡವೊಂದು ಇತ್ತಿನ ಪೊರ್ಂಬಾಟದ ಪೊರ್ತುಡು ಒರಿ ಕೃಸಿಕೆ ತಿಗಲೆ ಬೇನೆ ಆದ್ ಬೂರಿಯೆರ್. ಈ ಪೊರ್ತುಡು ಅಲ್ಪ ಇತ್ತಿನ ಸರ್ಕಲ್ ಇನ್ಸ್ಪೆಕ್ಟರ್ ರಹಮೇಂದ್ರ ವರ್ಮಾ ಮೇರ್ ಸುರುತ ಚಿಕಿತ್ಸೆ ಕೊರ್ದು ಪ್ರಾಣ ಒರಿತಿನ ವಿಡಿಯೋ ಸಾಮಾಜಿಕ ಜಾಲತಾಣಡ್ ವೈರಲ್ ಆತ್ಂಡ್.
ರಹಮೇಂದ್ರ ವರ್ಮಾ ಮೇರ್ ಸಿಪಿಆರ್ ಮಲ್ತಿನಗ ರೈತಗ್ ಪ್ರಜ್ಞೆ ಬತ್ತ್ಂಡ್. ಅಪಗನೇ ಅಂಬುಲೆನ್ಸ್ ಗ್ ಪೋನ್ ಮಲ್ತ್ ದ್ ಕೂಡ್ಲೆ ಆಸ್ಪತ್ರೆಗ್ ದಾಖಲ್ ಮಲ್ತಿನ ವಿಡಿಯೋನ್ ಐಪಿಎಸ್ ಅಧಿಕಾರಿ ದೀಪಾಂಶು ಕಬ್ರಾ ಮೇರ್ ಸಾಮಾಜಿಕ ಜಾಲತಾಣಡ್ ಪೋಸ್ಟ್ ಮಲ್ತ್ ದ್, ಮೇರೆನ ಸಮಯಪ್ರಜ್ಞೆ ಕರ್ತವ್ಯಗ್ ಏತ್ ಕೃತಜ್ಞತೆ ಪಂಡಲ ಕಮ್ಮಿಯೆ ಪಂದ್ ದೀಪಾಂಶು ಬರೆತೆರ್.
