Mangalore

ಕಲ್ಯಾಣಪುರ ಗ್ರಾಮ ಕಾವೇರಿಜಿಡ್ಡ – 20 ಎಕರೆ ಹಡಿಲು ಭೂಮಿ ಕೃಷಿ ನಾಟಿಗ್ ಚಾಲನೆ

ಜೂನ್ 18: ಹಡಿಲು ಭೂಮಿ ಕೃಷಿ ಅಂದೋಲನ”ದಡಿ ಕೇದಾರೋತ್ಥಾನ ಟ್ರಸ್ಟ್ ಮುಖೇನ ಕಲ್ಯಾಣಪುರ ಗ್ರಾಮ ಪಂಚಾಯತ್ ವ್ಯಾಪ್ತಿಡ್ ಸುಮಾರ್ 50 ಎಕರೆ ಹಡಿಲು ಭೂಮಿನ್ ಸಾವಯುವ ಕೃಷಿ ಮಲ್ತೊಂದು ಉಲ್ಲೆರ್ , ಇನಿ ತಾರೀಖ್ 18-06-2021 ದಾನಿ ಕಲ್ಯಾಣಪುರ ಗ್ರಾಮ ಪಂಚಾಯತ್ ವ್ಯಾಪ್ತಿದ ಕಾವೇರಿಜಿಡ್ಡ ಸಾಧು ಪೂಜಾರಿ ಮೆರ್ನ ಇಲ್ಲದ ಕೈತಲ್ 20 ಎಕರೆ ಹಡಿಲು ಭೂಮಿ ಕೃಷಿತ ನಾಟಿ ಕಾರ್ಯನ್ ಉದಿಪನ ಮಲ್ತೆರ್.

ಅತಿ ವಂದನೀಯ ಬಿಷಪ್ ಜೆರಾಲ್ಡ್ ಐಸಾಕ್ ಲೋಬೋ , ಒಡಿಪು ಜಿಲ್ಲಾ ಬಿಲ್ಡರ್ಸ್ ಅಸೋಸಿಯೇಷನ್ ಗುರ್ಕಾರ್ಲಾಯಿನ ಜೆರ್ರಿ ವಿನ್ಸೆಂಟ್ ಡಯಾಸ್, ಕಲ್ಯಾಣಪುರ ವೆಂಕಟರಮಣ ದೇವಸ್ಥಾನದ ಆಡಳಿತ ಮೊಕ್ತೇಸರೆರಾಯಿನ ಪದ್ಮನಾಭ ಕಿಣಿ, ಮೌಂಟ್ ರೋಸರಿ ಚರ್ಚ್ ಧರ್ಮಗುರುಕುಲಾಯಿನ ಲೆಸ್ಲಿ ಡಿಸೋಜಾ, ಮಿಲಾಗ್ರಿಸ್ ಚರ್ಚ್ ಧರ್ಮ ಗುರುಕುಲಾಯಿನ ವಲೇರಿಯನ್ ಮೆಂಡೋನ್ಸಾ, ರೋಮಿಯೋ ಲೂಯಿಸ್ ಪೆರಂಪಳ್ಳಿ ಚರ್ಚ್ ಮೆಕ್ಲೆನೊಟ್ಟಿಗೆ ಶಾಸಕ ಶ್ರೀ ಕೆ. ರಘುಪತಿ ಭಟ್ ಮೇರ್ ಭೂಮಿಯಪ್ಪೆಗ್ ಪೇರ್ ಮೈಪುನ ಮುಖೇನ ಉದಿಪನ ಮಲ್ತೆರ್.

ಈ ಪೊರ್ತುಡು ಕಲ್ಯಾಣಪುರ ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಕೃಷ್ಣ ದೇವಾಡಿಗ, ಒತ್ತು ಗುರ್ಕಾರ್ಲಾಯಿನ ಉದಯ್ ಪೂಜಾರಿ, ಕೇದಾರೋತ್ಥಾನ ಟ್ರಸ್ಟ್ ದ ಪ್ರಧಾನ ಕಾರ್ಯದರ್ಶಿಲಾಯಿನ ಮುರಳಿ ಕಡೆಕಾರ್, ಕೋಶಾಧಿಕಾರಿಲಾಯಿನ ರಾಘವೇಂದ್ರ ಕಿಣಿ, ಸದಸ್ಯೆರಾಯಿನ ದಿನಕರ್ ಬಾಬು, ಸ್ಥಳೀಯೆರಾಯಿನ ಸಾಧು ಪೂಜಾರಿ, ಕಲ್ಯಾಣಪುರ ಗ್ರಾಮ ಪಂಚಾಯತ್ ಸದಸ್ಯೆರ್ , ಮಾಜಿ ಸದಸ್ಯೆರ್ ಬೊಕ್ಕ ಕೃಷಿ ಅಂಚನೇ ತೋಟಗಾರಿಕೆ ವಿಶ್ವವಿದ್ಯಾಲಯ ಶಿವಮೊಗ್ಗ ಬೊಕ್ಕ ವಲಯ ಕೃಷಿ ಬೊಕ್ಕ ತೋಟಗಾರಿಕೆ ಸಂಶೋಧನಾ ಕೇಂದ್ರ ಬ್ರಹ್ಮಾವರದ ಪೆರಿಯ ಕ್ಷೇತ್ರ ಅಧಿಕಾರಿಲಾಯಿನ ಶಂಕರ್, ಪಂಚಾಯತ್ ಅಭಿವೃದ್ಧಿ ಅಧಿಕಾರಿಲಾಯಿನ ಯೋಗಿತಾ ಬೊಕ್ಕ ಕೈತಲ್ ದ ಸಂಘ ಸಂಸ್ಥೆದ ಸದಸ್ಯೆರ್ , ಕೃಷಿಕೆರ್ , ಪ್ರಮುಖೇರ್ ಪಾಲ್ ಪಡೆದಿತ್ತೆರ್.