Times Of Kuda

ತಿರುಪತಿಡ್ ಇಸೇಸ ಟಿಕೆಟ್

ತಿರುಮಲ ಶ್ರೀವಾರಿ ವೈಕುಂಠ ದ್ವಾರ ದರ್ಶನದ ಟಿಕೆಟ್ ಲೆನ್ ಟಿಟಿಡಿ ಇನಿ ಬೊಲ್ಪುಗು 9 ಗಂಟೆಗ್ ಬುಡುಗಡೆ ಮಲ್ತ್ಂಡ್.

ಜನವರಿ 1 ರ್ದ್ 11 ಮುಟ್ಟ ರೂ. 300 ಗ್ ಇಸೇಸ ಪ್ರವೇಶ ದರ್ಶನ ಕೋಟಾ ಆನ್ ಲೈನ್ ಟಿಕೆಟ್ ಲೆನ್ ಬುಡುಗಡೆ ಮಲ್ದ್ಂಡ್. ದಿನಕ್ 20 ಸಾರದಲೆಕ್ಕ 10 ದಿನ ಮುಟ್ಟ 2 ಲಕ್ಷ ಟಿಕೆಟ್ ಲು ಆನ್ ಲೈನ್ ಡ್ ತಿಕ್ಕುಂಡು. ಟಿಕೆಟ್ ಇತ್ತಿನಕ್ಲೆಗ್ ಮಾತ್ರ ದರ್ಶನ ಪಡೆವೊಲಿ.

Special tickets sale at Tirupati

The Tirumala Srivari Vaikunta Dwara Dharshan tickets have been put up for sale by TTD from today morning 9 a.m onwards.

The tickets available online costing rupees 300 each are for special entry from the 1 St of January to the 11 th of January.There will be 20,000 tickets available for a day, with about two lakh tickets available for ten days.Entry is available only for persons with these tickets.

ಎರ್ಮಾಳ್ ತೆಂಕ ದೇವಿ ಫ್ರೆಂಡ್ಸ್ ಕ್ಲಬ್ ಮುತಾಲಿಕೆಡ್ ಎಳ್ಳಮಾಸೆದ ಪ್ರಯುಕ್ತ ಯಕ್ಷಗಾನ ಸೇವೆ

ಎರ್ಮಾಳ್ : ದೇವಿ ಫ್ರೆಂಡ್ಸ್ ಕ್ಲಬ್ ಎರ್ಮಾಳ್ ತೆಂಕ ಈ ಕೂಟದ ಜವನೆರ್ ಊರ ಪರವೂರ ದಾನಿಲೆನ ಸಕಾಯೊಡು ಎಳ್ಳಮಾಸೆದ ಲೆಕ್ಕೊಡು ಗುರುವಾರ ರಾತ್ರೆಗ್ “ಕಾರ್ಣಿಕದ ಪಂಚ ದೈವೊಲು” ಪನ್ಪಿನ ಯಕ್ಷಗಾನ ಸೇವೆ ಬೊಕ್ಕ ಸಾರ್ವಜನಿಕ ಅನ್ನದಾನ ನಡತ್‌ಂಡ್.

ಈ ಜವನೆರ್ ನ ಕೂಟದಕುಲು ಪ್ರತಿ ವರ್ಷಲ ಎಳ್ಳಮಾಸೆ ದ ಲೆಕ್ಕೊಡು ಅಪ್ಪೆ ಬಪ್ಪನಾಡ್ ದ ಶ್ರೀ ದುರ್ಗಾಪರಮೇಶ್ವರಿ ದೇವಿನ ಗೆಜ್ಜೆ ಸೇವೆ ಮಲ್ತೊಂದು ಬರೊಂದುಲ್ಲೆರ್ .

ಅನ್ನದಾನೊಡು ಸುಮಾರ್ 1 ಸಾರ ಜನ ಮುಟ್ಟ ಸೇರ್ದಿತ್ತೆರ್.
ಅಂಚೆನೆ ಈ ಕೂಟದ ಜವನೆರ್ ಒವ್ವೆ ರೀತಿದ ಪ್ರಚಾರ ದಾಂತೆ ಬಡಪತ್ತ್ ದಕ್ಲೆನ, ಹುಷಾರ್ ಇಜ್ಜಾಂದಿನಕ್ಲೆನ ಸೇವೆಲ ಮಲ್ತೊಂದು ಉಲ್ಲೆರ್ .
ಈ ಕೂಟದಕ್ಲೆರ್ದ್ ನನಲಾತ್ ಎಡ್ಡೆ ಬೇಲೆ ಆವಡ್ ಪಂದ್ ನಮ ಮಾತ ಆ ದೇವೆರ್ಡ ಸುಗಿತೊನುವ.

ವಿಧಾನಪರಿಷತ್ ಉಪ ಸಭಾಪತಿಯಾದ್ ಎಂ ಕೆ ಪ್ರಾಣೇಶ್ ಆಯ್ಕೆ

ಬೆಳಗಾವಿ: ರಾಜ್ಯ ವಿಧಾನ ಪರಿಷತ್ ಉಪ ಸಭಾಪತಿಯಾದ್ ಬಿಜೆಪಿ ನಾಯಕೆರ್ ಎಂ ಕೆ ಪ್ರಾಣೇಶ್ ಆಯ್ಕೆ ಆತೆರ್.

ಮೆರೆನ ಪರ 39 ಸದಸ್ಯೆರ್ ವೋಟ್ ಪಾಡ್ದೆರ್. 26 ಸದಸ್ಯೆರ್ ವಿರುದ್ಧವಾದ್ ವೋಟ್ ಪಾಡ್ದೆರ್. ಪೊಸ ಉಪ ಸಭಾಪತಿ ಎಂ ಕೆ ಪ್ರಾಣೇಶ್ ಮೆರೆಗ್ ಮುಖ್ಯಮಂತ್ರಿ ಬೊಮ್ಮಾಯಿ ಸೊಲ್ಮೆ ಸಂದಾದೆರ್.

Vidhana Parishad Deputy speaker is M K Pranesh

Belgaum: BJP leader M K Pranesh has been elected as the deputy speaker of the state Vidhana Parishad.

He polled 39 votes, with 26 votes against him.
The CM Basavaraj Bommai conveyed his wishes to the new deputy speaker M K Pranesh.

ಶುದ್ಧ ಜಲ, ಸ್ವಚ್ಛ ನೆಲ ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್

ಮಣಿಪಾಲ: ರೇಡಿಯೋ ಮಣಿಪಾಲ್ 90.4 mhz, ಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಲೂರ್ ನೆತ್ತ ಮುತಾಲಿಕೆಡ್ ಶುದ್ಧ ಜಲ, ಸ್ವಚ್ಛ ನೆಲ ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್ ಡಿ.23 ಶುಕ್ರಾರ ಬಯ್ಯಗ್ 6 ಗಂಟೆಗ್ ರಾಷ್ಟ್ರೀಯ ರೈತೆರೆನ ದಿನತ ಅಂಗವಾದ್, ಕೃಷಿಟ್ ನೀರ್ ದ ಸಂರಕ್ಷಣೆ ಬಗೆಟ್ ಪ್ರಸಾರ  ಆಪುಂಡು.

ಈ ಲೇಸ್ ಡ್ ಬ್ರಹ್ಮಾವರ ಕೃಷಿ ವಿಜ್ಞಾನ ಕೇಂದ್ರದ ಮಣ್ಣ್ ವಿಜ್ಞಾನಿ ಡಾ.ಜಯಪ್ರಕಾಶ್ ಆರ್ ಪಾಲ್ ಪಡೆಯೆರೆ ಉಲ್ಲೆರ್. ಡಿ.24 ಕ್ ಮಧ್ಯಾಹ್ನ 2 ಗಂಟೆಗ್ ಮರುಪ್ರಸಾರ ಆಪುಂಡು.

ಡಾ. ಶಿವರಾಮ ಕಾರಂತ ಬಾಲ ಪುರಸ್ಕಾರಗ್ ಸುನಿಧಿ ಅಜೆಕಾರ್ ಆಯ್ಕೆ

ಅಜೆಕಾರ್: ಕೋಟ ಡಾ. ಶಿವರಾಮ ಕಾರಂತ ಹುಟ್ಟೂರ ಪ್ರಶಸ್ತಿ (ರಿ.) ಬೊಕ್ಕ ಕೋಟತಟ್ಟು ಗ್ರಾಮ ಪಂಚಾಯತಿ ಕೊರ್ಪುನ ಡಾ. ಶಿವರಾಮ ಕಾರಂತ ಬಾಲ ಪುರಸ್ಕಾರಗ್ ಕಾರ್ಲ ತಾಲೂಕ್ ರ್ದ್ ಅಜೆಕಾರ್ ಸರಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆದ ಸುನಿಧಿ ಅಜೆಕಾರ್ ಆಯ್ಕೆ ಆತೆರ್.

ಸ್ಯಾಕ್ಸೋಪೊನ್ ಕಲಾವಿದೆರಾಯಿನ ಪ್ರೀತಮ್ ಮುದ್ರಾಡಿ, ಸಂಜಿತ್ ಗಂಗೊಳ್ಳಿ ಸೇರ್ದ್ 20 ಪ್ರಾಥಮಿಕ ಶಾಲೆದ ಪ್ರತಿಭಾನ್ವಿತರೆನ್ ಆಯ್ಕೆ ಮಲ್ದೆರ್ ಪಂದ್ ಡಾ. ಕಾರಂತ ಪ್ರತಿಷ್ಠಾನದ ಕಾರ್ಯಧ್ಯೆಕ್ಷೆರ್ ಆನಂದ ಸಿ.ಕುಂದರ್, ಕಾರ್ಯದರ್ಶಿ ನರೇಂದ್ರ ಕುಮಾರ್ ಕೋಟ, ಪಂಚಾಯತಿ ಅಧ್ಯಕ್ಷೆರ್ ಅಶ್ವಿನಿ ದಿನೇಶ್, ಇಸೇಸ ಕರ್ತವ್ಯ ಅಧಿಕಾರಿ ಪೂರ್ಣಿಮಾ ಮೆರೆನ ಸಂಯುಕ್ತ ಪ್ರಕಟಣೆ ತೆರಿಪಾದೆರ್. ಅಖಿಲ ಕರ್ನಾಟಕ ಬೆಳದಿಂಗಳ ಸಾಹಿತ್ಯ ಸಮ್ಮೇಳನ ಸಮಿತಿದ ಜೋಕುಲೆನ ವಿಭಾಗದ ಸಂಚಾಲಕೆರಾದ್, ಬೊಂಬೈ, ಚಿತ್ರದುರ್ಗ, ಕಾಸ್ರೋಡು, ಕಿನ್ನಿಗೋಳಿ, ಕುಡ್ಲ, ಒಡಿಪು, ಮೈಸೂರ್, ಉಬಾರ್ ಸೇರ್ದ್ ಸುಮಾರ್ ತಿಕ್ ಡ್ ಲೇಸ್ ಕೊರ್ತೆರ್. ಚೈತನ್ಯಶ್ರೀ ಕರುನಾಡ ರತ್ನ, ಪ್ರತಿಭಾ ಚೇತನ ಪ್ರಕೃತಿ ಕಲಾ ರತ್ನ ಗೌರವಲೆಗ್ ಪಾತ್ರರಾತೆರ್. ಮೇರ್ ಪತ್ರಕರ್ತೆರ್ ಡಾ. ಶೇಖರ ಅಜೆಕಾರ್ ಬೊಕ್ಕ ಸೌಮ್ಯಶ್ರೀ ದಂಪತಿಲೆನ ಮಗೆ .

ಕುಕ್ಕೆ ಸುಬ್ರಹ್ಮಣ್ಯ ಕುಮಾರಸ್ವಾಮಿ ವಿದ್ಯಾಲಯಡ್ ಬೊಲ್ಲಿ ಪರ್ಬದ ಗೌಜಿ “ಕುಮಾರ ಪರ್ವ”

ಕುಕ್ಕೆ ಸುಬ್ರಹ್ಮಣ್ಯ : ಶಿಕ್ಷಣಪ್ರೇಮಿ, ಉದ್ಯಮಿ ಕುಮಾರ ನಾಯರ್ ಮೇರ್ ಸುರು ಮಲ್ದಿನ ಕುಮಾರಸ್ವಾಮಿ ವಿದ್ಯಾಲಯ ಪನ್ಪಿನ ಒಂಜಿ ಎಲ್ಯ ಶಿಕ್ಷಣ ಸಂಸ್ಥೆ ಆರೆನ ಅಂಚೆನೆ ಅರೆನ ಜೋಕ್ಲೆನ ಎಡ್ಡೆ ಗುಣೊರ್ದಾತ್ರ ಇತ್ತೆ ಮಲ್ಲ ಮರತಲೆಕ್ಕ ಬುಲೆದ್ಂಡ್ ಪಂದ್ ಶ್ರೀ ಸಂಪುಟ ನರಸಿಂಹ ಸ್ವಾಮಿ ಶ್ರೀ ಸುಬ್ರಹ್ಮಣ್ಯ ಮಠತ್ತ ಪೀಠಾಧಿಪತಿ ಶ್ರೀ ಶ್ರೀ ವಿದ್ಯಾಪ್ರಸನ್ನ ತೀರ್ಥ ಸ್ವಾಮೀಜಿ ಪಂಡೆರ್.

ಕುಕ್ಕೆ ಸುಬ್ರಹ್ಮಣ್ಯದ ಅನುಗ್ರಹ ಎಜ್ಯುಕೇಶನ್ ಟ್ರಸ್ಟ್ ಮುತಾಲಿಕೆದ ಕುಮಾರಸ್ವಾಮಿ ವಿದ್ಯಾಲಯದ ರಜತ ಸಂಭ್ರಮ ಲೇಸ್ “ಕುಮಾರ ಪರ್ವ- 2022” ಪರ್ವದ ರಡ್ಡನೇ ದಿನತ್ತ ಲೇಸ್ ಡ್ ಆರ್ ಆಶೀರ್ವಚನ ಕೊರಿಯೆರ್. ಕುಮಾರ ಪರ್ವ ಸ್ಮರಣ ಸಂಚಿಕೆನ್ ಸಹಕಾರ ರತ್ನ ಪ್ರಶಸ್ತಿ ಪುರಸ್ಕೃತೆರ್ ನಿತ್ಯಾನಂದ ಮುಂಡೋಡಿ ಬುಡುಗಡೆ ಮಲ್ತೆರ್. ಉಂದುವೇ ಪೊರ್ತುಡು ಮೆರೆನ್ ಸಂಸ್ಥೆದ ವತಿರ್ದ್ ಮಾನಾದಿಗೆ ಮಲ್ತೆರ್. ವಿದ್ಯಾರಶ್ಮಿ ಸಮೂಹ ವಿದ್ಯಾಸಂಸ್ಥೆದ ಅಧ್ಯಕ್ಷೆರ್ ಕೆ. ಸೀತಾರಾಮ್ ರೈ ಬೂಕುದ ಮಂಟಪ ಉದಿಪನ ಮಲ್ತ್ ದ್, ಲೇಸ್ ದ ಅಧ್ಯಕ್ಷತೆನ್ ಒಯಿಸೊಂದು ಕುಮಾರ ನಾಯರ್ ಆರೆನೊಟ್ಟಿಗೆ ಇಪ್ಪುನ ನೆಂಪುಲೆನ್ ತೆರಿಪಾಯೆರ್.

ಭಾರತೀಯ ಕಾರ್ಯನಿರತ ಪತ್ರಕರ್ತೆರೆನ ಸಂಘದ ಕಾರ್ಯಕಾರಿಣಿ ಸದಸ್ಯೆರ್ ಪಿ.ಬಿ ಹರೀಶ್ ರೈ ಕುಮಾರ ನಾಯರ್ ಬಗೆಟ್ ಸಂಸ್ಮರಣ ಪಾತೆರನ್ ಪಾತೆರಿಯೆರ್. ಸುಬ್ರಹ್ಮಣ್ಯಗ್ ಗಣನೀಯ ಕೊಡುಗೆ ಕೊರ್ನ ಅಕ್ಲೆನ ಪುದರ್ ನ್ ಸುಬ್ರಹ್ಮಣ್ಯದ ಒವೊಂಡಾಲ ಮಾರ್ಗಗ್ ನಾಮಕರಣ ಮಲ್ಪೆರೆ ಕೈತಲ್ ದ ಆಡಳಿತ ಮನಸ್ ಮಲ್ಪೊಡು ಪಂದ್ ಪಂಡೆರ್.

ಸ್ಮರಣ ಸಂಚಿಕೆ ಸಂಪಾದಕೆರ್ ದುರ್ಗಾಕುಮರ್ ನಾಯರ್ ಕೆರೆ ಸಂಚಿಕೆ ಬಗೆಟ್ ಪಾತೆರಿಯೆರ್. ಈ ಪೊರ್ತುಡು ಅನುಗ್ರಹ ಎಜುಕೇಶನ್ ಟ್ರಸ್ಟ್ ಅಧ್ಯಕ್ಷೆರ್ ಗಣೇಶ್ ಪ್ರಸಾದ್ ಎನ್, ಕುಮಾರಸ್ವಾಮಿ ವಿದ್ಯಾಲಯದ ಸಂಚಾಲಕೆರ್ ಚಂದ್ರಶೇಖರ ಎನ್.ಕೆ, ರಜತ ಉಚ್ಚಯ ಸಮಿತಿದ ಅಧ್ಯಕ್ಷೆರ್ ಶಿವರಾಮ ಏನಕೆಲ್, ಸಂಸ್ಥೆದ ಸಿ.ಎ ನರೇಂದ್ರ ಪೈ, ಶಾಲಾ ಮುಖ್ಯ ಶಿಕ್ಷಕೆರ್ ವಿದ್ಯಾರತ್ನ ಎಚ್, ಪದವಿ ಪೂರ್ವ ಕಾಲೇಜ್ ಪ್ರಾಂಶುಪಾಲೆರ್ ಡಾ. ಸಂಕೀರ್ತ್ ಹೆಬ್ಬಾರ್, ಶಿಕ್ಷಕ ರಕ್ಷಕ ಸಂಘದ ಅಧ್ಯಕ್ಷೆರ್ ಪ್ರಸಾದ್ ಮುನಿಯಂಗಳ, ಶಾಲಾ ಆಡಳಿತ ಮಂಡಳಿ ಸದಸ್ಯೆರಾಯಿನ ಡಾ. ಜಿತೇಶ್, ರವಿ ಕಕ್ಕೆಪದವು, ಶಿಕ್ಷಕೆರ್ ಉಮೇಶ್ ಶೆಟ್ಟಿ, ಹಿರಿಯ ವಿದ್ಯಾರ್ಥಿ ಸಂಘದ ಅಧ್ಯಕ್ಷೆರ್ ತೀರ್ಥೇಶ್ ಪಾರೆಪ್ಪಾಡಿ ಇತ್ತೆರ್. ಶಿವರಾಮ ಎನೆಕಲ್ಲು ಎದ್ಕೊನಿಯೆರ್. ಶರ್ಮದಾ ಸೊಲ್ಮೆ ಸಂದಾಯೆರ್. ಕಲ್ಪಾರ್ಥಿಲಾಯಿನ ಅದಿತಿ, ಮಹತಿ ಬೊಕ್ಕ ಬಿಂದು ಲೇಸ್ ದ ಸುಧಾರಿಕೆ ಮಲ್ತೆರ್. ನಿವೇದ್ಯ ಆರ್ ಸ್ಮರಣ ಸಂಚಿಕೆಡ್ ಇಪ್ಪುನ ಕುಮಾರ್ ನಾಯರ್ ಬಗೆತ ಗಣ್ಯೆರೆನ ಒಡನಾಟದ ಬರವುಲೆನ್ ತೆರಿಪಾಯೆರ್.

ವರದಿ:ಗೋಪಿಚಂದನ್ ಕೆ.ಎಸ್.

ಪದ್ಮಪ್ರಶಸ್ತಿ ಪಡೆಯಿನ ಗೂಗಲ್ ಸಿಇಒ

ಗೂಗಲ್ ಬೊಕ್ಕ ಆಲ್ಫಾಬೆಟ್ ಸಿಇಒ ಸುಂದರ್ ಪಿಚೈ, ರಾಷ್ಟ್ರಪತಿ ದ್ರೌಪದಿ ಮುರ್ಮು ಮೆರೆರ್ದ್ ಪದ್ಮಭೂಷಣ ಪ್ರಶಸ್ತಿ ದೆತೊಂಡೆರ್.

ರಾಷ್ಟ್ರಪತಿ ಭವನಡ್ ನಡತಿನ ಈ ಭೇಟಿದ ಪೊರ್ತುಡು ಪಿಚೈ ಮೆರೆನ್ ಭಾರತೀಯ ಪ್ರತಿಭೆ ಬೊಕ್ಕ ಬುದ್ಧಿವಂತಿಕೆದ ಪ್ರತೀಕ ಪಂದ್ ರಾಷ್ಟ್ರಪತಿಲು ಪಂಡೆರ್. ಈ ಪೊರ್ತುಡು ದೇಶಡ್ ಸಾರ್ವತ್ರಿಕ ಡಿಜಿಟಲ್ ಸಾಕ್ಷರತೆಗಾದ್ ಬೆನೊಡು ಪಂದ್ ಸುಂದರ್ ಪಿಚೈ ಮೆರೆನ್ ರಾಷ್ಟ್ರಪತಿಲು ಒತ್ತಾಯ ಮಲ್ತೆರ್.

ಕಲ್ವ ತಾದಿಡ್ ಡ್ರಗ್ಸ್ ಕೊನೊಂದು ಇತ್ತಿನ ನಾಲ್ ಜನ ಆರೋಪಿಲು ಅರೆಸ್ಟ್

ಉಳ್ಳಾಲ: ಬೆಂಗ್ಲೂರುರ್ದು ಕುಡ್ಲದ ನರಿಂಗಾನ ಗ್ರಾಮದ ತೌಡುಗೋಳಿ ಕಡೆಕ್ ಮಾರುತಿ ಆಲ್ಟೊ ಕಾರ್ ಡ್ ಕಲ್ವ ತಾದಿಡ್ ಕೊನೊಂದು ಇತ್ತಿನ 2 ಲಕ್ಷ ರೂ. ಬಿಲೆತ ಎಂಡಿಎಂಎ ಬೊಕ್ಕ ಗಾಂಜಾನ್ ಕೊಣಾಜೆ ಪೊಲೀಸೆರ್ ಕಾರ್ಯಾಚರಣೆ ನಡಪಾದ್ ವಶಕ್ ಪಡೆದ್ ನಾಲ್ ಜನ ಆರೋಪಿಲೆನ್ ಶನಿಯಾರ ರಾತ್ರೆ ಬೋಳಿಯಾರ್‌ಡ್ ರೈಡ್ ಮಲ್ತ್ ದ್ ಅರೆಸ್ಟ್ ಮಲ್ತೆರ್.

ನರಿಂಗಾನ ಗ್ರಾಮದ ನಿವಾಸಿಲಾಯಿನ ಮೊಯ್ದಿನ್‌ ಹಫೀಜ್‌ (36) ಮಹಮ್ಮದ್‌ ಸಿರಾಜ್‌ (43) ಅಡ್ಯಾರ್‌ ಕಟ್ಟೆ, ವಳಚ್ಚಿಲ್‌ ನಿವಾಸಿ ಇಕ್ಬಾಲ್‌ (30) ಕೋಡಿಕಲ್‌, ಅಶೋಕ ನಗರ ನಿವಾಸಿ ಮಹಮದ್‌ ಅಝೀಜ್‌ (33) ಅರೆಸ್ಟ್ ಆಯಿನ ಆರೋಪಿಲು. ಕೊಣಾಜೆ ಠಾಣಾ ಪಿ.ಎಸ್‌ಐ ಶರಣಪ್ಪ ಮುತಾಲಿಕೆಡ್ ನಡತಿನ ರೈಡ್ ಡ್ ಸಿಬಂದಿಲಾಯಿನ ಶಿವಕುಮಾರ್‌, ಪುರುಷೋತ್ತಮ್‌, ಶೈಲೇಂದ್ರ, ದೀಪಕ್‌, ಸುರೇಶ್‌, ಹೇಮಂತ್‌, ಗೌಸ್‌, ಅನಿಲ್‌, ಚಂದ್ರ ಕಾಂತ್‌, ಬರಮ ಬಡಿಗೇರ್‌ ಇತ್ತೆರ್.

ಪೊಣ್ಣು ಬಾಲೆಗ್ ನಾಲ್ ಕಾರ್!

ಮಧ್ಯಪ್ರದೇಶ: ಆರತಿ ಕುಶ್ವಾಹ ಪನ್ಪುನ ಪೊಂಜೋವ್ ನಾಲ್ ಕಾರ್ ದ ಪೊಣ್ಣು ಬಾಲೆಗ್ ಜನ್ಮ ಕೊರ್ನ ಘಟನೆ ಮಧ್ಯಪ್ರದೇಶದ ಗ್ವಾಲಿಯರ್ ಜಿಲ್ಲೆಡ್ ನಡತ್ಂಡ್.

ಈ ಬಾಲೆ ಪುಟ್ಟಿನ ಬೊಕ್ಕ ನೆತ್ತ ತೂಕ 2.3 ಕೆ.ಜಿ ಇತ್ ದ್, ಆರೋಗ್ಯವಾದ್ ಉಂಡು ಪಂದ್ ವೈದ್ಯೆರ್ ತೆರಿಪಾದೆರ್. ಈ ಬಗೆಟ್ ಜಯರೋಗ್ಯ ಆಸ್ಪತ್ರೆ ಸಮೂಹದ ಸೂಪರಿಂಟೆಂಡೆಂಟ್ ಡಾ.ಆರ್.ಕೆ.ಎಸ್.ಧಕಡ್ ಪಾತೆರ್ದ್, ಈ ಬಾಲೆ ಬುಲೆಪುನ ಪೊರ್ತುಡು ಕೆಲವು ಭ್ರೂಣಲು ಹೆಚ್ಚಾಪುಂಡು. ನೆನ್ ವೈದ್ಯಕೀಯ ವಿಜ್ಞಾನದ ಭಾಷೆಡ್ ಇಶಿಯೋಪಾಗಸ್ ಪಂದ್ ಲೆಪ್ಪುವೆರ್. ಭ್ರೂಣ ರಡ್ಡ್ ಭಾಗವಾದ್ ವಿಭಜನೆ ಆನಗ, ಈ ಪೊಣ್ಣು ಬಾಲೆದ ಸೊಂಟದ ತಿರ್ತ್ ಭಾಗಡ್ ರಡ್ಡ್ ಕಾರ್ ಅಭಿವೃದ್ಧಿ ಆತ್ಂಡ್. ಆಂಡ ಈ ಕಾರ್ ಲೆಗ್ ಬಲ ಇಜ್ಜಿ ಪಂದ್ ಪಂಡೆರ್.

ಕೊತ್ತಂಬರಿ ತೊಪ್ಪು ದ ನಡುಟ್ಟು ಗಾಂಜಾ ಬುಲೆಪಾಯಿನ ಆರೋಪಿ ಅರೆಸ್ಟ್

ಹನೂರು: ಚಿಕ್ಕಮಲಾಪುರ ಗ್ರಾಮದ ಸರೋಜಮ್ಮ ಪನ್ಪುನರೆನ ಜಮೀನ್ ಡ್ ಕಂಡಯ್ಯನಪಾಳ್ಯ ಗ್ರಾಮದ ಹನುಮೇಗೌಡ (40) ಪನ್ಪುನಾರ್ ಗುತ್ತಿಗೆ ದೆತೊಂದು ಕೊತ್ತಂಬರಿ ತೊಪ್ಪು ದ ನಡುಟ್ಟು ಗಾಂಜಾದ ದೈ ಬುಲೆಪಾಯಿನ ಸಂಗತಿ ಗೊತ್ತಾ ತ್ಂಡ್.

ಈ ಇಸಯ ತೆರಿದ್ ಕೊಳ್ಳೇಗಾಲ ವಲಯದ ಅಬಕಾರಿ ನಿರೀಕ್ಷಕೆರಾಯಿನ ಸುನೀಲ್ ಬೊಕ್ಕ ಸಿಬ್ಬಂದಿಲು ರೈಡ್ ಮಲ್ತ್ ದ್, ಜಮೀನ್ ಡ್ ಬುಲೆದ್ ಇತ್ತಿನ 348 ಗ್ರಾಂ ತೂಕದ ಒಂಜಿ ಗಾಂಜಾದ ದೈ ಬೊಕ್ಕ ಆರೋಪಿನ್ ವಶಕ್ ಪಡೆದ್ ಎನ್ ಡಿಪಿಎಸ್ ಕಾಯ್ದೆಯಡಿಟ್ ಮೊಕದ್ದಮೆ ದಾಖಲ್ ಮಲ್ತ್ ದ್, ಅರೆಸ್ಟ್ ಮಲ್ದೆರ್. ಈ ಪೊರ್ತುಡು ಅಬಕಾರಿ ಉಪನಿರೀಕ್ಷಕೆರಾಯಿನ ಸಿದ್ದಯ್ಯ, ಪೇದೆಲಾಯಿನ ಸಿದ್ದರಾಜು ಬಿ, ರಮೇಶ್ ಎಂ ಬೊಕ್ಕ ಪ್ರದೀಪ್ ಕುಮಾರ್ ಕೆ. ಇತ್ತೆರ್.